Lesið í enni Blairs

Tony Blair var vart byrjaður í nýja starfinu sínu sem friðarerindreki, þegar farið er að sprengja hér og þar á Bretlandseyjum til að bjóða hann velkominn. Á CNN hef ég séð skoskan mann lýsa tungumáli eins hryðjuverkamannanna í Glasgow. Það var víst arabíska.

Hamas er búið að lýsa því yfir að Blair sé not so good. En allir vita hins vegar nú orðið að það er Hamas sem er no good.

Óskandi væri að Blair minnist þess þegar hann fer að starfa í Miðausturlöndum, að öfgasamtökin sem kenna Ísrael, Bandaríkjunum, já hinum gjörvalla vestræna heimi um allt illt og vilja drepa, drepa, drepa, voru upphaflega stofnuð til að berjast gegn spilltum einræðisherrum og stjórnum heima fyrir. Hamas var þannig kosið yfir Palestínumenn vegna spillingar Fatah. Tilvist Ísrael er ekki vandamálið  Hinn íslamski heimur á við stórt vandamál að stríða, sem ekki er uppruninn í Ísrael eða hjá öðrum lýðræðisríkjum. Blair er ekki öfundsverður af því að fara inn í þetta sjálfskaparvíti og hina miklu sjálfsblekkinu.

Blair er hugrakkur maður. Hann er í mikilli hættu á því að koma heim með hausinn í handarkrikanum. Íslamistar vilja hann feigan.

Gárungarnir á Bretlandseyjum sýnist þeim nú sjá fullt af wöffum á enni Blairs og túlka þetta sem w fyrir worries. Mér sýnast þetta ver fullt af vöffum og vaff getur eins og kunnugt er þýtt Victory.

Hafið þið lesið í hrukkurnar á enni ykkar, lesendur góðir?

Athugasemdir

[Vilhjálmur Örn Vilhjálmsson, 1.7.2007 kl. 09:49]

Sæll Skúli, ég er hræddur um að það viti Blair manna best sjálfur. En tími kraftaverkanna er kannski kominn. Það gæti hugsast að hinn venjulegi Ali fái brátt nóg af bæði Hamas og Fatah.

[Sigurður M Grétarsson, 3.7.2007 kl. 22:17]

Blair mun ekki ná árangri einfaldlega vegna þess að hann er ekki nógu hlutlaus til að geta verið friðarerindreki. Hann er of vilhallur undir Ísrael. Hann mun sennilega ekki átta sig á því að rót vandans er ólöglegt hernám Ísrels, landrán þeirra og grimmd ganvart íbúum hernámssvæða sinna. Hann mun ekki átta sig á því að það eru Ísraelar, sem eru árásaraðilinnn í þessari deilu og aðalgerandin í ofbeldinu á þessum slóðum. Hann mun ekki átta sig á því að það þarf að taka Ísraela til bæna og þvinga þá til að virða alþjóðalög svo hægt sé að fara að tala um frið í Miðausturlöndum.

Aðalvandamálið er ofbeldi Ísraela en ekki Palestínumanna. Það eru fyrst og fremst Ísrelar, sem drepa drepa drepa. Sjálfsmorðsárásir Palestínumanna eru afleiðing af grimmdarverkum Ísraela. Ef þú lemur einhvern nógu oft endar með því að hann lemur á móti.

[Vilhjálmur Örn Vilhjálmsson, 4.7.2007 kl. 06:02]

Hæ Sigurður, mér sýnist að þú hafir enga trú á Blair. Ég hef líka stungið upp á því að þú farir einfaldlega með Ingibjörgu Sólrúnu Gísladóttur og þið leysið málin þarna suður frá. ....Nei annar , við meiri umhugsun ert þú allt of hlutdrægur.

[Sigurður M Grétarsson, 4.7.2007 kl. 10:08]

Nei, hvað er að ske? Gast þú skrifað heilt svar við ummælum frá mér án þess að kalla mig gyðingahatara, terrorista eða ofbeldismann? Batnandi mönnum er best að lifa. Það er væntanlega eitthver innistæða fyrir því að kalla mig hlutdrægan í þessu máli öfugt við hin ummælin, sem eru ekkert annað en ómerkileg uppnefni og meiðyrði.

Hvað hlutdrægni mína varðar hef ég þó ekki sagt neitt rangt um framferði og glæpaverk Ísraela. Ég hef hins vegar lagt ofguráherslu á þau og talað minna um glæpaverk Palestínumanna. Þó verður að hafa í huga í því efni að ég er að svara ofurhlutdrægum ummælum þínum og þú hefur gert nóg af því að tala um glæpaverk Palestínumanna. Svo má einnig hafa í huga að Ísrelar hafa verið milli þrisvar og fjórum sinnum ötulli við að drepa Palestínumenn en Palestínumenn í að drepa Ísraela frá því seinni Indifata uppreisn Palestínumanna hófst í september árið 2000.