Gosi í Reykjavík

Gosi er í norðanverðri Reykjavík, og færist allur í aukana. Nefið gæti lengst og tekið allt aðra stefnu. Hann er ekki líklegur til að loka rifunnu í bráð. Sumir telja hann þó hið mesta gufumenni. Það leggur af honum megnan brennivínsfnyk og Skódinn hans sótar. Gosi á það til að grilla á nóttunni, svo eldtungurnar ná ómældri hæð. En það er fylgst með honum úr Skógarhlíðinni, því karlinn er kynlegur kvistur.

Athugasemdir

[Vilhjálmur Örn Vilhjálmsson, 21.3.2010 kl. 10:59]

Það eru naumast ýkjurnar og vitleysan, sem fram kemur í erlendum fjölmiðlum. T.d. á www.politiken.dk. Spurningin sem vaknar er: Eru Íslenskir aðilar að senda hasarfréttir með röngum upplýsingum eldgosið á Fimmvörðuhálsi.

[Jón Steinar Ragnarsson, 21.3.2010 kl. 15:52]

Er þetta bara ekki þessi venjulegi spuni? Menn eru tiltölulega rólegir hér, en norðurlandafjölmiðlar virðast vera að ærast.  Einhver gúrkutíð í gangi þarna hjá ykkur?

Nú ræða menn það að þetta gæti komið af stað Kötlugosi, sem er ekki gott.  Það hefur gerst hingað til i tengslum við gos á þessu svæði. Þó er það aldrei fyrr en eftir einhver ár, svo það er alveg óhætt að slaka á.  

Ég ráðlegg koffeinlaust og að hafa bréfpoka við hendina ef menn byrja að hyperventilera.

Þeir fóru þó algerlega yfir strikið hjá flugstoðum í ákefð sinni eftir 15 mínútna frægð að loka landinu fyrir flugumferð. Ég á ekki orð yfir þá vitleysu. Fásinnið á skrifstofunni þar, hefur knúið menn út í þau ævintýri, svo ég mæli með útflugt á mánaðafresti í óvissuferðir fyrir starfsfólkið til að slípa mesta ævintýraþorstan af.  Þessi skets þeirra kostar einhverja hundruð milljóna.

[Vilhjálmur Örn Vilhjálmsson, 21.3.2010 kl. 17:05]

Já Jón minn, Það er örugglega meira ryk yfir Rosmhvalsnesi á heiðskýrum degi en yfir Fimmvörðuhálsi í dag. 

Svo eru maddömmurnar í ríkisstjórninni ræstar í skemmtiferð austur fyrir fjall, eins og þegar forseti Bandaríkjanna er sendur á hamfarastað þar sem liggja þúsundir manna í valnum.

Íslendingar eru að verða að atvinnuvæluskjóðum og dramadrottningum. Kreppan er ekki holl. Hvað er til taks? Kannski öflugra gos? - "Skrúfa upp fyrir hitann, Belsen Bubbi!"

[Sigurður Þór Guðjónsson, 21.3.2010 kl. 17:56]

Þetta er bara byrjunin Villi minn! Bráðum munu Íslendingar breytast í saltstólpa.

[Vilhjálmur Örn Vilhjálmsson, 21.3.2010 kl. 23:13]

Siggi, líttu ekki til baka, fyrir enga muni. Þú yrðir svo lítilfjörlegur saltstöngull þarna í eyðimörkinni við gátt helvítis, ef þú litir til baka. Bara áfram, þá hefst þetta.

[Sveinn Tryggvason, 22.3.2010 kl. 20:36]

Er ekki ástæða til að minna frændur okkar á að það heyrist danska upp úr gossprungunni?