Silvias Mutter sagt, was Silvias Vater did, Silvia ist not going zu säga

 

Meðan frændur sumra okkar, Svíar, eru að velta sér upp úr því hvort Kalli konungur heimsótti klámbúllur í undirheimum Stokkhólmsborgar, hafa aðrir áhyggjur af því hvað faðir Silviu drottningar gerði í Síðara stríði.

Nýlega lýsti hin sorgmædda drottning því yfir, að hún væri í óða önn við það að láta rannsaka fortíð föður síns, sem gekk í nasistaflokkinn þýska eins og stór hluti Þjóðverja. Áður hafði hún neitað því að hann hafði verið meðlimur í nasistaflokknum. Faðir hennar, Walther Sommerlath, hagnaðist töluvert á að hann krækti sér í verksmiðju í Berlín, sem gyðingur nokkur varð að láta af hendi árið 1939, og það fyrir slikk.

Vonandi munu ríkir vinir konungsfjölskyldunnar ekki reyna að múta fólki til að koma í veg fyrir að upplýsingar um afa verðandi drottningar í Svíþjóð verði stungið undir stól. Málmverksmiðja, eins og sú sem Walther karlinn náði sér í, var oft mönnuð með gyðingum í Berlín áður en þeir voru sendir í sína hinstu ferð til útrýmingarbúða í Póllandi. Sérstaklega verksmiðjurnar á Kreuzberg nærri miðhluta Berlínar. Verksmiðja Sommerlath var rústað í lok stríðsins.

Það er þó fremur ólíklegt að drottningin sænska geti breitt yfir nokkuð, því fréttamenn sænsku sjónvarpsstöðvarinnar TV4, sem eru meðal þeirra bestu á Norðurlöndum, hafa þegar opnað skápa með þessum líkum konungsættarinnar í Svíþjóð. Hvort rassberar klámkerlingar dettti síðar tvær og tvær út úr öðrum skápum í höllum sænsku konungsættarinnar, er vandamál sænska konungsins. En af hverju ætti hann að fara að segja af sér fyrir að hafa smá dónahugsanahátt eins og flestar karlkyns verur og kvenkyns? Hafa menn ekki heyrt um uppreist æru eins og kóngurinn af Heimaey fékk? Ekki geta allir verið eins og Hitler, með aumingja Evu Braun sem selskabsdömu, þegar hann var ekki að gefa SS hýrt auga og meðan langafi Karls Gústavs 16. horfði girndarlega á skrautlegan nasista forðum daga.

Hér, hér og hér er hægt að lesa um mál Walther Sommerlaths og Silviu dóttur hans, sem er mun alvarlegra en klámbúlluheimsóknir konungs. Ef klikkað er hér og hér er hægt að sjá útsendingu um málið TV4 frá síðastliðnu ári. Eftir að þættirnir voru sýndir, hótaði hirðin og bróðir Silviu öllu illu. Þættirnir eru afar vel gerðir.

Pabbi Klámkarls XVI og Hjalti litli

 

Ég skrifaði í bók minni Medaljens Bagside um fátæka gyðingakonu þrjú börn hennar sem tókst að flýja til Kaupmannahafnar síðla árs 1941 með hjálp Dana sem vann í Berlín. Brandla Wassermann og börnum hennar var vísað úr landi í Danmörku af dönskum yfirvöldum og nokkrum vikum síðar voru þau send til Auschwitz frá Berlín. Í Auschwitz voru börnin strax tekin af lífi. Brandla var látin vinna, en skömmu síðar veiktist hún og var myrt. Það var læknir sem tók hana af lífi með því að sprauta fenóli í hjarta hennar. Áður en hún flýði til Danmerkur með börnin sín þrjú vann hún í málmverksmiðju sem bar heitið Fermeta, sem var að finna á Kreuzberg. Byggingin þar sem verksmiðjan var, á Michaelkirchstrasse 15, stendur þar enn og var eitt af fáum húsum í götunni sem stóð eftir sprengjuregnið í Berlín. Í dag hýsir það m.a. ódýrt hótel, Alameda, á efstu hæðunum í byggingunni - ef einhver vill búa þar sem gyðingar voru þrælkaðir. Hóteleigendurnir segja stoltir frá því á heimasíðu hótelsins, að bygging nokkur sem notuð var í austurþýsku sjónvarpsþáttunum Tatort og sem blasti við gestum hótelsins, hafi nú verið rifin, en verksmiðjuna Fermeta á neðri hæðinni vita þeir greinilega ekkert um, enda voru menn ekki mikið að rifja upp örlög gyðinga í DDR.

Athugasemdir

[Vilhjálmur Eyþórsson, 3.6.2011 kl. 14:32]

Þetta kann allt að vera satt, en hvað kemur það aumingja Silvíu við? Hún var ekki einu sinni fædd, þegar þetta gerðist. Hitt er alveg rétt að kvennamál Kalla kóngs koma honum einum við. Yfirleitt virðist þetta kóngafólk, (eða kóngapakk) vera alveg yfirnáttúrulega náttúrað, sbr. Kalla „Dúmbó“ Bretaprins.

[Vilhjálmur Örn Vilhjálmsson, 3.6.2011 kl. 16:37]

Silvia neitaði þessum upplýsingum um pabbann,, og tekur ekki í mál að trúa rannsóknum annarra á karli föður sínum, og hafði í hótunum. Hún hlýtur að hafa vitað þetta. Hvað heldurðu að hafi verið rætt á Sommerlath-heimilinu, þegar sú litla kom heim og sagðist hafa hitt prinsinn frá Svíþjóð sem vildi kvænast henni?

Kalli Bretaprins er mjög vel gefinn maður. Ekki segja neitt ljótt um hann á þessar síðu.

[Vilhjálmur Eyþórsson, 3.6.2011 kl. 16:44]

Kalli er kannski vel gefinn, a.m.k. frá náttúrunnar hendi, m.a. trúlega sá eini í ættinni, sem getur flogið á eyrunum. Hann er hins vegar fullkominn kjáni í pólitík, trúir á steypuna um „gróðurhúsaáhrifin“ og er alveg á kafi í alls konar „grænu“ brölti.

[Jón Steinar Ragnarsson, 3.6.2011 kl. 19:53]

Finnst þér þessi mynd af Hitler ekki eitthvað skrýtin?  Hann er holdugri en maður á að venjast, hakan breið og nefið kubbslegt...

Þetta er fjandakornið ekki maðurinn.

Svona er hann skegglaus...

 

[V.Jóhannsson (IP-tala skráð) 3.6.2011 kl. 22:12]

Ekki veit ég hvaðan þú hefur það, að fréttamenn TV4 í Svíþjóð, séu með þeim betri á norðurlöndum. Allir sem fylgjast með vita að þetta eru gegnumsneitt vinstrisinnaðir fréttamenn, eins og reyndar öll sú stétt í Svíþjóð og er þeim ekkert heilagt, þegar demokrti og kóngadæmið er annarsvegar. Sænskir fréttamiðlar eru frægir fyrir censur á vandamálum dagsins og ýfa upp gamalt blaður og kjaftæði til að hilma yfir staðreyndir. Hugsandi svíar horfa á norskar og danskar fréttastöðvar til að fá sannar fréttir um ástandið í Svíþjóð. Þessar fréttir sem nefndar eru hér, eru mataðar af höfuðstöðvunum TT í fréttamiðlana og eru ekki marktækar fyrir fimmeyring.

[Vilhjálmur Eyþórsson, 3.6.2011 kl. 23:06]

Þetta er alveg hárrétt hjá V. Jóhannsyni. Sænskir fjölmiðlamenn eru að heita má allir vandlætarar og kjánar sem éta upp hver eftir öðrum fyrirframvitaðar, utanaðbókarlærðar skoðanir vinstri manna, en þegja mjög vandlega um allt sem gæti ruggað bátnum. Sænsk blaðamennska er enn marklausari en sú íslenska. 

[Vilhjálmur Örn Vilhjálmsson, 4.6.2011 kl. 05:59]

V. Jóhannesson. Nú hef ég búið í Danmörku í 30 ár og séð hvernig fréttamennskan er hér. Hér er blaðamannstéttin gegnumsýrð af mönnum á vinstri vængnum alveg inn á ritstjórnarskrifstofu Berlingske Tidende. Fréttaflutningur og áhuginn er eftir því. Jyllands Posten er sama marki brenndur og allar sjónvarpsstöðvarnar flytja yfirborðskenndar fréttir, stundum lélegri en íslensku sjónvarpsstöðvarnar. Alltaf það sama. Blöðin hér eru orðin svo leiðinleg, að maður nennir ekki að kaupa þau, en JP er nú samt betri lesning en DN.

Hvort fréttin af föður Silviu er marktæk, eða ekki, ætla ég nú að dæma um sjálfur, V. Jóhannesson. Hvað veist þú um þetta mál, þegar þú ert að bera brigður á efni þáttarins?

Þegar kemur af einhverju sem ekki varðar vandamál líðandi stundar og stjórnmál nútímans, þá geta vinstri sinnaði þáttagerðamenn vel gert máli vel skil, án þess að blanda stjórnmálastöðu sinni inn í. Þátturinn um föður Silviu drottningar er gott dæmi um það. Þættirnir eru vandaðir og vinna hefur verið lögð í að leita heimilda. En t.d. hafa fréttamennirnir gleymt að athuga hvers konar vinnuafl hr. Sommerlath hafði í verksmiðju sinni.

TV4 er í sérflokki, þ.e.a.s. meðan ég sá þá stöð, sem því miður er horfin úr sjónvarpspakkanum mínum. Svíar horfa kannski á danskar fréttir, en Danir á Sjálandi skilja voða lítið sænsku og horfa mjög furðanlega lítið á fréttir og sjónvarpsefni í sænsku sjónvarpi. Ég held að Danir horfi á tennis í sænska sjónvarpinu, fyrst og fremst vegna þess að þeir eru svo ömurlegir í að skilja sænsku og tala hana ekki og í öðru lagi vegna þess að Danir hafa aðeins áhuga á sjálfum sér. Í þriðja lagi eru Danir með sjúklega minnimáttarkennd gagnvart Svíum.

Svíar eru miklu betri en Danir hvað varðar fréttaskýringa- og sagnfræðilega fræðsluþætti. Jafnvel líka Norðmenn, sem einnig sýna flest af því sem birtist í sænskum fjölmiðlum. Norskar sjónvarpsfréttir sem ég hef séð hér í Danmörku eru mjög hlutlausar, en það er greinilegt að andi kratanna svífur yfir flestu í Noregi.

Þættir um rotið réttarkerfi í Svíþjóð og réttarmorð hafa t.d. vakið mikla athygli hér í Danmörku. Þættir um Holocaust hafa t.d. verið miklu fleiri en í danska sjónvarpinu.

Nafni, mér finnst þú alhæfa mjög. Ég tel ekki að fréttin um Sommerlath sé samsæri vinstri manna gegn sænska Konungsdæminu. Sannleikurinn um föður drottningar, sem hún á erfitt með að kyngja, er þarfur og kemur ekkert á óvart, þar sem ættin sem hún giftist inn í var mjög hrifin af nasismanum - og mikið er ég feginn því að blaðamennirnir á TV4 séu kommar frekar en nasistar.

[Vilhjálmur Örn Vilhjálmsson, 4.6.2011 kl. 06:50]

Jón Steinar, Hitler var ljótur með eða án mottu. Hann var líka með hverfandi lítinn tittling samkvæmt Dr. Reinhard Dickmann lektor, sem rannsakað hefur smæð stórra manna fyrir sænska styrki í 8 ár. Það skýrir litina á rannsóknarböllum hans. Þeir verða settir í fjöldaframleiðslu hjá IKEA innan skamms og verða seldir sem handföng, leikföng, skrifföng og tjaldhælar undir heitunum: Hjalti, Lilla Gubben, Pen-is og Heil.

[Ragnhildur Kolka, 4.6.2011 kl. 09:51]

Ertu að djóka Vilhjálmur "Dr. Reinhard Dickmann"! Við náum ekki með tærnar þar sem Svíar hafa hælana í þessu frekar en öðru. Aðeins einn Bláfeld í loðdýraræktinni og Dýrmundsson í búfjárræktun. Getur þú ekki flutt okkur dálítið ofar á skalann?

[V.Jóhannsson (IP-tala skráð) 4.6.2011 kl. 11:47]

V.E. hefur rétt hér varðandi Silvíu, því málið snýst um hennar föður, en það er eitrið í sænskri fréttamensku t.d. gagnvart Konungnum í dag sem er alvarlegra og meira bitastætt fyrir þetta vinstra "slödder"sem stýrir fólkinu í landinu með slúðri og lygum. TT (Tidningarna Telegrambyra) tekur meira mark á orðum eins stærsta og mesta glæpamanns Svíþjóðar, Mille Markovic , sem lifir og hrærist í myrkraverkum allan sólahringinn, en að taka mark á orðum Konungs. Þetta sýnir karakterana á fréttamiðlunum. " rotið réttarkerfi í Svíþjóð og réttarmorð?" Ég horfi bara á sænskar fréttir og hef aldrei heyrt þetta.! Fræddu mig betur!!