Sigmundur er aðeins einn af X þúsundum svikahrappa á Íslandi

Mossack Fonseca, glæpafyrirtækið sem aðstoðað hefur um 600 Íslendinga við að vanvirða reglur lýðræðisríka, er ekki stærsta "fyrirtæki" á sínu sviði í okkar rotna heimi.

Dellufólk á Íslandi, sem fór að leika sér í bankaleik með glæpafasistum í Úkraínu, Pútín hinum siðlausa, vopnasölum og dauðakaupmönnum og ólíusheikum og hryðjuverkakaupmönnum í Arabíu, gæti alveg eins átt falið fé sem önnur fyrirtæki en Mossack Fonseca hafa falið fyrir þessa gráðugu kynslóð. Mossack Fonseca er 5. stærsta "fyrirtækið" á sínu sviði.

Íslenskir viðskiptavinir svikamyllunnar í Panama eru hugsanlega aðeins brot af þeim "Íslendingum" sem falið hafa fé sitt í sandinum á pálmaeyjum og í öðrum skattaskjólum. Jafnvel fjármuni sem íslenskir bankaræningjar rændu frá saklausu fólki.

Slíkt fólk borgar ekki fyrir landsins gögn og gæði. Það á því t.d., sem skattsvikarar engan rétt á því að fá ókeypis læknisþjónustu. Sennilegast er einnig að það leiti hennar annar staðar áður en það fer með stolnum gullvagninum beint til helvítis.

Eitt af verkum nýrrar ríkisstjórnar á Íslandi verður að láta hefja skipulega leit af þeim sem ekki vilja taka þátt í uppbyggingu landsins. Þeir hafa stolið frá fólkinu sem ekki á fyrir kvöldmatnum og getur ekki sent börnin sín í frístundarstarf. Þessir ræflar, sem fela jafnvel stolið fé, eiga sök á því að gamalmennin, sem alltaf greiddu sína skatta, deyja úr lungnabólgu á göngum spítalanna. Þessir verstu þjófar Íslandssögunnar hugsa aðeins um sjálfa sig. Hegðunarmynstur eins þeirra, sem á einhvern furðulegan hátt gat orðið forsætisráðherra eftir Hrunið, þótt hann hefði m.a. logið um nám sitt erlendis, sýnir okkur sjálfsánægju þessa fólks og ofmetnað. Nú upplifir það vonandi allt nemesis sitt eftir linnulaust hybris.

Virðing Alþingis er í molum, ásjóna Íslands í heiminum er illa farin og afskræmd vegna þessa fólks. Nú verður að lækna sárin og höfða til fólks sem veit upp á sig sakir um að láta sig hverfa frá löggjafasamkomu landsins. Þar á siðlaust fólk ekki að starfa.

Með dramatískustu dögum í pólitík

Athugasemdir

[Elín Sigurðardóttir (IP-tala skráð) 6.4.2016 kl. 07:55]

Þú hefur ekki hugmynd um hver fyrstu verk nýrrar ríkisstjórnar verða.  Þú hefur ekki hugmynd um hver lak þessum gögnum.  Þú hefur ekki hugmynd um hver er að hanna atburðarásina og ljúga að þér núna.  Við verðum að fá öll gögnin fram áður en við kjósum nýja ríkisstjórn.

[Vilhjálmur Örn Vilhjálmsson, 6.4.2016 kl. 08:04]

Vegir ríkisstjórna á Íslandi eru greinilega órannsakanlegir. En hver lak gögnunum skiptir engu máli. Allur leki, sem upplýsir um glæpasarfsemi og hjálpar yfirvöldum í lýðræðisríkjum til að koma í veg fyrir hana og refsa þeim seku, er af hinug góða. Ég geri mér ljóst að gögnin frá Panama eru ekki lygi. Ég er fulldómbær á hvað er rétt og rangt og hef jafnmikinn rétt og þú til að hafa mína skoður, Elín Sigurðardóttir.

Vandi íslendinga er að þeir blanda persónu sinnig og vina sinna inn í allt. Þetta er hjarðþjóðfélag.

[Elín Sigurðardóttir (IP-tala skráð) 6.4.2016 kl. 08:25]

Skiptir engu hver lak gögnunum?  Segðu Nixon það.  Hjálpar yfirvöldum í lýðræðisríkjum?  Var þetta brandari?  Hvað veist þú í raun um gögnin frá Panama?  Hefurðu séð þau?  Af hverju fáum við ekki bara að sjá þau?  Á þetta leikrit að vera í mörgum þáttum?  Af hverju eru gögnin ekki birt til að við getum lagt mat okkar á þau?  Ég blanda vissulega persónu minni inn í líf mitt.  Það hefur ekki verið sérstakt vandamál hingað til.

[Vilhjálmur Örn Vilhjálmsson, 6.4.2016 kl. 09:41]

https://rme.is/microsite/panamagognin/

[Vilhjálmur Örn Vilhjálmsson, 6.4.2016 kl. 09:44]

https://rme.is/microsite/panamagognin/umfang-lekans/

[Elín Sigurðardóttir (IP-tala skráð) 6.4.2016 kl. 10:17]

Ólafur Elíasson í Indefence leggur áherslu á að við fáum svör við því hverjir íslensku kröfuhafarnir voru.  Það æpir á mann að stjórnarandstaðan hefur ekki tekið undir þessa sjálfsögðu kröfu.  Þetta verður að koma fram.  

http://www.ruv.is/sarpurinn/klippa/radherra-segi-af-ser

[Carlos Ferrer (IP-tala skráð) 6.4.2016 kl. 17:54]

Skiptir máli hver lak? Skiptir máli, að með þessu áframhaldi verðum við búin að losa okkur við alla reynsluboltana úr stjórnmálunum?

Nei.

Reynsluboltarnir (sumir gerspiltir, aðrir meðvirkir) hafa komið okkur hingað. Ég segi, leyfið vel þenkjandi byrjendunum að spreyta sig! Þeir hafa aðhald. Fólkið á Austurvelli og fréttamenn og konur sem láta ekki þagga niður í sér þótt þeir missi störf sín hjá ríkis- eða Baugsfjölmiðlunum.

[Elín Sigurðardóttir (IP-tala skráð) 6.4.2016 kl. 18:10]

Ertu reynslubolti eða byrjandi Carlos Ferrer?  Ertu gerspilltur eða meðvirkur?  Vinnurðu á ríkis- eða Baugsmiðli?  Geturðu ekki komið með einhverja fleiri frasa?  

[Vilhjálmur Örn Vilhjálmsson, 6.4.2016 kl. 19:05]

Ég þekki þig ekki Elín, en ég get mér þess til að þú sért frá heittrúuðu framsóknarheimili með trommur.

Hvað varðar ESB, þá brestur ekkert það sem hingað til hefur náðst til að koma í veg fyrir þá villu. ESB er ekki á dagsskrá hjá nokkrum flokki.

Endurbætur íslenskra stjórnmála eiga ekki eingöngu að fjalla um peninga heldur fyrst og fremst um siðferði.

[Vilhjálmur Örn Vilhjálmsson, 6.4.2016 kl. 19:05]

Eins og séra Carlos bendir á skiptir ekki máli hver lak. Betur hefði verið hefði lekið aðeins fyrr.

[Elín Sigurðardóttir (IP-tala skráð) 6.4.2016 kl. 19:20]

Ég þekki þig ekki Vilhjálmur, en þú ert ekki getspakur maður.  Þú bjargaðir alveg deginum með þessum dásamlega brandara.  Takk.

[Vilhjálmur Örn Vilhjálmsson, 6.4.2016 kl. 20:51]

Skopskyn þitt ríður víst ekki við einteyming, Elín. Ertu með mynd af Hriflu Jónasi uppi á vegg?