Stelið ekki í Hagkaup !

Í gær las ég um konuræfil í Reykjavík sem stal snyrtivörum fyrir 6098 kr. í Hagkaup. Konan hefur í héraðsdómi verið dæmd í 60 daga óskilorðsbundið fangelsi, sem gera einn sólahring fyrir hverjar 100 krónur sem hún stal. Þetta er náttúrulega hin versta kona, örugglega með ítrekaðan brotavilja til að ná sér í maskara og bodylotion á kostnað Hagkaups. Hún verðskuldar sérhvern dag í steininum, þar sem henni getur lærst að útlitið er ekki allt.

En eru íslensk dómsyfirvöld svo samkvæm sjálfum sér í dómum. Ég sé fram á nokkra 3-20.000 ára dóma yfir fjárglæframönnum á Íslandi, sem með ítrekaðan brotavilja stálu jafnt frá íslenskum almenningi sem erlendum. Sigurður Einarsson og hinum ræflunum mun á þeim tíma gefast nægur tími til að læra að peningar eru ekki allt, en oft mikils virði fyrir þá sem þeim hefur verið stolið frá.

Hverjir ætli eigi Hagkaup og eru allir meðhöndlaðir réttilega í verslunum þeirra?

Eru ekki allir sammála um að eitthvað sé mikið að á Íslandi? Kvittið hér fyrir neðan ef þið mótmælið dómskerfinu á Íslandi. Hvort þið þorið í Hagkaup er ykkar mál.

Hér er svo til gamans blað úr spjaldsrká yfir búðarþjóf í New Orleans frá 1915 (blaðið er hægt að kaupa á netinu). Hann fékk 60 daga fyrir búðarhnupl. Héraðsdómur gæti hugsanlega hafa tekið mið af þessum dómi: 

 

ORIGIN: Department of Police, New Orleans
DATE: 1915
CRIMINAL NAME: Paul Portillo
ALIAS: None listed
AGE: 23
NATIVITY: Mexico
COLOR: Listed as White
OCCUPATION: Laborer
CRIME: Petty Larceny - shop lifting
SENTENCE: 60 days in Parish Prison
TATTOOS LISTED: None listed

Athugasemdir

[DoctorE (IP-tala skráð) 12.5.2011 kl. 08:01]

Þetta er í takt við allt annað á íslandi;
Td síðustu kjarasamningar, þeir voru á þessa leið; Nema málið er skuldafangelsi sem engin leið er út úr.. nema dauði; Þá á eilíta allt það sem fólkið átti áður, íbúðir og alles;

Gamla ísland er á fullu blússi, komið á stera.

[Ásthildur Cesil Þórðardóttir, 12.5.2011 kl. 09:35]

Ég fer aldrei í Hagkaup, því það er ekki hér fyrir vestan.  En ég er sammála mér finnst þessi dómur ögrun við íslenskan almenning meðan stærstu þjófarnir ganga lausir og með alla vasa fulla af peningum, og afskriftirnar í löngum slóðum eftir þá.

[ls (IP-tala skráð) 12.5.2011 kl. 09:49]

Það er alltaf svo gaman að lesa alla fréttina:

"Fram kemur í dómnum, að hún hefur þrisvar áður verið dæmd fyrir þjófnað, síðast fyrir réttu ári en þá var hún dæmd í 2 mánaða skilorðsbundið fangelsi. Hún rauf því skilorðið og þarf því að afplána fangelsisvist nú." 

M.ö.o. hún fékk ekki tveggja mánaða dóminn fyrir að stela þessum snyrtivörum, heldur hafði hún fengið hann áður, en fékk séns að þurfa ekki að sitja hann af sér, ef hún sleppti því að gera eitthvað af sér í tvö ár.  Það gat hún ekki.

Sjálfur hef ég aldrei getað skilið hvað fréttamönnum gengur til að setja fréttir og fyrirsagnir af þessu tagi upp með þessum hætti.

Hins vegar held ég að fæstir vilji í raun leggja af löggæslu og réttarkefi bara af því að sum stór mál taka langan tíma í rannsókn.

kv.

ls. 

[doctore (IP-tala skráð) 12.5.2011 kl. 10:22]

ls; Hefur ekkert að gera með að stór mál taki langan tíma... það eru 2 stéttir á íslandi; Þrælar og elíta; Mismunandi lög...

[Vilhjálmur Örn Vilhjálmsson, 12.5.2011 kl. 11:00]

"Is", sem sagt brotavilji konunnar var mikill. Enginn vafi á því, enda las ég fréttirnar vel. 

En brotaviljinn var líka mikill hjá hjá stærstu þjófunum á Íslandi. Einnig hjá mörgum yfirmönnum hjá hinu opinbera. En Þeir eru enn ekki komnir undir lás og slá og hafa betri lögfræðinga en konukindin sem ekki gat hætt að stela drasli í Hagkaup. Stóru þjófarnir munu örugglega hljóta fáránlega dóma miðað við konuna sem hnuplar dóti í Hagkaup. Hver átti Hagkaup?

Ég er ekki að segja að menn eigi að leggja af réttarkerfi og löggæslu. Ég er að segja að réttarfarið á Íslandi sé illa haldið, að það sé óréttlátt og Íslendingum til háborinnar skammar, og að það þurfi brýnna úrbóta við. Lögfræðingastéttin á Íslandi þyrfti svo sannarlega einnig að taka sig á. Þar í hópi er víst margur misjafn sauðurinn, en skínandi fólk inn á milli.

[doctore (IP-tala skráð) 12.5.2011 kl. 11:41]

Heyrið mig nú... hér er gamla ísland á fullu aftur; Menn sem settu ísland á hausinn, hafa kostað fólk lífið, fjölskylduna, framtíðina...
Björgólfi er boðið á opnunarhátið Hörpu... á ekki að mæta með EGG og SKYR
http://www.dv.is/frettir/2011/5/12/bjorgolfur-bodinn-opnunarhatid-horpu-um-helgina/

[Vilhjálmur Örn Vilhjálmsson, 12.5.2011 kl. 11:50]

Egg og skyr er matur. Er ekki annað hentugra til að taka á móti misindisfólki, t.d. stefnur og handjárn og dagurinn á Hrauni fyrir hverja stolnar 100 krónur. Það er frábært tilboð, sem Björgólfur getur ekki hafnað.

[Baðvörður (IP-tala skráð) 12.5.2011 kl. 16:52]

Vissulega glæsilegur dómur en toppar þó ekki dóm Jónasar um árið sem hlaut 1 dag á Hrauninu fyrir hverjar 6 stolnar krónur í 10-11 og Hagkaup. Það var reyndar skömmu fyrir hrun. Þannig að dómskerfið hefur greinilega tekið stakkaskiptum til hins betra síðan þá.

http://www.dv.is/frettir/2008/5/27/ofbeldismenn-sleppa-betur-en-suputhjofar/

[Vilhjálmur Örn Vilhjálmsson, 12.5.2011 kl. 18:20]

Hr. Baðvörður, mál Jónasar Gunnarssonar hafði farið fram hjá mér. Þegar ég les um það læðist að manni sá grunur að einhverjir íslenskir dómarar þurfi kannski frekar í lyfjameðferð á Kleppi en Jónas. Konan sem stal í Hagkaup hefur greinilega verið heppin...

Þetta þjóðfélag okkar ..

Þessir dómar eru ekkert annað en stéttardómar og sýnir hvað aftarlega á merinni Íslendinga eru.

[Vilhjálmur Stefánsson, 12.5.2011 kl. 20:47]

Blessuð konan var ekki Forstjóri og þar af ekki gift til stórrar ættar,ef það hefði verið hefðu dómarar ruglast í ríminu.Tökum dæmi Árni Matt var dæmdur í segt á dögonum en við skattborgarar látnir borga.Svona getur lífir verið hvefult.Blessaður Árni Matt er líka dýralæknir,á meðan hann var hér austur í hreppum nú fyrir stuttu,var hann fengin á Bæ einn þar sem ein beljan var við það spriga vegna gasmyndunar í maga,Árni var ekki lengi að redda því rak vssrör í afturendan á kusu og inn í belg og út hljóp mikið metangas Árni kveikti á eldspítu og myndaðist eldvarpa útúr rörinu og það kviknaði í fjósi og hlöðu. Fyrir þetta fékk Árni flotta stöðu í Róm en beljan slapp með tauga sjokk.Svona getur þetta líf verið mysskift.