Púðurtunna í Menntamálaráðuneytinu

 

Nú ræður Katrín Jakobsdóttir ríkjum í Menntamálaráðuneytinu. 9. janúar sl. skrifaði Katrín blogg sem hún kallar Börnum Slátrað  og fjallaði bloggið vitaskuld um Gaza, það svæði sem Vinstri Grænir taka jafnvel fram yfir Ísland í aðgerðaráætlunum á krepputímum.

Þar segist Menntamálaráðherrann núverandi vitna í skýrslu Human Rights Watch . En kann Katrín að vitna rétt í heimildir? Svo virðist ekki vera:

Katrín skrifar:

En ef horft er t.d. á eldflaugaárásir kemur fram í skýrslu Human Rights Watch-samtakanna að árið 2007 skaut Ísrael 14.617 eldflaugum yfir á Gasasvæðið. Á sama tíma var 2.700 flaugum skotið inn í Ísrael. Þessar tölur sýna auðvitað að svæðið er púðurtunna.

En í afar umdeildri og mikið gagnrýndri skýrslu Human Rights Watch, stendur m.a. þetta :

From September 2005 through May 2007, Palestinian armed groups fired almost 2,700 rockets into Israel, killing 4 Israeli civilians, and injuring 75 civilians and at least 9 soldiers, according to the United Nations Office for the Coordination of Humanitarian Affairs.

Og um skothríð Ísraelsmanna stendur

From September 2005 through May 2007, the same period covered by the rocket attack statistics cited above, the IDF fired 14,617 artillery shells into Gaza. This fire killed at least 59 people, wounded another 270 people, and did significant damage to many civilian structures .... .... Most of the artillery shells that the IDF fired into Gaza in this period landed in open areas, and the great majority did not result in civilian casualties

Hér sjáum við að menntamálaráðherrann, sem hefur nýlega háskólagráðu, getur ekki greint eða lesið texta rétt. Hún heldur því fram að tölur Human Rights Watch séu frá árinu 2007. Þær eru frá 2005-2007. Hún talar um eldflaugar beggja aðila, en skýrslan með öllum sínum villum talar greinilega um "rockets" Palestínumanna,  en "artillery shells"  Ísraelsmanna.  Þar að auki nefnir Katrín Jakobsdóttir ekki að flestar „artillery shells" sem Ísraelsher skutu inn í Gaza á þessum tíma hafi lent á opnum svæðum og það með ásetningi. Ísraelmenn stefna ekki að útrýmingu Palestínumanna eins og Hamas stefnir að útrýmingu Ísraelsmanna og gyðinga.

Hún segir okkur heldur ekki frá því að Hamas hafi myrt fleiri af sínum meðbræðrum á þessum tíma, en þeim fjölda fólks sem talið er að grandað hafi verið af ísraelskum kúlum.  Hún segir okkur ekki frá þeim fjölda fólks sem Hamas hefur grandað með vopnum sem sprungu „fyrir slysni" áður en átti að drepa Ísraelsmenn með þeim. Hún nefnir ekki múrinn/vegginn/girðinguna sem komið hefur í veg fyrir hryðjuverk í Ísrael. Vegginn sér hún sem aðferð Ísraels til að innlima land Palestínumanna.

Ég hef til gamans athugað hvort Katrín Jakobsdóttir hefur t.d. skrifað um skipulega slátrun barna og kvenna í Darfúr, en svo virðist ekki vera.

Katrín virðist því mjög lituð af fyrirframgefnum skoðunum sínum. Lituð af rauðum lit (sem er víst grænn í augum litblindra) og sem er litur blóðsins. Hún er lituð af hatri í garð einnar þjóðar. Það þykir mér ekki efnilegt fyrir Menntamálaráðherra eða ráðherra yfirleitt.

Bið ég því nú menntamálaráðherra að efla kennslu um helför gyðinga, sem Íslendingar lofuðu að þeir myndu gera á Alþjóðlegri ráðstefnu árið 2000. En loforðin voru auðvitað svikin (sjá hér, tilvitnun 44).

Athugasemdir

[Karl (IP-tala skráð) 25.3.2009 kl. 09:34]

Hömulegt og ótrúlegt í senn að sjá menntamálaráðherra þjóðarinnar iðka slík vinnubrögð. Það stendur ekki steinn yfir steini. Hún virðist ekki hafa enskukunnáttu á við gagnfræðaskólanema.

Hvaða tungumál talar hún annars?

Eftir að hafa lesið þennan texta er ljóst að Katrín fellur á öllum prófum.

Þetta gefur nú ekki til kynna að háskólamenntun á Íslandi sé mikils virði eða að fólk læri þar grundvallarvinnubrögð.

Þar er greinilega ærið verk óunnið. Miðað við "fræðimennsku" og nákvæmni Katrínar er hún síst til þess fallin að leiða það mikla starf.

[Ása Einarsdóttir (IP-tala skráð) 25.3.2009 kl. 10:27]

Mér leikur mikil forvitni á hvort þú hafir komið til Ísrael og Palestínu?

Kveðja,

Ása Einarsdóttir

[Kristján Kristjánsson (IP-tala skráð) 25.3.2009 kl. 10:43]

Einhliða málflutningur er og verður alltaf hættulegur.

Því miður gerast stjórnmálamenn sekir um slíkt og er ömurlegt til þess að vita hversu tamt þeim er að halda sig við lygina.

[Ása (IP-tala skráð) 25.3.2009 kl. 11:07]

Mér leikur mikil forvitni á hvort þú hafir komið til Ísrael og Palestínu?

Kveðja,

Ása

[Vilhjálmur Örn Vilhjálmsson, 25.3.2009 kl. 11:33]

Ása Einarsdóttir, fyrst þú spyrð tvisvar skaltu fá svar. Ég hef farið til Ísraelsríkis og heimsótt Ísraelsmenn á Gaza og á Vesturbakkanum, en hef ekki rætt við Palestínuaraba utan Ísraels, Englands eða Danmörku.

[Gunnar Jóhannsson (IP-tala skráð) 25.3.2009 kl. 11:42]

Hvort sem að hún segir að skotið var á árunum 2005-2007 eða bara á árinu 2007 þá var hún að bera saman sambærilegar tölur milli herjandi fylkinga. Því er inntakið í samanburðinum það sama. Yfir ákveðið tímabil skutu Ísraelsmenn 5,4 sinnum oftar en Palistínumenn.

Hvort sem að skotin hafi komið úr fallbyssu eða verið drifin áfram af eldflaug skiptir þann sem verður fyrir skotinu ekki miklu máli. Staðreyndin er að Ísraelsmenn drápu 14,7 sinnum fleiri yfir þetta tímabil.

Persónulega er ég heillaður af menningu gyðinga fyrir utan búsetu þeirra í Ísrael síðustu hálfu öldina. Þó svo að ég sé á móti hernaði þeirra þar er ég ekki á móti gyðingum. Þó svo að ég sé á móti hernaði Ísraelsmanna er ég ekki fylgjandi Hamas. Það eru öfgamanneskjur í báðum fylkingum og ég væri til í að sjá þær báðar fara frá völdum. 

Maður þarf ekki alltaf að vera í einu liði og á móti öllu sem það er á móti. Gott fólk gerir mistök og þá ber að viðurkenna það  og leiðrétta. Ekki alltaf finna einhvern sem hefur gert stærri mistök og réttlæta sín mistök útfrá því. Þó svo að ástandið í Darfur sé jafnvel verra en í Palestínu þýðir það ekki að það sé ekki réttlætanlegt að ræða mál Palestínu. 

Ég trúi því að helsta ástæðan fyrir því að málefni Palestínu fái svo mikla athygli er vegna trúar fólks á skynsemi Ísrael. Fólk trúir því að þar búi menntað skynsamt fólk og að það sé hægt að finna friðsamlega lausn.

[Rauða Ljónið, 25.3.2009 kl. 12:06]

 Sæll. Minni á þetta.

Á Rauða Ljóninu. 

9.1.2009 | 13:38

Þjóðarmorðin í Úganda. Þjóðarmorðin í Djarfur.

 Þjóðarmorðin í Austur-Kongó Þjóðarmorðin í Rúanda Þjóðarmorðin í  Kongó Þjóðarmorðin í   Chechnya

Og enginn á þessar mynd sagði neitt  þegar börn konur og saklaust fólk eru myrt í Afríku þau eru svört er þessum mönnum sama?                                                                                                                        Eða líta þeir bara á Afríkubúa sem negra sem eiga engan tilverurétt.?

 

Á myndinni eru.:  Atli Gíslason,  Ögmundur Jónasson, Steingrímur J. Sigfússon, Helgi Hjörvar, Kristján L. Möller, Össur Skarphéðinsson, á myndina vantar Guðfríði Lilju Grétarsdóttur.

Uppreisnarmenn frá Úganda eru sagðir hafa drepið fjögur hundruð óbreytta borgara í Austur-Kongó í árásum frá því á jóladag. Á meðan þetta fólk gæddi sér á jólasteikinni og sagði ekki neitt. Þá hafa um 20.000 manna flúið til fjalla samkvæmt upplýsingum hjáparstarfsmanna á svæðinu.

 Darfur þjóðarmorð um 400.000 borgarar myrtir, Rúanda á milli 800.000 til ein milljón myrtir, Kongó 4 milljónir, Chehnya 130.000 til 150.000 sumar tölur áætla 200.000.

Talið er að yfir 500 manns hafi látið lífið í rúmlega 350 árásum Hamas og skotið um 6000 flugskeytum í Ísarel.   

  Hamssamtökin nota Palestínu börn og konur sem hlífiskyldi þegar þau gera árásir á Ísrael og eru jafn sek á drápi á saklausum borgurum eins og innrásaliðið.                                                                                     Hamassamtökin Hafa aldrei viljað viðurkenna tilvistarétt Ísraelsríki.

Í byrjun níunda áratugarins tóku Mujama-menn að beita ofbeldi gegn stofnunum eða fyrirtækjum sem þeir álitu í andstöðu við íslam, svo sem kvikmyndahúsum, veitingahúsum sem seldu áfengi og spilavítum. Yassin og fleiri íslamistar stofnuðu síðan Hamas í desember 1987 til að gera bandamönnum Bræðralags múslíma kleift að taka þátt í intifada,                                                                                                       
Í stofnsáttmála Hamas frá ágúst 1988 er boðað að íslam muni tortíma Ísrael og því er lýst yfir að öll Palestína sé íslamskt land sem múslímar geti aldrei gefið eftir.
Sádi-Arabía, tóku að styðja Hamas fjárhagslega, fremur en PLO. Það sama hefur Íran gert.

Því sagið ekkert af þessu fólki neitt þegar þjóðarmorðin voru í Afríku eða í Chehnya var því sama ?

Ég spyr hvað finnst þér eru þessi menn heiðarlegir eða eru þeir á vinsældar veiðum og er þeim sama um mannkynið. ?

Fara mótmæli þeirra eingöngu eftir litar hætti fólks eða sem falla að stjórnmála skoðun þeirra.

                         Ekki eftir mannkarleika eða ást á mannkyninu.

Ég spyr bara.?

[Sigurður Ingi Jónsson, 25.3.2009 kl. 12:19]

Vilhjálmur er einstrengingslega einhliða í sínum málflutningi. Því verður ekki breytt.

Mín skoðun er sú að Ísraelar séu lítið betri en kvalarar gyðinga á stríðsárunum. Því verður ekki breytt fyrr en þeir fara að hegða sér eins og siðuð þjóð.

[Vilhjálmur Örn Vilhjálmsson, 25.3.2009 kl. 12:19]

Sæll Gunnar, þú skrifar um búsetu gyðinga í Ísrael. Gyðingar hafa alla tíð, frá því að sögur fóru að herma um búsetu þeirra við botn Miðjarðarhafs, búið þar sem Ísrael er, og sumir kalla Palestínu.

Margir voru hraktir í burtu og jafnvel tortímt fyrir trú sína af forfeðrum Palestínumanna.  En það voru alla tíð gyðingar í þessu landi, sem margir hafa kallað Palestínu síðan á dögum Rómverja. Það ríki sem í dag heitir Ísrael, er á landi sem alltaf hefur verið hluti af menningu gyðinga. Jerúsalem er hjarta þeirrar menningu og þess ríkis sem þar stendur og sem stóð ávallt ofarleg í huga í hjörtum gyðinga á flótta og í útlegð.

Hvernig getur þú heillast af menningu gyðinga "utan búsetu þeirra í Ísrael síðustu hálfa öldina", þ.e.a.s. aðeins heillast af menningu þeirra fyrir þann tíma sem gyðingar gátu stofnað sitt frjálsa ríki?  

Ástandið í Darfúr er "ekki jafnvel verra" en í Palestínu. Ástandið í Darfúr er verra en í Palestínu. Fólkið í Darfúr eru fórnarlömb ógnarstjórnar og öfgatrúar. Palestínumenn eru hins vegar oft fórnarlömb sinna eigin mistaka. Það er sorglegt frá því að segja.

Reyndar eru tölur um skotafjölda Ísraelmanna á Gaza 2005-2007, sem Human Rights Watch birtir, ekki tölur komnar frá Ísraelsmönnum sjálfum og eru þær líkast til komnar frá Palestínumönnum sem upplýst hafa stofnun SÞ. Eru það áreiðanlegar tölur að þínu mati, eða er menning og heimildir Palestínmanna merkilegri en Ísraelsmanna?

[Vilhjálmur Örn Vilhjálmsson, 25.3.2009 kl. 12:26]

Sigurjón, ég þakka þér og ljóninu fyrir þessa góðu athugsemd. Er þetta ekki tvískinnungur í bland við þekkingarleysi, sem hrjáir þetta fólk sem þú ert með á myndinni?

[Vilhjálmur Örn Vilhjálmsson, 25.3.2009 kl. 12:28]

Sigurður Ingi Jónsson, nú höfum við heyrt skoðun þína. Þú ert einn af þessum sem telur Ísraelsmenn vera nasista og Palestínumenn vera í Auschwitz. Það er kallað rugl, jafnt á alþýðu- sem fræðimáli.

[Sigurður Ingi Jónsson, 25.3.2009 kl. 12:31]

"Rugl" hrópaði vitringurinn af háum hesti og fann til sín sem talsmanns bæði alþýðu og fræðimanna.

[Vilhjálmur Örn Vilhjálmsson, 25.3.2009 kl. 12:37]

Ég gleymdi að í þessari samlíkingu þinni leynist líklegast einnig hatur og vanþekking, og það ætti að vera auðséð bæði leikum sem lærðum. Lifðu heill.

[Ása (IP-tala skráð) 25.3.2009 kl. 13:05]

Biðst velvirðingar á að hafa póstað tvisvar, fraus hjá mér talvan og hélt að spurningin hefði ekki farið í gegn.  En fyrst það hafði í för með sér að svarað þá besta mál :-)  Takk fyrir svarið. 

[Rauða Ljónið, 25.3.2009 kl. 14:05]

Sæll. Vilhjálmur þekkingarleysið finnst mér ekki vera alltaf til staðar.

Það er hinsvegar viljinn að nota þekkingarleysið þegar það henta í pólitískum tilgang, allir þeir á myndinni vissu um þjóðarmorðin í Austur-Kongó Þjóðarmorðin í Rúanda Þjóðarmorðin í  Kongó Þjóðarmorðin í   Chechnya, Úganda og Djarfur.

En það virtist ekki þá þjóna þeim pólatíska tilgangi fyrr en erlaendapressan tók að fjalla um málin samt vissi þessi hópur af voðaverkunum meðan þau áttu sér ,en höfðu plásturinn á munninum.

 Eftir að málin var upplýst . Þá var plásturinn tekin af. 

Kv. Sigurjón Vigfússon 

[Ragnhildur Kolka, 25.3.2009 kl. 14:47]

Ungir kommar á Íslandi, eins og Katrín Jakobsdóttir tóku þessa andúð á gyðingum í arf. Þeir taka undir með kór hinna ósameinuðu þjóða sem fá ekki fest svefn vegna haturs á gyðingum. Það þarf ekki annað en líta á afrekalista Mannréttindanefndarinnar til að átta sig á hvað er að gerast á þeim bæ.

Á síðurstu 5 árum hafa UNHRC sent frá sér 732 ályktanir, skýrslur og umsagnir um mannréttindabrot Ísraela. Á sama tíma hafa þeir aðeins myndast við 314 aðgerðir gegn Súdan, 83 aðgerðir gegn Zimbabve og 2 gegn Íslandi. Sérstakur eftirlitsmaður UNHRC telur ofbeldi gegn konum á Íslandi ríkisstjórninni til vansa. Á sama tímabili snupra þeir Saudi-Araba aðeins 4 sinnum fyrir sama vansann.

Skýrslu nefndarinnar um átökin á Gaza um áramótin,sem nú er lesið upp úr í hverjum fréttatíma, hefur nú verið andmælt af fulltrúa Bandaríkjanna á grundvelli þess að hún sé of hlutdræg og að hún birti aðeins upplýsingar frá öðrum aðilanum. Ennfremur er nefndin vöruð við notkun hugtaka eins og "glæpur gegn mannkyni".

Þessari athugasemd við skýrsluna verður eflaust andmælt á grundvelli þess að Bandaríkjamenn styðji hvort eð er alltaf aðgerðir Ísraela. Þeir sömu munu lesa hana með sömu gleraugum og Katrín og sjá ekkert athugavert við það að skýrslan lýsir aðeins átökunum frá sjónarhóli Palestínuaraba.

[Gunnar Jóhannsson (IP-tala skráð) 25.3.2009 kl. 19:11]

Það hafa svo ótalmargar þjóðir búið fyrir botni miðjarðarhafsins að það er ómögulegt að miða við e-n einn ákveðin tíma og úthluta landinu eftir því. Eigum við að miða við sögulegan tíma? Ok, rekum þá alla Ameríkana úr Ameríku og gefum afkomendum indjána allt landið.

Það er bara ekki hægt að gera upp slíka gerðardóma sem eru raktir aldir eða árþúsund aftur í tímann.

Það helsta sem er að Ísraelsríki er að öfugt við allar aðrar vestrænar þjóðir þá er þar kynþáttamisrétti lögbundið. Fólk með ákveðna trú fær búseturétt og ríkisborgararétt í landinu en ekki þeir sem bjuggu þar síðustu aldirnar.

Ef að þeir myndu deila landinu með aröbum þá myndu Ísraelar vissulega fá minna rými en það væri mun réttlátara samfélag. Öfugt við þessa hugsjón þá hafa Ísraelar tekið sér mun meira land en þeim var úthlutað af SÞ. Þettaland sem þeir hafa tekið sér samnýta þeir sér ekki með fyrri íbúum, nei þeir reka þá í burtu.

Ég lifði í þeirri trú að guð skapaði alla jafna. Ég hélt að mannkynið vildi skapa fólki jöfn lífsskilyrði óháð því hvort að saklaust barn fæðist réttum eða röngum megin við aðskilnaðarmúra. Sumum virðist þó skítt um þá hugsjón. Þeir telja að guð skapi alla jafna, já nema Ísraela, þeir eru ótvaldir og því aðeins jafnari.

Saga gyðinga rekur um 4000 ár og þeir hafa gengið í gegnum margt á þeim tíma. Að heillast að sögu þeirra í 3900 ár en líka illa við kynþáttamisrétti og ofbeldi þeirra síðustu öldina ár þykir mér ekki ótrúlegt. Þrátt fyrir að mér líki ekki zionismi þeirra þessi síðustu ár þá hafa þeir gert margt annað gott á öðrum sviðum. Þeir eru framúrskarandi í listum og vísindum. Það er ekki zionisma að þakka. Því líkar mér ekki illa við gyðinga þó svo að ég sé á móti stefnu þeirra í utanríkismálum