RÚVLEKANDI

Furðulegur fréttaflutning RÚV er ekkert sem kemur mér á óvart. Sjáið síðustu færslu mína. Í gær var sagt frá því í hádegisfréttum RÚV, að hafin sé rannsókn á því í ráðuneyti Hillary Clinton, hver lak skýrslu sendifulltrúa BNA í Reykjavík á Wikileaks. Því var haldi fram, að sá einstaklingur ætti yfir höfði sér fangelsisvist eða brottrekstur, og í versta falli að vera kraminn af Hillary Clinton. Þessi "leki" á upplýsingum, sem sýnir fyrst og fremst dáraskap yfirvalda á Íslandi, reynir RÚV að tengja fréttum um annan alvarlegri leka á gögnum Utanríkisráðuneytis Bandaríkjanna.

Viðmælendur Fréttastofunnar í State Department eru ekki tilgreindir og ég leyfi mér að halda því fram, að RÚV hafi líklega ekki talað við nokkurn mann í State Departement. Fréttin er hégómi sbr. þessi umræða: http://news.bbc.co.uk/2/hi/8504972.stm þar sem fyrrverandi stigamaður frá Ástralíu, sem m.a. hefur ráðist á tölvukerfi Utanríkisráðuneytis BNA og birt barnaklámsíðulista dönsku lögreglunnar, talar frá hjartanu. Hann var núna síðast að vinna á Íslandi.

Hlustið á þessa skrýtnu frétt hér og áframhald hennar í sjónvarpsfréttum.

Spurningunni um, af hverju skýrslu sendifulltrúans var lekið á Wikileaks er auðsvarað, að mínu mati. Þar hlýtur að hafa verið að verki maður, sem vildi Íslendingum vel og sem gerir sér grein fyrir því hvers konar dómadags samkunda núverandi ríkisstjórn á Íslandi er. Hann, eða hún, er að öllum líkindum Íslandsvinur og ætti að fá Stórriddarakross með stjörnu, ef þær eru til á lager. En hvað nú ef það var RÚV sem lak greinargerð sendifulltrúa BNA í Reykjavík, sem hafði verið send í afriti til íslensks aðila, sem skilaði henni af sér þannig að hún "lenti" á Wikileaks? Hvað þá?

Athugasemdir

[Vilhjálmur Örn Vilhjálmsson, 18.3.2010 kl. 13:03]

En líklegast er þó, að aðstoðarmaður Össurar hafi fengið afrit af skýrslunni frá sendifulltrúanum, alveg óvart, og hafi sent hana áfram, þar sem hann og ráðherrann mátu að skýrslan væri ágæt til að sýna hvað vondir og heimskir Kanarnir eru.

[Sigurður Þór Guðjónsson, 19.3.2010 kl. 16:06]

Villi villingur! Farðu nú að drífa þig á facebook.

[Vilhjálmur Örn Vilhjálmsson, 26.3.2010 kl. 07:31]

Facebook, fyrr mun ég fara á Assbook sigurður!

Nú berast fréttir af því utan úr Gulaþingslögum, að aðstoðari Assangurs hjá Wikileka hafi verið grillaður af löggunni í Reykjavík í 21 klukkutíma. Og heilög Birgitta af Vesturbakkanum og Gaza segir að síminn hennar sé hleraður. Það hlýtur að vera merkilegur perri, sem hefur áhuga á því að hlusta á hana utan þingsals.