Ef ég fer, þá fer ég ber og ferðast eins og Gandhi

 

Maður er nefndur Arun Gandhi (f. 1934). Hann er barnabarn Mahatma Gandhis og stýrir M.K. Gandhi Institute for Non-Violence við kaþólska stofnun, Christian Brothers University, við háskólann í Memphis Tennessee. Arun hefur nýlega boðað nýja stefnu í "Non-Violence", speki sem afi hans setti fram, en sem þjóð hans hefur greinilega ekki breytt eftir. Arun Gandhi kennir nú, eins og Hitler, gyðingum um allt sem miður fer í heiminum.

Á bloggi um trúmál á vef Washington Posts ásakaði hann "Ísrael og gyðinga" fyrir að leika "stærsta hlutverkið" (biggest players) í alþjóðlegu ofbeldi. Hann skrifaði m.a. þetta á blogg sitt: "Jewish identity in the past has been locked into the Holocaust experience," og um Helför gyðinga skrifaði hann: "It is a very good example of how a community can overplay a historic experience to the point that it begins to repulse friends."

Næstum 500 manns hafa lýst skoðun sinni á orðum og skoðun barnabarns stórmennisins Ghandis.

Arun Gandhi hefur sett fram frekar óþrifalega afsökunarbeiðni, þar sem hann biður fólk um að líta fram hjá orðinu gyðingur, því hann meinti bara Ísrael. Árið 2004 hvatti Arun Gandhi 50.000 Palestínumenna að vaða fyrir ána Jórdan og snúa aftur til heimalands þeirra. Hann sagði líka að örlög Palestínumanna væru tíu sinnu verri en svartra í Suður-Afríku á dögum Apartheidsins.

 

Greyið hann Gandhi fer greinilega oft á tíðum mikla gandreið. Memphis hefur ekki hrists eins mikið síðan Elvis var og hét. Gandhi gleymir líka öllum gyðingunum sem voru hraktir úr Arabalöndunum um miðbik 20. aldarinnar, og leituðu heimilislausir og allslausir til Ísraels. Þeir voru rændir af múslimum á sama hátt og gyðingar voru rændir af nasistum á árunum 1933-1945.

En það er auðvitað skýring á öllu og hér er málið útatað í olíu og tjöru. Maður kemst ekki eins langt á galloninu af flóttamönnum gyðinga eins og á dropa af flóttamönnum arabaheimsins.

Afi Aruns, Mahatma Gandhi, skrifaðist reyndar á við Adolf Hitler og var mótfallinn stofnun Ísraelsríkis.

Ekkert er nýtt undir sólinni. Mahatma skrifaði líka "God is Truth" á mynd af sér. Það er allt í lagi, ef trú og "sannleikur" verður ekki að guði eins og hjá Arun Gandhi.

 

Athugasemdir

[Loftur Altice Þorsteinsson, 15.1.2008 kl. 18:05]

Ég er sammála þér Vilhjálmur að þessi skrif hjá Arun Gandhi eru óheppileg og heimskuleg. Viðbótin sem hann sendi inn er ekki heldur til að fela andúð hans á Gyðingum. Mér dettur í hug að þetta sé andleg hundahreinsun hjá manninum. Arun ólst upp í Suður Afríku þar sem bæði hvítir og svartir auðmýktu hann, vegna Indversks uppruna. Nú er hann að "hefna" fyrir sig með yfirlýstri andúð á Gyðingum. Þetta er undarlegur "friðarsinni".

Að mínu mati hefur hann algjörlega misskilið Helförina, sem var miklu meira en gerningur eins manns þ.e. Hitlers, eða einnar þjóðar þ.e. Þjóðverja. Gyðingar voru ofsóttir öldum saman í Evrópu og í Botníu (fyrir botni Miðjarðarhafs). Þeim var slátrað á Spáni 1300 til 1391 og til dæmis voru um 12.000 manns drepnir á einum degi árið 1355.

Ég veit ekki betur en allra þjóða kvikindi hafi lagt Nazistum lið í Helförinni og til dæmis voru Úkraínumenn kappsamir við slátrunina. Arun Gandhi leyfir sér að segja að sjálfsvitund Gyðinga hafi verið "locked into the holocaust experience" og að þeir "overplay a historic experience".

Arun telur sig hafa málið algerlega á hreinu. Hann segir: "The Jewish identity in the future appears bleak". Hann líkur máli sínu eins og gamaldags Gyðingahatari, með því að gera Gyðinga ábyrga fyrir tortíminu mannkyns:

We have created a culture of violence (Israel and the Jews are the biggest players) and that Culture of Violence is eventually going to destroy humanity.

Ég hef ekki lesið athugasemdir fólks við þessum skrifum Gandhis, en ekki þykir mér óeðlilegt að þessum óhróðri sé mótmælt.

[Vilhjálmur Örn Vilhjálmsson, 16.1.2008 kl. 17:37]

Já Loftur þetta er ekki eins mikill maður og afi hans. Það er líka alltaf furðulegt að sjá fólk sem lifir á frægð afa og ömmu og æsir sig í þeirra nafni.

Hér fann ég grein um bréfaviðskipti Hitlers og Gandhi. Gandhi sá greinilega ekki gegnum þann brjálæðing.

Og þetta lýsir líklega víst best hvernig Gandhi ætlaði gyðingum að verða landlausum til eilífðarnóns.

[Sigurður Árnason, 17.1.2008 kl. 05:28]

Ég tel að M.Gandhi hafi verið berjast fyrir því sem þarf nauðsynlega til að bæta heiminn. S.s heimur án ofbeldis. En ég tel að barnabarnið hans, komi með léleg rök gagnvart Ísrael og virðist bara líta á eina hlið í málinu, sem allt of margir gera. Það að kenna Ísraelsmönnum um það sem er slæmt í heiminum er bara fáfræði.

En M.Gandhi var nú samt ekki engill á öllum sviðum. Það fáranlegasta sem man eftir um þann er að bannaði að láta gefa konunni sinni pensillín er hún var fárveik, hann sagði að þetta væri guðsvilji, en var fljótur að taka Kínín er hann veiktist af malaríu.

[Jón Steinar Ragnarsson, 17.1.2008 kl. 05:37]

Ekki hefur blessaður maðurinn liðið fyrir föður sinn og ættlegg við stöðuveitnguna.  Óvarlega talar hann og eitthvað er að ergja hann og skrifin minna helst á tölvupóstinn hans Össurar forðum.  Hann hefð  kannski betur sofið úr sér og lesið svo yfir áður en hann ýtti á enter.

Því er samt ekki að neita að "playerar" eru Gyðingar í þessari deilu og lobbyismi þeirra í US sterkur án þess að ég ætli að leggja út af málstaðnum. Þar er ég ekki fyllilega fróður um.  Hún er flóknari en einhver atvik á báða bóga, þar sem ofbeldið fer úr böndum fyrir mannlega bresti og skyndiupphlaup.

Mér fannst það hinsvegar afar skondið um daginn þegar Bush af öllum vitringum gerði sér ferð þarna niðureftir til að koma viti fyrir menn og leysa þessa 60 ára gömlu deilu.

[Loftur Altice Þorsteinsson, 17.1.2008 kl. 11:03]

Ég er sjálfsagt of mikill baráttu-maður til að skilja boðskap Mahatma Gandhis. Að leggjast flatur fyrir ofbeldi, er í huga mínum engin dyggð heldur viðbrögð þrælsins.

Bréfaskriftir Gandhis til Hitlers virðast hafa helgast af einlægri sannfæringu, en afstaða hans til Gyðinga og stofnunar Ísraels var eitthvað annað. Múslimarnir virðast hafa haft einhver tök á honum, sem knúðu hann til vítaverðrar og órökvísrar afstöðu. Sonar-sonur hans Arun Gandhi hefur að einhverju leyti erft afstöðu afans og tengsl hans við skúrkinn Arafat vekja athygli.

The American Jewish Committee hefur svarað ritsmíð Aruns, á ótrúlega hógværan hátt. Yfirlýsing AJC er hér:

http://www.ajc.org/site/c.ijITI2PHKoG/b.2818295/apps/nl/content2.asp?content_id={9AE22FF3-C413-4ABF-91FD-E1D4721842B9}&notoc=1

[Vilhjálmur Örn Vilhjálmsson, 17.1.2008 kl. 13:33]

Þakka þér fyrir Loftur. Mér finnst þetta mjög hógvært svar miðað við þann skaða sem þessi maður gæti gert. Í Ísrael virðist sem ekki hafi verið notað mikið púður í þessi ummæli hans og sem betur fer hefur ekki farið mikið fyrir þessu í fjölmiðlum í hinum frjálsa hluta heimsins.

[Ólafur fannberg, 17.1.2008 kl. 18:20]