Δημοκρατία - Lýðræði

 

Boðuð þjóðaratkvæðagreiðsla í Grikklandi er réttur Grikkja og allir vita að hún eða gríska þjóðin hefur ekkert að segja um hvernig mörkuðum í heiminum ríður af. Eins og Íslendingum var kennt um hryðjuverk, er Grikkjum nú kennt um örlög heimsefnahagsins. Til er grískt orð fyrir athafnir ESB og græðgisaflanna: Tragedía.

Ofboðslegur yfirgangur ESB-furstanna í Þýskalandi og Frakklandi er birtingarmynd þeirra afla sem alla 20. öldina reyndu að kúga og þjarma að rétti þjóða til að taka ákvarðanir á lýðræðislegan hátt.

Besta lausn Grikkja er að koma sér út úr ESB sem fyrst og láta evruna sigla sinn sjó.

Lýðræðið, eins og demókratía hefur verið kölluð á Íslandi, er líka eina lausnin til þess að koma lagi á þá óstjórn sem ríkir á Íslandi. Ef Íslendingar eru óánægðir með hækkun stýrivaxta eða skilja ekki upp né niður í einbeittum vilja ríkisstjórnarinnar að bæta dauðri evru og ómögulegu ESB ofan á ástandið á Íslandi, er demókratía, þetta gamla gríska orð, lausnin. Þjóðin ákveður en ekki þing, sem ekki hefur traust þjóðar.

Ef tímabundin fátækt er afleiðing frelsisvilja, er enginn vafi á því að betra er að vera fátækur og frjáls, en að vera pattaralegur þræll og sníkill á „allsnægtaborði" ESB.

Athugasemdir

[Ásthildur Cesil Þórðardóttir, 3.11.2011 kl. 14:08]

Sammála.

[Vilhjálmur Eyþórsson, 3.11.2011 kl. 19:47]

Mæltu manna heilastur, nafni.

[Jón Steinar Ragnarsson, 3.11.2011 kl. 21:05]

Nú er búið að opinbera að þjóðaratkvæðin hafi verið allt í plati þótt þing og forseti væru búin að samþykkja. Endanlega búið að jarða lýðræðið og fer vel á að gröfin sé í vöggunni.

Nú er ekkert eftir fyrir Gríska þjóð en hnefarétturinn og ofbeldið.