Gylfaginning

Gylfa Magnússyni ráðherra og dæmigerðum íslenskum kubbahaus, hefur ekki tekist að blekkja Háan, Jafnháan né Þriðja.

Mikið er lágkúrulegt að sjá prófessor í stjórnmálafræði segja, að Gylfi ráðherra hafi sennilega veikt pólitíska stöðu sína og afvegaleitt Alþingi. Gylfi hefur nefnilega algjörlega eyðilegt pólitíska stöðu sína og logið að þjóðinni. Hann er orðinn ekta stjórnmálamaður. Stjórnmálfræðingnum, prófessor og Spaðanum honum Gunnari Helga Kristinssyni, má líklega vera kunnugt um, að í velferðaríkjunum á Norðurlöndum, sem alltaf er verið að miða Ísland við, sérstaklega í Háskóla Íslands, er það venjan að ráðherrar eins og Gylfi taki saman föggur sínar og láti sig hverfa eitt skipti fyrir öll, þegar þeir eru teknir í óheilindum. Reyndar hafa ríkisstjórnir í alvöru löndum sagt af sér, þegar trúverðugleikavandamál eins og Gylfi koma upp.

En Ísland er greinilega enn á fullri ferð í undanþágunum - og þetta lið í stjórninni okkar ætlar sér svo inn í ESB . Öll stjórnin er afvegaleidd. Ekki bara Gylfi Þingleri. 

Fyrir neðan allar hellur. Gylfi lýgur að hástétt, miðstétt og próletaríatinu.

Athugasemdir

[Þórdís Bára Hannesdóttir, 13.8.2010 kl. 09:26]

Ómálefnaleg grein..

[Vilhjálmur Örn Vilhjálmsson, 13.8.2010 kl. 09:30]

Ómálefnalegur prófessor og ríkisstjórn. En vitanlega eru ekki allir sem sjá það.

[Hrafn Arnarson (IP-tala skráð) 13.8.2010 kl. 11:14]

Mér finnst þetta ekki vera góð Gylfagynning. Gylfi hafði enga ástæðu til að blekkja þingið eða segja ósatt. Mér virðist hann ekki hafa vitað um lögfræðiálit Seðlabankans. Nota bene þetta er álit gefið útfrá ákveðnum forsendum en er ekki dómur dómstóls. Sigurður Líndal telur það rétt hjá Seðlabanka að gera ekki álitið opinbert. Hins vegar hef ég ekki skýringu á því af hverju Seðlabankinn lét ráðherra ekki vita. Gengistryggðu ólöglegu skipta augljóslega miklu máli. Hvaða áhrif hefði það nú haft ef viðskiptaráðherra hefði lýst því sem lögfræðilegu láliti ráðuneytisins að þessi lán væru ólögleg?Hefði það haft áhrif á lántakendur og fjármálastofnanir? Þessi mál verða endanlega leyst fyrir dómi.

[Ragnhildur Kolka, 13.8.2010 kl. 14:44]

Í stað þess að vera að agnúast út í þig ætti Samfylkingin að vera þakklát fyrir þessi fræðsluerindi þín, Vilhjálmur. Það er greinilega ekki nægileg vitneskja í samfélaginu um erfðaeinkenni hagfræðimonstera og því mjög gagnlegt að fá þetta innskot í þróunarsögu þeirra. 

Fals og fleipur byltingarprófessorsins Gylfa hefur nú dregið kollega hans, hræsnarann og samfylkingarsiðfræðinginn Gunnar Helga með niður í áttundahring Heljar. Icesave sölumennirnir, Jóhanna og Steingrímur Gosi sitja í níunda hring ásamt öðrum svikurum. 

[Ragnhildur Kolka, 13.8.2010 kl. 14:50]

Hrafni má benda á að "þrekvirki" Steingíms við endurreisn bankanna væri ekki í því forarfeni sem það nú er ef kröfuhafar hefðu haft vitneskju um vafasama stöðu gengistryggðu útlánanna og þessi úrræðalausa ríkisstjórn hefði þá hugsanlega líka tekið einhverjum sönsum um að afgreiða fjármál heimilana á vitrænan hátt.

Ég tek þetta síðast til baka. Ríkisstjórninni er fyrirmunað að framkvæma nokkuð vitrænt.

[Einar Guðmundsson (IP-tala skráð) 13.8.2010 kl. 18:55]

Þingleri er afburðagott nýyrði, þar sem 63 alþingismenn standa undir nafni.