Sigurvegari kosninganna er Gunnar á Krossinum

Þessa daga finnst mér allt frá Íslandi virka á mig eins og þegar ég las MAD-blað, sem ég keypti oft á yngri árum í Bankastrætinu, sérstaklega þegar ég var að farast úr ástarsorg.

Stjórnlagaþingskosningin misheppnaða sýnir þrátt fyrir allt tvennt: A) að skipulagsgáfa yfirvalda á Íslandi er mjög lítil, og B) að áhugi almennings á yfirvaldinu, og virðing fyrir því, er í lágmarki. Þetta er hættuleg þróun og andlýðræðisleg, og vatn á myllu þeirra sem vilja selja Ísland á fæti til ESB. Ekki myndi það undra mig, að það sé líka dómur diplómatanna á Laufásveginum, sem við sjáum þegar Assanginn almáttugi er búinn að birta skjölin þeirra.

Annað sætið í kosningunum fékk svo hin mikla sannleiksopinberun, Julian Assange, sem brátt verður gerður að heiðursþorpara á Íslandi, þegar hann missir ástralska passann sinn. Hann kreistir auðvitað konurnar miklu fastar en Gunnar á Krossinum, en það finnst femínistum bara flott, því á Íslandi er femínismi allt annað en kvennabarátta, og stundum nákvæmlega það sama og Kanahatur, karlahatur - fyrirgefiðið. Alveg er ég viss um að mörgum íslenskum femínistum þykir hinn meinti nauðgari og þjófur, þ.e.a.s. Assanginn, mjög undaneldislegur. En ef þrjóturinn trúir á Drottinn, þá er skorið undan honum. Skrítið, en svona er þetta á Íslandi.  

Athugasemdir

[Svanur Gísli Þorkelsson, 30.11.2010 kl. 14:18]

WHAT - ME WORRY?

[Sigurður Þór Guðjónsson, 30.11.2010 kl. 14:23]

Jesús minn!

[Óskar Sigurðsson, 30.11.2010 kl. 15:02]

bwaaahh Mikið til í þessu.

[Vilhjálmur Örn Vilhjálmsson, 30.11.2010 kl. 16:08]

Sigurður, eigi skal leggja nafn (sonar) Drottins við hégóma. Farðu heldur að ráðum Alfred E. Neumans, eins og Svanur, eða vertu mér sammála eins og Óskar. Lofaðu mér þó að vera ekki eins sætur og hann Gunnar +man.

[Vilhjálmur Eyþórsson, 30.11.2010 kl. 16:54]

Úrslitin í stjórnlagaþingskosningunum- skrípaleiknum eru eins og til var stofnað. Þar eru m.a. indigneraðir dissidentar eins og Illugi Jökulsson, einn pokaprestur, Örn Bárður Jónsson, uppþornaðir komma- feministar eins og Þórhildur Þorleifsdóttir o.fl. o.fl. Þessi söfnuður telur sig þess umkominn að setja okkur hinum stjórnarskrá!

Hugsið um það! 

[Ragnhildur Kolka, 30.11.2010 kl. 16:59]

Eftir að hafa skoðað listann sýnist mér líkur á að Jóhann treysti sér út úr fylgsni sínu. Eins getur Egill Helga hætt að blogga um sveppauppskriftirnar sínar. Á móti kemur að Assanginn á eftir að sýna okkur hvað Kaninn segir um Össur, ISG tvíeykið JS og SJS.  

Við bíðum spennt eftir framhaldinu.

[Hörður Sigurðsson Diego, 1.12.2010 kl. 00:41]

Gunnar í Krossinum er orðinn Gunnar á Krossinum. Maður á ekki að hlæja að þessu en þessi mynd fannst mér fyndin. Guð fyrirgefi mér.

[Vilhjálmur Örn Vilhjálmsson, 1.12.2010 kl. 05:41]

Nafni, það fyrsta sem ég sá, fyrst Örn Bárður, Þórhildur Þorleifsdóttir, Bergmann, Silja Bára (þessi sem smalar atkvæðum á nóttunni fyrir kynsystur sínar í VG) og lítt þekktur maður eins og Bartozsek (svo notuð séu orð Egils Helgasonar), eru á þessu hrafnaþingi, er að Palestína, ESB og öfgafemínismi  fá örugglega sér kafla í nýrri stjórnarskrá. Leitt þykir mér að Hjálmtýr Heiðdal hafi aðeins fengið 55 atkvæði. Hann hefði getað gert þetta skemmtilega öfgafullt.  

Fornleifafræðingar studdu ekki við Adolf Friðriksson, sem fékk aðeins 54 atkvæði, þrátt fyrir að hafa sérhannaða mynd af sér í framboðinu, með sleikt hár og fína skugga í gráu skeggi, en á Íslandi eru að minnsta kosti 300 fornleifafræðingar, ef ekki fleiri.

Þetta þing er rugl og eyðsla á fé og tíma þjóðarinnar. Önnur mál eru svo sem aðeins meira áríðandi. Stjórnarskráin verður brotin, sama þótt hún verði betrumbætt. Það er venja á Íslandi. Ríkisstjórnin brýtur hana vikulega og Össur daglega. Efsti maður á stjórnlausa þinginu ætti nú að geta séð það.

Ragnheiður, ég hlakka líka til að sjá hvað Assanginn segir um Össur og hina eitursveppina. Líklegt að Egill geti matreitt eitthvað úr því í rjómasósu.

[Sigurður Þór Guðjónsson, 1.12.2010 kl. 15:00]

Hverjir eru vondu gæjarnir, Aassange, eða þau ríki sem véla með morðum og svikráðum fyrir utan hversdagslegan dónaskap? Er ekki rétt og skylt að koma upp um leynimakka þeirra?

[Vilhjálmur Eyþórsson, 1.12.2010 kl. 17:53]

Mér þykir líka leitt að Hjálmtýr Heiðdal skyldi ekki komast inn. Þá hefði „Hin lýðræðislega Kampútsea“ Pol Pots fengið sinn fulltrúa, en Hjálmtýr skrifaði miklar og langar greinar í Moggann á sínum tíma til liðs við Rauða Kmera. Sömuliðis er mikill missir að Birnu Þórðardóttur, sem var nærri því að komast að. Hún var jú aðalsprautan í „vináttufélaginu við „Hið lýðræðislega lýðveldi alþýðunnar, Kóreu (People´s Democratic Republic of Korea) öðru nafni Norður- Kóreu. Þessi tvö kristalla þær hugmyndir um lýðræði, sem verða áreiðanlega ríkjandi á þinginu. Ég sakna líka Ástþórs.

[Vilhjálmur Örn Vilhjálmsson, 2.12.2010 kl. 06:21]

Já, Ástþór, jólasveinninn frá Bagdad, m.m. Nú var Birna á lista, ég tók alls ekkert eftir því.

Sigurður, spurðu konurnar í Svíþjóð um reynslu þeirra af Assange. Hvort heldurðu að hann sé frelsari eða frelsisþjófur? Hann er í felum ... í Nauðgun sem er næsti bær við Morð og að öllum líkindum í landinu Útópíu, eins og margir meðreiðarsveinar hans.

[Sigurður Þór Guðjónsson, 2.12.2010 kl. 14:30]

Opinberlega eru menn að hvetja til að myrða Aassange. Ef þú væri í hans sporum, ætli þú myndir vilja vera mjög áberandi? (Finnst reyndar rangt af honum að hvetja Clinton til afsagnar). Og þú talar eins og hann sé sannur að sök fyrir nauðgun. Sérðu ekki sjálfur hvað þetta er yfir strikið?  Ég lít hvorki á A. sem frelsara eða frelsisþjóf. Ég veit ósköp lítið um ásakanirnar. Kannski er hann sekur og fær þá viðeigandi dóm. En morð ríkisstjórna eða leyniþjónustu þeirra án dóms og laga lít ér á sem algert siðleysi og verra en morð einstaklinga. Og jafnvel þó Aaange væri sekur um kynferðisbrot þá standa uppljóstanir Wickileaks eftir jafn gildar. Allir eru brjálaðir út í þær, Clinton, Pútin, vinur þinn Ahmadijad og bara allir ráðamenn. Skelfing er það gott á þá. Hverjir er vondu kallinn, þeir sem segja frá myrkraverkum eða þeir sem fyrirskipa þau? Kannski væri best að Assange hætti hjá Wickileaks af ýmsum ástæðum en um að gera að upplýsa áftram. Ef Wickileaks verður lokað af stórveldunum með einhvers konar ofbeldi, því það eru helstu ráðin sem ríki ráða yfir, spretta bara upp aðrar síður. Stríð yfirvalda gegn þessu er vonlaust.

[Guðmundur Ásgeirsson, 4.12.2010 kl. 23:28]

Ef ég þyrfti að velja myndi ég frekar vilja vera kærður í Svíþjóð fyrir óvarðar samfarir, en eltur af leigumorðingjum Bandaríkjastjórnar.

Annars eru þessar umræður, og ekki síst þráhyggja síðuhöfundar gagnvart hinum ástralska tölvuhakkara, alveg sprenghlægileg fyrirbæri. Nú vantar bara Jón Steinar og þá er helgin fullkomnuð.

Eureka! : Aumingja Assanginn (featuring Jón Steinar)