Lygaherferð íslenskra lækna

Í "kjarabaráttu" best stæðu stétta Íslands er oft notast við sjónhverfingar og lygaherferðir til að halda tekjum sínum yfir tekjum allra annarra í þjóðfélaginu. Þetta er hörð barátta.

Oft er bent á að læknar neyðist til að flytja úr landi og til að finna sér vinnu erlendis og er Noregur ekki svo ósjaldan nefndur í því samhengi. Þar mun vera gósenland í heilbrigðiskerfinu samkvæmt íslenskum læknum og allt miklu betra en á Íslandi, sem er vitaskuld aftast allra ríkja á merinni .

Lítum þá á nokkrar norskar fréttir árið 2014:

Hvergi í Vestur-Evrópu eru eins fá sjúkrarúm og í Noregi. Lesið þetta. Þetta hljómar víst aðeins öðruvísi en áróður íslenskra lækna.

Í Noregi þurfa læknar enn að nota forgamlar faxvélar. Það eru þannig vélar sem íslenskir læknar sækja greinilega í að nota. Líklega einhver rómantík. Lesið hér

40% lækna sem menntaðir eru í Norður-Noregi flytja í burtu frá Norður-Noregi. Lesið hér. Á háskólasjúkrahúsinu í Harstad er 70 milljón króna halli á rekstri á þessu ári. Þar ætla íslenskri læknar líkast til að fá sér vinnu. Skyldi það vera að þeir valdi hallanum.

Lesið um tölvukost norskra sjúkrahúsa hér og hér. Norðmenn skara greinilega fram úr.

Það er flott ástandið í draumlandinu handan við hafið, þangað sem íslenskir læknar ætla að leita, þegar þeir yfirgefa eymdina og betlið í sínu eigin landi til að láta ríkustu þjóð heimsins njóta góðs af snilld sinni.

Á norskum sjúkrahúsum eru oft sundlaugar fyrir lækna í kjöllurum

Einhvern veginn fær maður á tilfinninguna að íslenskir læknar muni ugglaust svara þessu með því að norski ríkisfjölmiðillin Norsk Kringkastning sé ótrúverðugur miðill líkt og RÚV, sem stundar áróður fyrir íslenska lækna, því tilgangurinn helgar meðalið í baráttu fréttastofunnar að koma vanskapaðri ríkisstjórninni frá. NRK þarf þó ekki lengur að notast við faxvélar líkt og margir sérfræðingar sjúkrahúsa í olíuveldinu Noregi.

Nú í byrjun 2015, þegar á ný verður leikið með líf íslenskra sjúklinga með verkfallsaðgerðum, vegna þess að íslenskir læknar vilja hlutfallslega meira en allir aðrir þegnar þessa fátæka lands, er gott að hugsa til Noregs. Ja, vi elsker dette landet!

Gleðilegt græðgisár beiningarmenn Íslands

Klínísk almenn læknisfræði (fagheiti: Kleptomanía)

Fyrri greinar um íslensku læknafátæklingana hér og hér.

Tekið skal fram, að höfundur er ekki sósíalisti, heldur raunsæismaður.

Athugasemdir

[Húsari. (IP-tala skráð) 28.12.2014 kl. 00:17]

Sæll Vilhjálmur.

Læknastéttinn hefur notið óskoraðs
traust í tugi ára á Íslandi.

Mig undrar það mjög að það skuli vera
hún, að best verður séð, sem gengur
harðast fram í því að skaða eigin málstað
en þó fyrst og fremst traustið til langframa
ef svo fer fram sem horfir.

Má það hverjum manni ljóst vera, hvort sem
það er rétt fram sett þannig eða ekki, að þá
sjá flestir það svo að fallbyssufóðrið
í komandi átökum eru sjúklingar sem fram að þessu
hafa litið á læknastéttina sem skjól sitt, athvarf
og hæli þá annað hefur brugðist.

Ég fæ með engu móti skilið það ráðslag að skjóta sig
í báðar fætur með þessum hætti og fyrirsjáanlegt
að af því mun leiða ekki einasta álitshnekkir
heldur trúnaðarbrestur sem hætt er við að vari
héðan í frá og hafi geigvænlegri afleiðingar
þegar til framtíðar er litið en verkfallið hvort
sem það stendur í viku eða tvo mánuði
nú eftir áramótin.

[Gunnr (IP-tala skráð) 28.12.2014 kl. 10:39]

Því miður einkennist þessi umræða af algjörri vankunnáttu. Þarna er mynd af kjallara Sørlandet Sykehus í Kristjansand sem lenti í flóði núna í haust. 

Furðusögur í anda Dithmar Blefken [Island - Fremdes Land: Das Reisebuch des Dithmar Blefken 1563-1565.] af heilbrigðiskerfi nágrannalandanne sem viðkomandi hefur "gúglað" segir kanski meira um efnistök og hvenig leitarvél Google virkar en um raunverulegt ástand. 
Það er nú samt svo að um 150 íslenskir læknar vinna í Noregi og það eru um 8700 íslendingar sem búa þar núna. 6a á Íslandi eru 60 ára og eldri og 60% 50 ára og elri. 
Öll sérhæfing í læknisfræði er erlend og er fengin frá Vestur Evrópu og Bandaríkjunum og fólk hefur fremur valið að ílendast en að fara til baka til Íslands sem er í raun ekkert skrítið. Læknum hefur fækkað um 40-50 á ári síðan frá hruni. 
Íslensk heilsugæsla er nánast hrunin og það vantar um 60 heimilislækna bara á höfuðborgarsvæðið ef sænskur eða norskur staðall væri. 
Það er fólk að segja upp með jafnvel 10-15 ára starfreynslu í íslenska heilbrigðiskerfinu með atvinnutilboð í vasanum.

Það er svo að íslenskir læknar á ríkisreknum sjúkrahúsum hafa ekki einu sinni lífeyrisréttindi opinberra starfsmanna sem kollegar þeirra í skandinavíu hafa.

Því miður er þetta enginn leikaraskapur ég held að margir séu búnir að fá yfirdrifið nóg og ástandið er í raun miklu mun verra en fram hefur komið í fjölmiðlum.

[Vilhjálmur Örn Vilhjálmsson, 28.12.2014 kl. 12:00]

GUNNR, sumt fólk á Íslandi hefur engin lífeyrisréttindi og þar að auki engan atvinnuleysisrétt lengur, þurfa að lifa á makanum. Tugir þúsunda eru í þeim sporum í Danmörku. Þetta fólk verður veikt. Ég kenni ekki í brjósti um lækna á þeim launum sem þeir eru á. Meðan þeir heimta meiri laun í vasann, er minna eftir til að bæta heilbrigðiskerfið. Það er vandinn á Íslandi og í Noregi. Öll röksemdafærsla þessarar ömurlegu stéttar er mótsagnarkennd.

50-60 heimilislækna vantar, segir þú. Hve margir sjúklingar ætlar þú að segja mér að séu á hvern heimilislækni í Noregi og Svíþjóð? Staðfestar tölur takk!! en ekki frumstæðan áróður með innihaldslausum yfirskriftum um faraómaura og myglu fyrir aftan tóm launauslög.

[Vilhjálmur Örn Vilhjálmsson, 28.12.2014 kl. 12:02]

launaumslög átti að standa í síðustu setningu.

[Elfar Aðalsteinn Ingvarsson (IP-tala skráð) 28.12.2014 kl. 13:53]

Læknar bera ekki ábyrgð á ástandi velferðarkerfis Íslands og þurfa ekki að taka tilit til þess í gerð sinna kjarasamninga frekar en aðrir.

Þeir sem hafa heimilislækna á Íslandi í dag bíða oft í tvær vikur eftir því að fá tíma hjá þeim. Tugir þúsunda hafa ekki heimilislækni.

[Gunnr (IP-tala skráð) 28.12.2014 kl. 14:01]

Staðallinn er um 1200 - 1800 sjúklingar á hvern heimilislækni og restin er einföld stærðfræði byggist að hluta á aldursamsetningu og í raun einfalt að reikna þetta upp á Ísland og þarf í raun ekki stærri teskeið til að reikna þetta út. 
Ég hef ekki unnið á Íslandi í yfir 20 ár en það er ekki beint sérstakleg uppgrip að vinna á stofu í Reykjavík. Það eru um 300 með samning við TR en margir eru í raun að loka stofum sínum og vinna frekar erlendis. Það er svo að fólk er stöðugt að minnka starfshlutfall sitt á Íslandi af skiljanlegum ástæðum.


Það er margt fólk sem er með léleg eftirlaun en ég er að benda á að læknar hjá hinu opinbera á norskum eða sænskum sjúkrahúsum njóta lífeyrisréttinda opinberra starfsmanna þar meðan þeir sem vinna á Landspítalnum fá það td. ekki. og þetta bætist við léleg laun og lélega aðstöðu enda tala tölurnar sínu máli. 
Það tekur 6 ár að taka grunnmenntun í læknisfræði að viðbætu 1 ári launuðu starfsnámi með 330 þúsund á mánuði og eftir þetta er fólk með um 360 þúsund á mánuði fyrir 40 stunda vinnuviknu sem venjulega er miðað við þegar borin eru saman laun. Sérfræðimenntun erlendis tekur 5-11 ár og margir taka doktorsnám eða PhD nám til viðbótar og ef fólk ætlar að sækja vinnu fær það um 1/2 eða 1/3 launa sinna, eru með um 550-600 þúsund sem þykja ákáflega lág laun miðað við það sem er í boði enda tala tölurnar sínu máli fólk er í raun hætt að fara tilbaka til Íslands. Sumum finnst það gæði að vinna 100 eða meira en 200 yfirvinnutíma á mánuði og taka við kalltækinu næstu 30 árin. Raunar kemur þetta ekki af góðu þar sem fámennið er slíkt í m-mörgum grunngreinum læknisfræðinnar. Það er svo að flestir læknar eru fjölskyldufólk og sættir sig ekki við slíkt líferni. Það er ekkert nema hótfyndni að kalla þetta hátekjufólk miðað við ævitekjur og námslán.  Skortur á nýliðun er það sem mun draga íslenska heilbrigðiskerfið niður í skítinn.  Bandaríkjamenn nota td. 18% af BNP til heilbrigðis meðan við notum um 9% og erum að hrynja niður stigan 
sjá m.a. http://www.oecd.org/health/major-brake-in-health-spending-growth-as-governments-cut-budgets-in-the-crisis.htm

[Gunnr (IP-tala skráð) 28.12.2014 kl. 14:14]

Það er rétt sem margir benda á að launakjör á Íslandi eru komin niður fyrir nágrannalöndin. Vandamálið hvað varðar sérgreinalækna er að þeir eru með margra ára menntun og starfsreynslu erlendis frá sem oftast frá stærstu háskólasjúkrahúsum nágrannalandanna. Þeas þetta er ákaflega eftirsóttur starfskraftur þar sem þeir eru og alþjóðlega og íslenska heilbrigðiskerfið þarf að fá þetta fólk til að rífa sig upp með rótum flytja til Íslands og vinna hjá Landspítalanum og er auljóslega að skíttapa í samkeppninni eins og sést á síðustu 6 árum. Ef þessi þróun heldur áfram næstu 5-6 árin blasir við neyðarástand og það er ekki ofmælt. Það er skortur á vestrænni læknisþekkingu um allan heim. Asía, Miðausturlönd og meira að segja í Afríku enda er millistéttin þar að fjölga. Risaárgangar eftirstríðsáranna eru að fara á eftirlaun.

[Rauða Ljónið, 28.12.2014 kl. 14:47]

Laun 2009  birt 30. júlí 2010
yfirlæknir á Ísafirði - 3.064.996 kr.
 læknir á Fáskrúðsfirði - 2.668.167 kr.
 yfirlæknir, Nesk. - 2.591.351 kr.
 krabbameinslæknir á LSP 2.478.955 kr.
 svæfingalæknir á Landsp. 2.409.733 kr.
 læknir í Laugarási - 2.395.297 kr.
Laun 2009  birt 30. júlí 2010
Meðallaun
Aldur Konur          Karlar
25-29 ára  818.293     854.878 kr.
30-39  ára  883.805  1.363.659  kr.
40-49 ára  1.202.732  1.742.439  kr.
50-59 ára             1.789.56  kr.

[Gunnr (IP-tala skráð) 28.12.2014 kl. 15:12]

Hvað heldur þú hversu margir yfirvinnu og bakvaktartímar liggi á bak við þetta?
Raunar eru margir þvingaðir á yfirvinnu vegna manneklu sbr. Ísafjörð og einmeningshéruð þar sem fólk er á vöktum 24 tíma og 365 daga ársins og þetta er ekkert eftirsóknarvert.  Það að vera læstur á vakt á Fárskrúðsfirði er væntanlega ekkert sérstaklega eftirsóknarvert. Grunnlaun sérfræðinga eru 550-600 þúsund. Aðstoðarmaður ráðherra fékk 900.000 á mánuði.  Hvað eru sangjörn tímalaun héraðslæknis í einmenningshéraði?

[Elfar Aðalsteinn Ingvarsson (IP-tala skráð) 28.12.2014 kl. 15:29]

Rauða ljón, þessar tölur eru nokkuð marklausar. Það eru alltaf einhverjir einstaklingar innan starfséttar sem hafa hærri laun en aðrir og enfremur þá eru þetta heildarlaun sem innihalda að meðaltali 30+ yfirvinnustundir á viku ásamt vaktavinnu og bakvöktum.

Til dæmis ef ég væri notaður sem dæmi. Ég vinn við hönnun og rekstur tölvukerfa. Dagvinnulaun mín eru lægri en meðalheildarlaun lækna en ef ég ynni jafn margar klukkustundir og þeir þá væri ég á hærri heildarlaunum en sérfræðingar flestra sviða. Ég er ekki með bachelor gráðu og þeir eru með masters gráður að lágmarki.

Hver er sangirnin í því?

[Vilhjálmur Örn Vilhjálmsson, 28.12.2014 kl. 16:39]

Gleymum ekki að læknanemar fá vel borgað þegar þeir vinna með námi. Svo flýja nokkrir þeirra land eftir sérfræðinám erlendis! Þeir ættu að mínu mati að borga samfélaginu, ef þeir vilja ekki taka þátt í því!.Margir læknar á vakt eru ekki endalaust í uppskurði eða að lappa saman beinbrot. Þetta gríðarlega vinnuálag er nú svo sem svo!!!

Flestir íslenskir læknar og hjúkkur á Norðurlöndunum eru á minni spítölum, í afleysingum út í sveit, þar sem læknaaðall Noregs og Svíþjóðar vill ekki vera. Það er ekki eins og að þetta fólk sé að fara erlendis til að fá Nóbelsverðlaun í vísundunum. Laun og lystisemdir er það sem það hefur greinilega fyrst og fremst áhuga á.

Þeir sem ekki koma heim úr framhaldsnámi eru ekki viðmiðun, sem sem þeir sem á Íslandi sitja, geta notað. Laun eru hærri krónum og aurum í Danmörku, en þar eru líka hærri skattar og verðlag ekkert lægra en á Íslandi, þótt ýmislegt fólk á Íslandi ímyndi sér að allt sé ódýrara úti í löndum. Það er ekki tilfellið á Norðurlöndunum. Ég þekki afar vel til tekna lækna í Danmörku. Svilkona mín er læknir og kona mín hefur til fjölda ára unnið í Rannsóknarráðuneyti Dana, og séð um val og greiðslur til rannsóknarverkefna lækna. Læknar sem gera eitthvað fyrir vísindin eru oft lægstlaunaðir allra lækna, nema að þeir hafi fengið yfirlæknisembætti.

Ég þarf ekki teskeið, grafskeið, skóflu eða gröfu til þess að uppgötva gallana og ósannindin í málaflutningi læknastéttarinnar á Íslandi.

Vandamál hennar er, að hún vill ekki fylgja öðrum stéttum. Læknar telja sig betri en aðra, ekki ósvipað öðrum stéttum sem geta haldið fólki í gíslingu. Flugmenn og flugfreyjur, flugumferðarstjórar eru líka fjári fyrirferðamikið fólk. Og já, læknarnir geta greinilega haft líf okkar í lúkunum í verkföllum sínum. Það er ósiðlegt.

[Vilhjálmur Örn Vilhjálmsson, 28.12.2014 kl. 16:51]

Aumingja fólkið sem læsist á vakt á Fáskrúðsfirði. Var ekki einn fyrir austan sem leiddist svo að hann fór að búa til aukavinnuseðla?

Verið fegin því að hafa vinnu. Við eru mörg í öðrum stéttum, sem líka höfum 11-12 ára nám að baki og fáu enga vinnu, því það er t.d. búið að svelta menningargeirann í þjóðfélaginu og stjörnufálkinn í gamla hegningahúsinu stjórnar t.d. fornleifamálum. Þætti gaman að sjá lækna sætta sig við slíkt sprell.

[Rauða Ljónið, 28.12.2014 kl. 17:00]

Gunnar læknablaðið gefur upp meðallaun þaðan koma tölunnar.
Vinnutími samkvæmt lögum á hverjum sólarhring skal hverjum manni gefin 11 tíma hvíldartími og tveir daga í viku herji.
Kv. Sigurjón Vigfússon

[Vilhjálmur Örn Vilhjálmsson, 28.12.2014 kl. 17:05]

Sigurjón, þeir komast ekki í golf! Nei, það þýðir ekki að bera sig saman við ríkustu lönd heims. Eru læknar búnir að gleyma 2008???

[Vilhjálmur Örn Vilhjálmsson, 28.12.2014 kl. 17:20]

Annars finnst mér furðulegt, þegar maður heyrir samningarmenn lækna í deilunni, neita að gefa upplýsingar og halda því fram að það séu einkamál og trúnaðarupplýsingar.

[Rauða Ljónið, 28.12.2014 kl. 18:36]

Sæll. Villi nú er norska króna í frjálsu falli, þannig að það þíðir lítið að miða við Noreg eftir ára mót verður miðað við Dúbæi.
LB.http://www.lis.is/Assets/Sk%C3%BDrslur%20hagfr%C3%A6%C3%B0ings/Launamunur%20kynjanna_febr%C3%BAar%202010.pdf
Kv Sigurjón

[Gunnr (IP-tala skráð) 28.12.2014 kl. 18:46]

Greiið Vilhhjálmur þetta logar af minnimáttarkennd og öfund hjá þér.

Það eru ákveðnar staðreyndir.

1. Það verður ekki rekið heilbrigðiskerfi án lækna.

2. Sem sagnfræðingur og fornleifafræðingur veist þú að fáar stéttir hafa eins langa sögu og læknastéttin og það verður engin breyting á næstu árþúsund.

3. Vísindaframlag. Það eru tvær deildir sem halda uppi "Impact factor" Háskóla Íslands það er Raunvísindadeild með jarðfræði og jarðeðlisfræði í fararbroddi meðan hinn helmingurinn er Heilbrigðissvið með Læknadeild í fararbroddi síðustu 10 árin eru þessar deildir með yfir 90% af alþjóðlega virtum fræðigreinum og ef tekið er fram "high impact" greinar liggur þetta frá 90-94%. Félagsvísindadeild og ekki tala um Lagadeild og Viðskiptasvið er í raun lítið annað en skandall. Þetta byggist á því að við erum með fólk sem er með rannsóknarmenntun frá stærstu háskólasjúkrahúsum Norðurlanda. 

3. Laun lækna á Íslandi eru alls ekki há miðað við lengd náms, ábyrgð og byggjast í raun á gríðarlega löngum vinnutíma sem fólk þarf oftast að taka hvort sem því líkar betur eða verr. Það eru td. einungis 3 sérfræðingar í heila og taugaskurðlæknum og ergo þeir eru á 3 skiptum vöktum en 2 skiptum ef einhver fer í frí. Þetta gildir lækna í einmenningshéruðum.

4. Læknanemar fá ekkert greitt fyrir námið. Eftir 6 ára nám fá þeir um 330 þúsund á mánuði og eftir það um 360 þúsund á mánuði síðast þegar ég vissi. Sjálfur stundaði ég nám fyrir meira en 25 árum og vorum við notuð sem ókeypis vinnuafl á sjúkrahúsinu í klíniska hluta námsins.  Raunar var það svo að ég lækkaði í launum frá því að vinna sem aðstoðarlæknir í sumarvinnu miðað við að mitt fyrra starf sem verkamaður á lyftara við hafnarvinnu. 

5. Sérmenntun íslenskra lækna fer fram í ríkustu löndum heimsog fólk þarf að flytja þaðan til Íslands. Þegar Íslenskir læknar flytja tilbaka til þeirra landa sem þeir hafa búið árum saman til að vinna jafnvel með sínum gömlu vinnufélögum er það eins og að flytja heim eins og einn orðaði það. Sérfræðingur sem vinnur í USA fær 350 - 800 þúsund dollara á ári og einbýlishús með sundlaug kostar 200-500 þúsund dollara. Á Íslandi ná menn kanski 16 miljónum með gríðarlegri yfirvinnu og einbýlishús kostar 70-100 miljónir. Ísland er í raun óralangt frá því að vera samkeppnishæft við Svíþjóð sem er í raun algjört láglaunaland fyrir lækna og eru í miklum vandræðum sjálfir með "brain drain".

6. Læknar eru hvergi láglaunastétt og ættu heldur ekkert að vera það. Læknir í einmenningshéraði ætti að vera á skipstjóralaunum en ekki á hálfum hásetahlut. Það eru fleirri sjómenn í minni fjölskyldu. Þeir fá þá góð frí á milli en hjá læknum er þetta non stop árum saman.

7. @Rauða Ljónið. Hvernig heldur þú að vinnutími er reiknaður í einmenningshéraði? Hver kemur og tekur helgarvaktirnar og dekkar nóttina til að tryggja 11 stunda svefnfrið? Þú veist ekki hvenær þú verður vakinn og hvað næsti dagur ber í skauti sér. Sama gildir td. fleirri fámennar sérgreinar. Sjálfur hef ég verið á non-stop vakt í 3 mánuði á héraðið að vera læknislaust?

[Erla (IP-tala skráð) 28.12.2014 kl. 19:37]

Það er engum í hag og allsekki sjúklingum að læknar vinni tvöfaldar vaktir örþreyttir.

 Miðað við námstima þeirra og vinnuaðstöðu eru þeir ílla settir- þ.e. sjúkrahúslæknar.

 heimilislæknar eru yfirleitt ekki til viðtals.

 Hins vegar hafa menn á margra ára námslánum að sjálfsögðu einhverjar skuldbindingar við þá sem kostaði mentun þeirra- samanber Þýskaland- skila 5ára starfi fyrst- svo ræður þú. sanngjarnt finnst mer.

[Gunnr (IP-tala skráð) 28.12.2014 kl. 20:38]

@Erla það er hvergi 5 ára vinnuskylda fyrir lækna ég veit ekki hvaðan þú hefur þetta bull. Menn hafa kandídatsárið.
Héraðsskylda þýðir ákveðnar skuldbindingar það er ekki hægt að senda fólk í hreppaflutningi og hafa fólk sem gísla eða fanga. Í raun þá eru heimilislækningar 5-6 ára sérnám enda menntaðir sem geraralistar.

Einhver einhliða vistabönd á lækna standast ekki lög.
Minni raunar á að sérnám íslenskra lækna er kostað af öðrum (þeim sjálfum og öðrum löndum án nokkurs framlags frá íslenska ríkinu.  Sérnámið er margfalt dýrara og verðmætara nám en grunnnámið og í mörgum tilfellum lengra. Þú meinar þá að læknarnir (eða íslenska ríkið) þurfi að greiða öðrum þjóðum sérnámið með td. að skylda sig til að vinna i Svíþjóð, Noregi eða Danmörku?  

Á sama að eiga við um kennara, fóstrur, verkfræðinga eða tölvunarfræðinga eða á þetta einungis við um lækna. Augljóslega er þetta kolólöglegt brot á mannréttindum og EES og breyta Íslandi í fangabúðir fyrir ungt fólk til að halda þeim á láglaunaskerinu. 
Klárlega er íslenska heilbrigðiskerfið á góðri leið að rústa sínu orðspori og sínum trúverðugleika sem atvinnuveitandi og það að stunda þrælahald verður síður en svo til að auke veg eða virðingu á íslenska heilbrigðiskerfinu endanlega. 
Það verða væntanlega sett lög á lækna og við sjáum hvað gerist á næstu mánuðum og árum.

[Gunnr (IP-tala skráð) 28.12.2014 kl. 21:07]

Heimilislæknar á Íslandi eru ríkisstarfsmenn án þess að hafa réttindi ríkisstarfsmanna enda hefur þeim farið hraðfækkandi og eru núna í útrýmingarhættu og meðaldur og nýliðun benda óvírætt til. Þeir geta valið að verða "starfsmenn á plani" sem launþegar á íslenskri heilsugæslustöð og eins og bent hefur á þyrfti að ráða allt að 60 heimilislækna á höfuðborgarsvæðið strax. Menn geta síðan valið að verða "fastlege" í einkarkstri í norska heilbrigðiskerfinu og haft 4-5 föld íslensklaun fyrir sömu vinnu og ráða sér sjálfir. Í þeim sem rennur blóð og hafa dug og þor fara augljóslega þangað frekar en að verða ánauðugir kotungar og "starfsmenn á plani" á íslenskri heilsugæslustöð. Fyrir utan það að almennlege hefur miklu hærri status en á Íslandi. Þeir sem eftir eru og eiga erfitt með að flytja taka afleysingarstörf erlendis og minnka stöðugt starfshlutfall sitt á Íslandi. Yfirmaður heislugæslustöðvar nefndi það að margir hefðu það í ráðningarsamningi sínum að þær gætu farið þegar þeim hentaði enda engum umsækjendum að dreifa, því annars færu þeir hvort sem var og hættu. Ónefnt sjúkrahús í Svíþjóð raunar byggir rekstur sinn á íslenskum læknum. Það eru 40% íslenskra lækna sem býr og vinnur og menntar sig erlendis og næstum 450 í Svíþjóð einni. Maður getur bara rétt ímyndað sér að á meðalstóru héraðsjúkrahúsi í Svíþjóð eru mjög "happy" að fá sænsk menntaða sérfræðinga frá Karolinska, Lund, Gautaborg ss. krabbameinslækna, hjartalækna, gjörgæslulækna til að vinna hjá sér enda þetta er í raun fólk sem er sérmenntað í Svíþjóð og íslenska ríkið greiddi ekkert fyrir enda hefur íslenska ríkið algjörlega neitað að greiða fyrir þessa menntun og Svíunum finnst í raun frábært að hafa þetta. Raunar eru margir félagar í sænsku, dönsku og norsku læknasamtökunum.  Landspítalinn er raunar miklu verr tækjum búinn en meðal stórt lokalsjúkrahús í Svíþjóð eða Noregi. Það er allt önnur personpolitikk en á gamla Lansanum. Menn næstum tárast þegar hringt er í þá af persónalavdelingen til að heyra hvernig gengur og þar er dagheimili frá fyrsta degi og þeir eru virkilega að gera allt til að fá til sín fólk. Á Íslndi er þetta allt annar handleggur. Helst að fólk sé að spá í að fjárfesta í hlekkjum.

[Guðjón Emil Arngrímsson, 28.12.2014 kl. 22:47]

Íslenskir læknar gætu hæglega lent í samkeppni við austur evrópu lækna sem bíða í röðum eftir að komast að hérna.

[Vilhjálmur Örn Vilhjálmsson, 28.12.2014 kl. 22:50]

Gunnr, ef kjör landsins eru ekki nógu góð fyrir lækna, er ég viss um að læknar frá öðrum löndum séu meira en fegnir að fá þau laun sem þið fáið, þegar þið farið til "Fyrirheitna læknalandsins", þar sem þið eruð enn tilbeðin sem elsta og "virtasta stétt" heimsins. Eru útlenskir læknar kannski ekki nógu góðir fyrir Íslendinga? Hvar íslenskir læknar ákveða að vinna og búa er þeirra eigið mál.

Allt þitt tal hér bendir til þess að þú lítir á nám þitt sem meira virði en annað nám, og til þess að þér þyki eðlilegt að aðrir líti upp til lækna sem einhverrar yfirstéttar.

Hvað get ég sagt? Það eru breyttir tímar! Ef þið eruð aðeins að þessu fyrir peningana og ekkert annað, hefði menntun sem hentaði í útrásarvíking kannski verið gjöfulli en læknisfræðin. Það er alltaf hægt að setjast aftur á skólabekk með eins mikla hæfileika og þið hafið.

Samlíking þín við atvinnuástand lækna á Íslandi við fangabúðir sýnir að mínu mati fasíska og veruleikafirrta lífssýn og mér er næst að halda að þú hafir ekki þá samkennd og lífsgildi sem flestir álíta að læknar eigi og þurfi að hafa. En læknar hafa, eins og þú þú líklega veist, fengist til að drepa í Auschwitz og stunda pyntingar i Guantanamo. Reyndar voru að í mörgum tilfellum læknar sem voru feður "fræðilegrar" kynþáttastefnu í mörgum löndum Evrópu. Læknar gera mistök, læknar eru einfaldlega eins og annað fólk. Ekki ofurverur í knallrómönum fyrir kynhungraðar konur sem dreymir um læknasex og lúxus á lukkupillum og botoxi.

Af ofanstæðu er ljóst að þér þykir eðlilegt að krefjast betri kjara en læknar hafa í Svíþjóð. Hefur þú ekki fylgst með í umræðunni? Ísland kemst hvergi með kartneglurnar, þar sem Svíþjóð hefur hælana. Svíþjóð er stórveldi með vopnaútflutning, sem hefur ráð á því að bjarga öllum flóttamönnum heimsins. Ísland getur hins vegar vart rekið sómasamlegt skólakerfi og stærsta þorparasamfélagið kýs trúð sem borgarstjóra. Strax og verðbólgan er farin og ríkisreksturinn ef aftur farinn að snúast í plús, fara læknar að heimta hærri kjör en læknar í Svíþjóð.

Maður hlýtur að spyrja: ER EITTHVAÐ AÐ YKKUR?? Komið niður á jörðina og lifið eðlilegu lífi.

[Vilhjálmur Örn Vilhjálmsson, 28.12.2014 kl. 22:57]

Guðjón, satt segirðu, besti læknirinn sem ég hef hitt bjargaði mér í Lublin í Póllandi. Hann talaði ekki neina íslensku en var þokkalegur í ensku. Heimilislæknirinn minn á Heilsugæslustöðinni á Seltjarnarnesi var einnig algjörlega frábær. (Hann mætti vel fá hærri laun). Þar fyrir utan hef ég engar stórar sögur að segja af viðskiptum mínum við lækna. Hef einn nú sem ekki kann að greina vasculitis (HSP) eða einkenni borreliosis. Þetta eru heldur ekki töframenn.

[Gunnr (IP-tala skráð) 29.12.2014 kl. 00:20]

Ég þekki marga duglega lækna frá Póllandi. Raunar eru betri laun (eða réttara sagt kaupmáttur) í Póllandi en á Íslandi þannig að til Íslands er lítið að sækja. Sat raunar á borði með hressum pólskum kollegum á ráðstefnu í London. Auk þess þarf þá að læra íslensku eða hvað. Pólskir læknar sækja til Bandaríkjanna, Bretland, Þýskalands og Austurríkis, sumir fara til skandinavíu en aðalega til að sækja sérnám. Það fer engin til sérnáms á Íslandi. Þeir sem halda það virkilega að það sé stór fjöldi sem bíður eftir því að fá 360 - 600 þúsund í grunnlaun og ómælda yfirvinnu á Íslndi þá held ég að menn vaði í villu og svima. Þetta verður þá hrakval þeir sem ekki komast eða geta fengið vinnu annars staðar þótt þetta þyki kanski góð laun á láglaunaeyjunni Íslandi. Meira að segja í Noregi er ekkert mikið um pólska lækna þótt það séu um 100.000 pólskir inflytjendur þá eru flestir iðnaðarmenn. Akademían gefur ekkert sérstaklega vel af sér í Norðurlöndum enda er er Bandríkin the holy grail þar á bæ og skiljanlega launalega séð.  Launakjör á Íslandi eru raunar lélegri en slóvakía og læknar í Görikklandi, Spáni og eru ekki beint að tryllast norður til Sksndinavíu og hvað þá til litla Íslands.  Því miður er það svo að það finnast ekki reyndir atvinnulausir sérfræðingar og það lítur ekkert sérstaklega vel að heyra að menn fái lág laun í gjaldmiðli sem ekki er einu sinni hægt að senda út úr landinu og þurfi að læra tungumál sem örfáir tala. 

[Gunnr (IP-tala skráð) 29.12.2014 kl. 01:04]

Vandamálið er ósköp einfalt það er sú einfalda staðreynd að launakjör á Íslandi eru orðin hrikalega léleg og viðvarandi læknaskortur er bara ein sviðsmynd atgerfisflóttans. Birtingarmyndin er að það kemur næstum enginn til Íslands nema fólk til að vinna þrælalaunum í ferðaþjónustunni og þetta er oft hörmuleg vist. Hvaða langskólamenntað fólk erlendis frá kemur til Íslands? Það stórvantar fólk með raungreinaþekkingu. Íslenskur vinnumarkaður greiðir ekki samkeppnishæf laun. Ekkert frekar læknum en aðrum, kanski enn síður? Raunar hafa læknar verið hörmlega lélegir að gæta hagsmuna sinna þegar þetta er skoðað og menn hafa unnið þeim mun meira, meira eða minna tilneydd. Yngri kynslóð lækna þar eru ungar konur í meirihluta og undantekningarlítið eru þær með fjölskyldu og þær eru miklu ákveðnari enda er þetta fyrsta læknaverkfall á Íslandi í 40 ár þann. Er raunar ekki helmingur ef ekki þriðjungur af læknaliði FSA erlent og ekki hefur það þótt neitt tiltökumál en það hefur augljóslega engir komið eftir hrunið og gjaldeyrishömlurnar. 
Þeir sem halda að það bíða hjarðir af útlærðum sérfræðingum og læknum sem bíða eftir að komast til Íslnands þá er það því miður ekki rétt. 
Það er svo að við menntum ekki sérfræðinga á Íslandi og allir þurfa erlendis og kannski er það svo að íslenska heilbrigðiskerfið hefur ekki efni á að greiða þessu fólki laun. Fólk miðar við Það vantar mörg grundvallarrannóknartæki á Íslandi en það er önnur saga.  Það að halda að það sé hægt að þvinga fólk til að koma heim eða halda þeim þarna nauðugum vita ekki mikið í sinn haus. Það að kenna það við fasisma að fólk heldur áfram að búa í þeim löndum sem það hefur sérnám er frjálst val fólks það er íslenskir stjórnmálamenn í gegnum íslenska kjósendur sem forgangsraða og þeir geta að sjálfsögðu sett lög á verkfall.  Vandamálið er í raun að það er orðið lítið eftirsóknarvert að vinna fyrir íslenska heilbrigðiskerfið sem er búið að missa tiltrú sem atvinnuveitandi og er í bullandi samkeppni við heilbrigðiskerfi annara landa, við önnur sjúkrahús bæði opinber og einkarekin og eru hreinlega að tapa. Það sveima ráðningarfyrirtæki eins og gammar yfir landinu og kroppa í hræið af íslenska heilbrigðiskerfinu og keppast um bestu bitanna. Það geta allir boðið miklu betur en launadeild Landspítalans.

Fyrirsögnin á þessum þræði er lygi, hver er lygin? Er ekki sannleikurinn að menn skáru niður 600 störf í heilbrigðiskerfinu meðan nánast ekkert var skorði annars staðar niður og eru nú virkilega að súpa seyðið af þessu. Það er húsnæðis, fjármagns og mönnunarvandi samfara því að stærstu árgangar íslensksögunnar eru að eldast. Það er búið að margvara við þessu í 20 ár og sérstaklega síðustu 10 árin en síðan kom hrunið.    

[Elfar Aðalsteinn Ingvarsson (IP-tala skráð) 29.12.2014 kl. 03:28]

Villhjálmur og Guðjón, þið vonandi fattið það að ef norðurlöndin og aðrar þjóðir eru að sjúga lækna frá okkur þá eru þau líka að sjúga læknana frá austur evrópuþjóðunum.

Þannig að aftur erum við í samkeppni við önnur lönd sem greiða hærri laun um lækna.

[Vilhjálmur Örn Vilhjálmsson, 29.12.2014 kl. 08:37]

Rétt Elfar, en ég efast um Noreg. Í Danmörku er líka orðið mjög erfitt að finna vinnu og Norðmenn og Svíar sækja hingað á stærri spítalana. Norðmenn fara hingað í nám. Annars búa í Danmörku læknar frá mjög mörgum löndum. Þetta er opinn markaður. Hingað til DK   hafa komið erlendir læknar sem flóttamenn, vegna kvonfangs, og oftast af öðrum ástæðum en læknar sem sækja sér betri laun. Ég efast um að Íslendingar fengju betri laun í Danmörku en á Íslandi. Launakjör lækna í Slóvakíu eru ekki hærri en á Íslandi

Fyrir utan óeðlilegan fjölda íslenskra lækna í Svíþjóð, sem er afleiðing þess að Íslendingar fóru í framhaldsnám í því ríka landi þegar vel áraði, þá hanga ekki stöður á trjánum.

Ef maður tekur meðallaun í Evrópu http://en.wikipedia.org/wiki/List_of_European_countries_by_average_wage sér maður hvert Íslenskir læknar leita helst, og hvert aðrir læknar myndu leit til Íslands, þegar þeir íslensku værur farnir.

Upplýsingar Gunnrs um Slóvakíu eru uppspuni einn eða misskilningur. Árið 2011 léku læknar í Slóvakíu sama leikinn og læknar á Íslandi nú http://www.reuters.com/article/2011/12/01/slovakia-hospitals-idUSL5E7N13NT20111201 Laun lækna í Slóvakíu eru ekki betri en íslenskra lækna. Árið 2011 voru meðallaun lækna í Slóvakíu 1500 evrur, og árið 2013 hefur lítið batnað í því landi, og sjáðu athugasemdina við þessa grein http://medlines.org/they-pay-less-for-a-hungarian-doctors-than-other-workers-medical-salaries-europe/

Rest you case, Gunnr! Lygin vellur úr íslenskum læknum. Þið kunnið greinilega ekki tölfræði ykkur að gagni.

Græðgin skekur greinilega heim lækna. Slóvakískir læknar eru t.d. tilbúnir til að vinna í Sáudi-Arabíu til að auðgast um fram það sem eðlilegt er í landi þeirra, en láta þjóðina sem borgaði fyrir nám þeirra drepast úr einföldum sjúkdómum.

[Ingibjörg Axelma Axelsdóttir, 29.12.2014 kl. 10:41]

Læknar af erlendu bergi brotnu eru engu síðri en íslenskir kollegar sínir, Vilhjálmur.
Hinsvegar reynist mörgum þeirra erfitt að fá nám sitt metið hér á landi. 
Var ekki frétt bara um daginn um erlend hjón sem eru bæði læknismenntuð, en vinna við skúringar eða eitthvað þvíumlíkt?
Það er ekki íslenskum læknum að kenna.

Ríkið kærir sig, held ég, lítt um erlenda lækna.. né íslenska ef út í það er farið.

[Gunnr (IP-tala skráð) 29.12.2014 kl. 11:07]

Hvað er að þér Vilhjálmur minn?
Það er samnorrænn vinnumarkaður og ekki sýst á þetta við um heilbrigðisþjónustu þar sem læknar, hjúkrunarfræðingar og aðrir fara yfir landamærin. Það þarf að kynna sér reglugerðir, lesið sjúkraskrár, haft samskipti við sjúklinga og ættingja og þar dugar ekki að slá yfir í ensku. Skandinavíska málsvæðið er lítið í evrópsku samhengi ekki nema um 20 miljónir. Þýska málsvæðið er stærst í Evrópu og síðan það enska ef Vestur Evrópa er skoðuð. Það er talsverður hópur eftirlaunaþega sem meira eða minna hafa flust frá Norður Evrópu til Suður Evrópu en þeir draga oft prívat læknisþjónustu á Spáni og Grikklandi og þar eru það skandinavar, bretar, Þjóðverjar og ekki síst rússar. Sovéska heilbrigðiskerið var ömurlegt og það er orðin rík millistétt og forrík yfirstétt og það krefst alvöru heilbrigðiskerfis alla vega fyrir sig og sína.
Það virðast fáir sem leggja á sig fleirri ára nám á íslensku til að vinna á Landspítalnum á 300 þúsund manna málsvæði með gjaldeyrishömlum, nema það gerist stórfelldar breytingar á vinnuumhverfi og launum þótt það verði seint að við getum verið á pari við skandinavíu og ég tali ekki um einkaheilbrigðiskerfi Vestur Evrópu eða jafnast við Sviss eða Bandaríkin.

Ég vona svo sannarlega að menn ná að semja og ekki komi til áframhaldandi verkfalla sem nokkrus konar áfanga í því að færa okkur nær Skandinavíu í launum því annars held ég að við blasi óumflýjanlegt hrun heilbrigðisþjónustunnar á Íslandi og það tekur áratugi að byggja þetta úr rústum.

[Sverrir Einarsson, 29.12.2014 kl. 12:03]

"Vandinn" er auðleystur finnst  mér. Hætta þessu takmörkunarkerfi við inntöku i læknanámið, þar er fyrsta aðkoma "læknamafíunnar" til að verja "sitt". Íslendingar  eru "útlendingar" á hinum norðurlöndunum og finnst sjálfsagt að læknar fái vinnu þar, afhverju fá þá  ekki erlendir læknar að vinna  hér? "Læknamafían" er þar að verja "sitt" enn og aftur.Helsti galli við  að fá  erlenda lækna  til starfa á Íslandi er að margur landinn sem þarf til  læknis er ekki nógu sleipur í ensku, þannig að læknar sem kæmu erlendis frá yrðu að læra Íslensku að einhverju marki amk. Ég held að læknar sem fá "mikklu hærri laun" erlendis gætu sætt sig við "verri" tækjakost í einhver ár meðan þeir safna  réttindum (og peningum til efri áranna). Þetta snýst að megninu til um pening og frítíma ekkert annað...en almennur verkamaður í Danmörk til dæmis er farinn að berjast fyrir auknum vinnudögum, þ.e.a.s. fá áunna frídaga til  baka sem vinnudaga því þeir hafa ekki efni á öllu þessu fríi sem er "áunnið" því það kostar  nefnilega að vera í fríi. Góðar stundir og hafið þökk fyrir allir þessa umræðu hér.

[Gunnr (IP-tala skráð) 29.12.2014 kl. 13:52]

Hvaða bull er þetta Sverrir. Þú ert að tala um fólk sem vinnur allt að 300 tíma á mánuði og jafnvel lengur vegna fámennis og gríðarlegt vinnuálag. Það er ekki verið að tala um fólk sem vinnur vart 6 tíma vinnudag ef þú heldur það. Það er í raun ekkert stórmál að yfirfæra sérréttindi í læknisfræði og það er fagpróf sem á ekkert að vera erfitt að þreyta. Þeir fara létt með þetta ameríkanskmenntuðu sérfræðingarnir og landar okkar. Fólk er raubnar að skítfalla á þessum prófum sem i raun segir sitt. Sama gildir einnig fyrir þá sem vilja sækja um sérfræðiréttindi í Bandaríkjunum, Þetta er fyrir þá sem eru utan við EES alla vega landar okkar sem eru menntaðir í Bandaríkjunum og vilja til Evrópu en til Skandinavíu er ekki beint stríður straumur nema þá frá Íslandi. Skandinavía fær nánast eingöngu lítt menntað fólk í þjónustustörf, iðnaðarmenn, bílstjóra og kokka og ég hef síður en svo á móti þessum starfstéttum. Ísland sem er með enn lægri launaskala en Skandinvia og tungumál sem fáir tala etur ekki beint vænst mikils enda skilst mér að langskólagengið fólk sé að fara meðan til landsins flyst ófagmenntað fólk til að vinna í ferðamannabransanum sem er lítið annað en skítalaun og langur vinnutími, vinna sem íslendingar þykjast ekki vilja. Það fara héðan okkar bestu fagmenn í pípulögnum og rafvirkjum og við fáum erlenda fúskara í staðin sem ekki fá vinnu í Skandinavíu eru ekki með réttu pappíranna eða kunnáttuna.  Íslendingar velja þar ekki af efstu hillu og eru komnir niður við gólflistann. Ég er ekkert að gera lítið úr pólverjum en það fer enginn neitt til að fá 1/3 launanna í ónýtri mynt þegar hann á völ á öðru til að búsetja sig á veðurbarinni eyju í Atlandshafi og búa í ólöglegri kytru í verksmiðjuhúsnæði.  
Hvað varðar fjölda í Læknadeild HÍ verður að stórauka framlög og mannskap til kennslu enda ekki aðstaða fyrir fleirri. Segjum að það gangi eftir og menn töfalda eða tífalda fjölda læknanema frá HÍ gerir það eitt að fleirri þurfa að fara erlendis til sérnáms og þetta er ekkert annað en rykkorn í heilbrigðiskerfi Skandinavíu hvað þá Evrópu og Bandaríkjanna og ekkert líklegra að þeir skili sér aftur til Íslands. Ef menn ákveða að koma þessu í gang og geri þetta frá haustinu þá skilar þetta fólk sér ekki frá grunnámi fyrr en 2021 og úr kandídatsári 2022 og ef það fer í 5-11 ára sérnám þá kemur það (ef það kemur þá til baka) um 2027-2033 og það verður spurning þá hvernig heilbrigðiskerfið er þá orðið á Íslandi með þessu framhaldi.

[Vilhjálmur Örn Vilhjálmsson, 29.12.2014 kl. 14:08]

Ingibjörg Axelma, hvar færðu það út að ég telji erlenda lækna lakari en íslenska? Lestu ekki greinar þær sem þú rífur kjaft yfir. Ég er alla tíð búinn að benda á að ef íslenska læknar langar að fara koma erlendir læknar í staðinn, og er það hið besta mál.

En saga 20 aldar er full af fordómum íslenskra lækna í garð erlendra lækna, Karl Kroner og Felix Fuchs, frægir læknar og hæfir fengu ekki störf á Íslandi því þeir voru gyðingar. Læknar landsspítalans sáu um að þeir fengju ekki vist. Vilmundur landlæknir kom í veg fyrir kaþólskan spítala á Akureyri, því hann var viss um að "útlenskir læknar kynnu þá að streyma til landsins". Margir muna ef til vill eftir ísraelska lækninum sem var rekinn því hann talaði ekki  nógu góða íslensku. Hann sagði "feita kona, borða minn", og var það talin brottvikningarsök. Svo í óbærilegum fordómum þínum gegn mér, fröken Axelma, gerðu þér grein fyrir að það eru íslenskir læknar sem ekki vilja útlendinga. Það eru íslendingar sem ekki vilja útlendinga. Íslendingar eru launrasistar, jafnvel þótt þeir klíni vinstrimannastríðsmálningunni á helgisvipinn.

Gunnr, meðan launakröfur lækna eru trúnaðarmál, vitum við ekkert um hvaða laun þið ætlið ykkur. En miðað við Slóvakíudæmið hér að ofan og aðrar lygar, vona ég að rökin séu betri hjá ykkur í samningaviðræðunum.

.

[Gunnr (IP-tala skráð) 29.12.2014 kl. 14:48]

Vilhjálmur, hættu þessu bulli vonandi ertu skynsamari en svo.

Það hefur enginn neitt á móti erlendum læknum á Íslandi. Íslensk læknisstétt er menntuð erlendis. Ég vinn með og hef unnið með þjóðverjum, hollendingum, rússum, egyptum, írökum, írönum, líbanon, palestínumönnum, pakistönum, kúrdum,  afríkumön num (Fílabeinströnd, Kongo og Suður-afríku), svíum, finnum, pólverjum, dönum, norðmönnum, íslendingum, bandaríkjamönnum, mexikönum og kanadmönnum.
Það eru engar sérstakar séríslenskar kvaðir. Það þarf að kunna íslensku og standast alþjóðleghæfnispróf. Þú getur ekki praktiserað sem læknir í Svíþjóð, Noregi, Englandi, Póllandi, Rússlandi eða Þýskalandi nema kunna tungumálið og reglur og lög. Það sama gidir um Ísland. Vandamálið er það sama. Málsvæðið er lítið, laun eru lakleg, aðstaða léleg og gjaldmiðillinn ekki gjaldgengur sem hefur í raun gert að það sækir enginn um stöður á Íslandi. 
Þú veist væntanlega að meðaltöl segja lítið en 
meðallaun segja lítið um einstaka hópa og margir hópar liggja hlutfallslega lágt á Íslandi. http://eyjan.pressan.is/frettir/2012/12/18/laun-a-islandi-hafa-hrapad-erum-undir-medaltali-esb-rikja-serfraedingar-koma-illa-ut-ur-samanburdinum/

Ég hef raunar verið spurður um Ísland af erlendum kollegum og það hefur verið spurt um laun og þegar ég hef sagt þetta þá er það ekkert frekar til umræðu og þetta var fyrir hrun. Sjálfur hef ég góðar minningar af samstarfsfólki og sjúklingum fyrir meira en 2 áratugum persónupólitíkin þarna sucks í samanburði við þá sem keppa við þá erlendis um fagfólk.
Ég veit ekki hverjar kröfur Læknafélagið er með en ég hef heyrt töluna 20%, skurðlæknafélagið gerir að ég held hærri kröfur án þess ég viti það. Sjálfur er ég ekki í verkfalli og það væri kanski til umhugsunar ef aðstaða yrði stórbætt og laun stórhækkuð en ég held að íslensk þjóð hefur ekki efni á því og er í raun fallinn ofan í 2. farrými því miður.  

[Hilmar Hafsteinsson (IP-tala skráð) 29.12.2014 kl. 22:45]

Þetta er skemmtileg rimma :) Gunnr karlinn, svo kúl og klár, er með staðreyndirnar á hreinu. 

1. Umræðan einkennist að sjálfsögðu af algjörri vankunnáttu - allra nema Gunnr.

2. Það verður ekki rekið heilbrigðiskerfi án lækna(!)

3. Vísindaframlag læknadeildar HÍ er legíó :)

4. Það hefur enginn neitt á móti erlendum læknum á Íslandi :D

Síðasta gullkornið hjá Gunnr slær hin út - og eru þau þó líka bráðskemmtileg.

Að hætti megalomaniacs telur Gunnr sig að sjálfsögðu ómissandi eins og fjöldinn allur af vel látnum Íslendingum sem gerðu þau mistök að hætta sér inn á íslensk sjúkrahús.

Íslenska heilbrigðiskerfið verður fyrst rekið af viti þegar læknar byrja að vinna vinnuna sína og láta fagfólk um reksturinn.

Vísindaframlag læknadeildar er líklegast skýringin á því að Háskóli Íslands skrapar botninn á alþjóðlegum grundvelli.

Læknahjón frá Úkraínu hafa búið á Íslandi í 15 ár án þess að fá tækifæri til að praktisera - þökk sé íslensku læknastéttinni.

Auðvitað á að setja lög á þessa ósvinnu - og sleppa Gunnr við að þurfa að láta ljós sitt skína á Íslandi :)

[Gunnr (IP-tala skráð) 30.12.2014 kl. 08:57]

Hilmar hættu þessu bulli.

Fólk þarf annað hvort að vera vitgrannt eða gjörsamlega afneita staðreyndum til að sjá ekki á hvaða leið íslenska heilbrigðiskerfið er. Þegar krabbameinsdeildin getur ekki tekið á móti fleirri sjúklingum, þegar hjartaþræðingar og pacemekerinnlaggnir stórlega dragast saman eða leggjast af. Þegar senda þarf fólk (með ærnum tilkosnaði) erlendis vegna þess að hér er ekki mannafli eða tæki til að skera upp eða greina það. Það er kraumandi fleirri ára óánægja í íslenska heilbrigðiskerfinu sem er í raun það sem harðast hefur orðið úti í sparnaði síðustu ára.
Íslenska heilbrigðiskerfið lekur í báða enda. Læknar sem fara til sérnáms skila sér ekki lengur tilbaka og þeir sem hafa komið á síðustu 10 og 20 árum eru að vinna að hluta eða jafnvel alfarið og búa á Íslandi eða eru alfluttir.  Þetta á við annað heilbrigðisstarfsfólk en í miklu minna mæli. Skurðhjúkrunarfræðingar og gjörgæsluhjúkrunarfræðingar eru menntaðar á Íslandi hafa sótt í vinnu erlendis enda skortir ekki á atvinnutilboðin. Það er vel hægt að ímynda sér hvernig staðan væri ef þetta fólk væri sérmenntað erlendis og íslenska heilbrigðiskerfið þyrfti síðan að ná þeim inn aftur og væntanlega ekkert auðveldara en hjá sérgreinarlæknum.

Það eru ekkert aðrar reglur á Íslandi en hinum Norðurlöndunum hvað varðar sérfræðiviðurkenningar frá Norðurlöndum sem eru hluti af EES/ESB löndum samt frá USA/Kanada/Ástralíu sem öðrum löndum. Fólk þarf að taka alþjóðleg hæfnispróf og sanna kunnáttu sína í skriflega og munnlega og sýna fram á þekkingu í lögum og reglum. Það getur enginn farið að vinna á dönsku, þýsku eða áströlsku eða úkraínsku sjúkrahúsi án þess.
Ástæða þess að nánast engir erlendir læknar hafa komið til íslends síðasta áratugin er aðstaða, launakjör, einangrun og það leggja fáir á sig margra ára nám í íslensku nema þá í algjörum undantekningartilvikum og gjaldeyrishöftin síðustu árin setja síðan endanlega púnktin aftan við þetta. Síðan bætist það við að það er ekki hægt að stunda sérnám á Íslandi en flestir erlendir læknar í nágrannalöndunum koma þar til sérnáms og ílendast. Tilburðir til að byrja með hluta sérnáms á Íslandi braklenti við sparnaðaraðgerðir síðustu ára. Launakjör á Íslandi eru hreinlega orðin það lág hjá nánast öllum starfstéttum að laun lækna á Íaldni eru í raun miðað við vestur Evrópu eru læknar á kjörbúðarlaunum eða í besta falli á flugfreyjulaunum með ómældri yfirvinnu sem fólk er að mestu leiti þvingað til að taka.

Því miður halda menn að vandamálið leysist með að setja lög á launadeiluna en þetta snýst um mikið meira en laun lækna þetta snýst um framtíð íslenska heilbrigðiskerfisins sem verður ekki rekið án lækna hvað sem hver segir.

[Ingibjörg Axelma Axelsdóttir, 30.12.2014 kl. 10:14]

Nú hefur þú stokkið örlítið upp á nef þér, Vilhjálmur. 
Ég var hvorki að rífa kjaft né að gera þér upp neinar skoðanir.

"Eru útlenskir læknar kannski ekki nógu góðir fyrir Íslendinga? Hvar íslenskir læknar ákveða að vinna og búa er þeirra eigið mál."

Ég var að koma inn á retoríska spurningu þína fyrr í þræðinum, og benda á tvennt:

Í fyrsta lagi að erlendir læknar hafa margir hverjir erfitt uppdráttar við að fá nám sitt metið hér á landi, og þurfa oft að grípa í störf sem hæfa engan veginn menntun þeirra.

Í öðru lagi að ríkið virðist hvorki kæra sig um erlenda né íslenska lækna.

Hvort erlendir læknar kæri sig á annað borð um að koma hingað yfir höfuð, er annað mál.

[Vilhjálmur Örn Vilhjálmsson, 30.12.2014 kl. 12:05]

Miðað við lestur heilbrigðisstétta á bloggi mínu síðustu dagana, er ég hræddur um að fá vírus, jafnvel ebólu. Allar tölvuvarnir mínar hafa því  verið settar í viðbragðsstöðu. Haldið áfram að rífast, ég rífst aldrei í meira en einn dag i einu. Eitt er þó víst:

Íslenskir læknar fá betri laun miðað við aðra á Íslandi, en læknar í öðrum löndum fá miðað við aðrar stéttir í löndum þeirra.

Vandamál íslenskra lækna er að þeir álíta að handan við lækinn sé allt betra en í heimahaganum. Ef svo er, er um að gera að leggja land undir fót og fara til fyrirheitna landsins. Hvar það land er að finna, er mér ómögulegt að sjá út frá röksemdafærslu heiðursmannsins "Gunnrs" úr læknastétt.

Læknar virðast reknir áfram í fagi sínu af öðrum kenndum en þegar Hippókrates setti starfbræðrum sínum reglurnar forðum. Nú er moneypeningurinn það eina sem margir læknar vilja græða. Sár og eymd er þeim sama um. Það er að minnsta kosti mín skoðun, og ég er með doktorspróf í mínu fagi og atvinnulaus og fæ ekki lengur bætur. Það væri nú frekar að ég ætti að kvarta, en þá er maður stimplaður af "Gunnri" lækni sem sjúklingur. Kannski er maður sjúklingur, en frekar sjúklingur en LYGARI.

[Húsari. (IP-tala skráð) 30.12.2014 kl. 13:13]

Sæll Vilhjálmur.

Hverjar eru launakröfur lækna?

Er ekki eðlilegt að fjármálaráðuneytið
birti kröfugerðina í heild sinni á vef sínum
ef læknum er tregt tungu að hræra
um það málefni?

[Gunnr (IP-tala skráð) 30.12.2014 kl. 13:26]

Ég óska þér gleðilegra jóla og góðs gengis á nýju ári Vilhjálmur.
Hypochondria er einnig sjúkdómur ;) Minnimáttarkend og öfund eru ekkert sérstaklega göfugar hvatir hvernig svo sem menn pakka þeim niður. Að kalla fólk lygara og annað álíka er ekki traustvekjandi og grefur undan virðingu.  
 
Það er ekki græðgi eða sérhlífni íslenskra lækna sem er að draga íslenska heilbrigðiskerfið niður í skítinn. Lífskjör á Íslandi standast ekki samanburð við nágrannlöndin og fólk kemur ekki tilbaka úr margra ára sérnámi og óbreytt ástand mun í raun enda í ósköpum. Það er því miður bara bull að það sé einhver óskilgreindur fjöldi sem fær ekki að vinna á Íslandi eða það að Læknafélagið hafi staðið í vegi fyrir því. Ég held að það hafi hreinlega verið brugðist við of seint og ástandið er orðið það alvarlegt að blasir við ekkert minna en neyðarástandi í mörgum sérgreinum. Þetta fyrsta verkfall lækna í meira en 40 ár og því miður held ég að þetta sé ekki runnið upp fyrir þjóðinni hversu slæmt ástandið er og ekki minnst stefnir í á næstu mánuðum. Þjóðinni hefur í raun verið hlýft við versta sannleikanum. Íslendingar hafa efni á að borga aðstoðarmönnum/konum ráðherra laun upp á 900.000 á mánuði og bæjarstjórum á litlum krummaskuðum og smáum bæjarfélögum úr sjóðum hins opinbera en það er engin alþjóðleg eftirspurn eftir íslenskum stjórnmálamönnum eða stjórnmálamönnum né heldur íslenskum lögfræðingum sem er ungað út af miklum móð frá 4 svokölluðum háskólum og prófessorar sem varla hafa birt meira en dagblaðsgreinar.

Læknar sem aðrir eru flestir fjölskyldufólk og það að vinna 300 tíma á mánuði og vera hreinlega skikkaður til þess vegna fámennis eða vera á króniskri vakt í afskekktum einmenningshéruðum og hvernig á að launa slíkt er alltaf spurning enda miðar fólk við 40 stunda vinnuviku þegar það ber saman laun en peningar eru ekki sá hvati sem heldur fólki áhugasömu. 

[Sigurður Þór Guðjónsson, 3.1.2015 kl. 13:16]

Vilhjálmur Örn dylst ekki heldur talar undir fullu nafni. Þessi Gunnr dylst hins  vegar en sakar samt aðra um bull til hægri og vinstri ef ekki minnimáttarkennd og öfund. Slík skrif í  nafnleysi eru ekki trausvekjandi og vekja ekki virðingu.