Af Barbídúkku Samfylkingarinnar og öðru dóti

 

Mér finnst heldur til mikið talað um þessa Samfylkingarþóru og forsetadrauma hennar. Hún minnir mig nú mest á snobbaða Barbídúkku af ruslahaug 7. áratugarins, eða miss DDR 1978. Maðurinn hennar er óneitanlega nokkuð líkur afdönkuðum, gráhærðum aksjónmanni sem er búinn að ganga frá því sem honum var ætlað að ganga frá, fyrir aldur fram. Byltingin í sínu fínasta pússi - The Gucci Revolution. En látum ekki útlitið villa okkur sýn.

Mér finnst menn gera mjög lítið úr ættgarði forsetaframbjóðendanna í þetta sinn. Ég hef skrifað tvær blogggreinar til að bæta úr því hér og hér. Þær fjölluðu um ættir eins af álitlegri frambjóðendunum, Ara Trausta Guðmundssonar, og virðist það hafa valdið hríðminnkandi vinsældum hans um allt land, nema það sé vegna þess að hann er ekki með barni eins og Samfylkingarþóra.

En auðvitað á ekki að dæma menn eftir bumbunni eða ættgarðinum, en frekar hinu sem þeir hafa áorkað. Hugsið ykkur ef menn væru að pæla í því að í ætt Samfylkingarþóru væri graður satýr sem frelsaði Eystrasaltríkin undan oki Sovétrússa eftir að hafa sjálfur verið í upplýsingavinnu fyrir Rússa  á kiðlingsárum sínum. En ljóst er þó, að Þóra Samfylkingarinnar er með sömu augun og frændi hennar, satýrinn glaði.

Ástþór, nei ég ætla nú ekki að nefna hann, en mér þótti það billegt hjá honum að draga nú fram fermingarstúlkuna Natalíu frá Rússíá, sem hann segist hafa verið kvæntur á 10 ár. Lágar tölur eru greinilega heldur ekki sterkasta hlið Ástþórs Magnússonar.

Í miklu framboði barbídúkka og afkomanda gyðinga frá Þýskalandi og sjálfskipaðra messíasa, svo ég nefni nú þá helstu, þá líst mér nú enn best á Ólaf Ragnar með alla sína mannlegu galla - nema þá að þjóðin vilji í barbíleik á Bessastöðum með Þóru og Svavari?  

Athugasemdir

[Elín Sigurðardóttir (IP-tala skráð) 17.5.2012 kl. 09:47]

Hvað með Andreu og Herdísi? Eru þær barbí? Ólafur með mannlega galla segirðu. Hver er messíasinn?

[Vilhjálmur Örn Vilhjálmsson, 17.5.2012 kl. 10:14]

Ha, hvað segirðu, eru Herdís og Andrea með? Þær eru frekar Bratz eða svoleiðis. Messísas er Ástþór, einnig þekktur sem Jólasveinninn í Bagdað.

[H.T. Bjarnason (IP-tala skráð) 17.5.2012 kl. 10:14]

Ég skil ekki hvers vegna þarf að fjalla um fólk af lítilsvirðingu.  Eflaust finnst mörgum þetta sniðugt en eins og unga fólkið segir, "þetta er ekki alveg að gera sig." 

[Vilhjálmur Örn Vilhjálmsson, 17.5.2012 kl. 10:23]

Það er nú ekki ónýtt að vera líkt við Barbí, eða er það? Miðað hvað samfylgnir hafa látið út úr sér um "minn mann", þá er smá glettni um Þóru við hæfi.

[Skeggi Skaftason, 17.5.2012 kl. 18:42]

Dæmir þú Þóru fyrst og fremst út frá föðurbróður hennar?

[Vilhjálmur Örn Vilhjálmsson, 17.5.2012 kl. 19:00]

Ekki er föðurbróðir hennar Þóru nein barbídúkka, Skeggi? Því væri varla á allt annað bætandi. En augnsvipurinn er líkur. Nei, nei, hún er ekki neinn varaJBH.

[Ómar Ragnarsson, 17.5.2012 kl. 19:48]

Í forsetakosningunum 1980 voru aldrei notuð orð eins og "Barbídúkka" og "snoppufríð"um Vigdísi Finnbogadóttur, svo ég muni eftir.

Stuðningsmenn karlframbjóðendanna voru málefnalegri en það.

En nú er öldin önnur.

Frambjóðendurnir sjálfir 1980, Guðlaugur, Albert og Pétur fóru aldrei niður á það plan að nota orðin "fegurðarsamkeppni og fjölmiðlaleikur" um mótframbjóðanda sinn, en það hefur nú verið gert.

Ég hélt að einhverjar framfarir hefðu orðið á þeim 32 árum, sem liðin eru, varðandi það að tala niður til kvenna og dylgja með það að þær séu bara útlitið og "sjónvarpsfígúrur".

[Valgarður Lyngdal (IP-tala skráð) 17.5.2012 kl. 21:56]

Virðing mín fyrir Ómari Ragnarssyni jókst til muna við að lesa þetta hógværa en málefnalega svar hans við ömurlegri orðræðunni hér fyrir ofan. Vel gert Ómar, þú átt þakkir skildar. Vilhjálmur Örn Vilhjálmsson; ef þú hefur ekkert gáfulegra eða málefnalegra en þetta fram að færa, þá ættir þú að loka þessari bloggsíðu þinni hið fyrsta. Svona skrif eru engum til sóma.

[Vilhjálmur Örn Vilhjálmsson, 18.5.2012 kl. 02:49]

Valgarður Lyngdal. Lokun á skoðanir er það sem við munum sjá meira af hjá Samfylkingarmönnum. Slíkt var mjög algengt í Austantjaldslöndunum á sínum tíma (og er enn í gangi). Ritskoðun er líka mjög rík í sumum Íslendingum.

Ómar er líka sjónvarpsfígúra og skemmtikraftur, sem í lýðskrumi hefur sett spor sitt á umhverfismál (oftast til góðs). En hann er þó ekki að bjóða sig fram til embættis forseta.

Frú Vigdís hefur örugglega þótt snoppufríð hér á árum áður, en slíkt segir maður ekki um konur sem voru komnar eru yfir 50, nema að það sé konan manns sjálfs. Svo var bloggið ekki til árið 1980, því miður!

[Snorri Hansson, 18.5.2012 kl. 03:18]

Þóra er hin fullkomni forsetaframbjóðandi að öllu leiti. En eins og mál standa,gerir Samfylkingar stimpillinn sem hún ber það að ég mun ekki kjósa hana. Hún er virtasti og frambærilegasti fjölmiðlamaður íslendinga. Að reyna að níða hana niður með Barbí samlíkingum er dónaskapur.

[Ragnheiður , 18.5.2012 kl. 06:32]

Æ!

Oft finnst mér gaman að þér en ekki núna :(

[Jón Steinar Ragnarsson, 18.5.2012 kl. 06:40]

Mér finnst þetta ágæt samlóking hjá þér Villi. Yfirborðsmennskan og innihaldsleysið í þessu framboði kallar eiginlega á það. Allt svolítið plastlegt pjattað. Á meðan hún kemur ekki hreint fram með pólitíska sannfæringu sína og rót þessa framboðs, þá er hún jafn mikið plat og Barbídúkka.

[Jón Steinar Ragnarsson, 18.5.2012 kl. 06:46]

Það eitt að manneskjan skuli henda sér út í forsetaframboð á steypinum ætti að segja fólki að henni var att út í það og það með miklu offorsi. Gestalistinn á fundinum þar sem hún tilkynnti framboðið hefði líka mátt gefa fólki hint, en þar voru helstu spunadoktorar og spámenn ESB mættir með bros aftur á hnakka.

Að' sjalfssögðu eru fleiri staðfestingar til á þessum markmiðum. Fólk þarf bara að opna á sér augun.

[Örn Ólafsson (IP-tala skráð) 18.5.2012 kl. 07:46]

Að lá fólki ætterni er fyrir neðan allar hellur.

Og hve lengi á að velta sér upp úr máli Jóns Baldvins, eftir að hann hefur beðist afsökunar? Líka fyrir neðan allar hellur hjá þér Vilhjálmur. Ég sé að ég þarf ekki að eyða tíma í að lesa fleiri pistla frá þér.

[H.T. Bjarnason (IP-tala skráð) 18.5.2012 kl. 16:44]

Ég er innilega sammála Ómari.  Það er stórfurðulegt að á þremur áratugum hefur geta þjóðarinnar til að taka þátt í skynsamlegri umræðu hrakað en ekki batnað.  En við virðumst lifa á öld músarinnar þar sem froða og fliss er gjaldmiðillinn í samskiptum manna.