Genginn í Samfylkinguna

Hinn heimsfrægi franski leikari og flóttamaður Gerard Depardieu, sem hefur gamalt Green card frá BNA og fölsk vegabréf frá öðrum hverjum einræðisherra í Sovétríkjunum fyrrverandi, vill nú fá sér íslenskt vegabréf. Hann safnar nefnilega vegabréfum og ríkisföngum og hefur heyrt að Íslendingar séu sérstaklega einfaldir og gjafmildir á slík skilríki fyrir fólk sem ekki er í neyð samkvæmt alþjóðarsáttmálum.

Sigurður Líndal, fyrrverandi, fyrrverandi lagaprófesseur segist hafa fundið því lagastöð í Rómarrétti, að gefa beri mönnum sem ekki passa lengur í föt sín hæli. Depardieu hefði ekkert á móti Æli í Reppum.

Depardieu bendir sjálfur á að hann sé álíka vitlaus og Bobby Fischer, sé t.d. heimsmeistari í kappáti í truflum, sem og að hann geti fyrir enga muni haldið neinu leyndarmáli í heilan dag frekar en Assange. Depardieu er genginn í Samfylkinguna og ber því við að erfðamengi sítt sé úr Fljótunum að hluta til og að hinn hlutinn sé lokkandi og safarík ESB-skinka. Hann ætlar að taka sér íslenska nafnið Geirharður Valtýsson, ef það er ekki upptekið.

Nú er hann svo svangur að hann gæti étið hval ef hjólastóllinn þyldi álagið. Sannur Íslandsvinur !

Athugasemdir

[Þorvaldur S (IP-tala skráð) 18.6.2013 kl. 18:08]

Hvers eiga Fljótamenn að gjalda?  En Siglfirðingar sakna annars Geirharðs Valtýssonar, sem mun hafa skroppið í stutt frí til útlanda fyrir 40 árum og dvalist eitthvað, svo þeir mundu fagna öðrum svipuðum innrætis.

[Vilhjálmur Örn Vilhjálmsson, 19.6.2013 kl. 04:31]

Hvernig var innræti Geirharðs Valtýssonar?  Býr hann ekki í Berlín?

[Þorvaldur S (IP-tala skráð) 19.6.2013 kl. 18:40]

Nú þekkti ég Geirharð þenna ekki persónulega, en kunningi minn, nemandi hans, sagði mér að sitthvað hefði verið skrautlegt í peníngamálum hans og skatta, þegar hann hvarf af landi brott nýlega orðinn ríxborgari.  Myndi þá ekki þurfa annan skattavesenskóng og ríxfangasafnara til að vega tapið upp?