Norska kjaftakerlingin og forsetinn

Ólafur Ragnar Grímsson gasprar of mikið. Það er víst auðvelt að vera sammála um það. Hann hefur hins vegar hitt ofhjarl sinn í hádegisverðarboði í danska sendiráðinu í Reykjavík.  Hádegisverðarboð í danska sendiráðinu hafa oft verið hættuleg íslenskum embættismönnum og hef ég skrifað færslu um það áður, sem ég hvet menn til að lesa. Vinsæll réttur í sendiráðinu var "tunga í gelé".

Norska senditíkin á íslandi, Margit Tveiten, er líklega komin af sama stofni og Gróa á Leiti. Óli og Tveiten á Leiti voru boðin í veislu í danska sendiráðinu, og andstætt því sem gengur og gerist í diplómatíu er þessi Tveity lady frá Norge hálfgerð fréttastöð á stuttbylgju. Ef Tveiten veit það, þá veit öll sveitin það.

Ég mæli með því að Óli loki rifunni meira en hann er vanur og að norsk yfirvöld kalli kvendiplómatann heim í endurskólun. Ég er persónulega á móti því að konur gegni háum stöðum í utanríkisþjónustu. Ingibjörg Sólrún er greinilega ekki sammála því. Nú þegar hún er að "spara" í ráðuneytinu, ræður hún stelpuna sem hún hélt úti í New York til að fremja gjörninga svo sem pönnukökubakstur, svo að Íslendingar gætu komist í Öryggisráðið.  Pönnsubakarinn frá New York er nú orðinn sendiherra fyrir að eyða hundruðum milljóna í ekkert. Flott!

Athugasemdir

[H G, 14.11.2008 kl. 00:18]

Fræðslan sem hér er sett fram í bland við fordóma og dónaskap er reglulega góð. Sammála því að ráðning nýja "sendiherrans" er gagnrýniverð eins og nú stendur á.    Kveðja með ósk um framhald fræðslu - en helst minna fordómablaður.

[Jón Steinar Ragnarsson, 14.11.2008 kl. 00:19]

Góður.

Óli er eitthvað eirðarlaus. Hefur lítið að gera í fásinninu. Kalt á toppnum. Hann gæti drepið tímann með að lesa stjórnarskrána. Þar getur hann séð hvað hann má og hvað ekki t.d.

Þar getur hann séð að hann má rjúfa þing og boða til kosninga eða jafnvel stofna neyðarstjórn. Hann má hinsvegar ekki setja varnarjafnvægi heimsins á hliðinna, þó það sé svolítið freistandi. Hann gæti alveg eins mætt í sprengjuvesti í dinnerinn og það má ekki heldur.

[Jón Steinar Ragnarsson, 14.11.2008 kl. 00:25]

Annars ku Óli vera stakur bindindismaður, sem gerir þetta allt undarlegra, en kannski hefur Tveitsnípan koxað á öllu milliréttabúsinu og farið að tala tveimur tungum. Búsmarineraðri rógtungu og slepjugri kýrtungu.  Annars þykja beljur vera ansi skyni skroppnar, svo kannski var það hin tungan sem hafði orðið.

[Jón Valur Jensson, 14.11.2008 kl. 01:38]

Örugglega milljarði, dr. Vilhjálmur, þótt reynt væri að fela lungann af honum með ýmsum brögðum.

Gaman að sjá þig aftur hér, en af því að þú talar ekki rétt vel um Margit Tveiten og nefnir þó engar heimildir um, að hún sé lausmál, þá spyr ég: Mátti hún ekki skrifa minnispunkta handa sínu ráðuneyti um dæmalaust mal Ólafs Ragnars á þessum fundi? Á ekki Noregur hagsmuna að gæta, ef forseti Íslands ætlar að gefa Rússum grænt ljós á, að þeir geti reynt fyrir sér um aðstöðu hér á landi? Eða ertu einn af þeim sem ímynda sér, að Ólafur sé ávallt orðvar maður og fullur pólitískra hygginda?

Og er það á Margitar ábyrgð, ef einhver í ráðuneytinu lak út þessum ummælum hans? – Hún er reffileg í búningnum á myndinni og minnir mig hreint ekki á Gróu á Leiti.

[Vilhjálmur Örn Vilhjálmsson, 14.11.2008 kl. 07:56]

Þakka heimsóknirnar herrar og HG?, hvers kyns sem þú ert. Ég hafði þó viljað nokkrar konur í heimsókn sem ærðust yfir karlrembunni í mér. Þeim er líklega alveg sama, þær eru í vinnunni og við að blogga eins og asnar um aðra asna.

Jón Steinar, alltaf tungulipur. Góðir og skemmtilegir punktar. Neyðarstjórn er orðin gjaldgengur valkostur fyrir forsetann. Ég myndi fagna slíkri stjórn og sagði það strax í kreppubyrjun. Núverandi stjórn er of samtvinnuð þeim vandamálum sem leysa á á næstu árum.

Jón Valur, minnispunktar sendiherra eru venjulega ekki leystir út til fjölmiðla eins og vindur og sennilega ber norski utanríkisráðherrann ábyrgð á öllu á lekanum.  Ég er þó ekki að taka afstöðu til sannleiksgildisins í minnispunktum sendiherrans. Ólafur kann að hafa sagt eitthvað um Rússa sem skók í Norðmönnum og Tveiten hefur talið það skyldu sína að hafa strax samband við Osló. Það sýnir bara að Ísland skiptir enn máli hernaðarlega. Pútín er líka stórhættulegur karakter. Jón, þakka þér fyrir tilvísun í Björn Bjarnason, sem ég var ekki búinn að lesa.