Hvað er kreppa eiginlega?

 

 

Kvikmyndabrot þau sem þið getið séð hér með því að klikka á slóðirnar og svo á píluna í myndarammanum sem birtist, sýna ástandið í gettóinu í Varsjá í maí 1942. Kreppa Íslendinga hefur verið borin saman við ástandið í gettóum Evrópu á íslenskum bloggum og siðmenntað fólk með hærri og hreinni siðferðiskennd en aðrir Íslendingar, (les vinstrimenn), bera gjarnan sjálfskaparvítið á Gaza við gettóin sem nasistar smöluðu gyðingum í.

http://www.bagnowka.com/flv.php?video=warsaw_ghetto_1942

www.bagnowka.com/flv.php?video=warsaw_ghetto_2

http://www.bagnowka.com/flv.php?video=jewish_police

Það sem þið sjáið á þessum myndskeiðum er fólk sem ekkert hafði, og sem ekki gat barist fyrir rétti sínum. Það hafði ekki sjálfstæði eða vopn, engar varnir. Þeim voru allar bjargir bannaðar. Enginn, ekki einu sinni hreinhjartaðir kratar á Íslandi, talaði máli þeirra.

Íslendingar halda enn grillveislur í miðri kreppunni, aka jeppunum sínum á gangstéttum um leið og þeir hugsa um offitu barna sinna og um ICESAVE i kapp við aumingja Björgólf Thor.

Íslendingar hafa í raun allt til alls. En þeir geta líka misst allt, ef þeir ákveða að afsala sjálfstæði sínu til gráðugra herraþjóða í Evrópu, sem eru að rukka skuld sem ævintýramenn og álfar á Íslandi skelltu á þjóðina. Ríkistjórn á ekki að vera í hlutverki lögreglunnar i gettóinu (3. kvikmyndin), sem tuktar alla til, til að þóknast ógnvaldinu.

Ísland er enn sjálfstætt ríki. Ef einhverjir Samfylkingarmenn og aðrir landsölumenn vilja ganga erinda manna í útlöndum, geta þeir flutt til útlanda og baðað sig í evrum og "frelsi".

ESB er einfaldlega andstætt eðli Íslendinga.

Athugasemdir

[Rauða Ljónið, 24.6.2009 kl. 19:46]

Sæll. Ætli stjórnin vilji ekki leggja ICESAVE-samnigin til samþykktar í þinginu 28. júni 2009 og skapa sama ástand og var í Þýskalandi á frá 1933 til 1945.

Kv .Sigurjón Vigfússon

[Kári Gylfason (IP-tala skráð) 24.6.2009 kl. 20:49]

Eðli Íslendinga!. Heyr á endeymi. Er Það eitthvað öðruvísi en eðli annara manneskja. Og hvað er að Evrum? Evrópsku samstarfi? Hvaða sjálfstæðis afsal er að vera sjálfstæð þjóð í samstarfi við aðrar sjálfstæðar þjóðir?

Hvert er eðli ÞITT?

Kveðja

Kári

[Tómas Ibsen Halldórsson, 24.6.2009 kl. 21:31]

Við erum að upplifa efnahagsniðursveiflu, en kreppu erum við ekki enn farin að upplifa.  Myndirnar minna okkur á hversu gott við höfum það þrátt fyrir allt, við megum vera þakklát.

Guð forði okkur frá því að upplifa það sem Gyðingar þurftu að ganga í gegnum, eins og sjá má í myndunum hér að ofan.

[Anna Sigríður Guðmundsdóttir, 24.6.2009 kl. 23:50]

Kreppan hér snýst mest um lífsreynslu fátækt og vanþroska í að þekkja hinn raunverulega heim með allri sinni vonsku.

[Hörður Halldórsson (IP-tala skráð) 25.6.2009 kl. 12:01]

Smá  innlegg .Strandveiðar. Strandveiðar í orðsins fyllstu merkingu  þ.e .veitt frá strönd kletti eða bryggju hafa Íslendingar aldrei stundað  þær af viti.En glöggt er gests augað  því pólverjar hafa uppgötvað hvílík verðmæti eru í strandlengjunni því þeir stunda  töluvert strandveiðar.Skárra að borða smáufsa eða ýsu en eitthvað af því sem ghettó búar þurftu að borða í seinni heimstyrjöldinni.

[Vilhjálmur Örn Vilhjálmsson, 27.6.2009 kl. 12:46]

Þakka ykkur fyrir athugasemdirnar, gott fólk.

Ég leyfi mér að benda á athugasemd hins stóra bloggara Egils Helgasonar um þessa færslu.http://eyjan.is/silfuregils/2009/06/25/ekki-kreppa-eda-hvad/

Sagðist Egill aldrei hafa séð menn bera saman kreppuna á Íslandi og gettó. Ég bætti þá inn tengli í blogg sem ég hef skrifað um það, ásamt dæmi um slíkar samlíkingar.

[Sigurður Þór Guðjónsson, 3.7.2009 kl. 11:33]

Þakka þér fyrir þessi myndskeið sem bæði fá mann til að finna til samkemmdar með öðru fólki og þakka fyrir það sem maður hefur sjálfur.