Herr Brinkmann, sendiherra ESB á Íslandi

Sigmundur Davíð Gunnlaugsson er ekki aðeins upptekinn af fornleifamálum og verndun gamalla húsa. Nýlega kallaði forsætisráðherra sendiherra ESB á Íslandi til sín á teppið. Sendiherrann hafði sagt eitthvað sem ríkisstjórninni líkaði ekki og sem ekki getur talist sannleikanum samkvæmt, nema að maður sé ESB-sinni.

Ég hef lengi haft áhuga á stjórnmálamönnum sem segja ósatt. Sumir gera ekkert annað. Óalgengara er að löglærðir embættismenn eins og sendifulltrúar ríkja segi ósatt. Ég á erfitt að dæma um ummæli Matthias Brinkmann sendiherra því "ESB-sendiráðið í Reykjavík vill ekki tjá sig um fund Sigmundar með Brinkmann".  Brinkmann er ekki á landinu og heldur ekki Sigmundur. Ef til vill hafa þeir farið saman  til að leita að sannleikanum.

Starfaði í ráðuneyti sem ekki var til

Þar sem ég veit ýmislegt um Sigmund Davíð, langaði mig að forvitnast  um feril Matthias Brinkmanns. Á vef ESB eru gefnar upp staðlaðar upplýsingar um manninn (Sjá t.d. hér). Þar kemur meðal annars fram að hann hafi verið ráðinn (lánaður) að rannsóknarráðuneyti Dana á árunum 1987-90. Það kom mér heldur betur á óvart, því að rannsóknarráðuneytið danska varð ekki til fyrr en 1993. Hvernig getur Matthias Brinkmann hafa unnið á 9. áratugnum í ráðuneyti sem ekki varð til fyrr en 1993?  Það er mér hulin ráðgáta. Vonandi skýrir Brinkmann þetta yfir Íslendingum.

Reyndar hefur rannsóknaráðuneyti Dana haft mörg, örlítið mismunandi nöfn, og þeir sem starfa þar, t.d. kona mín, eiga stundum erfitt með að muna nýtt nafn ráðuneytisins í hvert skipti, en nafnið breytist gjarnan með stjórnarskiptum og nýjum ráðherrum. En það breytir ekki að ráðuneytið varð ekki til fyrr en árið 1993. Hr. Brinkmann, afsakið, Dr. Brinkmann, hefur aldrei unnið í rannsóknarráðuneyti Dana á tímabilinu 1987-90. Það er ekki mögulegt.

Einhver skekkja eða ónákvæmni er greinilega í ferilskrá Brinkmanns, sem stundum hefur kallað sig Bernhard Matthias. Þar er einnig upplýst, að hann hafi verið dómari við Verwaltungsgericht í Hamborg áður en hann hóf störf í Framkvæmdastjórn Evrópusambandsins árið 1983 og hafi einnig doktorspróf í alþjóðarétti. Slík ábyrgðastörf og titlar voru alls fjarri þeim veruleika sem hann vann við í Stokkhólmi árið 1995, þegar hann var aðeins upplýsingafulltrúi ESB-skrifstofunnar i Stokkhólmi og auglýsti eftir tilboðum í prentun á bæklingum fyrir skrifstofu Framkvæmdastjórnar Evrópusambandsins í Stokkhólmi. (Sjá t.d. hér)

Starfaði hjá flóttamálastofnun SÞ, en sýnir algjöra vankunnátta á högumn flóttamanna og minnihlutahópa í ESB

Furðu sætir að maður sem segist hafa unnið á skrifstofu Flóttamannstofnunnar SÞ í Genf hafi orðið sér að fífli í Kanada, þegar hann móðgaði Rómafólk, með ósannindum og fordómum í garð þeirra: (sjá hér). Dr. Brinkmann sýndi klárlega fordóma í garð Rómafólks, sem og að hann þekkti ekki það sem Thomas Hammarberg fráfarandi forstöðumaður Flóttamannastofnunnar SÞ í Genf hafði  látið í ljós skömmu áður um hag Rómafólks í Evrópu.

Greinilegt er, að Dr.  Matthias Brinkmann er ekki mjög trúverðugur embættismaður og hefur jafnvel unnið á stofnunum sem ekki voru til þegar hann segist hafa unnið þar.

Af hverju ættu Íslendingar að trúa því sem hann og ESB-sinnar segja, þegar þeir hafa heyrt annað frá yfirmönnum Brinkmanns og séð óhemju neikvæða afstöðu ESB til landsins í ýmsum málum?

Athugasemdir

[Valdimar Samúelsson, 20.3.2014 kl. 10:51]

Vilhjálmur þú ert góður rannsóknarmaður og þetta er gott innlegg í púkkið gegn hroka embættismanna.

[Vilhjálmur Örn Vilhjálmsson, 20.3.2014 kl. 11:00]

Einn hlekkjanna um Brinkmann var gallaður, en er nú hægt að opna og eins hér:

http://rabble.ca/blogs/bloggers/karl-nerenberg/2012/05/hill-dispatches-eu-ambassador-displays-his-ignorance-house-com

[Jón Valur Jensson, 20.3.2014 kl. 11:55]

Mjög athyglisvert, dr. Vilhjálmur!

Þessi, sem farinn er að skipta sér af íslenzkum innanríkismálum, virðist litlu skárri en sá á undan, sem fór í predikunarferðir um Ísland um ágæti ESB, þvert gegn skyldum sendiráða og sendiherra skv. Vínarsáttmálanum.

Sendum slíka menn heim til sín, þegar þeir brjóta af sér.

[Helga Kristjánsdóttir, 20.3.2014 kl. 12:48]

Þeim er einkar lagið að halla réttu máli og hingað til haldið sig komast upp með það.

[Andreas Þráinn Kristinsson (IP-tala skráð) 22.3.2014 kl. 20:50]

Vilhjálmur leifi mér að pósta á þig þessari fyrirspurn hér þótt hún snerti ekki þessa bloggfærslu:

Getur þú bent mér á hvar ég get fræðst um íslenskan seðlabankastjóra sem var nasisti og mögulega ekki menntaður í fjármálafræðum

Kv.

Þráinn Kristinsson

[Vilhjálmur Örn Vilhjálmsson, 23.3.2014 kl. 11:19]

http://www.althingi.is/altext/cv/is/?nfaerslunr=107

Ég hafði samband við Háskólann í Kiel, sem  á engin gögn um að Davíð Ólafsson hafi tekið próf í Hagfræði við háskólann. 

Kannski geymir seðlabankinn gögnin?

[Jón Valur Jensson, 23.3.2014 kl. 13:31]

Í Ísl. samtíðarmönnum I (1965) segirum hann: "Stúd. M.R. 1935. Hagfræðinám við háskólana í Kiel og München og próf frá hinum fyrrnefnda 1939." -- Finn ekki í fljótu bragði hjá mér Viðskipta- og hagfræðingatalið.

Svo rakst ég aftur á vefslóð hjá mér, sem minnir á, að athæfi Brinkmanns og sendiherra ESB á undan honum var ekki einsdæmi af hálfu Busselmanna gagnvart Ísandi, sjá hér: Olli Rehn brýtur reglur diplómatíunnar með íhlutun í okkar innanríkismál.

Nei, nú get ég víst ekki lengur vísað þarna í grein mína um málið á Vísisbloggi, 365 fjölmiðlar þurrkuðu það allt út í haust!!! (þar stendur nú: "404 - File or directory not found. The resource you are looking for might have been removed, had its name changed, or is temporarily unavailable."

Nútíma bókabrenna má það kallast að þurrka út gervöll skrif manna (ALLRA Vísisbloggara!!!) og gríðarlegar umræður þar í einu vetfangi!!! Þeim ESB-þjónunum og Samfylkingar-vinunum hefur víst ekki verið ýmislegt þar að skapi né að þangað væri hægt að vísa um ýmsar óþægilegar fréttir og upplýsingar. Ég hef ítrekað óskað eftir endurbirtingu greinanna, en fæ ekki neina úrlausn. Hins vegar er ég svo heppinn að hafa tekið sjálfur afrit af flestum þeirra sl. sumar. Og þar er þessi líka:

Olli Rehn brýtur reglur diplómatíunnar með íhlutun í okkar innanríkismál

5. maí 2009

Ég vitna beint í frétt Sjónvarpsins: “Íslendingar ættu að nýta tækifærið meðan Svíar sitja í forsæti Evrópusambandsins og sækja um aðild, segir Olli Rehn, stækkunarstjóri ESB.” Fyrir nokkrum dögum sagði sami maður í viðtali við Handelsblatt: “Islands natürlicher Platz ist in der EU – eðlilegur eða náttúrlegur staður Íslands er í Evrópubandalaginu.” – Þetta er frek íhlutun í okkar innanríkismál.

Og í gærkvöldi bárust þær fregnir frá honum, að Ísland ÆTTI að nýta tækifærið meðan Svíar sitja í forsæti Evrópusambandsins og sækja um aðild! – Hann er farinn að segja okkur, hvað við eigum að gera! En hvenær höfum við kosið hann til að skipa okkur fyrir eða leiða okkur inn í framtíðina? Sjálfur er hann forgengilegur pótentáti, sem situr þarna sinn afmarkaða tíma, og ætti ekki að vera með puttana í málefnum óviðkomandi, sjálfstæðra þjóða – sízt af öllu að leika hráskinnaleik í samráði við 5. herdeildar menn hér á landi til að hlaða undir uppgjafarstefnu þeirra í málefnum þjóðarinnar.

Þeim mun fremur sem Íslendingar reynast þær heybrækur að þegja undir slíku tiltali, þeim mun líklegra er, að EBé-kommissarar haldi slíku áfram. Það verður eftir því tekið, hver viðbrögð Jóhönnu Sigurðardóttur og annarra Samfylkingarforingja verða við þessum yfirlýsingum Rehns.

Umræður eru um þetta mál á eftirfarandi vefslóðum:

• Óskammfeilin afskipti stækkunarstjóra ESB af íslenskum málefnum (Hjörleifur Guttormsson og gestir hans).

• Hvað má Olli Rehn segja skv. andstæðingum ESB? (Kári Harðarson og gestir hans).

Bendi hér ennfremur á mikilvæga grein mína annars staðar: Setið á svikráðum við lýðveldið?

[Ragnhildur Kolka, 24.3.2014 kl. 14:19]

Þú ert fiskinn á frávikin, Vilhjálmur.

[Vilhjálmur Örn Vilhjálmsson, 24.3.2014 kl. 16:30]

Eigum við ekki frekar að segja að rauðmagar veiðast ekki í Þingvallavatni.

Ég hef leitað Brinkmanns í Handbuch der Justiz, en líklegast eru ekki til þeir árgangar í Danmörku fyrir þau ár er Brinkmann var dómari í Hamborg, því ég fann hann ekki.