Dauðadansinn

 

Ungur danskur hermaður í Írak hefur verið drepinn og hér eru viðbrögðin meðal borgaranna sem hann var að vernda. Ef til vill voru þetta morðingjar hans? Við fáum líklegast aldrei að vita það. Foreldrar hans, unnusta og ættingjar fréttu af því sem gerðist, og í tvo tíma lifðu þau í angist með ættingjum annarra hermanna, og horfðu á og heyrðu um það í fjölmiðlum sem gerst hafði, áður en samband hafði náðst við ættingja þess myrta.

Ég vona að sonur minn velji íslenskt ríkisfang þegar hann nær 18. aldursári, og það verði ekki komin herskylda heima áður en það gerist.

Margir Danir kenna ríkisstjórn Dana, jafnvel Bush, um dauða þeirra átta dönsku hermanna sem misst hafa lífið í Írak og Afganistan. Þeir taka að mínu mati einnig þátt í dansinum á jarðneskum leifum unga mannsins, sem lagði lífið að veði í baráttunni við vond öfl.

Mér er andskoti sama þótt ég sjokkeri einhverja nú og tali eins og Bush. En hatur "hinna réttlátu" er ekki réttlæti. Hatur er ekki réttlæti. Þess vegna mun réttlæti seint verða á komið í landi eins og Írak, þar sem hatur er dýpsta og heilagasta kenndin.

Athugasemdir

[Vilhjálmur Örn Vilhjálmsson, 16.5.2007 kl. 06:19]

Sæll Skúli, 

sammála. En ekki er laust við að bardaginn við hinn vestræna heim sé þegar hafinn í Danmörku eins og víða annars staðar í Evrópu, nema ef til vill á Íslandi. Ég hef sálfur orðið vitni að berserksgangi íslamista í Kaupmannahöfn. Fyrir fjórum árum réðust þeir á ráðhúsið og þinghúsið og köstuðu steinum á lestir og særðu póstmann, sem kom hjólandi framhjá óeirðunum. Hann fékk 10x10 sm granítstein í hausinn og er í dag öryrki. Mikill fjöldi öfgafullra múslima tók þátt í óeirðunum, sem nýlega voru við Ungdómshúsið. Hér hefur maður nokkur verið sleginn í hausin með öxi vegna þess að hann tók þátt í vöku fyrir Ísrael. Hér er gyðingum ráðlagt að fara ekki í hverfi þar sem múslimir er margir. Ráðist hefur verið á gyðinga í Danmörku. Ráðist hefur verið á Dani í Danmörku. Hér hafa íslamistar fengið dóm fyrir að skipuleggja hryðjuverk og aðrir bíða dóms fyrir sömu sakir. Hér eru flestir glæpir framdir af innflytjendum sem hafa Íslam að trú.  

Á síðustu árum hafa konur innflytjanda misst mannréttindi sín. Æ fleiri (láta) pakka sig í kufla og hulinshettur. Og vinstrimenn hér hafa haft fyrir venju að verja þessa þróun með því að  segja: "Það er vegna þess að við erum svo vond við innfletjendurna". Þeim röddum hefur hins vegar fækkað mjög upp á síðkastið.

Af hverju eru það alltaf ungir múslimir sem ég sé í lestunum, þar sem þeir haga sér dólgslega, fremja skemmdarverk og sparka í allt, og rispa rúður. Er ég rasistinn, sem horfir í hina áttina þegar Danir eða aðrir hvítingjar brjóta af sér? Afbrotatölfræðin sýnir annað. Hvað veldur? Slæm meðferð Dana á þessu fólki? Nei! aldeilis ekki. Þeir fá sömu kjör og sömu hjálp og aðrir sem eru aftarlega á merinni í Danaveldi.

Það eru komnar margar nýjar rósir í danska rósalundinn. Rósir sem ekki bera mörg blóm, en hafa því fleiri þorn, sem stinga illilega. Þið eruð heppinn á Íslandi. Rósir vaxa ekki ýkja hratt á Fróni. En með Alheimshitnum er líklegt að það breytist. En það er margt sem þegar hefur náð suðupunkti.