Litla býflugan Joly

Ég sá einhvern spaugarann líkja Joly við dugmikla býflugu. Líklega vegna bolsins sem hún var í á blaðamannafundinum í gær.

Býflugan fær 1,3 milljónir á mánuði í hunangskrukkuna fyrir að úðra 4 daga á mánuði í blómalausri auðninni á Íslandi og heildarkostnaður við þessa drottningarflugu verður ekki meiri né minni en 70 milljónir í ár ?? Honey! Það kallar maður aukakostnað. Fær hún frían kavíar og geitaost í gámum?

Eða eru mismunurinn laun/heildarkostnaður = 58 milljónir bara vasapeningar? Vonandi fær hún nóga heimavinnu með sér, stakka af pappír jafn háa Eiffelturninum og íslenskan garçon eða babsette, sem geta hjálpað henni að þýða allan ósómann, þar sem hún hefur það huggulegt við arininn í býkúpunni í Paris við að kafa í skít íslenska glæpagengisins og allra fíklana og gammana sem voru á spenum þess ferlíkis. Segið mér ekki að það lið eigi að sleppa, meðan Siggi Einars og svoleiðis karakterar verði settir í dýflissu?

Dómarar í Frakklandi eru þekktir fyrir að kasta ekki til höndunum. Þeir dæmdu hann Alfred Dreyfus hér um árið og sjálf hefur Joly verið að lögsækja einhvern Philippe Cohen, sem varð á að segja hana gráðuga, háværa og fjölmiðlasækna fiskiflugu.

C'est la vie Joly! Það eru ekki allir auðtrúa á Íslandi.

Athugasemdir

[Gunnar Rögnvaldsson, 29.3.2009 kl. 19:06]

Hmmm

Eftir 4 mínútna rannsókn hefur Joly komist að þeirri niðurstöðu að meðan á fullri 10 tíma rannsókn stendur næstu 15 árin þá verður íslenska þjóðin flutt úr landi til heiða Jótlands. Joly þarf nefnilega að fá fullan aðgang að öllu. Norðmaðurinn Seðlabakki og Stoltabjarg Seðlaspígspor verða þó einir eftir í landinu til að gæta hagsmuna Vinstri sem eru að verða Grænir á meðan Samspillingin fer þó til Flór-Ída, Joly segist borga.

Joly hefur því miður ekki meiri tíma en þetta. Steingrímur Seðlafúll og Jóhanna Álfkona eru mjög sátt við þetta fyrirkomulag því Steingrímur mun á meðan stýra rigningunni í Bergen. Það mun rigna þar stanslaust í næstu 15 árin. Jóhanna verður álfamær í Brækstuen á Vassåh Hede á meðan hún er ekki í Flór-Ída.

Les Verts désignent leurs premiers candidats sur les listes Europe Ecologie

Bestu kveður

Grænmetisverslun Ríkisins

[ThoR-E, 29.3.2009 kl. 21:48]

Joly er flott.

Hvað er búið að borga skilanefndum bankana??? Er það ekki eitthvað í kringum 240 milljónir frá hruni.

Ég sem skattborgari sé ekki eftir 8000 evrum.. sem by the way var ekki nema c.a 600.000 hérna fyrir hrunið. Það taldist nú ekki stór peningur á þeim tíma ... á tíma ofurlaunana.. þar sem stjórnendurnir afsökuðu ofurlaunin með þeim rökum að þeir báru svo mikla ábyrgð ... en síðan kom í ljós að þeir báru bara enga ábyrgð eftir allt saman.. eftir tugmilljóna mánaðarlaunin ...

Nei .. ég sé ekki eftir 8000 evrum á mánuði til að elta uppi þessa glæpamenn.

[Vilhjálmur Örn Vilhjálmsson, 30.3.2009 kl. 06:33]

AceR, fyrir utan launin er kostaður fyrir hana Joly eina í ár um 360.000 evrur. Við verðum að fá vinnuskýrslur og það verður að koma út 14 binda skýrsla. Annars rífast menn um þetta mál í nokkrar aldir.

Heldur þú svo að hún Joly skipti sköpum? Hún er bara fyrirbæri sem núverandi ríkisstjórn greip fegins hendi frá Agli í Silfrinu. Kannski var einhver kostnaður við það fyrir Egil? Hvað mikið fékk hann fyrir þessa vinnumiðlun? 

Joly er fyrst og fremst þægileg fyrir auma stjórn, sem hefur ekki einu sinni skattastefnu, nokkrum dögum fyrir kosningar, nema eignaskattahækkun.

Hvað mun koma út úr þessu hjá Joly og vinnuflugum hennar, (sem í raun munu vinna alla vinnuna og hafa hana sem fjötur um fót)? Nokkrir karlar í fangelsi, endalaus málaferli. En peningar fólksins, þeir eru horfnir. Það finnst kannski svona rétt um það bil fyrir launum Joly og hinna leitamannanna.

Prinsippið hér getur ekki verið að fá peningana aftur til rétta við íslenskan efnahag. Prinsippið er að allir sem sekir eru verði dæmdir. 

Guð minn góður, það er ekki einu sinni til fyrir nógu stóru fangelsi. 

"Þessir glæpamenn", sem þú talar um, eru dálítið óráðin stærð. Ertu þar líka að tala um stjórnmálamennina og forsetann, sem léku umboðsmenn og aulýsingastjóra stóru skúrkanna, eða alla þjóðina eins og Ekstra Bladet i Danmörku, sem sagði að hún (þjóðin) ætlaði sér að yfirtaka allan heiminn? Ertu að tala um blaðamennina sem unnu áróðurinn fyrir höfuðpaurana?

Annars verður þetta starf Joly aðallega rót glundroða. Hún fær peninga um leið og hún nota mestan tíma sinn í frelsaðan salatisma í France (sjá hjá Gunnari Rögnvaldssyni hér að ofan), og við fáum fleiri vandamál.

Peningar glæpamannanna eru gufaðir upp. Ef þeir eru það ekki nú þegar, verða þeir það örugglega þegar dómur fellur. Sumir þeirra voru bara loft og peningum þjóðarinnar, þeirra sem settu spariféð í hendur úlfanna, er nú þegar búið að eyða í ofurlaun og lántökur til að borga fjárfestingar, sem glæpamennirnir hafa misst.

Þjóðinni átti að vera það ljóst, að áhætta var tekin, þegar hún trúði "þessum glæpamönnum" fyrir peningum sínum.

Hvað heldur þú að margir glæpamenn verði dæmdir?  

[ThoR-E, 30.3.2009 kl. 11:18]

Það er mikið til í þessu Vilhjálmur, því er ekki að neita.

En ....eitthvað verðum við að gera ... þessi sérstaki saksóknari .. virðist ekki hafa mikið traust meðal þjóðarinnar.

Það er svo mikill glundroði í samfélaginu ... spurning hvort þetta lægi einhverjar öldur.

[ThoR-E, 30.3.2009 kl. 11:19]

Já og til að svara síðustu línunni ... ég spái 3-4 ... það er mín spá.

Við kíkjum á þessa færslu aftur eftir c.a 2 ár ... sjáum hvort ég hafði ekki rétt fyrir mér ;)

Þetta er samt.. kannski full mikil bjartsýni hjá mér ... :Þ