Fávitahælið við Laufásveg

 

Allir hafa líklegast tekið eftir frekar ljótu, hvítu húsi við Laufásveg í Reykjavík, þar sem þéttmöskvaðir rimlar eru fyrir hverjum glugga. Oft standa þarna fyrir utan smáhópar af fólki sem góla og garga, þar sem þeir halda á skiltum með óskiljanlegu og ruglingslegum boðskap. 

Nú hefur frægur, en mjög sérlundaður sérfræðingur frá Ástralíu, sem er eftirsóttur um allan heim, leitt okkur ókeypis í sannleikann um að allt sem fer fram í Hvíta Húsinu við Laufásveg. Ástralinn, sem er gráhærður maður um fertugt með svæsið ofnæmi fyrir gúmmíi, sviptir nú smám saman hulunni af starfseminni í þessari stofnun við Laufásveg. Ástralski nötterinn hefur sýnt og sannað, að í hvíta húsinu við Laufásveg hefur í áraraðir verið starfrækt bandarískt fávitahæli. Erfitt hefur oft reynst að finna forstöðumenn fyrir þetta hæli, enda Ísland afskekkt og langt að fara í DisneyWorld með vitleysingana. Sveitafábjánar frá Iowa og Virginíu hafa því verið sendir í skammtímavistun sem forstöðumenn í hvíta húsinu, eða þangað til að hægt var að ná í pakistanskan sjoppueiganda frá næsta bæ við Springfield til að taka að sér stöðu forstöðumanns. Svo hættulegir hafa sumir vistmennirnir á Laufásveginum verið, að vaktmenn hafa þurft að standa vörð fyrir utan bygginguna og íslensk lögregla fjarlægir alla Íslendinga sem gætu hæglega skapa sjálfum sér hættu með því að fara of nálægt húsinu .

Vitleysingarnir á hælinu, sem flestir eru með smáháskólagráður, hafa stytt sér tímann á Íslandi við það að skrifa svæsnar lýsingar af frægum Íslendingum sem þeir fá að kynnast í sérstökum heimsóknartímum. Auðvitað er það allt tóm tjara, vitleysa og ímyndunarveiki. Allir vita að Kanar skilja ekki neitt. Íslenskir gárungar úti í bæ hafa svo stundað þann ljóta leik að hringja á vitleysingahælið til að ljúga fávitana fulla, vitandi að þeir skrifa það strax á blað og senda til Washington, þar sem allt er sett á milli steins og harðs disk.

Íslenskir stjórnmálamenn hafa verið ólmir eftir að komast í tæri við vitleysingana á hælinu.  Margir þessara stjórnmálamanna eru ekki minna skaðaðir en vistmennirnir. Samanbitin, lokuð og stíf kona, algjörlega óábyrg gerða sinna, sem eitt sinn var póstur í Kaupmannahöfn áður en hún fór yfirum og fékk hæli á Alþingishælinu nærri Gnarrandahúsinu við Tjörnina, hefur verið tíður gestur á hælinu, vegna þess að þeir eru alltaf með Hershey toppa í glasi í öllum herbergjum, og þeir þykja henni afar góðir. Á hælinu spurði hún sífellt hvað hún geti gert til að frelsa Miðausturlönd, og fékk sér svo Hershey toppa og setti nokkra í töskuna. Henni var tíðrætt um öryggi heimsins en gleymdi öryggi Íslands.

Annar kynlegur kvistur, íslenskur, höfðaði mjög til vistmannanna á Laufásvegi, sem þótti hann álíka sexí og klappstýra frá Idaho, en sömu vistmenn trúðu því nú líka að þeir stjórnuðu orðið skattalöggjöfinni á Íslandi og jafnvel heimsverði á áli líka. Enginn vildi þó taka á sig ábyrgðina á íslenska hruninu. Létu þeir íslensku klikkhausana eina um það.

Ég hef það fyrir víst, að íslenskir vitleysingar hafi leitað mjög inn á hælið enda móttækilegir fyrir skjalli amerísku vistmannanna, en mest Hershey toppunum. Ekki halda vistmennirnir á hælinu allt sem þeir lofa. Þannig varð Ólafur nokkur Æringi suður á Álftanesi, sem hélt að hann væri Emír í Arabí, afar reiður og sár út í Kanana á Laufásvegshælinu vegna þess að hann fékk ekki aðalhlutverkið í síðustu StarWars myndinni. Hann var búinn að lofa forstöðukonu hælisins nammi og bjóða henni í síldarsalat áður en hún yfirgæfi Laufásveginn, en það sveik hann vegna þess að hann fékk ekki að leika hlutverk á meðal stjarnanna. Ólafur bóndi er það sem menn kalla vinstri sinnað tilfelli af alvarlegri veruleikafirringarheilkenni. Það sem bjargar honum er skilningsrík, en alvarlega lesblind meshuggena frá London.

Vil ég beina þeim óskum til Íslendinga að vera ekki vondir við vitleysinga. Mótmæli fyrir utan hæli sýnir mjög litla meðkennd með þeim sem minna mega sín. Einhvers staðar verða vondir að vera. Þetta á jafnt við um hælin við Austurvöll, Tjörnina og Hvíta Húsið við Laufásveg.

Einnig langar mig að þakka ástralska sérfræðingnum fyrir að hafa skemmt okkur hér í skammdeginu með því að sýna okkur það sem okkur hafði grunað: að heimurinn er jafnlangt frá draumi Martins Luthers Kings, Ghandis, Einsteins, Jon Stewarts og Ghadaffis. Mannveran er enn versti vitleysingurinn á jörðinni. Verst þykir mér að Ástralinn sé slæmur með gúmmíi, ef hann þarf nú að deila klefa með sænskum misindismönnum. Áður en hann fer þangað sem hann dæmir sig sjálfan, þætti mér vænt um ef Kristinn Hrafnsson, leyfi okkur líka að sjá hvað vitleysingarnir við Laufásveginn skrifuðu um Össie Sharp.

It is very difficult to get a rubber my size, maids.

Athugasemdir

[valgarð (IP-tala skráð) 5.12.2010 kl. 21:00]

Skemmtileg lýsing þarna á ferðinni sem og staðfesting á skriftar hæfileikum yðar . Annars hef ég ekki heirt minnst á þig sem rithöfund í jólabókaflóðinu sem skýrist væntanlega af því að þú sér að læra til rithöfundar ! í danaveldi

kv  valgarð

[Vilhjálmur Eyþórsson, 5.12.2010 kl. 21:48]

Þú klikkar ekki frekar en fyrri daginn, nafni. En talandi um fávita: Margir jesúa sig yfir heimsku ameríkana en: Nú er verið að sýna mynd í sjónvarpinu um Reyni Pétur - gengur betur, sem var átrúnaðargoð eyjarskeggja þegar hann labbaði kringum hólmann 1985. Stytta var reist af honum og margir hétu á hann þar á meðal Hafskip, en það klikkaði því miður. Síðan hafa gáfnatröllin sem byggja þetta sker eignast önnur átrúnaðargoð, svo sem Sylvíu nótt, Ólaf Ragnar, Pál Óskar, Hörð Torfason og rúmur þriðjungur kaus hinn ástsæla borgartsjóra í Reykjavík, Jón Gnarr. 

Hugsið um það! 

[doctore (IP-tala skráð) 6.12.2010 kl. 09:16]

Ekki gera lítið úr málum; Fávitahælið jörðin... það er alltaf að koma betur og betur í ljós að við höfum látið stjórnast af fávitum, á heimsvísu.

[Hörður Halldórsson, 6.12.2010 kl. 18:16]

http://www.youtube.com/watch?v=WRNYqsMIbg0

[Bergljót Gunnarsdóttir, 6.12.2010 kl. 18:23]

Ég ætla að láta þig um að meðhöndla íbúana, en langar til að halda uppi smá vörnum fyrir húsið, sem þér finnst svo ljótt.

Í upphafi var þetta hús tvö hús, í hreinlegum og fallegum Funkis stíl, "Svo kom Kaninn, kommúnistabaninn" til sögunnar og tróð sér þarna  inn á milli, eins og víða annarsstaðar, með þeim afleiðingum, að nú þurfum við að þola þetta "fangelsi" þeirra að vestan.

 Að þetta skuli leyft við íbúðargötu er óskiljanlegt venjulegum mörlanda, en mikill er máttur undirlægjuháttar íslenskra stjórnvalda í gegnum tíðina og kaninn hefur fengið að vera þarna, í þeim leik að skrásetja alla sem koma of nálægt byggingunni..  

[Ragnhildur Kolka, 6.12.2010 kl. 18:54]

Hvernig er það Vilhjálmur, fylgistu ekkert með fréttum af Wiki-skjölum frá Köben. Hefurðu aldrei orðið var við leisergeisla leika um þig?