Brjótið Káraspaðann !

 

Þótt einhverjir kunni ekki að halda munnvatni yfir snilld Kára Stefánssonar, sem líklega veit manna best að það er erfðafræðilegur þáttur sem veldur því að Íslendingar gleyma mjög fljótt, þá þarf fólk ekki að styðja Slysavarnarfélagið Landsbjörg með því að gefa þeim spaðann með slefinu úr sér. Notið slefið í annað, brjótið spaðann hans Kára og gefið Landsbjörgu í staðinn 2000 krónur. Það kemur meira út úr því en að gefa bandarísku fyrirtæki upplýsingar fyrir skitnar 2000 krónur.

Er fólk virkilega búið að gleyma umræðunni um ÍE hér um árið, allri andstöðunni og rökunum gegn þessu uppátæki Kára Stefánssonar? Er fólk búið að gleyma fjarmálaóreiðunni í þessu fyrirtæki?

Rannsóknir ÍE hafa sýnt, að þegar menn ljúga lengjast nef þeirra.

 

Rannsóknir, sem nota á sýnin í verða aldrei "dulkóðaðar" meðan nota á "ættfræðigrunn" fyrirtækisins. 

Þegar Kári Stefánsson segir að Ísland hafi tekið for­ystu í rann­sókn­um á erfðafræði manns­ins, er hann að bæta við enn einni lyginni um starfssemi þessa vafasama fyrirtækis, þar sem hefur ríkt fjármálaóreiða sem og vísindaleg óreiða, því fæstar niðurstöður fyrirtækisins eru annað en yfirlýsingar sem ekki er hægt að sannreyna.

Myndin efst sýnir dollaragen Kára Stefánssonar. Þau eru fá og Kári þarf á meðferð að halda.

Fyrri færsla um ÍE: Heilmikið að gerast á litningi 21 

100 þúsund beiðnir um lífsýni

Athugasemdir

[Predikarinn - Cacoethes scribendi , 8.5.2014 kl. 05:25]

Sæll kæri dr. Vilhjálmur Örn.

Hárrétt hjá þér - þennan spaða er ekkert annað að gera við en að brjóta hann.

Þetta er ósvífið eins og venjulega hjá Kára ! Einmitt úthugsað af hans hálfu því hann veit sem er að með því að gera þetta á þennan hátt er hann að samviskuhöfða okkur á eins ósvífinn hátt og hugsast getur.

Mér kemur ekki til hugar að Kári fái frá mér sýni, ekki frekar en þegar hann fór í gang með samþykkið um gagnagrunninn um árið - og það átti að gilda um börnin og allt. hjá þeim sem ekki beinlínis sendu inn neitun - var litið á að það væri sama og samþykki. Ég sendi inn neitun fyrir börnin og hvatti alla sem ég þekkti til þess einnig. Börnin geta sjálf sem, fullorðið fólk breytt því fyrir sig, en ég gaf ekki skotleyfi á þau.

Já fínt að styrkja björgunarsveitirnar um pening, það sem menn eru með á sér þá stundina - já þess vegna kr. 2.000,- eða meira eftir því hvað hver vill -bara gott mál.

[Hilmar (IP-tala skráð) 8.5.2014 kl. 09:15]

Ekki fer maður að gera björgunarsveitum þann Bjarnargreiða, að hrækja á spýtuspaða. Það þarf þá allavega ekki að stefna Kára fyrir mínum hlut:

http://www.vb.is/frettir/101164/

Annars er hér komin afsökun fyrir mig, að tíma ekki að kaupa flugelda. Ekki fer maður að borga fólki sem gengur í hús og sníkir fyrir Kára og Erlenda erfðagreiningu.

Frekar vil ég verða úti á hálendinu.

[Kristján B Kristinsson (IP-tala skráð) 8.5.2014 kl. 12:56]

Ég, spurði nágranna minn hvort ég mætti ekki fá lánaðan hundinn hans til að sleikja spaðann fyrir mig, jú hann hélt það nú ég gæti lika fengið köttinn til að sleikja hinn spaðann. 

[FORNLEIFUR, 8.5.2014 kl. 13:39]

Kári gæti líkast til skrifað einhvern langhund um það með 24 öðrum í Nature, Kristján, ef ég þekki hann rétt: "Dog and cat mitocondriate in Icelandic human founding population shows intelligence in parts of the Icelandic modern day population"

[Kristján B Kristinsson (IP-tala skráð) 8.5.2014 kl. 15:29]

Er þessi neflangi næsti neyðarkall bjögunarsveitanna?

[Ágúst H Bjarnason, 8.5.2014 kl. 15:56]

Ég er ekki hræddur við að taka þátt í svona rannsókn, og geri það með glöðu geði.

[Predikarinn - Cacoethes scribendi , 8.5.2014 kl. 16:11]

Þeir sem vilja styrkja björgunarsveitina í stað þess að afhenda þeim tréspaðann þá eru hér bankaupplýsingarnar þeirra og hægt að sýna þessu góða fólki kvittunina þegar það kemur að sækja prikið, en fær ekki.

Lansbjörg :

kt. 560499-2139

banki 537-26-6196

[Vilhjálmur Örn Vilhjálmsson, 8.5.2014 kl. 17:02]

Takk fyrir þetta Predikari. Alltaf gott að styðja góð málefni.

Þú hefur þinn hentugleika á þessu Ágúst H. Bjarnason. Ekki sendi ég neinn með slefspaða eða bakka heim til þín til að handrukka fyrir bandarísk fyrirtæki. Gefðu ríflega!

[Eyjólfur G Svavarsson, 8.5.2014 kl. 17:05]

Ég mundi hugsa málið ef hann skilaði þessumm 6 millum sem hann stal af mér.Fari hann til helvítis!

[Sólbjörg, 9.5.2014 kl. 10:08]

Af hverju upplýsir Kári ekki allt ferlið, kynnir það fyrir þjóðinni og fær samþykki persónuverndar áður en lagt er af stað. Að Erfðagreining hafi ekki gert það er ekki traustvekjandi svo viðbrögð fólks eru skiljanleg og fyrirsjáanleg. Siðferðisspurningar eru margar. Augljósast er að Kári hefði átt að gera ráð fyrir þrjóskugeni Íslendinga í skipulagsferlinu. Grunar að Landsbjörg sé mótleikur Kára gegn þrjósku mótþróanum í Íslendingum.

Af hverju á heil þjóð að afhendi lífsýni til annarra þjóðar?

200 hundruð milljónir fyrir lífsýni heillar þjóðar er "ókeypis" miðað við veltu lyfjaiðnaðarins.

[Vilhjálmur Örn Vilhjálmsson, 9.5.2014 kl. 13:59]

Sólbjörg, það sem Kári þarf eru ekki 100.000 lífsýni. Ef hann fær aðeins 3-5000 sýni standa rannsóknirnar nokkuð vel. Þá verður þetta enn billegra fyrir bandaríska fyrirtækið.