15. maí í lit og mannfræðistúdía

Reykjavík var litsksrúðugri  í gær en oftast á þessum tíma á vorin.  Í gær var Alþjóðlegur dagur fjölskyldunnar. Ekki vissi ég neitt um hann. Ég gekk fram á skrúðgöngu á Skólavörðustíg í tilefni dagsins og fylgdi henni niður að Ráðhúsi Reykvíkinga. Þarna voru allra þjóða kykvendi, sem sest hafa að á þessu aflóga skeri, þar sem frumbyggjarnir telja sig aumasta allra þjóða. Ekki getur ástandið verið alslæmt, fyrst nýbúarnir ganga glaðir í skrúðgöngu.

 

Litir

Fleiri litir

 

Litskríkastir allra voru Tælendingarnir, mest konur, sem klæddust fallegum litum sem sjaldan sjást á götum úti í allsherjargráma Reykjavíkur. Sumar þeirra stigu tælandi þjóðdansa og bændur þeirra horfðu stoltir á af gangstéttunum. Það var upplífgandi. Þarna voru líka öflugir trymblar úr Afríku og íslenskar savannadansmeyjar, sem stigu trylltan afrískan dans eins og formóðir þeirra í Olduwai áður en hún hélt í gönguna löngu norður til Asíu og Evrópu. Litlir hópar ýmissa þjóða, sem á Íslandi búa, gengu svo á eftir í halarófu. Meira að segja þrír Palestínumenn, líklega fjölskyldumenn, en gazalega voru þeir þeir nú fölir. Stóri pilturinn með ljósrauða hárið, sem horfir á íslensku arabana skyldi þó ekki vera gyðingur? DNA-radarinn minn segir það að minnsta kosti.

Trylltur dans að hætti forfeðranna

"Palestínumenn" og frændi Jesú (þessi í gráa bolnum).

Einmanna Marokkómaður.

Þarna voru t.d. tveir Skotar, sem ég gæti svarið að hafi farið í gegnum nýbúaskeið á Skotlandi áður en þeir urðu að skotheldum Skotum. Ég sá að minnsta kosti ekki keltneska útlitið sem Íslendingar halda að sé rautt hár og freknur (sem eru reyndar norsk einkenni). Það var gaman að stúdera fólk  í blíðunni í gær. Margar typur á ferli og misjafnt höfuðlag.

 

Skotar

Taíþingi

 

Tvær lúðrasveitir léku undir og gerðu það vel og lögreglan, vinir okkar og verndarar, voru með blá, blikkandi partýljós á hjólhestum sínu og  sáu til þess að allt færi vel fram. Þetta var næstum því alveg eins skrúðganga og í Kardimommubænum. Það vantaði bara ræningjana Ziggy Tukthouse, Jón Á. Ekkert og Bjargálf T‘hor, til þess að allir væru glaðir og hamingjusamir í litla bænum við sundin blá.

Vinir vors og blóma.

Athugasemdir

[Benjamín Kári Danielsson, 16.5.2010 kl. 13:04]

Já, því miður, Vilhjálmur, þar var ég, hjá Palestínumönnunum.  Hvernig vissuru eins og skot að "þessi piltur" var gyðingur? 

[Vilhjálmur Örn Vilhjálmsson, 16.5.2010 kl. 13:28]

Sæll Benjamín, þú varst greinilega meiri semíti en "varapalestínumennirnir" sem báru fána Palestínu, og svo veit Mossaddeild Íslands allt, eða hér um bil. Ég spurði hann til að vera viss, og ég svaraði játandi.

[Vilhjálmur Örn Vilhjálmsson, 18.5.2010 kl. 22:08]

Mér sýnist að Þorleifur Gunnlaugsson hafi þarna verið í gervi Palestínumanns. Greinilega blóðheitari en Sóley Tómasdóttir?

[Benjamín Kári Danielsson, 19.5.2010 kl. 18:53]

Já. Spurðum honum meðal annars um Palestínumennina, og, ég skrökva ekki, sagðist gera bara vilja allt sem Palestínumennirnir vildu.  Og svo skilur hann hreinlega ekki hvað orðið "Zíonisti" þýðir því hann fór í þrumuræðu gegn "Zíonistunum" og þegar ég spurði honum hvað hann meinti með því, hann svaraði "Ísraelsstjórn."  Svona eru þessi öfgavinstrimenn.  Alveg eins og þeir voru þegar Sóviet bandalagið var.