Christensen Jr. has spoken

 

Sumir Íslendingar telja að Lars Christensen sé algjör snillingur. Þessi bankablók hjá Danske Bank sem skipaði Íslendingum vessgú að borga allar skuldir Afdanans Björgúlfs Thors, hefur aldrei þótt merkilegur pappír á mínu heimili. Hann vinnur í banka þar sem fólki er skipt í A, B og C lið. Ég tilheyri vitanlega C-liðinu og þarf því að borga alls kyns gjöld fyrir að hafa peninga í banka og sérstaklega nú, þegar ég á enga.

Mér sýnist þó á Facebook Lars Christensens, að í syni Lars Christensens ungum (sjá mynd) leynist snillingur og mikill stjórnmálaskýrandi. Christensen Jr. sér afleik aldarinnar, ICESAVE samninginn, sem hluta af teiknimyndaröðinni IceAge 3, þar sem aðalhetjan heitir Skrat og leitar endalaust að hnetu (ESB). Hin dýrin í IceAge eru útdauð. Litli Christensen hefur greinilega séð að Skrat er ekki ósvipaður skrattanum okkar, honum Steingrími J.

Ríkisstjórnin, sem Steingrímur situr í meðan að hann leitar að hnetunni, minnir óneitanlega á eitthvað úr hinu löngu útdauða dýraríki.

Athugasemdir

[Árni Heimir (IP-tala skráð) 30.1.2013 kl. 11:00]

Heill og sæll Vilhjálmur,

Pósthólfið þitt á netinu virðist ekki taka við meiri pósti, í öllu falli ekki í bili: "User profile spam level exceeded".

Þótt grein mín um Róbert Abraham sé komin á prent er ekki þar með sagt að málinu sé endanlega lokið. Ég er afar forvitinn að sjá skjölin sem þú hefur viðað að þér.

Bestu kveðjur,

Árni Heimir

[Snorri Bergz, 30.1.2013 kl. 13:07]

Sælir Árni Heimir

Nú er ég kominn út á kjálka og fylgist ekki með. Varstu að skrifa grein um Róbert Abraham? Hvar birtist hún?

Hafðirðu fundið skjölin um hann í söfnum dómsmálaráðuneytis og annarra opinberra aðila?

kv

[Vilhjálmur Örn Vilhjálmsson, 31.1.2013 kl. 11:50]

Sæll Árni, ég er að láta athuga málið. Óður fornleifafræðingur hótaði mér um daginn limlestingu og heimsókn leigumorðingja http://fornleifur.blog.is/blog/fornleifur/entry/1280054/  og í kjölfarið á því virðist einhver (eða þessi sama manneskja) hafa sett tölvufangið mitt á einhvern svartan lista. Ég sendi þér póst þegar vefþjónninn minn er búinn að athuga málið

Svo kemur hér sjaldséður gestur, búðarþjónn í larfasölu Tiernys og Harmitage. Hvað ertu að gera á "kjálkanum" Snorri?  Ertu í sérverkefnum fyrir flokkinn? Mér sýnist nú að þú fylgist nokkuð vel með þarna úti í rassgati, fyrst þú ert að álpast inná nauðaómerkileg blogg eins og þetta. Fer leitarvélin sjálfkrafa í gang þegar einhver skrifar orðið Abraham?

[Snorri Bergz, 31.1.2013 kl. 12:26]

Sælir gamli

Ég starfa fyrir utanríkisráðuneytið, staðsettur á Ísafirði við njósnir um óæskilega menn eins og þig! :) Neinei, ég stunda þýðingar á ESB- og EES-gjörðum, ásamt fleiru. Ég fylgist lítið með orðið en les þó gjarnan Postdoc og Fornleif mér til fróðleiks og skemmtunar, trúlega einu bloggin sem ég nenni orðið að fylgjast með. Nú er allir á fésinu Villi.

[Vilhjálmur Örn Vilhjálmsson, 1.2.2013 kl. 11:38]

Ég er alveg aftur í rassgati eins og þú veist, þótt allir séu á fjasbók, þar er ég er reyndar líka eins og dauðyfli. Fornleifar fylgjast líka með.

Gvuð minn, ert þú að þýða fyrir Össur rex og það í leyni út á útjálka. Hvaða kafla eruð þið komnir í? Mér þykir þó gott að heyra að þú lesir annað en það sem þú lest í hljóði fyrir Össur.

Sjáðu bara til, bloggið er eftir að fá endurreisn