Um barnaníðinga bloggsins

Stríð í Miðausturlöndum er kærkomið tækifæri fyrir suma íslenska stjórnmálamenn til að beina sjónum fólks frá vanda og vitleysu í eigin landi. Á Íslandi er það vandi, sem misheppnaðir snillingar sköpuðu, eftir að þjóðin trúði þeim fyrir dýrkun Mammons. Bloggverjar eru líka fólk, sem taka málin til sín. Þeir eru margir hverjir míní-stjórnmálamenn, og ófáir þeirra ætla sér að bjarga heiminum á einni nóttu. Þeir telja Íslendinga sérstaklega hæfa til þess; með hlutverk á meðal þjóðanna.

Stjórnmálamenn og bloggarar, sem ekkert segja við alls kyns syndum mannkyns; fjöldamorðum og þjóðarmorðum út um allan heim, ganga nú af göflunum þegar Ísraelsmenn eru með aðgerðir til að verja land sitt fyrir hryðjuverkahópum, sem ítrekað hafa lýst áformum sínum um að útrýma Ísraelsríki. Æsingurinn í þessu fólki er jafnvel meiri en þegar Íslendingar voru settir á hryðjuverkalistann af Bretum.

Vegna þess hvernig Palestínumenn fara með börnin sín, verða þau því miður að fórnarlömbum á allan hátt. Líka í umræðu kaldrifjaðra stjórnmálamanna, sem og bloggara, sem bjarga heiminum á einni nóttu. Heima fyrir eru börnin gíslar og fórnarlömb hatursins. Þau eru litlar Hamasdúkkur sem eru myndaðar með kalishnikov riffil sér við hlið og í búningum hermanna og Jihad skæruliða frá því að þau eru kornabörn. Þau eru heilaþvegin. Þeim er kennt að hata í skólanum og í "Stundinni okkar" er Afi gamli eða Fúsi Flakkari að vitna í Hitler og afneita Helför gyðinga. Og svo þegar þau eru dáin, fallin fyrir kúlum Ísraelshers, eru þau aftur orðin að vöru, sem hægt er að nota í "frelsisbaráttunni".

Ekkert er til sparað til að sýna okkur lík þeirra. CNN, BBC og RÚV fara með okkur inn í kæliklefa líkhúsanna á Gaza. Það liggur stundum við, að ljósmyndararnir fari alveg inni til þeirra á hillu kæliklefans, ofan í sárin, brotna limina og sundurskotinn brjóstkassann.

Réttlátir Íslendingar keppast um að skrifa um þessar hörmungar, og er það skiljanlegt. Þeir heilögustu setja inn myndir og videó af blessuðum börnunum, blóðugum og limlestum. Hatur þeirra í garð Ísraels nærist á þessum myndum.

En enginn spyr til nafns barnanna, enginn vill vita deili á þeim. Þau eru bara vara, börn í kælidisk Bónussjúkrahúss á Gaza, sem hægt er að mata æstan lýðinn með fyrir málstaðinn. Það síðasta sem við sjáum til þeirra eru lík þeirra í kæliklefanum. Hver þau voru, veltir enginn fyrir sér.  

Ég vil fá nöfn allra þessara barna og fórnalamba stríðsins, sem við sjáum í líkhúsunum eða þegar er verið að drösla þeim hálsbrotnum á sjúkrahúsin. Ég vil ekki skilja við þau sem líflausa kroppa í sjónvarpsfrétt, sem fær milljónir manna um allan heim til að hóta einni þjóð tortímingu. Ég hvet menn til að minnast þeirra á sómasamlegan hátt. Síðasti maðurinn, sem talar um þau, á ekki að vera norskur læknir sem lagði blessun sína yfir árás Al Qaida 11. september 2001. Norðmenn geta líka verið morðingjar, þó þeim vökni um augun þegar önd er skotin.

Geta þeir, sem vilja slíta stjórnmálasambandi við Ísraelsríki, ekki sett nöfn og myndir þessara barna á blogg sín og heimasíður. Palestínumenn setja gjarnan upp flennistór götuspjöld með myndum af hetjum sínum, sem hafa slátrað saklausum Ísraelsmönnum. En börnin, sem þeir settu ofan púðurtunnur sínar, sjáum við aðeins náföl með blóðsprengt hár í líkhúsinu.

Mörg ísraelsk börn hafa verið myrt af Hamas. Hamas myrti þau af yfirlögðu ráði. Þau sátu ekki á púðurtunnu pápa síns, sem ætlaði að útrýma Palestínumönnum. Þau voru annað hvort heima hjá sér, í strætó, á leikvelli, í skólanum, á veitingastað eða í Kringlunni þegar þau voru myrt köldu blóði fyrir stefnu, sem þúsundir Íslendinga virðast styðja og sem þeir brenna enn meira fyrir þegar þeim er sýnt inn í kæliskáp líkhúsanna á Gaza.

Hér fyrir neðan eru myndir af sumum af þeim ísraelsku börnum, sem myrt hafa verið af Hamas. Ég vona að þið sem styðjið Hamas og baráttu þeirra gegn Ísrael og gyðingum, og syrgið börnin sem sprengjur Ísraelsmanna granda, setjið nú myndir af þeim börnum sem nú deyja á bloggin ykkar og minnist þeirra með nafni og virðingu, í stað þess að velta ykkur upp úr nærmyndum af þeim frá líkhúsum. Um leið gætuð þið velt fyrir ykkur, hvernig það er að kenna börnum sínum að hata náungann svo mikið, að litlu börnin fara að tala um útrýmingu á forskólaaldri.  Ekki kennið þið börnum ykkar það á Íslandi? Væri það ekki hollara að minnast fórnarlamba Hamas og stríðsátaka þeirra við Ísrael í stað þess að vera þátttakandi í hring barnaníðinga og dauðadýrkara, sem velta sér upp úr myndum af líkum barna, sem dóu vegna manna sem stefna tortýmingu Ísraelsríkis og útrýmingu okkar menningar.

Athugasemdir

[Ástþór Magnússon Wium, 6.1.2009 kl. 19:33]

Stöndum vörð um börnin á Íslandi. Þau eiga ekki heima á pólitískum ræðupöllum:

Þátttaka barna í pólitískum fundum og mótmælum

[Þorvaldur Þórsson (IP-tala skráð) 7.1.2009 kl. 09:07]

Hvaðan kemur þetta takmarkalausa Arabahatur hjá þér Villhjálmur??? Þú styður nasistana í Ísrael við morðæði þeirra. Ég er ósköp hræddur um að þetta nýjasta morðútspil þeirra á Gasa hafi farið mjög illa með almenningsálitið hér á landi þar sem menn tala alvarlega um að slíta stjórnmálasambandi við Ísrael og fólk reynir sniðganga vöru frá Ísrael.

[Vilhjálmur Örn Vilhjálmsson, 7.1.2009 kl. 10:40]

Þorvaldur, "Olli", V. Þórsson, forritari. Finnst þér það vera arabahatur að krefjast þess að börnum sem falla á Gaza sé sýnd virðing?

"Nasistar" í Ísrael? Hvað eru þá menn, sem sitja við tölvur í vinnutíma hjá fjárfestingarfyrirtæki í Garðabæog kallar fólk Arabahatara. Það eru menn sem misnota tíma vinnveitanda síns í persónuárásir.

Kannski er of lítið að gera í fjárfestingunum nú þegar allt hrundi?

Þú hjálpar ekki börnunum á Gaza með gífuryrðum þínum á mínu bloggi, og þau eru orðin nokkuð mörg! Stofnaður þitt eigið blogg og berstu fyrir málstað þínum á sómasamlegan hátt - í frítíma þínum.

[Einar Steinn (IP-tala skráð) 7.1.2009 kl. 16:13]

"Þú hjálpar ekki börnunum á Gaza með gífuryrðum þínum á mínu bloggi, og þau eru orðin nokkuð mörg! Stofnaður þitt eigið blogg og berstu fyrir málstað þínum á sómasamlegan hátt - í frítíma þínum."

Segir maðurinn sem kommentar það oft með dylgjum og skítkasti á moggablogg bróður míns að farið er að jaðra við spam.

[Vilhjálmur Örn Vilhjálmsson, 7.1.2009 kl. 16:37]

Er nokkur sem gerir athugasemdir á bloggi bróður þíns? Mér þykir hann oft svo einsamall, en hann þó góður bloggari. En hann var nú með vinum þegar hann fór á ráðstefnu Múslímska bræðralagsins í Kaíró og uppgötvaði að hann hafði farið á ranga ráðstefnu.

Skítkast hef ég ekki verið með á bloggi bróður þíns.

Einar Steinn, hann stóri bróðir þinn verðskuldar miklu meiri lesningu en margir aðrir bloggarar í hans flokki. Hann er prýðispiltur og líkur Jesús - í dómkirkjunni.

[Einar Steinn Valgarðsson (IP-tala skráð) 7.1.2009 kl. 17:52]

"...vinur Múslímska Bræðralagsins, Fjeldsted sem hefur setið á fundum með hryðjuverkamönnum"

"segir Fjeldsted, vinur Múslímska bræðralagsins. Maður sem fer á fundi hryðjuverkasamtaka í Egyptalandi er líka ruddi, Vésteinn minn."

"Þú styður brot á alþjóðalögum."

Þetta kallast dylgjur og skítkast í minni orðabók, sér í lagi í ljósi þess að ég hef ekki séð að þú hafir getað rökstutt þessar fullyrðingar. Leggir þú annan skilning í skítkast og dylgjur en ég þá biðst ég velvirðingar.

Hef nú alveg séð slatta af kommentum hjá honum, en kommentafjöldi segir svo sem lítið um lesningu. Það gleður mig að þér þyki hann góður bloggari, það þykir mér líka, og drengur góður ef e-ð er að marka 24ra ára kynni mín af honum. Bloggarar eru líka eins misjafnir og þeir eru margir, og ég mér þykir vissulega skrif hans betri en ýmislegt annað sem ég rekst á í bloggheimum og eiga skilið víða lesningu.

Líkur Jesús, segirðu. Já, það má til sanns vegar færa, ef miðað er við klassískar Biblíumyndir Ekki það að ég telji Jesús, ef hann var til, hafa verið sérlega líkan þeim.

[Valdimar Jóhannsson (IP-tala skráð) 9.1.2009 kl. 13:06]

Sæll Vilhjálmur:  Á  meðan palestínumenn hata gyðinga meira, en þeir elska börnin sín, þá verður aldrei friður.  Þetta sagði Golda Meir forsætisráðherra Ísarel á sínum tíma ( 1896 - 1978 ). Orð að sönnu frá mjög gáfaðri konu. Fréttaflutningur frá Palestínu er mjög óábyggilegur og mikið um fréttalýgi frá beggja hálfu.  Í sjónvarpinu er oft notast við gamlar myndir frá oðrum viðburðum. Ég hef mjög gott sjónminni og hef oft séð það. En annars, þá er ekki hægt að semja frið við múslima samkvæmt Islam, aðeins vopnahlé um lengri eða skemmri tíma. Islam er pólitík sem ætti að banna í hinum vestræna heimi. Einfalt. Ég hef búið erlendis í fjölda mörg ár og er kunnugur múslimum sem eru þægilegir og ágætis fólk í umgengni, en í úthverfunum þar sem þeir búa í stórum hópum og ráða ríkjum er betra að fara ekki út eftir kl. 10 á kvöldin. Þetta fólk er innst inni á móti samfélaginu og vill ekki aðlagast, en nýtir og mergsýgur samfélagið eftir bestu getu.  Það er mjög áríðandi að fræða óupplýsta íslendinga um hvað skeður í samfélaginu , þegar múslimar ná ákveðnum prósentu fjölda á svæðinu t.d. eins og í Malmö í Svíþjóð. Þar er þriðji hver íbúi múslimi og skemmdarverk  á skólum og íkveikjur daglegt brauð frá þessu fólki og ástandið fer versnandi með hverjum degi. Þetta er einfaldlega uppreisn gegn samfélaginu , samfélaginu sem í barnaskap tekur á móti þessum framandi lýð og gerir sér enga grein fyrir því, að þessi lýður vill troða sínum lögum og reglum upp á samfélagið.  Múslimar í Svíþjóð hafa lagt inn tillögu til sænska þingsins að hluti af Sharia- lögum þeirra verði bætt við sænsku lögin.