Danski sendiherrann fer með rangt mál í dönskum fjölmiðlum

Danska morgunblaðið Politiken fylgist af áhuga með skrílslátunum á Íslandi. Danski sendiherrann, Lasse Reimann, telur það greinilega í verkahring sínum að gerast heimildamaður fyrir Politiken. Allt er meira eða minna skrumskælt í fréttum blaðsins og sendiherrann segir að mótmælendur á Austurvelli beini ekki mótmælum sínum að ákveðnum persónum. Þekkir hann ekki Davíð, Geir og Sollu?

Það ætti að vera fyrir neðan virðingu danska sendiherrans á Íslandi að gerast fréttasnápur fyrir Politiken, ef hann getur ekki komið efninu rétt frá sér. 

Reimann

Tveir blaðamenn Politiken skrifa: Islandsk politi har affyret peberspray mod hundredvis af vrede demonstranter, som har angrebet politihovedkvarteret i hovedstaden Reykjavik.  Þarna stendur að piparúða hafi verið skotið á hundruð reiðra mótmælenda.

Því er haldið fram að fjölmargir úr árásarliði götunnar hafi slasast við lögreglustöðina í Reykjavík. Blaðið lýsir eftir safaríkum myndum af íslenskum löggum að berja líftóruna úr aumingja mótmælendum. Hægt er að senda slíkar myndir til Politiken, sem getur greinilega soðið súpu sína úr hverju sem er. Við þá ósk skrifar Politiken þetta: Islandsk politi har kastet peberspray mod en stor gruppe demonstranter. Fyrst affyret og svo kastet. Blaðamenn í Danmörku eru jafnlélegir og þau mörgu unglömb og æsingamenn sem ráða ferðinni á íslenskum fjölmiðlum í dag. Orðaforðinn er greinilega ekki nægilegur til að lýsa hlutunum rétt. Maður úðar piparúða.

Ekki veit Politiken að Bónusfánabjáninn er fyrrverandi partísan í Palestínu, sem sagði af sér alls kyns frægðarsögur í þjónustu hryðjuverkasamtaka. Ekki veit Politiken heldur að móðir skæruliðans er starfandi norn. Það sem Politiken hefði átt að skrifa um er að rugl, bull og veitleysa leggst í sumar ættir á Íslandi.

Seiðkerling hvetur til byltingar vegna klifurapa

 

Athugasemdir

[Sigurður Þór Guðjónsson, 23.11.2008 kl. 10:29]

Þetta eru engin skrílslæti Vilhjálmur. Að þú skulir fallar í þessa gryfju. 

[Vilhjálmur Örn Vilhjálmsson, 23.11.2008 kl. 10:34]

Þetta voru hreinræktuð skrílslæti út af strákapörum í piltungi sem telur töfft að vera exhíbisjónisti. Flöggun svínafána og árásir á lögreglustöð er engin lausn á vandamálum þjóðarinnar.

[Jón Steinar Ragnarsson, 23.11.2008 kl. 11:03]

Þetta er kannski hlutur í átt að lausn Villi, hvað sem mönnum kann að sýnast um aðdragandann og verknaðinn.  Það sem stjórnvöld skilja enn betur nú er að fólkið er reitt og þetta er smá sýnishorn af því sem undir kraumar.  Þeir virðast halada að friðsamleg mótmælin séu einhverskonar pikknikk hjá fólki, en fólk er þarna af því að það er ráðvillt og reitt.  Það þarf ekki merkilega hluti til að kveikja í slíkri púðurtunnu.  Í Tékkó var það stúdent, sem þóttist vera dauður.

[Tobbi (IP-tala skráð) 23.11.2008 kl. 12:03]

Hvar sagði partísaninn af sér allskyns frægðarsögur?

[Vilhjálmur Örn Vilhjálmsson, 23.11.2008 kl. 12:19]

Líttu inn hér Tobbi: http://salvor.blog.is/blog/salvor/entry/721304/ 

[Vilhjálmur Örn Vilhjálmsson, 23.11.2008 kl. 12:45]

SALB, sendiherrann danski sagði að fólk beindi ekki gremju sinni að persónum. Það er rangt. Trúbador Torfæruson var með hnýtingar í ákveðið fólk á Austurvelli. Móðir fitlarans á þakinu hrópaði að setja ætti Geir í steininn.

Menn geta notað piparúða, úðað honum, en ekki kastað honum eða skotið. Þú verður að treysta mér. Ég er búinn að búa í Danaveldi í nær 28 ár og skrifa dönsku betur en margir Danir. Úðaðu nöldri þínu á skynsamari hátt og undir fullu nafni.

[Jón Valur Jensson, 23.11.2008 kl. 15:03]

Vilhjálmur, þú þarft bara að koma sannleikanum til skila til Politikens, eru ekki hæg heimatökin hjá þér, færum manninum, að koma orðum að því sanna og rétta á dönsku mannamáli?

[Nordjyden (IP-tala skráð) 23.11.2008 kl. 18:51]

Vilhjálmur, þú ferð offari í árásum þínum á bæði danska sendiherrann og blaðamenn Politiken. Kannski einnig í mati á eigin kunnáttu í dönsku og íslensku. Blaðamaðurinn er vissulega svolítið fljótur á sér og ruglar líklega saman piparúða og gasi, en eins og þú eflaust veist Vilhjálmur, þá "affyrer" (skýtur) danska lögreglan stundum "gasgranater" á mótmælendur. Þetta er því fyrirgefanleg og nokkuð augljós fljótfærni en ekki meðvituð vitleysa.

Þú getur heldur ekki alhæft um að danska orðið "affyre" þýði alltaf að "skjóta" á íslensku (framsetning þín gefur slíkt til kynna við fyrstu sýn), jafnvel þó svo að blaðamenn Politiken misstígi sig aðeins í þessu tilviki. "Man kan affyre vittigheder", svo dæmi séu tekin, án þess að um bókstaflega skothríð sé að ræða!

[Vilhjálmur Örn Vilhjálmsson, 23.11.2008 kl. 19:12]

Nordjyden, en kanonfyr, men anonym:

Det islandske politi har ikke fyret en vittighed af. De har blot anvendt peberspray (Maze). [Beita eðe úða piparúða].

Ég á um 60 orðabækur, ca. 30 eru danskar. Ekki finn ég neitt um affyring piparúða.

Hvis hetroer bliver fyret, bliver de fyret, men hvis bøsser bliver fyret, bliver de også affyret  CHIKANE!

[Thor Svensson (IP-tala skráð) 23.11.2008 kl. 20:53]

Haft eftir íslensku fréttaskeyti birtu danskir fjölmiðlar frétt í síðustu viku um að íslendingar væru að mótmæla fjármálakrísunni í heiminum!!

Í þetta sinn sniðgengu menn íslenska fjölmiðla og völdu að fá fréttina frá svolítið meira áreiðanlegum heimildum. Húrra fyrir því!

[Þráinn Kristinsson (IP-tala skráð) 24.11.2008 kl. 13:06]

Á íslensku segjum við að löggan hafi sprautaði piparúða í andlitið á mótmælendum og fréttamönnum. Við myndum varla segja að löggan hafi "úðað piparúða"?

Danirnir myndu segja: Politiet sprøjtede peperspray over demostranterne eller politiet sprayede peperspray over demostranterne. Eða bara politiet brugte peperspray mod demostranterne.