Fyrirspurn til stjórnar RÚV

Er þetta fréttamaður á Ríkisútvarpinu og stjúpsonur forsætisráðherrans?

 

Til Stjórnar RÚV

Svanhildur Kaaber, formaður
Margrét Frímannsdóttir, varaformaður
Auður Finnbogadóttir
Kristín Edwald
Ari Skúlason

Vegna fréttaflutnings RÚV 29.12. 2009

Virðulegi formaður,

Í fréttum Sjónvarps kl. 19.00 þann 29. desember sl. var birt viðtal (http://dagskra.ruv.is/sjonvarpid/4497856/2009/12/29/8/) fréttamanns RÚV við hjónin Mohammad (Ahmed) Odeh og Rawda (Salim Khalil) Odeh (fædd al Tamimi) sem voru í heimsókn hjá ættingjum á Íslandi.

Hjónin fóru mikinn í þessu stutta viðtali, t.d. töluðu þau um "dagleg fjöldamorð (massacre) Ísraela á Palestínumönnum" og sökuðu Abbas leiðtoga Palestínumanna um að hafa tekið vopn af sonum Palestínumanna ("our sons") og látið Ísraelsmenn drepa þá. Þau boðuðu reyndar líka nýja Intifödu gegn Abbas.

Hjónin sögðust í viðtalinu búa 20 metra frá þeim vegg, sem Ísraelsmenn hafa reist, til að koma í veg fyrir hryðjuverkaárásir. Þau hjónin búa í Wadi al-Joz (Valhnetudal), arabísku og circassisku hverfi, sem er rétt norðaustur af gömlu borginni í Jerúsalem. Það er enginn veggur eða girðing þar sem þau búa. Þess vegna eru það ósannindi þegar þú segjast ekki geta heimsótt ættingja í 20 metra fjarlægð.

Þar að auki var því haldið fram af fréttamanni RÚV/Sjónvarps, að einn sonur hjónanna, sem ekki var nefndur á nafn, hefði verið dæmdur í 28 ára fangelsi fyrir að hafa tekið þátt í uppreisn Palestínumanna fyrir tæpum 10 árum. Það rétta er, að þessi sonur þeirra hjóna var dæmdur fyrir aðild að hryðjuverkum í Ísrael.

Eftir sat hinn venjulegi Íslendingur, án nokkurs annars en óheflaðs áróðurs og lyga. Annað hvort hafði fréttamaðurinn ekki burði til að sjá það, eða hann blandar eineygðri pólitískri skoðun sjálfs síns í fréttaflutning til Íslensku þjóðarinnar. Fréttamaður Ríkissjónvarpsins, Gunnar Hrafn Jónsson er með Moggablogg, þar sem hann birtir þessa mynd af PFLP-manni í kynningu á sjálfum sér (http://gunnar-hrafn.blog.is/blog/gunnar-hrafn/about/)

 

Mig langar að biðja Stjórn RÚV um að ganga úr skugga um, hvort Fréttastofu Útvarpsins sé kunnugt um að umrædd frétt hennar þann 29. 12. 2009 sé full af rangfærslum og að Fréttastofan hafi leyft stuðningsfólki öfgastefnu og hryðjuverka að fara með helber ósannindi í ríkisreknum fjölmiðli sem greiddur er af íslenskum skattborgurum. 

Undirritaður hefur ritað á blogg sitt um frétt þessa (http://www.postdoc.blog.is/blog/postdoc/entry/999161/) og mun birta þetta bréf á bloggi sínu

Virðingarfyllst,

Dr. Vilhjálmur Örn Vilhjálmsson

Danmörku

Athugasemdir

[Baldur Hermannsson, 4.1.2010 kl. 18:29]

Því fer fjarri að ég sé einhver sérstakur talsmaður júða, en það gengur fram af manni að horfa upp á það hvað eftir annað hvernig fréttamenn Ríkisútvarpins sniðganga allar reglur um hlutleysi, þegar málefni júða og araba eru annars vegar. Hvað eftir annað eru birt í fréttatímum sjónvarps samtöl við araba sem bera ógurlegar sakir á Ísraelsmenn, en aldrei nokkurn tíma er gerð minnsta tilraun til þess að kynnast viðhorfum Ísraelsmanna.

Þetta getur ekki einu sinni kallast fréttaflutningur, þetta er lyga áróður og óhróður af verstu tegund.

Það verður fróðlegt að sjá hvernig stjórn RÚV bregst við þessum ábendingum.

[Stefán Þór Steindórsson, 4.1.2010 kl. 20:13]

Ég hef nú oft velt því fyrir mér hvort misstök/rangfærlsur fréttamanna allmennt á Íslandi snú eingöngu að þáttum sem ég þekki til eða hvort evt. leynist villur og þá jafnvel áróður líkt og þú nefnir hér í fréttum þeim sem snúa að málum sem eru mér að öllu ókunn.

Td þekki ég í raun lítið sem ekkert til alls þess sem þetta mál  eða þessi fréttaflutningur sem þú nefnir í dæmi þínu fjallar um og er því ekki dómbær á svona fréttir en í íþróttum, daglegum málum og við "þýðingarfréttir" sem eru ótalmargar í daglegum fréttum sé ég oft hve illa er farið með staðreyndir hjá blaðamönnum landsins sem og fréttamönnum sjónvarpsstöðvanna. En að sjálfögðu var ég bara að taka eftir toppnum af ísjakanum.... Það verður fróðlegt að sjá hvert framhaldið verður á þessu og vona ég að þú gerir færlsu með þeim svörum sem þú færð.

[Ragnhildur Kolka, 4.1.2010 kl. 20:37]

Ég tek undir það sem sagt hefur verið hér að ofan. Og bíð eftir að heyra framhaldið.

[Helga Kristjánsdóttir, 5.1.2010 kl. 01:59]

   Það geri ég líka,ég sá þetta viðtal.

[Helgi Kr. Sigmundsson, 5.1.2010 kl. 10:23]

Við fylgjumst með viðbrögðum RUV, en ætla ekki að halda í mér andnaum.

[Ólafur Jóhannsson, 6.1.2010 kl. 11:21]

Eg er a leid til Israels, og bíd spenntur eftir vidbrøgdum RUV.
Vid megum ekki gefast upp.
Shalom kvedja fra Zion.