Skýrsluskussinn Ingibjörg

Fréttir herma, að Ingibjörg Sólrún Gísladóttir hafi haldið fundi, sem mikilvægir voru fyrir framtíð þjóðarinnar, án þess að skrifa línu um þá. Ingibjörg hefur enn einu sinni sýnt, að hún hefur einkennilega forgangsröðun.

Hún hafði til að mynda tíma á gamlársdag til að skrifa skammarbréf til Tzipi Livni í Ísrael sem fyrst var birt á þessu bloggi. Gaza er greinilega málið sem fær suma íslenska pólitíkusa í vinnufötin.

Ísland var hins vegar lengra niður á verkefnalista Ingibjargar en ávítur í garð Ísraels.  Hún hafði greinilega ekki tíma í desember og janúar til að skrifa smáskýrslu um leynifund sinn með David Milliband um Icesave, þar sem tekist var á um beitingu hryðjuverkalaganna. Þetta gæti hafi verið örlagaríkur fundur fyrir Íslendinga.

Það vantar jafnvægi í þetta. Þetta sýnir þá firringu sem oft var í starfi Ingibjargar sem utanríkisráðherra. Hún baðaði sig í sviðsljósinu með hryðjuverkahöfðingjum en hélt leynifundi með mönnum sem settu Íslendinga á hryðjuverkalista. Hún hnakkreifst við Davið Milliband, en skrifar ekki um það skýrslu. Svo hefur hún tíma til að senda harðorðar yfirlýsingar til þjóðar, sem er umkringd ríkjum sem hýsa allar helstu hryðjuverkahreyfingar heims.  

Flott Ingibjörg. Skrifaðu nú skýrsluna!

Athugasemdir

[Jon (IP-tala skráð) 8.3.2009 kl. 13:49]

Sæll.

Flott færsla. Það er í tísku í Evrópu að úthúða Ísraelum en snúa blinda auganu að gerðum þessara villimanna sem búa í kringum þá.

Ég hef aldrei skilið það hve vinsæl hún Ingibjörg er. Hún er ekki það sem þjóðin þarf og hefur sýnt það með getuleysi sínu undanfarið. Hvernig stendur t.d. á því að hvorki Lárus Blöndal né Stefán Már (lögfræðingar sem hafa skrifað greinar í mbl um lagalegar skuldbindingar okkar varðandi Icesave) voru settir í viðræðunefndir við Breta um Icesave? Er Icesave kannski ekki nógu stórt mál? Það er líka hægt að skera verulega niður í utanríkisráðuneytinu en hún hefur ekki haft dug í sér til þess (ræður þess í stað vinkonur sínar í bitastæð embætti).

Ingibjörg er enn sama kvennalistakonan og hefur sýnt það og sannað að hún hefur ekkert fram að færa í stjórnmálum.

Takk fyrir góða færslu!

[Vilhjálmur Örn Vilhjálmsson, 8.3.2009 kl. 18:40]

Nú verður víst ekki bloggað mikið meira um Ingibjörgu Sólrúnu Gísladóttur. ......