Á Íslandi er saga Fischers lygasaga

 

Í gær kom út bók Helga stórmeistara Ólafssonar um síðustu ár Bobby Fischers á Íslandi. Óska ég skólastjóra Skákskólans til hamingju með bók sína. Þótt ég hafi ekki lesið bókina, verð ég strax að lýsa áhyggjum mínum. Helgi var að sögn náinn vinur Fischers. Nánir vinir eru ekki alltaf besta heimildin um menn.

Síðustu ár Fischers einkenndust því miður ekki af skáklistinni, eins og góðir menn höfðu vonast til, með því að hjálpa honum til Íslands. Fyrir utan að vera alvarlega sjúkur líkamlega, var Fischer einnig andlega vanheill. Mikill tími hans og meintrar konu hans, Myioko Watai, fram að komunni til Íslands árið 2005, fór í að halda úti vefsíðu í Japan. Vefsíða þessi innihélt mestmegnis frumstætt andgyðinglegt efni. En þar voru einnig birt bréf til fyrirmenna á Íslandi. Er Fischer kom fram í fjölmiðlum síðustu árin, notaði hann sérhvert tækifæri sem gafst til að lýsa andstyggð sinni á gyðingum, t.d. á fyrsta blaðamannafundi sínum á Íslandi.

Haturssíða sú sem Fischer og Watai héldu úti í Japan var lokað eftir dauða Fischers, en Ríkissaksóknari neitaði að lögsækja Fischer fyrir þessa síðu, sem var brot á hegningarlögum. Hún hefur skilið eftir sig spor eins og allt annað á veraldarvefnum, sem kastar ljósi á ýmsa hluti.

Eins og Íslendingum er kunnugt um, erfði Miyoko Watai Fischer. Hæstiréttur tók gilda japanska pappíra sem sýndu að „brúðkaup" Fischers og Watai sem átti að hafa átt sér stað í fangelsinu í Japan 2004, en að hjónavígslan hefði fyrst verið "samþykkt" árið 2005.

Vandamálið er bara, að þegar Fischer á að hafa kvænst Watai í fangelsi árið 2004, gat Fischer ekki, og mátti ekki samkvæmt japönskum lögum (sjá hér), kvænast japönskum ríkisborgara.

Fischer hafði verið tilkynnt af innflytjandayfirvöldum á Narita-flugvelli og dómsmálaráðuneyti Japans þann 13. og 15. júlí 2004, að hann væri ólöglegur innflytjandi, sjá hér og hér. Þess vegna var hann í varðhaldi í Japan. Samkvæmt japönskum lögum geta ólöglegir innflytjendur ekki kvænst eða gifst japönskum þegnum, og sérstaklega ekki ef hinn ólöglegi innflytjandi situr í varðhaldi japanskra yfirvalda eins og Fischer gerði.

Ég hef margoft sýnt fram á hér á blogginu (sjá t.d. hér og hér), að Fischer talaði um Miyoko Watai sem vinkonu (friend) sína, löngu eftir að hann á að hafa gifst henni. Ég og aðrir telja að Kanadamaðurinn John Bosnitch, sem var vitni við réttarhöld í erfðamálinu, hafi farið með rangt mál í íslenskum réttarsal um vígslu Myiako Watai og Bobby Fischers. Í bréfi til Davíðs Oddssonar dags. 26. nóvember 2004, kallar Fischer meira að segja Watai "vin" sinn, þó hann eigi samkævmt upplýsingum fyrir Hæstarétti að hafa verið kvæntur henni á þeim tíma, sem bréfið til DO utanríkisráðherra var skrifað.  

Nýkvæntir menn tala nú einu sinni ekki um konur sínar sem vini í opinberum bréfum. Það kórónar allt, að kona Fischers skrifaði sjálf bréfið - og gerði greinilega engar athugasemdir við "vinfangið". Sjá mynd efst, þar sem ég hef litstrikað kjarna málsins.

Þessi gögn og önnur er búið að fjarlægja af internetinu, en það sem eitt sinn fer á veraldarvefinn hverfur þaðan aldrei.

Ég tek enn einu sinni fram að ég álít að Hæstiréttur Íslands hafi látið leika á sig í erfðamáli Fischers, nema að dómarar hafi dæmt gegn betri vitund. 

Ég er líka viss um að þær upplýsingar sem hér birtast eru ekki með í bók Helga Ólafssonar um vin hans Bobby Fischer. Vinir segja ekki endilega sannleikann. Ég álít að upplýsingar þessar hefðu átt að vera með gögnum í erfðamáli Fischers. 

Getur verið að íslensk yfirvöld og dómkerfi hafi ekki rannsakað málið til hlítar? Ég tel ljóst að arfurinn eftir Fischer hafi farið á rangar hendur og íslenska kerfið hafi verið snuðað, enn eina ferðina - eða viljað láta snuða sig, sem virðist mjög ríkt í Íslendingum.

Skák mát!

Athugasemdir

[Vilhjálmur Eyþórsson, 5.5.2012 kl. 21:01]

Ef ég man rétt var móðir Fischers gyðingur, þannig að hann hefði getað fengið ríkisborgararétt í Ísrael og hefði ekki þurft aðstoð Davíðs. En það er ekki nýtt að gyðingar hati sína eigin þjóð. Um slíkt eru mörg dæmi, t.d. Karl Marx, sem hafði hina mestu skömm á gyðingunum, sem hann var þó kominn af.

[FORNLEIFUR, 6.5.2012 kl. 05:02]

Faðir hans var það líka. Fischer var gyðingur, þó hann bæði forsvarsmenn alfræðirits gyðinga um að verða fjarlægður úr ritinu.

En þegar þrengir að er alltaf til fólk sem snýst gegn sinni þjóð og hagsmunum ríkis síns. Við sjáum þetta á Íslandi á mun ýktari máta en hjá þeim fáeinu gyðingum sem snúist hafa gegn sínu fólki og sinni trú.

Við höfum fjölda fólks á Íslandi sem stundar sjálfshatur og veruleikaflótta, og sem vill selja landa sína á fæti til ESB, vegna þess að það kom gat á rassvasann fyrir nokkrum árum.

En hvað finnst þér um að maður sem ekki gat kvænst japanskri konu í fangelsi, er hann var í steininum sem ólöglegur innflytjandi?

Hafa japönsk yfirvöld falsað skjöl, hefur frú Watai gert það, eða hafa íslensk yfirvöld látið leika á sig? Eða er hér gyðingahatur á ferðinni? Japanskur gyðingahatari látinn fá arfinn, svo gyðingar í Bandaríkjunum geti ekki fengið þá? Kannski getur Huffmann yfirdómari skýrt þetta fyrir okkur.

[FORNLEIFUR, 6.5.2012 kl. 05:05]

Margir gyðingar hafa líka mikla skömm á Marx, þó ekki Marx bræðrum.