Vitringarnir á Financial Times

Leiðari Financial Times í dag http://www.ft.com/cms/s/0/bf7cbbae-86c0-11de-9e8e-00144feabdc0.html  er ein viturlegustu orð sem birst hafa í allri ICESAVE deilunni.

Ef málið fer á þá leið sem leiðaraskrifari sér fyrir sér, og óskar að þau fari, legg ég einlæglega til að hann og þeir sem hafa gefið honum hugmyndir, verði hylltir á Íslandi sem höfðingjar og sannir velunnarar íslensku þjóðarinnar.

Við vonum að greinin hafi tilskilin áhrif og að hún verði lesin, líka af hinni lágkúrulegu nefnd sem ríkisstjórnin setti í að gera ICESAVE-samninginn við Breta og Hollendinga.

Nennir einhver að þýða þetta fyrir Jóhönnu?

Athugasemdir

[Ásthildur Cesil Þórðardóttir, 12.8.2009 kl. 12:00]

Sammála.

[Rekkinn (IP-tala skráð) 12.8.2009 kl. 12:46]

Vilhjálmur; Það þýðir ekkert að snara þessu yfir á íslensku fyrir Jóhönnu. Það hefur löngu sýnt sig að hún nennir ekkert að lesa sér til gagns kerlingin. Það verður að króa hana af út í horni og lesa þetta munnlega yfir henni ef árangur á að nást.

Þetta er skólabókardæmi um hvað mátt hefði verið búið að gera fyrir löngu af hálfu stjórnvalda til að koma málstað og afstöðu íslendinga á framfæri í erlendum fjölmiðlum.

Íslendingar stæðu allt öðruvísi og sterkara að vígi ef þessi grútmáttlausa hundadagastjórn Jóhönnu hefði haft smá snefil af metnaði og síðan en ekki síst trú á málstað Íslands og farið í alvöru herferð erlendis til kynningar á málinu, en ekki hegðað sér eins og veimiltítur útávið.

[S.H. (IP-tala skráð) 12.8.2009 kl. 15:16]

Their eru heldur blankalegir, vitringarnir. Frekar eins og álfar út úr hól!

[Axel Jóhann Axelsson, 12.8.2009 kl. 15:16]

Þetta er rétt hjá Ásthildi, Jóhanna nennir ekki að lesa nokkurn skapaðan hlut, frekar en að Svavar nennti að hanga lengur yfir samningagerðinni.

Athyglisvert er að sjá í FT að kostnaðurinn sem á að setja á Íslendinga vegna Icesave er jafn hár og allur kostnaður, sem fellur á breska ríkissjóðinn vegna efnahagskreppunnar í Bretlandi.

Var með sjá hugleiðingu um þetta í morgun, sem má sjá hérna

[Vilhjálmur Örn Vilhjálmsson, 12.8.2009 kl. 21:14]

Þakka ykkur fyrir athugasemdirnar.

Rekkinn og Axel, mikil er ótrú ykkar á Jóhönnu. Ég verð nú að segja, að þetta á líklega ekki við um hana eina. Nýkratarnir hafa engan áhuga á að hlusta á hinn venjulega mann, jafnvel ekki á sérfræðinga - aðeins á þá sérfræðinga sem tala sömu töngum og þeir sjálfir. Stjórnmálamenn eru nefnilega í svo háu áliti, sjálfsáliti.

Axel, góð athugasemdin hjá þér. Það er þó alltaf von ef einhver á hinum vígstöðvunum er að reyna að "vinna" fyrir Íslendinga.

Ég er nær alveg viss um að einhver Íslendingur hafi rætt við þann sem skrifaði leiðarann hjá FT.