RÚV misnotar börn og falsar heimildir

 

.. enn eina ferðina. Það er ljótt að hneppa börn í fangelsi. Við getum öll verið sammála um það. Það er líka ljótt að misnota börn eins og RÚV gerir í dag, þegar ríkisfjölmiðillinn greinir frá því að 343 palestínsk börn á aldrinum 12-15 ára séu fangelsuð í Ísrael. Við þessa frétt setur RÚV þessa ljósmynd af börnum undir 10 ára aldri á Gaza, þar sem öfgamenn Hamas hafa hneppt þjóð sína í fangelsi haturs og öfga.

Palestínsk börn, sem sitja í fangelsum í Ísrael, hafa m.a. verið tekin með sprengjubelti á leið til að fremja ódæði. Börnum og óhörnuðum unglingum er att út í eldlínuna af Palestínumönnum. Við höfum öll séð ófáar myndir af palestínskum börnum á öllum aldri, gráum fyrir vopnum. Vopn og hryðjuverk eru dýrkuð af Palestínumönnum. Því verður ekki komist hjá því, að börn sem fremja morð, eða eru notuð til þess arna, eða að börn sem fara um eyðileggjandi, brjótandi og bramlandi, lendi í steininum í Ísrael eina og eina nótt.

En fyrir utan að misnota börnin, þá fer RÚV með rangt mál í frétt sinni. RÚV greinir frá því að 343 börn á aldrinum 12-15 ára séu í fangelsum Ísraelsmanna. Samkvæmt skýrslu Palestínudeildar Defence for Children International, voru 41 börn á aldrinum 12-15 ára, en ekki 343, eins og RÚV heldur fram, í haldi (temporary detention centres) eða í fangelsum Ísraela. Restin, 302 einstaklingar, voru á aldrinum 15-20 ára, þ.e.a.s. á þeim aldri sem flestir hryðjuverkamanna Palestínumanna hafa verið á, þegar þeir myrtu hundruð saklausra Ísraelmanna. Engar stúlkur voru í þessum hópi 343 barna og unglinga á aldrinum 12-20 ára, og flest ungmennanna voru tekin í stuttar yfirheyrslur eða var haldið yfir nóttina eftir þátttöku í óeirðum.

Svona fréttafölsun er ekki ný bóla á RÚV.  Ætli það sé þekkingarskortur eða pólitísk áróðurstarfssemi sem veldur því að RÚV framreiðir svona fréttir? Verða menn ekki að kunna að lesa á þessari stofnun? RÚV og skrímslafræðingum fréttastofunnar er greinilega ekki við bjargandi.

Hvernig er ástandið í öðrum löndum? Í Danmörku árið 2008 sátu t.d. 243 börn í fangelsum.  Fjöldinn er einnig gífurlegur í Austur-Evrópulöndum og í BNA, en RÚV fer til Ísraels til að ráðast á vandann, eða er ekki öllu heldur verið að ráðast á Ísrael.

Athugasemdir

[Loftur Altice Þorsteinsson, 14.3.2010 kl. 10:53]

   

Þessi grein á RUV er gott dæmi um þá lélegu fréttamennsku sem viðgengst á þessari ríkisstofnun. Gagnrýnilaust er tekinn upp erlendur áróður og farið rangt með grundvallarstaðreyndir. Þetta er daglegt brauð hjá RUV og ef gerðar eru athugasemdir við rangfærslur þessa fólks, þá er þögnin oftast eina svarið. Ef einhver viðbrögð verða, eru þau hrokafull og fjandsamleg. Í skýrslunni sem RUV nefnir segir:

 

There are currently no Palestinian girls in Israeli detention facilities.

  

Hvernig er hægt að tala um skipulagðar handtökur barna, ef engar stúlkur eru í hópnum ? Augljóst má vera að teknir hafa verið strákar sem stundað hafa grjótkast og þaðan af verri glæpi. Raunar eru til ótal frásagnir um að grjót getur verið banvænt vopn og viðureign þeirra Davíðs og Golíats er líklega frægasta dæmið.

 

[Rafn Haraldur Sigurðsson (IP-tala skráð) 14.3.2010 kl. 12:50]

Ég er löngu hættur að taka mark á þeim einhliða fréttafluttningi RUV frá þessu svæði. Þeir eiga það til að ræða við svokallaða sérfræðinga um þessi mál en þá eru það eingöngu menn sem eru í félagi Palestínu eins og læknirinn og aðrir Gyðingahatarar. 

[Halla Rut , 14.3.2010 kl. 16:13]

Algjörlega ótrúlegt að setja þessa mynd með þessari frétt.

[Jon (IP-tala skráð) 17.3.2010 kl. 21:26]

Sæll.

Takk fyrir að vekja athygli á þessu og um leið að girða svona hressilega niður um þessa áróðursmaskínu í Efstaleitinu.