Vítin ættu að vera til varnaðar

 

Eins indælt og það er, að Ólafur Ragnar Grímsson tjáir sig á alþjóðlegum vettvangi um nauðsyn nýrra Icesave-kosninga, þá er það bæði sorglegt og hreint út sagt ógeðfellt að sjá að maður sem er kvæntur gyðingi, skuli standa í sama herberginu og maður sem er sendimaður ógæfuríkisins Írans, þar sem stjórnvöld hatast út í gyðinga og vilja ríki þeirra feigt í nafni trúarbragðanna grænu, Íslams.

Ef Þorgerður Katrín Gunnarsdóttir hefur áhyggjur af burkum, þá langar mig vinsamlegast að benda henni á, að Forseti Íslands og utanríkisráðherran tilheyra þeim hópi manna á Íslandi, sem þegar ganga með svarta burku. Það er andleg burka, sem er helst sýnileg þá er þeir eiga í óformlegum viðræðum við erindreka frá hryðjuverkaríki, sem tekur fólk af lífi fyrir frjálsar skoðanir og smáyfirsjónir. Hvernig Ólafur Ragnar Grímsson getur fengist til að eiga í samskiptum við böðla í Teheran sem hafa allt á hornum sér, ellegar smekklausa kamelriddara í Abu Dhabi, Quatar og Dubai, sem ekkert skilja og meta, nema að það sem ótæmandi sjóðir þeirra skapa, er mér hulin ráðgáta. 

Ólafur forseti sér sem betur fer enn skýrt út undan búrkunni varðandi aðsteðjandi vanda Íslands vegna Icesave, (nema að hann vonist til að niðurstöður nýrra kosninga endurspegli hræðsluna í þjóðfélaginu, sem vinur hans Össur í Arabíuherdeildinni er búinn að valda með öfgaáróðri og ólýðræðislegum brögðum). Forsetinn virðist þó lítið hafa lært af kreppunni líkt of félagi hans fyrrverandi úr byltingunni (sem nú er orðin meira græn en rauð), og sem nú leiðir þjóðina ins Reich (ESB) án þess að spyrja nokkurn heilvita mann. 

Á myndinni hér fyrir neðan stilla þeir félagarnir sér upp með einum af íslensku glæpamönnunum sem komu Íslandi á kaldan klakann. Margfræg eru viðskipti Íslendinga við t.d. Quatar og Lýbíu. Sheik Mohammed Bin Khalifa Al-Thani, bróðir emírsins í Quatar keypti eitt sinn hlut í Kaupþingi í september árið 2008 og lét þá þessi vísu orð falla: "We have followed Kaupthing closely for some time and consider this to be a good investment. Kaupthing's position is strong and we believe in the bank's strategy and management team, as Kaupthing has performed well in the current market turbulence and has proven it can change and adapt to a new reality in banking. We view our stake in Kaupthing as a long-term investment and look forward to a close relationship with the bank in the future." Hann reyndist ekki spámannslega vaxinn eyðimerkurfurstinn sá. En til hvers þurfti hann Kaupþing, og af hverju voru Össur og Forsetinn að umgangast slíka karaktera? Því miður voru fá svör við því í nýlegri úttekt á hruninu.

Annar meðlimur Al-Thani eyðimerkurættbálksins í Quatar stjórnar Al Jazeera og spreðar út boðskap Bin Ladens um víðan völl og styður öfgaklerka í Egyptalandi með fjárveitingum. Áður en Mohammed bin Khalifa Al-Thani, vinur Sigga í London, gerðist örlátur við Kaupþing, hafði hann oft miðlað auðæfum lands síns til Hamas á Gaza og Hizbullah í Líbanon. Quatar studdi ásamt Íran valdarán Hamas á Gaza. Svo Óli, Össur og Siggi ríki hafa allir verið í mjög fínum félagsskap. Meðreyðasveinar í grænu byltingunni. Það er engin furða að Brown og Darling hafi fundið hryðjuverkabragð af íslenska hruninu?

 

Þess ber að geta, að það er ekki græna byltingin frá Arabíu, sem frú Dorrit er að byrla hér á myndinni, heldur hollustudrykkur sem hún hefur hannað úr alíslenskum mosa, þara og öllu þessu græna og holla. Takið hins vegar eftir því hvernig er hægt að prjóna lopapeysur, þannig að þær verði næstum því sexí. Frú Dorrit er sómi Bessastaða! Prjónles og vaðmál leysir þó líklegast ekki vanda Íslendinga frekar en arabapeningar, en konur á Íslandi geta lært mikið af Dorrit og handavinnu hennar sem ég ímynda mér að hún stundi á löngum og leiðinlegum ferðum til draumaborganna í Arabíu. Alveg er ég viss um að hún heldur lífi í Ólafi karlinum með þessum Samarkandgræna töfradrykk sínum. Getur þjóðin vinsamlegast fengið uppskriftina?

Athugasemdir

[Óskar Sigurðsson, 27.11.2010 kl. 18:17]

Ofboðslega sammála, frábær pistill og alltaf gaman að lesa þína.