Feilnóta í Fréttatímanum ?

Nú er genginn fram á sjónarsviðið maðurinn sem fyrstur greindi fá nauðgun sem hann varð fyrir af hendi séra Georgs og Fräulein Müller. Þetta geta allir lesið í Fréttatímanum. Hann heitir Ísleifur Patrik Friðriksson, fæddur 1954. Hann vinnur (eða hefur unnið) hjá ÍTR í Nauthólsvík, hefur stundað ljóðalestur í Bláfjöllum og er fyrrverandi Ólympíufari. Hann verður nú eitt aðalvitnið í rannsókninni á málinu, sem fyrst var greint frá opinberlega 17. júní 2011. Bróðir hans, O.F., var einnig fórnarlamb kirkjunnar manna. 

Um leið og ég tek ofan hattinn fyrir þessum manni sem hafði þor til að koma fram og segja frá glæp gegn sér, án þess að brjóta rúður, verð ég að greina frá vandamáli í fyrri fréttaflutningi Fréttatímans, sem ég vona að einhver geti skýrt.

• Iðunn Angela er fædd 1951.
• Faðir hennar fer á fund biskupsins árið 1963, ("sumarið áður en Iðunn byrjaði í gagnfræðaskóla"), og skömmu eftir að Iðunn segir foreldrum sínum frá hræðilegri reynslu sinni (heimild Fréttatíminn).
• Sumardvalarheimilið Riftún opnar fyrst árið 1964, (heimilið var vígt 7. júní 1964).
• Iðunn Angela er samt send þangað af foreldrum sínum (heimild Fréttatíminn). Kannski til að vera með séra Georg, kvalara sínum?

Þetta verður að skýra fyrir mér - vinsamlegast. Heimild Fréttatímans er Iðunn Angela Andrésdóttir. Í New York væri þetta kallað "major holes" í framburði.

Lesið enn fremur þessar færslur mínar um málið:

4.5.2009: Í nöp við kaþólska

17.6.2011: Mjög alvarlegar ásakanir

20.6.2011: Á Kaþólska kirkjan sök á því að menn eru í Vinstri Grænum og Vantrú?

22.6.2011: Illmennska og múgæsing eru systur

23.6.2011: Af ýmis konar hýsteríu

29.6.2011: Afsökunarbeiðnir vegna (meintra) glæpa

29.6.2011: Saga meints níðings og eins fórnarlamba hans

 

Svefnskálinn í Riftúni í vetrarhörkum árið 1984. Ljósmyndari Þjóðviljans kom þarna við. Sólin á vegg salernisins var upphaflega máluð þegar ég var þarna árið 1970. Myndina efst tók ég af krökkum að dansa úti á hlaði í Riftúni árið í lok júlí 1970.

 

Athugasemdir

[Ragnhildur Kolka, 1.7.2011 kl. 12:26]

 Þegar þungar ásakanir eru bornar á menn þarf að skoða mál frá öllum hliðum. Eflaust mun rannsókn lögreglu velta þessum spurningum upp, en heiðurs síns vegna þarf Fréttatíminn að svara þeim líka.

Spurningin sem nú vaknar er hvort þessar ásakanir á hendur þjóna kaþólsku kirkjunnar séu bara UPPISTAND til að selja blað. 

[Vilhjálmur Örn Vilhjálmsson, 2.7.2011 kl. 14:10]

Fréttatíminn er vart að selja blaðið með þessum fréttum, nema þeir haldi að auglýsendur verði fleiri þegar fólk smjattar yfir kaþólskri illsku um leið og það sér tilboð á svínakjöti í Bónus?? Ég veit lítið um rekstur blaða.

Fréttatíminn hefur fengið spurningu mína, fékk hana í gær, en ég hef ekki fengið neins svör. Það er örugglega verið að rannska þetta.

[Trúleysingi (IP-tala skráð) 2.7.2011 kl. 19:35]

Thessar stadreyndavillur skipta engu máli fyrir heildarmyndina, mestu máli skiptir ad nu er kjörid tækifæri ad reida til höggsins og kremja katholsku kirkjuna fyrir NÍDINGSVERK hennar!

[Ari (IP-tala skráð) 2.7.2011 kl. 19:49]

Ég sé ekki ad thetta staðreyndamisræmi skipti neinu máli fyrir heildarmyndina, að kathólska kirkjan er meðvirk NÍÐINGUM innan sinna raða. Gott væri að landhreinsa thessa óværu, gefa Siðmennt bara Kristskirkju fyrir borgaralegar athafnir.

[Vilhjálmur Örn Vilhjálmsson, 2.7.2011 kl. 21:28]

"Trúleysingi" og "Ari"eru ein og sama persónan (IP tala: 82.145.209.30), sem hefur ekkert til málanna að leggja og skiptir því engu fyrir heildarmyndina. Burt með hann.

[Ragnhildur Kolka, 3.7.2011 kl. 08:34]

Eru nú ormarnir ekki farnir að skríða út úr tréverkinu?

Var þetta það sem að var stemmt? Var Fréttatíminn bara að selja auglýsingar eða var blaðið þátttakandi í UPPISTANDINU frá upphafi?

Og svo má líka spyrja hvaða siðmennt þrífst í landi þar sem slík vinnubrögð eru viðhöfð?