Skrítin frétt

Þær skýringar sem Danske Bank gefur Mbl.is eru ekki sömu skýringarnar og ég fékk hjá starfsmanni erlendra viðskipta sem lögfræðideild Danske Bank lét hringja til mín í morgun (sjá færsluna hér á undan og athugasemd við hana).

Veit Seðlabanki Íslands til þess að Danske Bank hafi haft samráð vegna þessarar ákvörðunar sinnar?  Gaman væri að vita það. Ég hringdi áðan í Seðlabankann og starfsmaður þar, sem virtist kunnugur alþjóðlegum viðskiptum, kannaðist ekki við málið.

Er þetta geðþóttaákvörðun Danske Banks, sápa í Geysir-ökónómíuna á Íslandi?

Danske Bank lokar á íslenskar millifærslur

Athugasemdir

[Loftur Altice Þorsteinsson, 10.10.2008 kl. 13:06]

Það er erfitt að skilja, hvers vegna Danske Bank lætur ekki viðskiptavini sína ráða hvort viðskipti við Ísland fara fram eða ekki. Ég veit ekki til þess að aðrir bankar eigi í neinum vandræðum með að veita sínum viðskiptavinum þessa þjónustu.

Það eru auðvitað hraðar breytingar á gengi Krónunnar, en þessa stundina að minnsta kosti er Krónan að styrkjast ótrúlega hratt. Evran stendur núna í kr.131,44, sem er 30% styrking frá í fyrradag !

Það er illt, ef almenningur fær ekki að notfæra sér þetta tækifæri til að hagnast á styrkingu Krónunnar. Er kannski Danske Bank svo upptekinn við að skipta Evrum í Krónur fyrir sjálfan sig, að hann má ekki vera að skipta fyrir aðra ?

[Jóhann (IP-tala skráð) 10.10.2008 kl. 13:10]

Þetta er ekki bundið við Danske Bank - eins og þú væntanlega ert búinn að sjá núna - heldur virðist allt klabbið sitja fast.

Viðskiptabankinn minn á Íslandi á engan gjaldeyri og er auk þess búinn að loka á möguleikann á millifærslu. 

Blúbb!

[Jón Steinar Ragnarsson, 11.10.2008 kl. 03:55]

Við fáum fullt af dönskum krónum, þegar danir koma hingað til að kaupa lúxusvöru á spottprís, já og jafnvel sumarvillur. Nú er þegar að koma hingað flugfarmar af hrægömmum, alltaðar að ú heiminum og brátt verðum við búin að selja óþarfann og hégómann og getum aftur snúið okkur að sauðkindinni og skreiðinni.

Annars hefur þú væntanlega lesið Falið Vald Villi, kannski eru einhver svör í því merka riti. ( www.vald.org )Davíð er með ráðgjafa frá einkabankamonstrúminu JP Morgan Chase inni á gafli í seðlabankanum og svo hafa þeir blssaðir, Björn Bjarna og hann eitthvað verið viðstaddir Bildenbergfundina, allavega sem áheyrnarfulltrúar.Ó, það er svo margt, sem getur verið á seyði. Vandinn er ekki að við súm fátæk þjóð, heldur að við erum ríkari en mönnum þykir okkur hollt.Mundu eftir Drekasvæðinu. Líklegast eru breimahljóðin í Pútin þess vegna, nema að vera skyldi að það sé vegna þess að amma hans átti Álafossteppi. (eða Gefjunnar)Hvað veit ég?

[Jón Steinar Ragnarsson, 11.10.2008 kl. 04:05]

Gaman að þessu annars. Gamli Marxistinn Brown hendir í okkur mólotov kokteilum þar sem við spinnum brennandi til jarðar og kenni 300.000 manna þorpi um þrengingar heimsins.

Það er náttúrlega enginn að horfa á hann á meðan.

Fellini hefði ekki getað gert betri kvikmynd, þótt hann fengi Dario Fo til að skrifa handritið. Í alvöru talað Villi, þjóðin er eins og svefngenglar. Lost. Blessuð börnin sklja ekkert og spyrja her þessi krippa sé.

Það er eins og öll þjóðin hafi fengið úrskurð um terminal krabba. Þetta er að byrja að síast inn núna. Ég hef samt einhvernvegin mestar áhyggjur af gamla fólkinu, fólkinu, sem í sveita síns andlitis þrælaði fyrir sjálfstæðinu. Ég vona að menn snúi sér að þeim um Jólin og láti sér nægja kerti og spil í þetta sinn. Manni er raunar hálf stirt um stef.

[Guðmundur Björn, 11.10.2008 kl. 07:50]

Mér var nú hreinlega sagt af fulltrúa í Forstædernes Bank þar sem fyrirtæki mitt er, að það væri hreinlega ekki PC að senda ISK til Íslands í þessu ástandi.  Þetta er tímbundið ástand.  Hægt er að senda DKK til Íslands, en það mun taka tíma að millifæra.  Sama á við Bohus (Danske) banken í Svíþjóð.

Hr. Skítabrúnn er að sýna popúlisma dauðans, en sem betur fer sér Bretinn í gegnum þetta og sparkar honum út á haf í næstu kosningum.

Loftur: Hver veit!  Er þeim ekki skítsama um almenninginn?

[Vilhjálmur Örn Vilhjálmsson, 13.10.2008 kl. 06:01]

Þakka ykkur fyrir herrar mínir, hvað veit ég.

Kannski væri best að heyra frá Seðlabanka Íslands hvað þeir hafa verið að ræða við þessa banka. En maður sá sem ég talaði við í Danske Bank, Bülow að nafni, greindi ekki frá slíkum viðræðum.

Ég sé eftir því að hafa ekki í tíma beðið fjölskyldumeðlimi að yfirfæra krónur í miklum mæli yfir á reikninga mína (family white wash). Ef þeir hefðu gert það, hefði ég getað farið heim með happadrættisvinning handa þeim á næstu vikum.