Hin íslenska firring

Sverrir Jakobsson sýnir okkur í dag í Fréttablaðinu (bls. 17), svo um munar, hvernig sumir "menntamenn" lifa í allt öðrum heimi en almenningur. Sverrir hefur, eins og svo margir aðrir, áhyggjur af niðurskurði, t.d. í skólakerfinu og ekki minnst í heilbrigðisgeiranum, þar sem læknar eru nú sendir í 12 vikna sumarfrí til að spara. Engir mjaðmaliðir verða t.d. settir í aldrað og lúið fólk í sumar, fólk sem er búið að greiða skattana sína í 50-60 ár og skila því sem það þarf til samfélagsins. Það þarf að bíða sárþjáð svo mánuðum skiptir til að komast í lífsnauðsynlega aðgerðir, meðan Össur Skarphéðinsson fórnar milljörðum á brennslualtari ESB firringarinnar.

En aukning skatta á Íslandi mun ekki bæta ástandið eins og Sverrir Jakobsson sagnfræðingur heldur. Hvorki sá skattur sem er lagður er á almenning, né á t.d. álver.

Framleiðsla í landinu hvarf og var eyðilögð eftir að peningaverksmiðjur svindlaranna urðu nær eina von þjóðarinnar og framtíðarsýn. Helsta framleiðsla Íslendinga í áratug voru loftkastalar og veruleikafirring. Sá tími er liðinn, Sverrir Jakobsson.

Niðurskurður er því nauðsynlegur, ekki bara á útrásarvíkingum. En spyrja má, hvort hann sé nauðsynlegur á spítölum og í skólum að framhaldsskólastigi. Í stað þess að setja 90% skatta á þá hæst launuðu, sem Sverrir segir menn hafa haft frábæra reynslu af í BNA milli 1950 og 1960, eru hér nokkrar sparnaðarleiðir, sem ég tek ekkert fyrir.

1. Auknir skattar verði lagðir á hverja bifreið sem keypt er umfram 1. bíl á sérhverju heimilisfangi. Bílafloti Kreppuíslendingsins er í engu samræmi við ástandið. Hærri skattar og gjöld verði einnig á þeim bifreiðum sem sé til á heimili umfram fyrsta bíl.

2. Deildir Háskóla Íslands og annarra háskóla sem framleiða nemendur sem enda í atvinnuleysi að námi loknu verði lokað tafarlaust.

3. Fækkun prófessora og lektora . Árlegt endurmat á hæfi manna til kennslu.

4. Háskólum verði fækkað. Hér eru allt of margar menntastofnanir miðað við fólksfjölda. Hvað hefur það skilað Íslendingum? Já, útrásarvíkingum.

5. Bitlingar til fyrrv. forseta og embættismanna verði skornir verulega niður.

6. Stöðvun ESB-firrunnar. Ekki fleiri peninga í umsóknarferlið til ESB. Það er alveg eins hægt að kasta þeim peningum í ruslið, ... eða nota þá í að styrkja skóla- og heilbrigðiskerfið.

7. Fækkun ráðuneyta niður í fimm.

8. Hætta að senda fé til þróunarlanda, sem eru ríkari en Ísland.

Svo er spurningin, hvort Siggi Einars og Jón Ásgeir skili meiru flegnir og roðflettir, eins og þjóðin vill sjá þá dag.  ÞAÐ ER EKKI HÆGT AÐ DREPA KAPÍTALISMA OG VILJA HAFA HANN SAMT. Því þú getur ekki fengið 90 % skatta eins og í BNA á 6. áratugnum, Sverrir Jakobsson, nema að hafa góðan kapítalisma.

Þegar Bónus er farinn á hausinn, fá Sverrir Jakobsson og aðrir firrumeistarar minna fyrir launin sín og finna meira fyrir sköttunum, sem hann Sverrir vill svo ólmur fá yfir sig nú, til að skólakerfið, (sem hann vinnur í), haldi áfram að blómstra og heilbrigðiskerfið, (sem getur læknað firringu hans), geti tekið hann í meðferð.

Athugasemdir

[Sigurður Þór Guðjónsson, 18.5.2010 kl. 18:34]

Svo er líka til nokkuð sem heitir vit-firring. En hún snertir nú ekki okkur Vilhjálmur. Við erum vitringar!

[Vilhjálmur Örn Vilhjálmsson, 18.5.2010 kl. 19:28]

Eitt sinn var eg vitringr, en það var í fyrra.

[Dingli, 18.5.2010 kl. 23:08]

Það má sleppa öllum niðurskurði í velferðarkerfinu með því að auka þorskvótann um 50þúsund tonn. Það er hægt að gera áhættulaust, stofninn mun samt stækka. Níutíu til hundrað þúsund tonn næstu þrjú ár, myndu gerbreyta efnahag þjóðarinnar. Slík aukning ógnaði ekki stofninum og miðað við reynsluna úr Barentshafi gæti hún orðið til góðs. Í vestafalli minkaði stofninn lítillega. Að auki má auka ýsu, og ufsa um 10-15Þ. tonn hvora tegund án þess að nokkuð gangi á þá stofna og karfinn þolir, áhættu lítið, nokkur þúsund tonn í viðbót.

Hvers vegna má ekki í hallæri taka út a.m.k. vextina sem hafið gefur, þegar þeir einir og sér, gerðu þann niðurskurð sem boðaður er næstu ár óþarfann? 

Getur það verið að slík kvóta aukning setti útgerðirnar á hausinn? Getur það verið að veðin í óveiddum fisk verðféllu svo mjög, að það setti nýu bankana í vandræði? Getur verið að bankarnir yrðu að gera veðköll sem settu útgerðina nær alla á hausinn? Má ekki rétta   þjóðarskútuna af, vegna þess að erlendir bankar og kvótagreifar myndu tapa á því?

Spyr sá sem ekki veit.  

[Vilhjálmur Örn Vilhjálmsson, 19.5.2010 kl. 10:13]

Ingimar Dingli Brynjólfsson. Eru menn ekki að draga úr öllum veiðum til að hafa sem mest í hafinu, þegar ESB þjóðirnar heimta sinn skerf? Meira að segja fiskifræðingarnir telja sig hafa hlutverki að gegna í ESB-framtíðarinnar, sem ég tel að verði lagt niður tveimur vikum eftir að Íslendingar fá inngöngu.