Ari Trausti Sternberg von Pasewalk-Guðmundsson

Hér sjáið þið forsetaframbjóðandann Ara Trausta Guðmundsson virða fyrir sér "Stolpersteine", steina með messingplötu sem á eru skráð nöfn ættingja hans í bænum Pasewalk sem fórust í helförinni. Steinum þessum er komið fyrir í gangstétt við hús fórnarlamba helfararinnar.

Ég er alveg viss um að pabbi Ara Sternbergs hefði orðið stoltur af stráknum sínum. Þegar Ari er orðinn forseti, geta menn svo grafið meira í ættgarðinn, minnst föður hans sem þótti gaman af Aríaspeki og var hlýtt til Þýskalands, reyndar svo mikið að í lok 4. áratugar 20. aldar var hann á lista danskra yfirvalda yfir Íslendinga sem þóttu hafa einum of mikil og vinsamleg samskipti við fyrirmenn í Þýskalandi Hitlers.

Mig minnir að Bretar hafi tekið útvarpssendingastöð af Guðmundi Einarssyni í upphaf hersetu. Lydía síðari kona Guðmundar frá Miðdal og móðir Ara var líka "þýsk", reyndar dóttir Pauls Sternbergs efnafræðings, en barnsmóðir Sternbergs, Theresía Zeitner, flutti með Guðmundi til Íslands og Lydia dóttir hennar síðar. Lydia og Guðmundur felldu hins vegar hugi saman og eignuðust þau fjögur börn upp á pólskan máta, m.a. Ara (1948), áður en þau Guðmundur giftust árið 1950.

Afi Ara Trausta, Paul Sternberg, var gyðingur, sem nafnið gæti líka bent til. Hann er af gamalli kaupmannsætt í bænum Pasewalk í fyrrum Austur Þýskalandi.

Hér má lesa um ættir forsetaframbjóðandans í Pasewalk.

Það væri örugglega ekki til annars en að flækja "geðklofa" þann sem menn sjá hjá íslensku þjóðinni, ef hún velur sér forseta sem átti föður sem var hallur undir Hitler og afa sem var gyðingur.

Ari er örugglega góður kostur fyrir hard-core samfylkingarmenn, en við hin höfum einn betri, sem er þegar á Bessatöðum og enginn vafi leikur á um uppruna konunnar hans. En af undanskildum Ólafi Ragnari Grímssyni, þá er Ari Trausti nú eini marktæki valkosturinn meðal frambjóðenda til embætti forseta Íslands.

Eftir að Ari Trausti hefur gengið úr skugga um uppruna sinn í Pasewalk og Berlín, og örlög ættingja sinna, er hann vonandi ekki eins hatrammur út í Ísrael og sumir samferðamenn hans í pólitík.

Athugasemdir

[Vilhjálmur Eyþórsson, 20.4.2012 kl. 17:46]

Ef ég man rétt var Ari Trausti ákafur Pol Pot- isti fyrr á árum, en samt er hann sá frambjóðandi sem mér líst skást á.

[Vilhjálmur Örn Vilhjálmsson, 20.4.2012 kl. 18:00]

Já nafni, eitthvað svoleiðis sterkt var Ari, en ég man ekkert eftir honum var kom líklegast heim um það leiti að ég var að flytjast út.

Var hann ekki með í einhverri sellu í blokk í austurbænum (nærri Langholtsvegi), eftir að hann kom heim úr námi í Noregi? Í sellu þessari var hugmyndafræðin eins og trúarbrögð, en líklegast hefur hann lært af mistökunum og séð að heimurinn var betri með kapítal og öllu skítaverkinu sem því tilheyrir, svo sem græðgi og greðja. Allt slíkt er auðvitað kommum óskiljanlegt

[Jakob Andersen (IP-tala skráð) 20.4.2012 kl. 19:50]

"...enginn vafi leikur á um uppruna konunnar hans". Flashback til Þyskalands 30'.

[Vilhjálmur Örn Vilhjálmsson, 21.4.2012 kl. 19:07]

Nei, hr. Andersen, þú hefur greinilega misskilið eitthvað.

[Hjálmtýr V Heiðdal, 24.4.2012 kl. 18:02]

Þið Villi og Villi eruð mikið fyrir að spá í persónur, uppruna og mögulegar tengingar við eitthvað sem má núa þeim um nasir. Ég held að ég muni það rétt að Ari Trausti var aldrei á Pol Pot-línunni. Hann var (er?) stuðningsmaður frelsisbaráttu þjóðanna sem börðust gegn USA-imperialismanum. En kanski er ég að valda ykkur Villunum vonbrigðum með þessum upplýsingum. Vonandi ekki. Þið finnið þá bara eitthvað annað - þið eruð svo fróðir.

[Vilhjálmur Örn Vilhjálmsson, 27.4.2012 kl. 17:04]

Týri Heiðdal, ég tek vitneskju þína um isma Ara Trausta forsetaframbjóðanda gilda, þar sem þú varst manna handgengnastur Pol Pot á Íslandi og veist því hverjir voru þar innstu koppar í búri.

Ég veit bara, eins og ég skrifaði, að Ari Trausti var í sellu/kommúnu austur í bæ og hún var rekin eftir norskri fyrirmynd, mjög trúarbragðaleg með afneitunum og kvöldlestri upp úr völdum litteratúr eftir heimskvalara og lýðskrumara. Hvort honum hefur orðið eitthvað ágengt í baráttunni við USA-imperíalismann, veit ég heldur ekki, en tel þó líklegra að hann hafi tapað baráttunni og sé kannski enn að sleikja sárin.