Stoðtæki eða áróðurstæki ?

 

Stoðtækjameistararnir, sem Össur Skarphéðinsson gerði fræga í annálaðri vestfirskri ræðu í New York, eru nú á leið til Gaza eftir að hafa borgað tollinn af ólöglegum innflutningi sínum. Sveinn Rúnar, leiðangursstjóri, hélt kannski að Ísraelsríki leyfði flutning til óvinveitts ríkis um land sitt fyrir ekki neitt. Líklega telur Sveinn Rúnar, í einfeldni sinni, að tollar séu séríslenskt fyrirbæri, en hann ætti að vita betur, maðurinn sem hefur skrifað greinina: Israel, Israel über alles. Hann getur ekki búist við öðru en smáupphæð út á það uppátæki.

Nú eru yfirvöld á Gaza líklega þegar búin að fá ljósmynd Morgunblaðsins, tekna af hirðljósmyndara blaðsins (sjálfum Sveini Rúnari), þar sem þessir ofsóttu smiðir standa hlæjandi við Grátmúrinn. 

"Gyðingarnir" Óskar, Anton og Johan Snyders, sem er frá Suður-Afríku, munu örugglega fá ánægjulega dvöl á Gaza. Á Gaza eru menn nefnilega fullvissir um að Ísraelsmenn reyni að gera fólk sem fær læknahjálp í Ísrael að njósnurum. Gott er að Sveinn Rúnar er með þeim til halds og stoðar, því annars myndu Gazverjar telja stoðtækjameistarana óvinveitta njósnara Ísraelsríkis - sérstaklega þegar þeir eru búnir að sjá myndina af þeim frá Mogganum.

Starfssemi stoðtækjameistaranna hlýtur að nýtast í mjög sérstæðum tilfellum, því samkvæmt Islamic Relief, þá gerðu þeir samning við Artificial Limb Center á Gaza, stoðtækjamiðstöð á Gaza, í apríl 2009 til eins árs til að sinna öllumsem vantaði gervilimi á Gaza. Til verkefnisins voru veittar 330.000 Evrur sem komu mest frá Royal Charity - Al Bahrain.

Gervilimamiðstöðin á Gaza (Artificial Limb Center in Gaza), þar sem þessi mynd var tekin í apríl 2009, er búin að fá rjúkandi samkeppni frá Össur.

 

Þess vegna hlýtur leiðangur stoðtækjameistaranna frá Íslandi að vera afar sérstakur, enda eru íslenskir limir þeir bestu í heimi - er það ekki? Og það er alltaf skemmtilegt þegar íslenskur læknir fer í hlutverk gyðingsins frá Nazaret sem fékk lama menn til að ganga, án stoðtækja. En ekki held ég að íslenski læknirinn sé eins óeigingjarn í gerningum sínum og gyðingurinn forðum. Kannski var hann bara með Jerúsalem-heilkenni?

Mér er líka nær að halda, að margir á Íslandi þurfi á stoðtækjum að halda, einhverju sem hjálpar til að styðja við heilagarminnn í þeim sem eru of auðtrúa. T.d. þarf stubb á hjólum fyrir einhverja blaðamenn Morgunblaðsins, sem enn skrifa um gervifætur fyrir Gaza, þótt í tolluðum töskum stoðtækjameistaranna hafi aðeins verið verkfæri.

Ferð þessara manna er ekkert annað en Media Stunt.

Gervifæturnir lausir úr tolli

Athugasemdir

[Ragnhildur Kolka, 27.9.2010 kl. 22:12]

Eflaust hefði verið heppilegra að bíða með ferðina fram yfir 3. október, en þá lýkur yfirstandandi hrinu helgidaga hjá gyðingum. En það hefði líklega ekki haft sama áróðurgildi.

Þessa dagana eru aðeins tveir aðrir sem eiga greiðari aðgang að fréttastofu RÚV en Sveinn Rúnar og það er leikkonufemínistinn Þórey Elfa Þorvaldsdóttir og dauðann-úr-skel-prófessorinn Stefán Ólafsson.

En er það rétt hjá mér, eru stoðtækjameistararnir komnir með gyðingakollur eða hefur þeim vaxið geislabaugur þarna við múrinn?

[Vilhjálmur Örn Vilhjálmsson, 27.9.2010 kl. 22:37]

Sukkot, Shemini Azeret og Simchat Torah koma nú ekki i veg fyrir að tollurinn í Ísrael vinni vinnu sína.

Jú, þeir eru með kippot, (keppel, yarkmulke kolllur whatyomaycallit) og hafa komist fram hjá verðinum við hliðið þegar maður kemur niður tröppurnar frá Gömlu Jerúsalem. Rússnesku verðirnir þar halda að allir sem ganga þar um séu gyðingar, og ekki er Sveinn Rúnar ósvipaður gyðingi. Þeir hafa sem sagt komist inn án þess að segja Shalom, en varla hefur Sveinn Rúnar verið með Palestínuklútinn um hálsinn. Reyndar fær maður kippot afhentar ef maður kemur ekki sjálfur með höfuðfat og allir eru velkomnir ef þeir hafa ekkert illt í huga.

Heldurðu að Sveinn Rúnar sé á samningi hjá RÚV, eða er Palestínumálstaðurinn bara fremri en landsmálin á þeirri stofnun?

[Arngrímur Stefánsson, 27.9.2010 kl. 23:51]

Hverjir fá þessa gervilimi?

Verða það ekki bara hamas liðar, sem munu hampa sjálfum sér sem hetjum og góðvildarmenn þeirra sem eiga um sárt að binda.  Eða munu þeir einfaldlega selja fjölskyldufeðrum þá í skiptum fyrir að synir hans gangi í Hamas eða leyfi sér a.m.k. að verða heilaþvegnir.  Nú væri gott að vita, ég er ekki mikill aðdáandi þess að Íslesk fyrirtæki megi styðja hryðjuverkastarfsemi með stuðningi ríkisins.

[Vilhjálmur Örn Vilhjálmsson, 28.9.2010 kl. 04:57]

Arngrímur, það sem við þekkjum til af spillingu meðal Hamas og Fatah, er ekki gott að segja, en ég trúi því ekki að spillingin tengist gervilimum. Þeir eru gerðir til að passa á ákveðna einstaklinga, svo það er erfitt að hugsa sér að þeir gangi kaupum og sölum.

En ef maður leita að gervilimum á netinum. sér maður að frá ársbyrjun hafa þeir streymt frá m.a. Ástralíu, Þýskalandi, Englandi og frá öðrum löndum. Stórar fjárveitingar hafa borist frá sjóðum til Artificial Limb Centre á Gaza. Kannski fara ekki allir þeir peningar í gerð lima.

[Ragnhildur Kolka, 28.9.2010 kl. 22:24]

Ég er ekki inn í málum RÚV, horfi bara og hlusta eins og aðrir. Hvort Sveinn Rúnar sé á samningi eða bara "undravel kynntur" þar innan veggja get ég ekki sagt um.

Mér sýnist áróðursvél stofnunarinnar keyra eftir áhugamálum starfsmanna hverju sinni. Friðrik Páll sá um anti-semitismann hér áður fyrr en  nú hafa aðrir tekið við keflinu í Speglinum. Femínismi er þarna í sterkri stöðu í augnablikinu og greinilegt að athyglissjúk talskona þeirrar samkundu þarf lítið að hafa fyrir því að komast í fréttir, Kastljós eða umræðuþætti. Stefán Ólafs er eins og lægðirnar yfir landinu; alltaf til taks.

Þórólfur Matthíasson virðist hins vegar hafa fallið í ónáð eða kannski hann hafi tapað tengslunum þegar bróðir hans fékk sér aðra vinnu. Líklega er það rétt hjá mér að maskínan stjórnast af þeim sem eru til staðar hverju sinni og gangverkið er alltaf vel smurt. 

Enginn skortur á koppafeiti þar.