Íslendingar sigruðu Frakka

Lokatölurnar voru 172 Íslandi í vil, 2 fyrir Frakkland.

Þvílíkur sigur, eða hitt þó heldur. Þar með eru Íslendingar komnir með í Mannréttindaráð SÞ (UNHRC), eftir að Bandaríkin fengu nóg. Best er að óska engum til hamingju. Því þessi kosning verður Íslandi ugglaust dýr.

Nú er að standa sig fyrir Íslendinga, svo þeir verði ekki leikbrúður öfgaríkja sem vaða uppi í Mannréttindaráði SÞ, þar sem aðalmálið á dagsskránni í hungruðum og stríðshrjáðum heimi  er að hamra og berja á Ísraelsríki. Mannréttindi í Ísrael sem eru meiri og betri en víðast hvar í Miðausturlöndum of Asíu, eru oftar til umræðu í þessu ráði en t.d. mannréttindi í N-Kóreu, Íran, Sádi-Arabíu eða Tyrklandi, þar sem fólk veit varla hvað mannréttindi eru.

Mæli ég með að menn kynni sér störf þessarar nefndar sem Ísland er nú með í á vefsíðu UN Watch, sem birtir óritskoðaðar fréttir af furðulegum störfum hennar á stundum.

Ég býst við því að Ísland skýri fyrir Mannréttindaráði SÞ, hvað varð um gyðinga sem sættu ofsóknum í Arabaheiminum.

Katrín Jakobsdóttir og kó - Nú vandast málin. Það verður fylgst með þér og pótintátum þínum í mannréttindasirkus SÞ í Genf fram til 31. desember 2019.

Athugasemdir

[Theódór Norðkvist, 14.7.2018 kl. 09:39]

Ég hélt fyrst að þetta væri grín, að Ísland myndi sækja um sæti í Mannréttindaráni SÞ, en þetta er ljóti félagsskapurinn, eins og þú skýrir ágætlega út.