Hinn heilagi sannleikur

 

CNN auglýsir grimmt á milli frétta sinna með slagorðunum "There is no more treasured commodity than truth". En CNN starfar því miður ekki eftir þessum slagorðum, þegar þeir segja fréttir frá Gaza. CNN og BBC eru orðnar eins og kirkjur og blaðamennirnir trúarlegar frelsishetjur. Hver sem á þá trúir, öðlast hamingju í hinum hálfsturlaða heimi fjölmiðlanna.

En CNN og aðrar fréttastöðvar eiga greinilega erfitt með að segja sannleikann. Síðan Ísraelsmenn hófu aðgerðir sínar gegn Hamas, hafa fréttamenn keppst við að mála þá mynd, að það ríki eymd, skortur á matvælum, hungur og vannæring (því haldið fram af BBC í dag). Þetta er apað eftir af þeim sem trúa. Af sóknarbörnum fréttastöðvanna og fólki sem hatast út í Ísrael.

12. desember lýsti Khaled Abdel Shaafi, framkvæmdastjóri United Nations Development Program í Gaza þessu yfir: "This is not a humanitarian crisis," ... "It's an economic crisis, a political crisis, but it's not a humanitarian crisis. People aren't starving."

Ef Ingibjörg Sólrún Gísladóttir hefur höndlað stærri sannleika og meiri vitneskju en Khaled Abdel Shaafi, þá verður hún að undirbyggja hann og upplýsa okkur, áður en hún hundsar geldinginn sem "stýrir" Íslensku ríkisstjórninni.

Hér með hvet ég Ingibjörgu Sólrúnu til að koma með sannanir fyrir fjölmörgum ásökunum sínum í garð Ísrael.

Það er nú einu sinni svo, að atvinnuleysið og eymdin á Gaza gegnum árin er afleiðing stefnu Hamas. Meðan fleiri og fleiri Gazabúar verða fátækir, mata nokkrar ættir og klíkur á Gaza krókinn og lifa í vellystingum.Kannast einhver við þá mynd á Íslandi?

Það versta er bara að Íslendingar geta ekki skotið á ímyndaða fjandmenn sína yfir landamærin....... Þess vegna finna svo margir sameiginlega fjandmann í Ísrael og vin í kjölturakkanum Hamas á Gaza. Hatur er einkennileg samkennd. Það eina sem Íslendingar hafa ekki, sem þeir í Hamas hafa, er máttur Múhameðs og trúin á Allah hinn réttláta. En Íslendingar trúa í staðinn hálfguðum eins og Imbu Sólguð og láta "helgidóma" eins og CNN og RÚV leiða sig í sannleikann um allt.

Athugasemdir

[Jónas Rafnar Ingason, 5.1.2009 kl. 00:32]

Það verður seint hægt að réttlæta stríðsglæpi þá er Ísraelsríki hefur framið. Ofbeldi er í eðli sínu rangt, en það ofbeldi sem Ísraelsríki beitir er yfirdregið!

[Sigurður Þór Guðjónsson, 5.1.2009 kl. 16:57]

Ert þú laus við hatur en allir sem eru þér ósammála hatursfullir?

[Vilhjálmur Örn Vilhjálmsson, 5.1.2009 kl. 17:20]

Ég elska þig Sigurður Þór, þú spyrð svo erfiðra spurninga, að ég get ekki svarað. ... En þessi var létt, en svarið kostar. Íslenskir sérfræðingar eru dýrir. ... Nei, þú sleppur vegna lágra tekna. Auðvitað er allri fullir af hatri. Að neita því væri óeðlilegt. Hatrið verður bara að beisla.

[Sigurður Þór Guðjónsson, 5.1.2009 kl. 19:40]

Þú átt að elska náungann eins og sjálfan þig!

[Vilhjálmur Örn Vilhjálmsson, 5.1.2009 kl. 20:34]

Það leyfir konan mín mér aldrei. Það yrði heldur betur ástarævintýri, ef tekið er tillit til þess hve mikið ég elska sjálfan mig.

[Hippókrates (IP-tala skráð) 5.1.2009 kl. 21:05]

Mér sýnist þér ekki veita af allri þeirri ást sem þú getur veitt þér Vilhjálmur.

Nógu mikið ertu hataður hér á blogginu af stuðningsmönnum 'góðgerðasamtakanna' Hamas. Ekki eru þetta geðslegar myndir sem maður sér frá Palestínu þessa dagana. Þær koma svo sannarlega við mann. Þætti hryðjuverkamannanna sem fela sig innan um konur og börn má þar að stórum hluta kenna um. Sama hvað hver segir, Hamas vissi að til þessa kæmi. Samt héldu þeir áfram. Nú skulu þeir upprættir svo von um frið megi vakna á ný.

Þessu daglega 'flugeldasporti' þeirra hér að neðan; áttu Ísraelar að gefa grænt ljós á sínar byggðir út í það óendanlega. 

Einn bloggari hér og Hamas-stuðningsmaður, sem ég man ekki í svipinn hver er; gat um í pistli sínum að sonur sinn hefði verið með stærri rakettur á gamlárskvöld en Hamas býr yfir í sínum risaflugeldapakka:

Ekki vildi ég vera nágranni þessa ábyrga föðurs, né búa í 10 km. radíus frá honum. Þeir sem halda því fram að flaugar Hamas séu e-r skaðlausir kínverjar hafa gott af því að sjá þessa mynd sem ég set hér inn. Vonandi með þínu leyfi Vilhjálmur, ellegar tekur þú þetta bara út. Sumum er illa við að fá myndir í kommentakerfi sitt. Þessi hefur tilgang til leiðréttingar á flugeldaklisju íslenskra Hamasvina, í þrotlausri viðleitni þeirra að gera lítið úr ógninni sem stafar af þessum mönnum.