Annie get your hríðskotagun

Nú er svo komið á hinu háa Alþingi, að þar er ekki bara saman komin kynslóðin sem spilaði Tetris og gráðuga gleypikarla, heldur einnig litlir karlar með tagl sem hafa drepið miljónir vondra Ameríkana í tölvuleikjum. Það er ekki nema von að slíkir taglhnýtingar vilji ekki banna hetjum ISIL að hafa lén á Íslandi.

Hins vegar er spurningin með allar þessar hríðskotabyssur frá Noregi. Hvern á að drepa, eða hræða? Gengur íslenskur Breivik laus (byssurnar norsku dugðu skammt á hann). Eru múslímarnir í Öskjuhlíðinni kannski farnir að vígbúast? Á að skjóta niður byltinguna þegar hún kemur?

Meðan að íslenskir lögreglumenn eru ekki reglulega athugaðir af sálfræðingi, og ekki er enn krafist lágmarksgáfnafarsprófs fyrir menn sem starfa í rannsóknarembættum lögreglu, er víst ekki óhætt að hafa þessar hríðskotabyssur nema í lokuðum skápum og gefa friðsemdarmönnum lyklavöldin.

Svo þegar IS kemur til Íslands og brjálaður Breiðavíkurriddari birtist á Laugaveginum með 5 ára gísl, er hægt að blaffa þá niður svo þeir ráðist ekki á þetta frábæra kauplýðræði sem við höfum á Íslandi. Þegar öll afnotagjöldin að lýðræðinu hækka og hlutur sjúklinga verður æ stærri, er kannski ekki svo óvisst að norsku byssurnar komist í gagnið fyrr en síðar. Munið að smyrja þær reglulega.

En munið einnig, að frændur okkar Vesturíslendingarnir búa margir í landinu þar sem Nathan Cirillo var myrtur af hundóðum öfgamúslim fyrir tveimur dögum síðan. Í eina lýðræðisríkinu í Miðausturlöndum eru öfgamenn, hryðjuverkamenn sem Íslendingar hafa stutt að séu leystir úr fangelsi, enn að aka niður 3ja mánaða stúlkubörn eins og Chayu Zissel Braun. Í nágrannalöndum Ísrael stunda ungir múslímar frá Danmörku, Noregi, Þýskalandi og öðrum siðmenntuðum löndum fjöldamorð, jafnvel þjóðarmorð. Þeim gengur betur en í tölvuleik taglhnýtinganna.

Er það goðgá að halda því fram að slíkir morðingjar geti einnig komið frá Íslandi?  Enn er þó ekki tími til kominn að gefa fjallkonunni hríðskotabyssu. Hún hefur ekki einu sinni ráð á tölvu og nýjum mjaðmalið.

Chaya Zissel Braun 2014-2014

Athugasemdir

[Ragnhildur Kolka, 24.10.2014 kl. 09:39]

Þessi afstaða Píratanna er dálítið undurfurðuleg í ljósi afstöðu þeirra til ISIS áróðursins eins og þú bendir á. Þeir hefðu gott af því að kíkja inn í raunheima áður en þeir halda debatinu áfram.

[Vilhjálmur Örn Vilhjálmsson, 24.10.2014 kl. 10:02]

Píratar eru fólk í álíka jarðsambandi og unglingar í tölvuleik.

[GB (IP-tala skráð) 24.10.2014 kl. 10:07]

"Við fundum upp Internetið..☺.."

[Vilhjálmur Örn Vilhjálmsson, 24.10.2014 kl. 10:28]

[Aðalbjörn Leifsson (IP-tala skráð) 25.10.2014 kl. 09:00]

Bösse-karl ;-)

[Vilhjálmur Örn Vilhjálmsson, 25.10.2014 kl. 12:34]

Aðalbjörn, segðu mér ekki að þú sért skotinn í mér líka.

[Þorvaldur S (IP-tala skráð) 25.10.2014 kl. 21:37]

Þú veist náttúrlega betur en svo að halda því fram að sjálfvirkar byssur hafi ekki dugað á Breivik. Þeim var ekkert beitt gegn honum einfaldlega vegna þess að enginn var í nágrenni við hann vopnaður slíku tóli.

En kannski átti þetta að vera brandari?

[Vilhjálmur Örn Vilhjálmsson, 27.10.2014 kl. 07:42]

Ísland er oft brandari.