Litla Gula Hænan

Gott dæmi um veruleikafirru Jóhönnu Sigurðardóttur er, að hún sér sjálfa sig sem Litlu gula hænu, hænuna sem fann fræ. Hlegið var af þessari misheppnuðu samlíkingu sem hún kom með í umræðu á Alþingi fyrr í dag. Jafnvel Gunnarsstaðahaninn hló í reittan kambinn, því hann veit að vængstýfða yfirhænan nær ekki að lesa allar ræðurnar "sínar" yfir, áður en hún gaggar þeim að þingheim.

Hænan segir að Mikki refur og Bangsímon hafi ofsótt sig, kollótta hanann og hinar púturnar í hænsnahúsinu. Þetta er auðvitað hrein vitleysa. Nytlausu illfyglin, sem sitja á efstu hillunni í alifuglabúinu við Austurvöll, hafa séð til þess að líf Íslendinga hefur verið endalaust rugl síðan 2008.

Hænan gula talar mikið um að stjórnarandstæðan hafi þjappað stjórnarfuglunum saman með því að lýsa vantrausti á litlu gulu hænuna og klofna hanann. Það er laukrétt, þar sem þessar pútur eru freðnar og tilfinningalausar og eru 10 stykki, þjappaðar í kassa. Íslendingar eru hins vegar búnir að fá mikla leið á hænsnakjöti. Svín og naut taka kannski við í dýragarði stjórnmálanna. Þau geta baulað, rytið og gelt, en við fáum að minnsta kosti ekki innatóm gullhúðuð spælegg með málsháttum eftir heimsfræga páfagauka eins og Klugman og Stieglitz, eða hótanir og annað gaggalagú.

Hér hefur klofna hananum verið þjappað í kassann

Athugasemdir

[Rauða Ljónið, 13.4.2011 kl. 20:44]

Þessi hæna verpir ekki nokkrum eggjum, né tillögum til að bæta þjóðarhag.

[Rauða Ljónið, 13.4.2011 kl. 20:45]

Á að vera, bætir þjóðarhag.

[Jón Steinar Ragnarsson, 14.4.2011 kl. 07:02]

Hún ætlar að baka brauðið og éta það.

Eini munurinn á Jóhönnu og Litlu Gulu hænunni er sá að Jóhanna hefur aldrei spurt nokkurn mann um nokkurn hlut. Hún líkist meira Mgabe, Gadaffi og Mubarak. 

On second thought....henni mun ekki endast aldur til að éta brauðið.

Hún ætlar að troða okkur inn í ESB með valdi en kemurmjög sennilega ekki til með að upplifa það sjálf, komin á langleiðina á grafarbakkann.

Það fer henni vel að ákveða fyrir aðra það sem hún þarf svo ekki að glíma við sjálf.  Ef þetta á sér ekki nafn í kínískri sálfræði, þá er ég illa svikinn.  Eitthvað disorder...

[Jón Steinar Ragnarsson, 14.4.2011 kl. 07:10]

Ég gleymi ekki því þegar hún með uppgerðum trega lét ganga á eftir sér um að verða leiðtogi í stað ISG.  Blásið var til blysfarar að heimili hennar til að hvetja hana til dáða og þá gaf hún sig.

Í blysförina mætti einn maður. Sá sem skipulagði og auglýsti hana.

Bara að hún hafi getað tekið hinti þá....

[Jón Steinar Ragnarsson, 14.4.2011 kl. 07:20]

Það þarf ekki að taka því fram að hún kiknaði undan þessum óbærilega þrýstingi og sagði Ok daginn eftir.

Síðan þá hefur hún ekki gefið sig með nokkurn hlut, jafnvel þótt 98% þjóðarinnar hafi farið í blysfarir, barið trumbur og öskrað á hana að pilla sig vekk.

It's a mystery...