Svín og fávitar í Finnlandi

Þessi stuttmynd frá Finnlandi talar sinni eigin svínatungu. Myndin er reyndar hluti af samnorrænu verkefni.

Hvað ungum Finnum vill til með þessu ógeðfellda uppátæki, að grilla svínakjöt og bacon fyrir framan afganskan flóttamann sem er í hungurverkfalli fyrir framan finnska þinghúsið, veit ég ekki. Ef þetta er húmor, er hann sjúkur. Það er greinilega eitthvað að í finnsku samfélagi. Þetta minnir á frumstætt fólk á Íslandi sem segist ætla að grafa svín í grunn nýrrar mosku. Er ekki nóg móðgun, að slík svínmenni séu til?

Afganski flóttamaðurinn, sem er með glært augnaráð þess sem sveltur, nýtir sér hitann frá grilli svínanna, sem éta og drekka fyrir framan hungraðan manninn, sem berst fyrir tilverurétti sínum. Svo þegar pattaralegu finnsku drengirnir eru búnir að éta nægju sýna, brýst sýndarfýsn þeirra fram í ljósum logum og þeir fara að spúa eldi, berrassa sig og hlaupa nektarhlaup umhverfis þinghúsið sem ber hið fagra nafn Eduskunta.

Þetta er greinilega toppurinn á finnskri og Norðurlandamenningunni í dag. Finnland er víst ESB-land.

Athugasemdir

[Gunnar Hólmsteinn Ársælsson, 10.11.2012 kl. 19:53]

Hvað hefur þetta að gera með ESB? Ég bara spyr. ESB er ekki trygging gegn  því að fólk sé bæði fífl og fávitar.

En kannski eru þetta "sannir Finnar" ? Hvað veit ég. Hallærislegt og léleg augýsing fyrir Finnland, sem annars er frábært.

[Valdimar Samúelsson, 10.11.2012 kl. 20:56]

hvað er afganisti að frekjast til með að fara í hungurverkfall sem gestur í Finnlandi. Hér heimta þeir meira kaup og lifa eins og kóngar miðað við fólk í þeirra heimalandi.

[Jóhann (IP-tala skráð) 10.11.2012 kl. 22:04]

Síðuhöfundur hefur verið á framfæri ESB-lands um margra ára skeið.

Say no more, say no more.

[Valdimar Samúelsson, 10.11.2012 kl. 22:11]

bara svo síðuhöfundur viti það þá segja skýrslur Finnlands að þegar þeir gengu í ESB þá streymdu yfir 30.000 inn í landið og 11.000 af þeim voru afbrotamenn semsagt glæpum fjölgaði í Finnlandi eins og hér þótt við séu ekki enn í ESB.

[Valdimar Samúelsson, 10.11.2012 kl. 22:13]

Skildi vera hægt að vinna fyrir ESB með því að skrifa hve gott það væri að vera undir þeirra stjórn

[FORNLEIFUR, 11.11.2012 kl. 06:00]

Valdimar, Afganinn er að mótmæla því að það eigi að senda hann úr landi. Hann óttast um líf sitt, hann er kannski í hættu, en ungum, finnskum grísum er víst alveg sama um það og hvaða sögu hann kann að segja um líf sitt. Þetta eru víst vinstri menn sem eru með "gjörning" er mér sagt. Finnsk fyndni hefur alltaf verið mjög einkennileg, eða eigum við að segja sérstæð, eða kaldrifjuð?

Valdimar þú ert of dómharður og lest of mikið fasistaáróður. Venjulega er 80% þeirra sem leita hælis í öðrum löndum í sannarlegum vanda. GLæpavandanum ætla ég ekki að neita, en ef Finnar bjóða fólki inn sem fremur glæpi, þá er það á ábyrgð Finna, ekki satt?

Jóhann, þá er ég ekki til ama fyrir Jóhönnu Sig og velferðakerfi hennar á meðan. En nú er ég reyndar á framfæri konu minnar, sem þrælar allan daginn til að halda lífi í 4. manna fjölskyldu. Fæ enga vinnu sem doktor, því í Danaveldi vill maður aðeins hafa það ungt 35 ára og yngri og helst með ljósar fléttur.

Röðin kemur einn dag að þér Jói. Því þú ert örugglega hæfileikalaus tölvudeli. Það er orðið svo mikið af þeim, að þú ert í hættu. Þeir (sem græða mest) ná í betra og ódýrara fólk en þig á Indlandi. 

Hefurðu lært á harmónikku þá skal ég lána þér hatt og við getum spilað kvartett með sígaununum sem sparkað er úr fyrrv. kommúnistaparadísinni Rúmeníu og Grikkjanum sem á allt sitt undir Þýskalandi. Hitler horfir á að handan og klappar saman grísaskönkum sínum. Ætlunarverk hans er fullkomnað. 

[Jens Guð, 12.11.2012 kl. 00:27]

  Ég hef ekki oft fundið hvöt til að kvitta undir málflutning á þessari bloggsíðu.  Samt kíki ég stundum hingað inn og kann því vel að fylgjast með sjónarmiðum sem passa ekki við mín.  Það kemur alveg fyrir að ég verði fróðari um sitthvað eftir að hafa heimsótt þetta blogg.

   Nú kvitta ég undir þessa bloggfærslu.  Myndbandið sýnir lágkúru.  Þetta er ömurlegur húmor (jú, þetta virðist eiga að vera húmor).  

[Sleggjan og Hvellurinn, 13.11.2012 kl. 02:39]

lelegur humor, en varla tengt esb. skrifari veit betur.

[Sigurður Þórðarson, 13.11.2012 kl. 09:39]

Fullir delar.

[Sigurður Rósant, 15.11.2012 kl. 12:49]

Þetta eru nú bara ungir strákar. Strákapör, rétt eins og síðuhöfundur og margir aðrir stunda á ungdómsárum sínum. Sjá svo seinna að svona hegðun er ekkert til fyrirmyndar.

[Svanur Gísli Þorkelsson, 17.11.2012 kl. 00:52]

Tek undir með Jens Guð hér að ofan.