Leita í fréttum mbl.is

Bloggfærslur mánaðarins, nóvember 2012

Össur reddar heimsfriðinum, enn einu sinni

Össur kjassar Bargouti
 

Óska ber Palestínumönnum til hamingju með að vera orðnir fullgildir áheyrnarfulltrúar hjá SÞ. Óska ber Íslendingum til hamingju með að tilheyra einu minnsta þjóðríki heims með stærsta og öfgafyllsta hjartað, minnsta heilann og stærsta sjálfsálitið, sem berst fyrir réttinum til að brjóta niður viðkvæman frið í fjarlægum heimshluta.

Þessi nýja staða Palestínu þýðir m.a., að hægt verður að ákæra Palestínumenn fyrir stríðsglæpi, hryðjuverkaglæpi, og t.d. óvirðingu fyrir lífi barna sinna sem kennt er hatur og þjóðarmorðsáróður frá blautu barnsbeini. Sömuleiðis verður hægt að lögsækja Palestínumenn sem hafa í frammi afneitun á helför Gyðinga, sem og alla þá sem hvetja til útrýmingar Ísraelsríkis. Einnig verður á alþjóðarvettvangi hægt að skipta sér að gífurlegum brotum á almennum mannréttindum sem og spillingu af völdum Fatah, sömuleiðis á Gaza, þar sem spilling hefur aldrei verið eins rótgróin hjá Hamas eins og hjá Fatahstjórninni. En samvinna þeirra á milli hefur þó aldrei verið sterkari en nú. 

Síðast en ekki síst, nú verður auðveldara að lögsækja öfgafullt stuðningsfólk hryðjuverka Palestínumanna, t.d. á Vesturlöndum, og ekki síst á Íslandi þar sem fjöldi fólks hvatti til þess á bloggum sínum og á síðum fjölmiðla fyrir nokkrum dögum síðan, að Ísraelsríki ætti að útrýma og "flytja ætti Ísraelsmenn til heimalanda foreldra þeirra".  Vanþekking á sögu og mannfyrirlitning stuðningsmanna Palestínugæluverkefnisins kunna sér engin landamæri. En lögsókn á slíku fólki færir okkur kannski frið.

Hvatning til þjóðernishreinsana og þjóðarmorða eins og sést hafa á meðal margra Íslendinga á síðari árum, sem og áróður og yfirlýsingar um að Ísraelsríki fremji þjóðarmorð, meðan sama fólk sem svo talar, segir ekkert við þeim fjölda- og þjóðarmorðum sem eiga sér stað í heimi Öfgaíslams, þ.e. í flestum ríkjum umhverfis Ísraelsríki, er brot á alþjóðlegum reglugerðum og samþykktum sem Íslendingar hafa skuldbundið sig til að fylgja.

Íslenskum yfirvöldum ber að ákæra og lögsækja fólk sem hvetur til þjóðernishreinsana. Það er ljóst af íslenskum lögum, en ekkert er aðhafst. Ef íslensk yfirvöld gera það ekki, er hægt að kæra þau til SÞ og ÞAÐ VERÐUR GERT! Fyrsta verk Össurar Skarphéðinssonar, ef honum og ólýðræðislegri ríkisstjórn hans tekst að svíkja íslensku þjóðina inn í ESB, verður að svara fyrir kærur um gyðingahatur og þjóðernishreinsunaráróður gegn erlendu ríki og borgurum þess á Íslandi.


Krukkað í eiturpésann

 The Radioactive Leader

Þeir sem reykja sígarettur ættu kannski að vita, að örlítið magn polonium-210 er að finna í reyk þeirra. Það er hættulegt að reykja. Hérna sést dýrlingur öfganna á leiðinni í sína hinstu för. Polonium-210 fór greinilega svo vel í hann, að hann missti ekki eitt einasta hár.

Ef poloninum-210 hefur fundist í jarteiknum af Arafati, höfuðfati og föðurlandinu hans, þá hefur einhver eiturpési verið að leika sér með undirfatnað PLO-leiðtogans eftir að hann var allur, ef til vill nýverið, á síðari hluta 2011 eða jafnvel í ár.  Rússar, helstu stuðningsmenn öfga í Miðausturlöndum eiga það til að fara óvarlega með þetta efni.

Rannsókn á líkamsleifum Arafat mun ekki leiða neitt geislavirkt PLOnium í ljós, nema að einhverjir hafi komið því fyrir nýlega.

Til hjálpar fréttamönnum sem hljóta að hafa fengið bágt í einkunn í eðlisfræði í íslenska skólakerfinu, langar mig að upplýsa:

Helmingunartími ísótópsins polonium-210 er aðeins 138,4 dagar, og ef efnið hefur fundist í jarteiknum af Arafat, fötum eða beinum, hefur því verið komið fyrir þar eftir dauða hans, eða réttara sagt mjög nýlega.

Hatursfólk Ísraels er iðið við að gera því  skóna að Ísrael hafi verið að eitra fyrir Arafat með poloníum. Er ekki einum of langt gengið hjá Ísraelsmönnum að vera að gramsa í nærfataskúffum Arafats eftir dauða hans, og koma fyrir geislavirku efni í hlandblettum og hemlasporum hryðjuverkaleiðtogans? Góð spurning er líka hvenær þeir hefðu átt að gera það?

Athyglisvert er, að þrátt fyrir að Al Jazeera og vafasamur vísindamaður í Sviss hafi baukað með óhreinu nærfötin hryðjuverkakeisarans i 9 mánuði, áður en rugludallar í Sviss hjálpa nú við að krukka í bein Arafats, er stöðin ekkert að greina fávísum almenningi Íslams, eða fréttasnáðunum á RÚV (sem oft nota Al Jazeera sem sína aðalheimild), að helmingunartími polonium-210 sé rúmlega 138 dagar. Æi nei, jafnvel þótt einhverjir á Al-Jazeera viti allan sannleikann, og séu, eins og oft áður,  í falsfréttaframleiðslu, þá er óvíst hvort einhverir fréttamenn á Íslandi fatti nokkuð. Áróður er þegar hluti af fréttamennsku á Íslandi.

Þótt Arafat sé grafinn upp úr öskuhaug sögunnar og einhver hafi verið að mata hann með geislavirkum málmi, þá mun engin leið vera fær til að finna polonium-210 í þeim leifum nema að brögð séu í tafli. Helmingunartími 210Po er 138,4 dagar. Ég endurtek fyrir auðtrúa kjána á Íslandi: 138,376 dagar.

Ég ég hræddur um að fréttir Al Jazeera, sem sviðsett hefur geislavirka Arafat, eigi eftir að hafa miklu lengri helmingunartíma, og mjög alvarleg áhrif á auðtrúa fífl á Vesturlöndum, eins og annað eitur sem sá fréttamiðill sendir frá sér.

Polonium 210 er ekki hægt að finna í gröf Arafats, nema að því hafi verið lætt þangað löngu eftir dauða hans. En ef menn hefðu viljað finna dauðaorsök illvirkjans, þá hefðu önnur sýni örugglega geta leitt ýmislegt í ljós. T.d. hvort nokkuð væri hæft í orðrómi þeim að Arafat hafi verið með AIDS. Kappinn var þekktur fyrir dálæti sitt á ungum mönnum, sem Fatah hefur staðið í að drepa einn eftir einn, svo þeir gefi ekki út ævisöguna. En kannski var AIDS hvort sem er búið að sjá til þess að safaríkar ævisögur lentu í gröfinni eins og öfgariðillinn Arafat. Man fólk ekki hvernig hetjan var farin að tala 2-3 árum fyrir dauða sinn?

En eitt er víst, að er ekki finnst neitt geislavirkt, þá verður Ísrael kennt um eyðni og allt vont hér í heimi. Eitthvað nýtt? Hatur og öfund er geislavirkara en Polonium 210. Þannig er það nú.


Íslenskur berserksgangur

198325_10151329857865309_1991318803_n 

Nú er komið á vopnahlé milli hetjanna í Hamas og Ísraels, en hvort það endist veit þó enginn. Þið sjáið hvers konar lið Ísraelmenn eiga í höggi við á myndinni hér fyrir ofan.

Eitt er þó víst, að hamfarir sumra Íslendinga, tiltölulega lítils hóps fólks, sem gert hefur Palestínu að gæluverkefni sínu og Ísrael af helsta hatursmáli sínu, hafa aldrei náð hærri hæðum en nú. Þetta er fyrst og fremst fólk á vinstri væng samfélagsins, sumt sem studdi blóðugar byltingar og þjóðarmorðsríki fyrr á árum, og sem nú beinir hatri sínu á sömu brautir og Íslamismar og öfgamenn sem telja BNA og Ísrael versta vandamál heimsins. Þeir halda alla aðra vaða í villu og telja sig hafa einkaleyfið á friði, ást og skilningi. Svo sakar ekki að kosningar eru á næsta leyti.

Mér finnst ganga of hægt hjá þeim að eyða Ísraelsríki. Vildi að það yrði leyst upp sem fyrst og Ísraelsmönnum boðið hæli í heimalöndum foreldra sinna og þeir aðstoðaðir við þjóðflutninga. (sjá hér)

Þannig skrifar Eva Hauksdóttir, sem er norn að „atvinnu". Ja, það hlýtur að vera eitthvað af lausum tengingum, til að geta skrifað á þennan hátt. Eva skrifaði reyndar grein þar sem hún fjallar um "Þjóðarmorð Ísraelsmanna" á íbúum Gaza, en gerir sig um leið seka um að hvetja til þjóðarhreinsanna á Ísraelsmönnum. Það er nefnilega almenn ósk þeirra sem styðja baráttu Palestínumanna. Þeim þykir fínt að endurtaka óskir Hamas um útrýmingu á Ísrael og víla ekki fyrir sig að gera Ísraelsríki að systurríki Þýskalands Hitlers í orðræðu. Siðleysið á sér engin takmörk. Svo vill margt af þessu fólki vera tekið alvarlega í ESB.

Illugi Jökulsson, sem á mömmu sem um árabil rak ferðaskrifstofu sem sérhæfði sig í ferðum til sæluríkja Ghadaffis, Amedinejads og Assads, kallaði á Eyjubloggi sínu Ísrael Villimannaríki.

Ég leyfi mér að leiðrétta Illuga. Það er til fólk á Íslandi sem er á góðri leið með að skapa villimannaríki.

Hvernig stendur á því, að sumir Íslendingar ganga af göflunum í hvert skipti sem erjur blossa upp á milli Ísraels og Hamassamtakanna, og af hverju eru menn svona miklu hatrammari í afstöðu sinni til Ísraels á Íslandi en t.d. í ESB? Meira að segja í Noregi braust þessi æsingur út, og sjáið fordæminguna.

598553_10151151290347689_115530153_n

Ég tel að margir Íslendingar séu enn í fyrir-2008- sjálfsblekkingu, og halda að Ísland hafi hlutverki að gegna á meðal þjóðanna. Þeir halda, að ef Ömmi og líkfylgd hans safnast saman fyrir framan Bandaríska sendiráðið og tali með belgingi eins og á Stalín-árunum, að þá hafi það áhrif. Sjálfblekkingin er enn slæm. Það heyrir enginn af þessum belgingi nema á Íslandi. Á Gaza vita menn ekki betur en að Össur sé gervilimur sem ekki er hægt að búa til sprengju úr. Þeir tengja þetta nafn ekki við helsta stuðningsmann sinn og velunnara norður í Íshafinu. Með öðrum orðum. Enginn þekkir Ísland eða Össur á Gaza og Vesturbakkanum.

Jafnvel þótt að lítill hópur illa upplagst fólks í bernskuæsingi ráðist á sendiráð Ísraels í Danmörku, fær umheimurinn engar fréttir af því. Dönsk yfirvöld skammast sín líka fyrir slík skrílslæti.

Hróp og harmgrátur móðursjúkra Íslendinga, sem gerast óðir út af Gaza, en segja ekki múkk þegar verið er að slátra múslímum á Sýrlandi, heyrist hvergi annars staðar en á Íslandi. Kannski er þetta leið til að hita sér í kuldanum?

Meira að segja Össur Skarphéðinsson hefur hægt á hatursblossanum, enda vill hann inn í ESB. Þar líðst svona Hamasgangur ekki, og veit ég að Össur hefur vinsamlegast fengið að vita það frá kollegum sínum í Evrópu. Þar telja menn enn ekki gjörlegt að taka Hamas af hryðjuverkalistanum.  Þess vegna hélt Össur sér til hlés, nú þegar Ömmi var að með one-man-show til að skamma Obama á Laufásveginum. RÚV er meira að segja farið að kalla átökin "hjaðningavíg" (hver ætli sé Héðinn og hver Högni, eða stíga menn ekki í vitið á RÚV frekar en fyrri daginn).

Ég hringdi í Barack í gær, og náði í hann því allir samstarfsmenn hans voru í orgíu við herinn. Ekki hafði hann heyrt um harminn á Íslandi. En hann veit hver heldur líftórunni í Gazabúum meðan Hamas gengur berserksgang og vinir þeirra á Íslandi fara hamförum, það eru ekki vasapeningar frá EFTA eða peningar frá ESB og Quatar, sem fara beint í vasa siðspilltra leiðtoga Hamas - heldur:

 


Opið bréf til utanríkisráðherra

Mynd fyrir Össur
 

Ágæti Össur Skarphéðinsson,

Þar sem þú hefur sett mig og aðra Íslendinga í stjórnmálasamband við Hamas á Gaza og dvalið þar sem heiðursgestur, langar mig að biðja þig og ríkisstjórn þína um greiða. Ég veit einnig að þú, eins og aðrir Íslendingar, ert sleginn harmi í hvert sinn sem þú heyrir um barn sem missir lífið í þeim hræðilegu erjum sem eiga sér stað fyrir botni Miðjarðarhafs, bæði í Sýrlandi, Ísrael og Gaza.

Mig langar að biðja þig að hafa samband við þína vini og tengiliði á Gaza og spyrja þá, hver voru örlög 4 ára drengs, Mohammed Sadallahs, sem dó á Gaza þann 16. Nóvember 2012. Lík drengsins var notað sem sýningargripur í fréttaflutningi frá Gaza, og á myndum sem fréttastofur birtu, sást hvar starfsbróðir þinn í Egyptalandi, Hesham Kandil, kyssir barnalíkið á ennið.

Vandamálið er að drengurinn er sagður hafa látist vegna eldflaugar kl. 8.30 að morgni föstudagsins, um það leiti sem Kandil var að aka inn á Gaza, en þá var vopnahlé og Ísraelsmenn skutu engum eldflaugum og flugskeytum á Gaza fyrr en síðar þann dag, eftir að Hamas hafði brotið vopnahléið. Nú hafa palestínsk mannréttindasamtök lýst því yfir, eftir að hafa skoða ummerki þann 17. september, að litli drengurinn hafi farist er eldflaug Hamas hæfði hann. Hugsanlega hefur barnið, Muhammed Sadallah, verið myrt af einhverjum öðrum en Hamas og Ísraelsmönnum? Hið rétta verður að koma fram. Ef hafðar eru í huga áhyggjur þínar af börnum í Miðausturlöndum, þá verður þú að teljast rétti maðurinn með réttu samböndin til að taka slíka rannsókn að sér.

Getur þú ekki, ágæti Össur, komist úr skugga um hið rétta í þessu máli, og um leið og þú gerir það, þætti mér vænt um ef þú fengir upplýsingar um af hverju samtök á Gaza senda út myndir af barni sem myrt var í Sýrlandi í Október og segir myndina vera af barni sem var látist hafi vegna eldflauga Ísraelsmanna í nóvember á Gaza. Er verið að hafa þig og mig að fíflum?

Mér þykir ekkert sjálfsagðara en að þú gerir þetta. Þú hefur á alþjóðarvettvangi lýst yfir stuðningi mínum og annarra Íslendinga við Palestínumenn og viðurkennt rétt þeirra til ríkis.

Ég sætti mig ekki við að styðja ríki, þar sem íbúarnir vilja útrýma nágrannaríkjum og misnota lík af börnum í illkynjuðu áróðursstríði.

Ég vænti þess, að þú hafir svipaða siðferðiskennd og ég hr. ráðherra, og kannið málir með öllum mögulegum aðferðum og samböndum sem þú hefur á Gaza.

Virðingarfyllst,

Dr. Vilhjálmur Örn Vilhjálmsson

Albertslund, Danmörku

An open letter to the Foreign Minister of Iceland

11.20.2012

Dear Össur Skarphéðinsson,

Since you put me and other Icelandic citizens in diplomatic relations with Hamas in Gaza, and have been their guest of honor, I would like to ask a favor of you and your government. I know that you, just like other Icelanders, are stricken with grief every time you hear about a child who gets killed in the horrible warfare that takes place in the Middle East, in Syria as well as in Israel and Gaza.

I would like to ask you to contact your friends and contacts in Gaza and ask them what was the exact fate of a 4-year-old boy, Mohammed Sadallah, who died in Gaza on 16 November 2012. The boy's body was used as a display piece in news broadcasts from Gaza, and one could see how your colleague in Egypt, Hesham Kandil, kisses the dead body of the child on the forehead.

The problem is that the boy is said to have died in a rocket attack at 8:30 AM on Friday, when Kandil was driving into Gaza. But there was a cease-fire at that stage and the Israelis fired no rockets or missiles on Gaza until later that day, after Hamas had broken the ceasefire. A Palestinian human rights organization has now stated that, after looking at evidence in Gaza on 17 September, that the little boy was hit and killed by a Hamas rocket. In fact, the boy Muhammad Sadallah, may have been killed by someone other than Hamas and Israel? The truth must be revealed. With your concerns for children in the Middle East and your contacts on Gaza, you are the right person to engage in such an investigation.

Can't you, honorable Össur Skarphéðinsson, find out the truth in this matter, and while you are doing so, I would appreciate if you retrieved information about why an organization in Gaza sends out photographs of a child killed in Syria in last October and claims it was a child killed in Gaza by the rockets of the Israelis. Have we been fooled, Mr. Minister?

Nothing seems more natural to me than you taking on this task. In the international arena you have expressed my and other Icelanders support to the Palestinians and recognized their right to to a state.

I do not, as a citizen of Iceland, accept to support a state, where the residents want to eliminate their neighbors and abuse corpses of children in a war of malign propaganda.

I expect you to have a similar sense of morality as I, Mr. Foreign Minister, and hope you investigate the case with all available means and  connections you have in Gaza.


Yours Sincerely,

Dr. Vilhjálmur Örn Vilhjálmsson

Albertslund, Denmark


Hvað rímar við Gaza? Asza?

Krummi og Asza
 

Blaðamaðurinn Agnes Valdimarsdóttir kallar sig Asza. Hún vann einu sinni fyrir RÚV, en nú er hún „Currently a stringer for an International (undisclosed) News Agency in Iceland". Maður getur nú spurt sig af hverju hún Agnes, fyrirgefiðið Asza, vill ekki gefa upp nafnið á þeirri fréttastofu sem hún vinnur fyrir? Það hefur þó líklega ekkert upp á sig að skilja það, frekar en skilning Öszu á ástandinu á Gaza, sem er furðulega takmarkaður og fordómafullur í garð Ísraels.

Eftir að Krummi litli, (best þekktur sem stjúpsonur Jóhönnu Sig.), hafði loks krunkað því út úr sér í Kastljósi í gær, (19.11.2012) að markmið Hamas væri að útrýma Ísrael, (og það held ég bara að sé í fyrsta skipti að Gunnar Hrafn hefur látið það út úr gogginum á sér), þá tók Agnes Valdimarsdóttir upp á því að lýsa Gaza sem fangelsi og fangabúðum, þaðan sem enginn kæmist eða færi. Hún notaði þó ekki orðið útrýmingarbúðir eins og æsta fólkið fyrir framan bandaríska sendiráðið gerði í gær.

Ávaxtasalar á Gaza kvörtuðu nýlega (mánuði fyrir átökin) sáran yfir því að þeir mættu ekki lengur selja ísraelska ávexti. Það hlýtur auðvitað að vera lygi því sannmálugur utanríkisráðherra Íslendinga heldur því fram, að íbúar Gaza svelti. 

Sumir ávaxtasalanna fóru á hausinn, því þeir gátu ekki fengið að flytja inn ísraelska ávexti á Gaza. Hamas minnkaði innflutninginn um 50% því samtökin leggja nefnilega meiri áherslu á hernað en ræktun. Þess vegna brutu þeir og brömluðu gróðurhúsin sem Ísraelsmenn skildu eftir árið 2005.

Svo lokaðar eru „fangabúðirnar" á Gaza. Ef Íslendingar skilja ekki af hverju að landsvæði, sem stjórnað er af hryðjuverkasamtökum sem kallar á útrýmingu Ísraelsríkis og gyðinga, er sett í herkví, þá er það líkast til gamalt gott íslenskt gyðingahatur sem blokkerar rökhugsun þess fólks.

Hún Asza litla veit kannski hve margir Gaza búar leituðu lækninga í Ísrael árið 2011 - og sem snéru aftur? Já meira að segja ættingjar yfirmanns hryðjuverkasamtakanna Hamas fengu læknishjálp í Ísrael. Ísraelsríki veitti árið 2011 yfir 100.000 Palestínumönnum frá Vesturbakkanum og Gaza læknisþjónustu. Bæði systir og mágur Ismails Hanyeh, foringja Hamas á Gaza, sóttu sér t.d. lækningu á sjúkrahúsi í Petah Tikva í Ísrael fyrr í ár.

Annað hvort eru fréttamenn RÚV viðvaningar, sem eru illa að sér, eða að þeir taka þátt í skipulegri herferð gegn Ísraelsríki í íslenskum fjölmiðlum. Ég held að vandamálið sé blanda af báðu.

Gaza rímar við Asza. Aza var reyndar nafnið á Gaza þegar múhameðstrúarmenn frömdu fjöldamorð á gyðingum sem bjuggu þar á miðöldum, því þeir vildu ekki beygja sig undir Íslam. Mennirnir voru hálshöggnir og konunum var nauðgað og þær gerðar að ambáttum múslíma. Sumir Gazabúar, sem ekki eru upphaflega Egyptar að uppruna, eru komnir af því fólki og þeirri þjóð sem það vill útrýma.

Hún Asza upplýsir á WWW, að þetta gælunafn hennar szhé borið fram 'ah-sha', en það er malaísísk afbökun á nafni barnungrar konu Múhameðs, sem hét  Aisha. Asza litla, þ.e. Agnes, ólst upp í Malasíu og þar hata menn líka gyðinga, en ekki eins mikið og sumt fólk í Passíusálmabeltinu við heimskautabaug, sem springur af heift án sprengjubeltis.

"Börn og saklausir borgarar". Það er kannski þess vegna að við lesum fréttir eins og þessa og Hamas notar myndir af barni sem myrt var á Sýrlandi og segja það vera barn fallið á Gaza.

Hamas Child Molestors

Trúir þú Hamas?

Þeir sem hata USA gera það:

Steingrímur Helgrímur Che Arni og Tamimi

Steingrímur, Helgrímur, Árni Che Sigurðsson og Tamimi með Hamas-húfu hata allir Bandaríkin en Ísrael vilja þeir útrýma.


Furðudýrafræðingurinn og Eggjahausinn

crop_260x
 

Í morgun var Útvarp Hamas (RÚV) með útsendingu þar sem sjálfsmenntaður furðudýrafræðingur fréttastofunnar, Þorvaldur Friðriksson, og Árni Eggjarauða úr VG helltu úr könnum haturs síns í garð Ísraels og gyðinga. Það var eins og að þeir væru að lesa upp úr Passíusálmunum. "Gyðinga hörð var heiftin beisk, hjartans blindleiki og villan treisk".

Eftir að Þorvaldi Friðrikssyni, sem lært hefur smá fornleifafræði í Svíþjóð, varð ljóst, að "Keltabyggð" frá því fyrir landnám, sem hann þóttist hafa fundið, væri frá 13. öld, gerðist hann fréttamaður á RÚV (með drykklöngum pásum) og sérhæfði sig þar í stuðningi við hryðjuverkasamtök og fiskeldi.

Waldo
Þorvaldur Friðriksson. Efst er Che Che Árni

 

Árni Þór Sigurðsson, er hins vega mest þekktur sem fórnalamb íslensk múgs í fyrra þegar hann fékk egg "í gagnaugað" við setningu Alþingis, og var vart hugað pólitískt líf í langan tíma á eftir. Í kjölfarið vildi hann afnema fundarfrelsi og lýðræðið. Í dag vill Árni helst senda lið til Gaza til að berjast við hina vonda Ísraelsmenn, enda eru þeir með lýðræði. Þetta fár í Árna er ekkert nýtt og heldur ekkert sem Árni tók upp á þegar hann lærði smá slavnesku í Sovétinu sáluga. Nei, þegar Árni var í Róttæka Félaginu í MH árið 1979, lagði hann líka til að að félagið hvetti íslensk stjórnvöld til að slíta stjórnmálasambandi við Ísrael. Hann vildi að Ísraelsríki yrði máð út af landakortinu eins og hann orðaði það.

Þessir heiðursmenn voru teknir í viðtal á morgunútvarpi Rásar 2 í Ríkisútvarpinu í morgun, þar sem allir frasarnir um þjóðarmorð, fangelsi, stríðsglæpi osfr. flutu út á öldum ljósvakans. Kryddið á gyðingahaturspítuna var frú Tamimi, sem er leyft að upplýsa þetta um sig á vef Alþingis:  "F. 7. janúar 1960.  Framkvæmdastjóri."  Framkvæmdastjóri Jafnréttisstofu, B.A. í Félagsfræði frá Háskóla Íslands.

Ekkert af þessu fólki hefur þó blætt út í opinni umræðu á fjölmiðlum út af fjöldamorðunum á Sýrlandi, en furðudýrfræðingurinn talaði um linnulausar eldflaugaárásir Hamas á Ísrael sem einhverja saklausa flugeldasýningu. Kannski verður Hjálpasveit skáta með 8 metra langar og 90 kg. þungar rakettur frá Íran um áramótin sem Þorvaldur getur krækt sér í. Vonandi er einnig, að Árni eggjahræra fari með Össur-sveit undir vopnum til Gaza. Tamimi, sem ekki þarf að upplýsa um uppruna sinn og ættir á heimasíðu Alþingis eins og aðrir Alþingismenn, getur orðið klappstýra, þó hún kunni greininga ekki að gæta jafnréttis og jafnvægis í skoðunum sínum, sem er auðvitað frábær eiginleiki í stöðu þeirri sem hún hefur fengið af Össuri, fyrir flokksstuðninginn.

hamas-rockets-2012-1 

Fjölbreytt úrval af flugeldum verður fáanlegt hjá VG um næstu áramót. Hjálparsveit Árna skaffar dótið.

Hamasgangur VG og Samfylkingarinnar varðandi Gaza skilar líka alltaf nokkrum plúsprósentum í kosningatölur þessara flokka. Félögunum verði nefnilega ekki eins heitt í hamsi um nokkur önnur mál en ástandið við Botn Miðjarðarhafs. Botninn í íslenskum fjölmiðlum er ekki lengur uppi í Borgarfirði.  

Sjaldan hefur RÚV sýnt sig sem eins ógeðslega áróðursmaskínu eins og morgun

Hlustið ef þið þorið. 


Hamas myrðir börnin

Hamas Child Molestors 

Barn sem var myrt í þjóðarmorði brjálæðinga Assads og íslamista á Sýrlandi þann 25. október sl, var myrt aftur þann 14. nóvember af Hamas á Gaza, vinum Össurar Skarphéðinssonar.

Þið einfeldningarnir í Samfylkingunni eruð meðsek, sama hvað fífl þið kjósið til leiða ykkur í blindni eftir næstu kosningar. Illa sjáandi meðreiðarsveinar Ögmundar og Steingríms J. taka einnig átt í dauðadansinum.

En hetjan sem gaf Hamas peninga EFTA og stuðning Íslendinga um daginn gerir kleift að svona barnamorð og þjóðarmorð geti átt sér stað. Hamas er morðsveit og barnaníðingar, og það eru meðreiðarsveinar þeirra einnig.

Hvenær farið þið til Sýrlands til að hindra þjóðarmorðin þar? Eruð þið of flækt í lygavefinn til að komast af stað?

Lesið þetta: http://honestreporting.com/gaza-child-killed-by-hamas/

581598_439461126100911_1307983052_n

og svo er 3-bíó frá Gaza fyrir Gísla Gunnarsson sagnfræðing sem telur Ísrael versta þjóðarmorðingja heimsins:


Svín og fávitar í Finnlandi

Þessi stuttmynd frá Finnlandi talar sinni eigin svínatungu. Myndin er reyndar hluti af samnorrænu verkefni.

Hvað ungum Finnum vill til með þessu ógeðfellda uppátæki, að grilla svínakjöt og bacon fyrir framan afganskan flóttamann sem er í hungurverkfalli fyrir framan finnska þinghúsið, veit ég ekki. Ef þetta er húmor, er hann sjúkur. Það er greinilega eitthvað að í finnsku samfélagi. Þetta minnir á frumstætt fólk á Íslandi sem segist ætla að grafa svín í grunn nýrrar mosku. Er ekki nóg móðgun, að slík svínmenni séu til?

Afganski flóttamaðurinn, sem er með glært augnaráð þess sem sveltur, nýtir sér hitann frá grilli svínanna, sem éta og drekka fyrir framan hungraðan manninn, sem berst fyrir tilverurétti sínum. Svo þegar pattaralegu finnsku drengirnir eru búnir að éta nægju sýna, brýst sýndarfýsn þeirra fram í ljósum logum og þeir fara að spúa eldi, berrassa sig og hlaupa nektarhlaup umhverfis þinghúsið sem ber hið fagra nafn Eduskunta.

Þetta er greinilega toppurinn á finnskri og Norðurlandamenningunni í dag. Finnland er víst ESB-land.


Heimildafölsun í skýrslu rannsóknarnefndar

Jóhannes Gunnarsson?Frehen

Í þeirri lýðskrumsumræðu sem nú fer fram um meint og sönnuð afbrot meðal lærðra kaþólikka á Íslandi, er sorglegt að sjá óvandaða fréttamennsku á RÚV. En að vissu leyti má skýra þennan fréttaflutning með ónákvæmum vinnubrögðum skýrsluhöfunda rannsóknarnefndarinnar.

Því er m.a. haldið fram, að meint fórnarlamb séra Georges, sem kölluð er A í skýrslunni og sem krefst nú skaðabóta, hafi orðið fyrir kynferðisofbeldi af hendi séra Georgs.

Því er haldið fram í skýrslunni, að faðir A hafi farið á fund Jóhannesar Gunnarssonar biskups og það apa fjölmiðlar eftir skýrslunni. Þetta er einfaldlega ekki rétt.

Í Fréttatímanum í júní 2011 hélt A því fram að faðir hennar hafi farið á fund Hinriks Frehens biskups. Ég benti á bloggi mín á, að það og annað í framburði A gæti ekki staðist. Þær upplýsingar fékk rannsóknarnefndin reyndar frá mér, af bloggum mínum (sjá hér  og hér og hér) en hefur ekki fyrir því að nefna það. Faðir A gæti ekki hafa farið á fund Frehens, því þegar Frehen kom til Íslands þá dvaldi A hjá fjölskyldu sinni í Ungverjalandi. Samt breytir nefndin athugasemdalaus Hinrik Frehen i Jóhannes Gunnarsson án nokkurra skýringa, nema því sem kemur fram á blaðsíðu 73. Hvers konar vinnubrögð eru það?

Á góðri íslensku er það kallað heimildafölsun.

Ég er kominn á þá skoðun að Hjördís Hákonardóttir og nefnd hennar hafi jafnvel valdið meiri skaða fyrir Kaþólsku kirkjuna á Íslandi en séra George. Sekt hans er ekki sönnuð, en forkastanleg vinnubrögð Hjördísar og félaga liggja fyrir svart á hvítu.

Mér gæti svo sem manna mest verið algjörlega sama um kaþólsku kirkjuna, en mér bíður við fólki sem matar skrílslega umræðu með óvönduðum vinnubrögðum.  Það er mínu mati einn versti glæpur sem hægt er að fremja.

Ef A hefur breytt fyrri framburð sínum, þá ber nefndinni auðvitað að nefna það sérstaklega, því það lýsir vitaskuld vandamáli fyrir trúverðugleika A.


Skýrsla rannsóknarnefndarinnar er klámhögg

641727

Ég hef fengið skýrslu rannsóknarnefndarinnar Kaþólsku kirkjunnar í hendur og er búinn að hraðlesa hluta hennar. Gagnstætt því sem ég bjóst við í eintómum hégóma mínum, þá hefur nefndin auðvitað engan áhuga haft á æskuminningum mínum og skrifum, þótt skrif mín hér á blogginu um málið staðfesti margt það sem kemur fram við nánari athugun á framburði sumra vitnanna, framburði sem stenst ekki nánari rannsókn, eða er ekki hægt að staðfesta.

Ég greindi fyrr í dag frá þeim grun mínum, að Jóhannes Gijsen fyrrv. biskup hefði orðið einhvers konar vitni í málinu. Það má teljast afar óeðlilegt, en greinilegt er þó að frásagnir Gijsens stangast á við minni annarra lærðra innan kaþólsku kirkjunnar.

Nefndin kemst svo að þessari niðurstöðu (bls. 108):

"Með vísan til alls ofangreinds verður rannsóknarnefndin að telja óvarlegt að álykta nokkuð um efni ásakana eða viðbrögð við þeim fyrr en kemur að árinu 1988".

Þetta er vissulega mjög viturleg og rökrétt niðurstaða, en verður aðeins að einhvers konar stílbragði. Henni er alls ekki fylgt sem skyldi. Hvert sinn sem því er haldið fram að yfirmenn Georgs hafi brugðist skyldu sinni, er vitaskuld gefið í skyn að ásökuninni sé trúað. Það er ekki það sama að telja sér óvarlegt að álykta um efni ásakananna eða viðbrögðin við þeim fyrir 1988.

Greinilegt er að eitthvað ósætti hefur verið innan nefndarinnar um ályktun. Því það er í raun er engin ályktun, heldur mikið af mótsögnum og skildir eru eftir lausir endar, sem er hægt að hnýta á ýmsan hátt, eftir því sem mönnum hentar. En uppi stendur áminning til stjórnenda kirkjunnar um eitthvað sem þeir tóku ekki á, þótt maður geti ekki sannað hvað það var. Þannig niðurstaða er  ekkert annað en klámhögg.

Ég sé strax að frásögn A (bls. 100), sem enginn getur farið villur vegu um hver er, stangast á við það sem "A", sem hélt því fram að hún hefði orðið fyrir barðinu á séra George, tjáði Fréttatímanum árið 2011. En í skýrslunni er ekki greint frá þeim hrópandi mótsögnum sem voru í frásögnum A í fjölmiðlum.

Skýrslan er einnig full af einkennilegum setningum og övönduðu máli, eins og t.d. á bls. 103:

Borið var á hinn bóginn að A hafi sagt séra Davíð Tencer frá ofbeldi af hálfu séra George árið 2007 þar sem hann var staddur í verslun.

Hvernig á maður að skilja þetta rugl? Var A að halda því fram að séra George hefði haft í frammi ofbeldi við sig í verslun árið 2007. Eða sagði A Davíð Tencer frá því árið 2007, að George hefði beitt sig ofbeldi, þegar A hitti Tencer í versluninni? Hvað á maður að halda? Las enginn þetta yfir? Í svo mikilvægum skýrslum verða menn að skrifa skiljanlegt mál.

Þessa skýrslu verður vitaskuld að endurrita, svo hún sé ekki ruglingslegt plagg á kjánalegu og illa ígrunduðu lagamáli. Öllu verður að lýsa faglega með heimildarýnisaðferðum, t.d. hvað stangast á í frásögn vitna, trúnaðarmanna og við það sem kemur fram í öðrum upplýsingum, til að mynda barna sem dvöldu í Riftúni, sumardvalarheimili Kaþólsku kirkjunnar, og svo og barna í Landakotsskóla.

Nú, þegar í ljós er komið, að vart stendur steinn yfir stein í frásögnum meintra þolanda frá því fyrir 1988, sem hægt er að álykta um á rökrænan og vitrænan hátt, að nöfn þessa fólks sem setti fram ásakanirnar er alveg eins hægt að birta eins og nöfn meintra gerenda.

En eitt er víst, sumir íslenskir fjölmiðlar eru þegar búnir að fella sinn dóm og einnig fjöldi manns sem ekki hefur lesið skýrsluna, en sem hatar kirkju og trú með svo miklum krafti, að hvaða áfellidómur sem er verður að vatni á hatursmyllu þess.

Lesið einnig færslu mína frá því fyrr í dag, sem ég kallaði "Kirkjunauðgun?"


Næsta síða »

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband