Meira jólaefni

 

Í morgun horfði ég í sjónvarpinu á múslimi nærri Mekka, þar sem þeir tóku þátt í Hajjinu. BBC og CNN hafa gert það að árlegum viðburði að hafa útsendingu frá hringsólinu kringum Köbuna í Mekka og tengdum serimoníum.  Ég sá múslimi kasta smásteinum í steinsúlu sem táknar djöfulinn. Með þessu hreinsa múslimir sig og verjast djöflinum. Fyrir nokkrum árum síðan urðu menn sér að voða, því þeir hittu svo illa á hinn táknræna djöful. Nú er búið að gera sérstaka gryfju til að koma í veg fyrir slík slys.

Ég hef líka séð myndir og fengið fréttir af múslimum sem grýta konur til dauða. Ekki heitir það Hajj? Í Íran er það "lögmæt" refsing, sem sótt er í Kóraninn, og sú helga bók gefur líka ábendingar um stærð steina sem nota ber. Ekki of litla og ekki of stóra, því ekki má sú grýtta rotast í fyrsta kasti. Konan er í augum sumra hinn versti djöfull, sem verður að hylja og berja svo hún verði sér og öðrum ekki að voða. Sjá t.d. hér. Kvensniftin, sem sýknuð var eftir að henni var hópnauðgað í Sádí, var heppin.

Ekki trúi ég á djöfulinn eða aðra skratta í neinni mynd, ekki einu sinni Belesbub, og konur eru að mínu mati englar (ja, flestar). Djöfullinn er eitthvað sem mannskepnan hefur búið til að réttlæta hatur sitt. Djöfullinn er mannvera og það eru til andskoti margir djöflar á meðal okkar.

Grýtingin er einn sá djöfullegast arfur sem maðurinn hefur tekið með sér úr fortíðinni. Grýtingin var notuð í landi því sem Jesús fæddist í, og á Íslandi báru menn út börn til forna, ef ekki síðar. Það er margur djöfullinn sem maðurinn þarf að dragast með.

Hættið að lesa þetta, það er óhollt, og farið út og kaupið síðustu jólagjafirnar.

Athugasemdir

[Loftur Altice Þorsteinsson, 22.12.2007 kl. 01:28]

Fyrir nokkrum dögum, á blogginu þínu Vilhjálmur, var einhver svo hugulsamur að fæða okkur um að Islam þýddi "friður". Þessar upplýsingar hafði hann af síðu Múslima á Íslandi.

Þeir sem eitthvað kunna í Arabisku vita að Islam merkir undirgefni og hlýðni. Hafa Múslimir svo litla trú á kunnáttu Íslendinga, að þeir haldi að hægt sé að ljúga til um svona grundvallar-atriði ?

Hinn möguleikinn er auðvitað, að Múslimir á Íslandi leggi aðra merkingu í orðið friður, en okkur hinum er tamt ? Hugsanlega eru þeir að tala um þann "frið" sem eftirfarandi mynd lýsir ?

[Kjartan Pétur Sigurðsson, 22.12.2007 kl. 01:38]

Gleðileg jól og takk fyrir skemmtilegt bloggár :)

[Anna Benkovic Mikaelsdóttir, 22.12.2007 kl. 02:01]

íslamistafasistarnir eru ekki okkur til fyrirmyndar?????

[Sigurður Þór Guðjónsson, 23.12.2007 kl. 01:44]

[Vilhjálmur Örn Vilhjálmsson, 23.12.2007 kl. 09:59]

 

[Greta Björg Úlfsdóttir, 23.12.2007 kl. 22:35]

Það munaði engu að ég henti þér út af bloggvinalistanum mínum rétt í þessu, fyrir þetta "jólefni", þangað til ég rak augun í þessa lokasetningu:

"Hættið að lesa þetta, það er óhollt, og farið út og kaupið síðustu jólagjafirnar."

Ef þú vilt kynnast alvöru, sanntrúuðum múslima, þá vinsamlegast kíktu á þetta blogg: Inspiratations and Creative Thought

Geðileg jól! 

[Greta Björg Úlfsdóttir, 23.12.2007 kl. 22:36]

Og "gLeðileg jól, átti þetta auðvitað að vera (en þau mega alveg vera geðsleg líka).

[Greta Björg Úlfsdóttir, 23.12.2007 kl. 22:59]

Líklega er það rétt hjá syni mínum og Einstein að Búddismi sé það trúarbragðanna sem sé skást og líklegast til að lifa af...

[Sólveig Hannesdóttir, 24.12.2007 kl. 07:36]

Sæll Vilhjálmur, og takk fyrir forvitnilegar færslur.  Mér skilst að þú sért búandi í Danmörkunni og ég tek ekki nærri mér breytingar á nafninu Jesús, mér finnst það skipta máli í hvaða samhengi er verið að nefna það nafn.  En hvað varðar Bethlehem, þá finnst mér sem trúaðri manneskju ekki skipta máli hvort hún er í Júdeu eða Galíleu.  Sagan um þetta efni er falleg, ég sé hana þannig.  Er ekki verið að segja okkur hversu mikið Jósep og María lögðu á sig til að mæta í þessa skrásetningu. Auðvitað örkum við ekki á Asna á fæðingardeildina í dag, þetta er samlíking, sem við tökum ekki inní í alvöru, er það ekki?? Auðvitað vilja fræðimenn áþreifanlegar sannanir.  En það er líka til setning eins  og "Vegir Guðs eru órannsakanlegir", eða hvað????

   En gaman er að  færslum þínum Vilhjálmur og ég Sendi þér mínar bestu Jóla- og áramótakveðjur, eigðu góðan tíma um Jólin.

[Vilhjálmur Örn Vilhjálmsson, 26.12.2007 kl. 15:19]

Sólveig og Greta, bestu áramótakveðjur til ykkar, eftir að hafa verið á Jótlandi um hátíðirnar. Ég skrifa héðan í frá Jesús eins og sérfræðingarnir. Hvað varðar Betlehem, bíð og sé til hvað fornleifarannsóknirnar leiða í ljós. Þakka fyrir innlitin á árinu

Vilhjálmur Örn