Starfsmenn Moggans ættu stundum að lesa Moggabloggið

Deginum áður en Morgunblaðið greindi frá barnagirnd Gijsens biskups í apríl 2014, og reyndar fyrr eða þegar árið 2012 hafði ég skrifað um ásakanir gegn þessum manni í heimalandi hans. Þetta var biskup og kórdrengjaþuklari. En Íslandi þótti hann hinn besti maður. Hann átti í endalausum erjum við séra Georg.

Þrátt fyrir það valdi sú (algjörlega óhæfa) nefnd sem skrifaði skýrslu um ásakanir í garð erlendra starfsmanna kaþólsku kirkjuna á Íslandi að nota vitnisburð þessa illmennis, sem líka var gyðingahatari, og leita til þessa manns um upplýsingar um séra Georg, sem síðar var dæmdur af Hæstaræsisdómi Íslands, án minnsta sönnunargagns. George var ekki gyðingahatari og kom ekki til Íslands með níðingsverk á æviatriðaskránni líkt og þessi greðjubiskup.

Svona eru nú vinnubrögðin á Íslandi. Landið verður ekki betra en fólkið sem þar býr.

Svo fékk óþverrin helvíti stönduga útför miðað við að hann fór til Helvítis skv. kaþólsum leikreglum:

Vissu ekki um brot Gijsens meðan hann var hér

Athugasemdir

[Jón Valur Jensson, 17.9.2018 kl. 17:05]

Þakka þér myndbandið, sem þú vísar á, Vilhjálmur. Það er frá útför Jóhannesar Gijsen, sem fram fór í Hollandi, og er þar fjöldi presta (varla þó nokkur þjónandi hér á landi; ég sá engan á myndbandinu), margir messuþjónar og nunnur, en aðeins einn Íslending sá ég þar í líkgöngunni, og hefur hann trúlega þurft að mæta stöðu sinnar vegna.

Þú segir að á Íslandi hafi hann þótt hinn bezti maður, en þér að segja var hann ekki vinsæll hér, og ekki sýndi hann þeim, sem vildu ekki reykingar í safnaðarheimilinu, neina tillitssemi með það; þær leyfðust því þar kannski hálft eða eitt ár eftir að slíkt var orðið ólöglegt í opinberum rýmum hér. Á ritnefndarfundum Kaþólska kirkjublaðsins reykti hann pípu sína í litlu herbergi með lokaða glugga, ég varð ítrekað að standa upp og beiðast leyfis til að opna þar glugga.

Ertu viss um að hann hafi verið "kórdrengjaþuklari" (og þar með pedófíl)? Ég man ekki betur en að hann hafi verið ásakaður fyrir kynferðislegt áreiti við tvo prestsnema (tekið út á sér t........... og viljað láta þukla á honum), trúlega þá komna yfir 18 ára aldur, í svefnskála þeirra, en hann þá sjálfur ungur prestur, og að hann hafi viðurkennt þetta við rannsókn eftir á.

En hann er einn af liðlega helmingi yfirmanna kaþólsku kirkjunnar í Hollandi, sem sökum er borinn fyrir yfirhylmingu með málum barnagirndar-presta þar.

"Gij­sen kom einnig að yf­ir­hylm­ingu með öðrum og er hann sagður hafa ít­rekað fært til prest í starfi, sem vitað var að hafði níðst á börn­um í Ma­astricht. Sá prest­ur hélt upp­tekn­um hætti. Seg­ir NRC 12 ein­stak­linga hafa greint frá kyn­ferðis­brot­um og hafi níu þeirra fengið greidd­ar sann­girn­is­bæt­ur vegna máls­ins. 

Gij­sen er enn frem­ur sagður hafa fært til í starfi prest sem hafði ráðist á alt­ar­is­dreng og eins hefði hann skipað prest í embætti þrátt fyr­ir að sá hinn sami hefði á bak­inu dóm fyr­ir kyn­ferðis­brot gegn fimm ára stúlku. Þá er Gij­sen sagður hafa látið eyða upp­lýs­ing­um um slæma hegðun nokk­urra presta." (mbl.is)

Þetta er vitaskuld skandall og hið versta mál fyrir bæði fórnarlömb þeirra og kirkjuna og leitt að þessi maður hafi verið skipaður biskup hér, þó sennilega að flestum hér óvitandi um þessi mál á þeim tíma. En þú átt heiður skilinn, Vilhjálmur, fyrir að hafa ekki þagað um þessi málefni.

Svo er hitt annar kapítuli, hafi hann verið Gyðingahatari. Ég vænti þess að þú segir okkur nánar af því í annarri blogggrein hér, því að það mál verðskuldar þá sér-meðhöndlun.

[Vilhjálmur Örn Vilhjálmsson, 18.9.2018 kl. 07:11]

Sæll Jón Valur.

Sakaskrá biskupsins gengur víst út á meira en að angra prestlinga og þeir voru margir yngri en 18. Sumir drengir fóru á svona prestaskóla í stað menntaskóla. Gijsen neitaði öllum sakargiftum á sínum tíma. Í kaþólskum hlutum Hollands átti lögreglan erfitt uppdráttar með að rannsaka slík mál. Lögreglustjórar voru einni valdmiklir leikmenn í kirkjunum.

Mál varðandi hegðun biskups voru komin fram löngu fyrir árið 2010. Því verð ég enn að álykta að nefndin sem Kaþólska Kirkjan á Íslandi setti á laggirnar hafi verið algjörlega óhæf. Ef menn geta ekki googlað eftir upplýsingum á netinu, ættu þeir ekki að vera í slíkri nefnd. Nefndarmenn völdu ekki að nota upplýsingar frá fólki sem voru börn í Riftúni. En hún talaði við biskup sem ásakaður hafði verið um glæpi. Ætlunarverk nefndarinnar var að fórna peðum fyrir biskup. Dauður prestur var dæmdur í Hæstaræsisdómi Eyjunnar af Illuga og Comm.- án sannanna. Illugi ber enn við að hann "þekk fólk", en hann getur ekki sagt hvað "fólkið" hafði til síns máls.

Í Hollandi var Gijsen t.d. sakaður um að hafa sett lim sinn upp í ólögráða barn. Hann beitti sér einnig fyrir því að hommi yrði ekki prestur. Sumum hefði nú líkað það. Allar upplýsing getur þú fundið á netinu m.a. í viðtölum. Líka viðtöl þar sem hann hann lýsti Íslandi.

Hvað varðar gyðingahatur hans, sem í því samhengi sem biskupinn hefur mest verið sakaður fyrir skiptir afar litlu sem engu máli, þá getur þú einnig fundið upplýsingar um það á netinu hvernig hann kastaði öskubakka í höfuðið á manni sem leyfði sér að hafa þá skoðun að Kristindómur og Kaþólskur siður byggðu á Gyðingdómi. Það vildi Joannes Gijsen ekki heyra og kastaði öskubakka í höfuð mannsins. Maðurinn sem fékk öskubakkann í hausinn segir sjálfur frá á netinu. Og ég hef greint frá, hvar það er að finna í fyrri færslum um málið á þessu bloggi, þmt nákvæma tímasetningu á þeim myndskeiðum sem um ræðir.

Nú verður þú barasta að læra hollensku og lesa betur minningar dr. Vilhjálms. Það verður niðurlending þín.

Þannig var þessi aumi biskup, og greinilegt er að íslenska kirkjan á við sama vandamál að stríða og sú kaþólska. Sálargæsla dregur greinilega til sín misjafna menn í kirkjum skólum, íþróttastarfi og víðar.

En þegar menn eru hengdir eftir dauða sinn fyrir ósannaða glæpi, eru allir því sem trúa dómi götunnar á mjög hálum ís.

Athyglisvert er að Íslendingur hafi fylgt þessum biskup til grafar, í ljósi vitneskju manna á þeim tíma.  En nú voru líka margir, bæði prestar og leikmenn, sem studdu Gijsen í hatri hans á séra August George.