Siv, Múhameð og syndahafurinn Dabbi

 

Morgunblaðið birtir skrípamynd af brjálæðri pólitýkinni á Íslandi. Framsækin, viljasterk stjórnmálakona er sýnd sem pólitísk portkona, stuttu eftir að hún hefur í raun boðið ríkisstjórninni blíðu sína á kjötmarkaði rotinna stjórnmálanna. Er nokkur ástæða til að æsa sig út af því? Menn verða að geta þolað ýmislegt í stjórnmálum og í sviðsljósinu, sérstaklega þegar þeir gefa öðrum stjórnmálaflokkum undir fótinn þvert á stefnu flokksins sem þeir tilheyra.

Síðast þegar menn æstu sig út af skrípómynd, var þegar heilu trúarbrögðin fóru hamförum út af mynd af Múhameð spámanni í Jyllands-Posten. Nú nær Jyllands-Posten náttúrulega ekki með tærnar í ósvífninni þar sem Mogginn hefur hælana og DV typpið. Siv er líka sýnu fríðari en Múhameð, eins og flestir sjá hann fyrir sér, og Framsóknarflokkurinn er ekki Íslam þótt báðir flokkarnir eigi uppruna sinn að rekja til hirðingja og ofbeldisseggja uppi í sveit - og Dabbi er er ekki geit, né heldur guð, þótt hann hafi verið það um tíma.

Æsingur Sivjar, sem krefst afsökunarbeiðni frá Davíð, eins og væri hann guð, án þess að nokkur maður hafi enn brennt svo mikið sem eitt sendiráð, eykur örugglega ekki pólitískar vinsældir hennar.

Þegar stjórnmál eru orðin að skrípamynd af skopmynd, þarf auðvitað ekki teikningu í Moggann til að sýna fram á fáránleikann.

Ef leitað er að myndum á Google með orðunum Political whore, má sjá að orðbragð stjórnmálanna er ekki beint ættað úr sunnudagaskólanum. Af öllum pleisum í heiminum virðast menn samt vera meira hörundssárir á Íslandi, landinu sem ól Gróu á Leiti og Gísla, Eirík og Helga stjórnmálanna. Moral Majority kerlingarpólitíkurinnar á Íslandi er farið að vera nokkuð leiðigjarnt.

Athugasemdir

[Guðmundur Kristinn Þórðarson, 22.4.2011 kl. 10:40]

Þettað er mjög góð greining hjá þér Vilhjálmur

[Sigurður Þór Guðjónsson, 22.4.2011 kl. 16:24]

Froðufellandi Jahve í ógnarbræði mun ljósta þig með reiðiþrumu sinni svo þú munt upp í reyk hvirflast ef þessum skrípólátum þínum um menn, konur og málefni fer ekki að linna!

[Vilhjálmur Örn Vilhjálmsson, 23.4.2011 kl. 05:56]

Sigurðurer upp risinn, til að dæma lifendur og dauða, og þá sem fremja Sivjarpjöll.

Guðmundur, Fitch Standard og Poor's og Moodys hefðu ekki getað gert betri greiningu, ekki einu sinni með hjálp frá ráðherrum úr ríkisstjórninni.

[Vilhjálmur Örn Vilhjálmsson, 23.4.2011 kl. 06:09]

Skoði menn teikningar Sigmunds í Mogganum gegnum árin, sjá menn fljótt að þeir eru ófáir stjórnmálamennirnir sem Sigmund gerði að hórum í netsokkum uppi við staur. Ef einhver ætti að æsa sig út af þessari teikningu er það kjólahönnuðurinn Ásdís Rán, því teiknarinn hefur notað kjól úr Hagkaupslínu hennar, Midnight Queen, á Siv.