Kjósa krakkar, ef þið viljið ekki falla

Ekki er öll vitleysan eins á Íslandi, eða kannski er hún það? Prófkjör VG ... Guð minn góður! Ef satt er, að Silja Bára Ómarsdóttir kennari í stjórnmálafræði við þá merku stofnun HÍ, Eyjubloggari og forfallinn upplýsingafíkill sé að bera kosningaseðla á nemendur sína, sem svo er skilað í kjörkassann hjá VG, þannig að Sóley Tómasdóttir vinkona Silju fær fyrsta sætið, þá er spillingin örugglega alíslenskt fyribæri.

Hvað gera nemendur Silju Báru, sem ekki vilja taka við kjörseðlum? Falla þeir á prófum? Eftir að hyllingar kommúnistaríkjanna féllu, virðast þeir sem heilluðust að veruleikafirringunni jafnvel hafa tekið upp þá spillingarsiði sem Austantjaldsríkin fyrrverandi eru orðin svo annáluð fyrir. 

Silja Bára stjórnálafræðingur getur auðvitað ekki haldið stöðu sinni við HÍ eftir svona lagað. Hún getur ekki kennt ungmennum um lýðræði, eðlilegt kosningarferli eða góða stjórnsýslu. Þetta er svo ósiðlegt hjá henni, ef satt er, að það nálgast eðli útrásasvínanna. Bókina á myndinni efst gæti hún kennt þangað til hún hættir.

Athugasemdir

[Skarfurinn, 9.2.2010 kl. 16:04]

Silja Bára á að segja starfi sínu lausu núna strax, svo er þessi kona vikulega í morgunþætti rásar-2 hjá Frey og félögum að tala um siðferði stjórnmálamanna ásamt einhverjum íhaldsgaur ja sveiattan.

[Vilhjálmur Örn Vilhjálmsson, 9.2.2010 kl. 17:08]

Hún hefur víst ekki ráð á því blessunin.

[Ragnhildur Kolka, 9.2.2010 kl. 20:02]

Gaman að því, hvað siðapostularnir eru blindir á eigin gerðir.

[Hildur Helga Sigurðardóttir, 10.2.2010 kl. 01:26]

Silja Bára og Hannes Hólmsteinn hlóta þá að fara saman.

[Vilhjálmur Örn Vilhjálmsson, 10.2.2010 kl. 06:56]

Hildur Helga, kvenréttindi felast m.a. í því að konur geti gert hlutina einar. Silja er mikill kvenréttindaskörungur og þarf því alls ekki að hafa Hannes Hólmstein með sér út úr Háskólanum. Hann hefur heldur ekki borið kjörseðla á nemendur.

Annars er örugglega til listi yfir ýmsa, sem mættu teljast óhæfir í kennarastöður í HÍ. T.d. fólk sem stelur niðurstöðum annarra og þar fram eftir götunum.  En þegar HÍ geymir einstaklinga í kennarastöðum, sem skipta sér að stöðuveitingum annars staðar í þjóðfélaginu, vilja banna fólki að vitna í höfuðskáld þjóðarinnar, skipa mönnum að afturkalla bækur eða stunda kosningarsvindl með hjálp nemenda sinna, er ég hræddur um að lýðræðið og "kvenfrelsið" í þeirri stofnun sé í bráðri hættu.