Leita í fréttum mbl.is

Bloggfærslur mánaðarins, október 2013

Saxi læknir á förum til Noregs

saxi-laeknir 

Það væsir ekki um læknastéttina á Íslandi. En alltaf þarf hún, flugmennirnir og flugumferðarstjórarnir, nágrannar hennar í Arnarnesinu og Garðabæ, að væla manna mest um kjör sín. Þetta eru sjálfskipaðir kóngar eymdarinnar á Íslands - þeir sem sökkva lægst þegar kreppan er mest.

það er þó engin ástæða til að skríða fyrir þessum iðnaðarmönnum, sem eru álíka grófir í hótunum og aðstoðargengi Vítisengla. Veikt fólk er tekið í gíslingu vegna græðgi og gíslatökumennirnir bera því við að "ástandið" á spítölum á Íslandi sé hræðilegt. Því trúi ég nú ekki fyrr en ég sé samanburð við ríki í sömu stöðu og Íslendingar.

Læknar hafa margir hverjir notið góðs af námslánum og launum meðfram námi sem annað langskólamenntað fólk fær aldrei. Því er furðulegt að sjá sérfræðinga í læknastétt, sem hlotið hafa menntun sína á kostnað íslenskra skattgreiðanda og þéna 25 millur á ári, hóta því opinberlega að flytja til útlanda vegna þess að þeir eru haldnir ólæknandi græðgi.

Stundum hvarflar það að manni, að framhaldsþáttur í fréttum RÚV um "ástandið" á spítölum landsins sé pólitískur áróður þar sem græðgi lækna er notuð til að herja á núverandi stjórnarmeirihluta sem er að reyna að láta enda ná saman. Lái mér það hver sá sem vill.

Í landinu langa, þangað sem aumingja landflótta læknarnir" sækja, eru miklu fleiri sjúklingar á göngunum og læknalaunin eru hlutfallslega lægri en á Íslandi.

Hjartalæknirinn sem kom fram á Stöð 2 í gær og greindi frá því án þess að roðna, að hann sé sama sem fluttur til Noregs til að vinna, gerir það vegna þess að þar getur hann fengið hærri laun en á Íslandi. Vitanlega. Hvar annars staðar í heiminum ætli það sé hægt? Hann ætti t.d. að sjá rúmin á göngunum á dönskum spítölum. Þar er ekki þörf á læknum. Þar fengi hann hann ekki 2.040.433 kr., en það voru laun mannsins á Íslandi árið 2010, ca. 92.000 Dkk. á mánuði (sjá hér). Það er sömu laun og tekjuhæstu heimilislæknarnir í Danmörku hafa og eru þeir meðal best launaðra læknar í Danaveldi.

Flestir norskir læknar fá reyndar ókeypis menntun í Danmörku, þar sem svo fáir eru teknir inn á læknadeildirnar í Noregi. Ætli það sé vegna þess að norska ríkið geti ekki borgað menntun þeirra vegna þess að allar olíukrónurnar fara í að ráða gráðuga lækna frá Íslandi?

Flóttalæknirinn sem var með 2 millur á mánuði árið 2010 skrifaði þetta árið 2011 í Læknablaðið:

Það er reynsla þeirra sem best þekkja til kjaraviðræðna að sjaldnast náist verulegur árangur án sérstakra aðgerða eða hótana um slíkt af hálfu launþega. Nú ber svo við að læknum á Íslandi fer óðum
fækkandi og menn sækja unnvörpum í betra vinnuumhverfi og kjör í nágrannalöndum. Okkur læknum ber skylda til að sporna gegn þessari þróun með því að reyna að bæta starfsumhverfi okkar hér. Slíkar umbætur munu ekki nást fram án þess að læknar séu tilbúnir sem sameinaður og samhentur hópur að grípa til sértækra aðgerða. Ekki er víst að tími gefist til slíks nú á þessu ári en ekki er ráð nema í tíma sé tekið. Með góðri undirbúningsvinnu gætu læknar horft fram á enn sterkari stöðu gagnvart samnningsaðilum sínum á næsta ári, sem vonir standa til að bjóði upp á hagfelldari efnahagsaðstæður en við nú búum við.

Látum bara þess mikilmennskubrjáluðu iðnaðarmenn flytja til Noregs öfganna og bjóðum hingað í staðinn góðum en minna gráðugum kollegum þeirra frá Austur-Evrópu, sem örugglega þykja kjörin prýðileg miðað við það sem er í boði heima hjá þeim.

Rich_Doctor_92100215

Ja, vi elsker dette landet

  

Nýr þjóðsöngur íslenskra lækna


Stökkbreytti Egill

Egill Eyjapeyi

Stökkbreytti Egill frá Folegandros sagði okkur um daginn frá því að hann hafði séð sígauna með ljóshært barn og taldi það einna helst finnskt og líklegast stolið (sjá hér). Þetta var í kjölfarið á því að "hvíta englinum" Maríu var bjargað frá vondri sígaunafjölskyldu á Grikklandi.

Eins og ég benti Agli og öðrum á (sjá einni hér), eru mismunandi stig af albínisma algeng meðal sígauna. Þetta ætti illa rauðhærður maður og stökkbreyttur að vita.

Nú er komið í ljós, að "ljóshærða" María í Larissa er vissulega sígauni. Hún er dóttir dökkrar konu í Búlgaríu, sem fæðir eintóm albinóabörn af mismunandi litaafbrigðum. Egill er mútant eins og "hvíti engillinn" María og systkin hennar í Búlgaríu.

703877

Systkini Maríu, eða ómagar á Íslandi?

Ásakanir um að sígaunar ræni börnum eru fordómaminni eins og sögur af gyðingum sem skera litla drengi á háls til að tappa úr þeim blóð til að nota í ósýrð brauð. Sú saga er reyndar nú afar vinsæl í löndum múslíma.

Egill er stökkbreyttur eins og margir á Íslandi. Margir Íslendingar eru einnig komnir af sveitaómögum sem deilt var á fjölskyldur. Það er nú kannski ekki mikill munur á Íslendingum og sígaunum og stundum fæ ég á tilfinninguna að Egill Helgason sé eins konar Gipsy King.

Líklegt þykir mér að landnámsmenn á Íslandi hafi verið einhvers konar sígaunar (Rjómafólk), og svo hafa endalausar stökkbreytingar og flöskuhálsar líklega orðið til þess að landið byggir nú ljós og rauðhært fólk.


Kínverski engillinn í Grafarvogi

Gunnar og Halldór skoða nýjan bíl

Lögreglan í Reykjavík handtók í gær íslenska foreldra í Grafarvogi og setti barn í þeirra fórum í fóstur. Barnið er drengur, heitir Gunnar og er 8 ára, og er lítill eftir aldri. Nágranna hjónanna var farið að gruna ýmislegt, því barn hjónanna, sem eru lítið fólk ("dvergar"), var alveg eins og ekta Kínverji í útliti. Ekki eins og Jónas Sen, heldur alvöru Kínverji, bara minni ("dvergur").

DNA rannsókn af sams konar tegund og notuð var í Grikklandi til að sýna að "Hvíti Engillinn", María litla Kristsdóttir, sem tekin var af vondum sígaunum (Rómafólki), bendir eindregið til þess að hjónin hafi rænt barninu og að drengurinn sé af ætt Kínverja og sé ekki lítil persóna (dvergur) eins og íslenskir "foreldrar" hans. Þetta er ný tegund erfðarannsókna, sem aðeins tekur eina nótt að framkvæma. Telst það mjög hentugt til alls fréttaflutnings (æsiblaðamennsku).

Lögreglan í Reykjavík bendir þó á, að barninu gæti hafa verið rænt fyrir Íslendingana í Kína. 500.000 foreldrar í Kína hafa haft samband við lögregluembættið og telja að Gunnar geti verið barn þeirra.  Rannsóknir á tönnum Gunnars litla leiddi í ljós, að hann væri kannski aðeins 6 ára að aldri og að hann borðaði of mikið af gotti.

Íbúar Grafarvogs telja að þetta sé liður í ofsóknum gegn sér.

Egill Helgason benti á á bloggi sínu í gær, að hann hafi á ferðum sínum um heiminn séð "einkennilega kínversk börn" í för með hvítu fólki, t.d. í Suður Frakklandi.

Lilja og Gunnar við Mustanginn

L. móðir Gunnars segir hann vera ekta Íslending, og að hann hafi mikinn áhuga á bílum og vilji helst ganga sem minnst.

Fjölskylda hjónanna sem alið hefur Gunnar upp, segja að Gunni hafi fengið pólitískt rétt, gott og andkristið uppeldi og haft allt af öllu, t.d. tvö IPöd og 50 fermetra herbergi. Þar fyrir utan er lítið Búddahof í stofunni.

Um leið og þessi sorglegu tíðindi berast úr Grafarvoginum, berast fréttir af því að drengur á 8. ári í Zimbabwe hafi gengið með stolin, blá augu í nokkur ár. Augun hafa umsvifalaust verið tekin úr honum og 8400 foreldrar í Bandaríkjunum telja að þetta séu bláu augun úr börnunum þeirra. Danskur þróunarhjálparstarfsmaður telur hins vegar öruggt að drengurinn hafi augun sín. (Sjá hér)

Við lifum svo sannarlega á tímum umburðarlyndis.

Zimbawbe

Íslendingar eru of bláeygir


Dagur B. Eggertsson á Google Earth

Kokkurinn 

Ég hef eins og allir aðrir Íslendingar, sem þykir sæmilega vænt um landið sitt, verið á fullu á Google Jörð eftir að opnað var fyrir Strætaskimið.

Kokkinum á Óðinsvéum finnst mjög vegið að persónulegu einkarými sínu. Er hann var að panta tíma hjá tannlækni í sumar, ók googlebíllinn framhjá og smellti af kokki þessari mynd, þar sem greinilega sést að hann var svo að segja með höndina upp í munni af eintómum verkjum. Svona spreðast kokkarnir.

Dagur með bala

Skammt undan var dr. Dagur sem segir aldrei nei við góðu fótóopportúnitíi og hefur líklega beðið eftir Googlebílnum. Hér er hann að bera balann inn eftir að hafa kastað vatninu. Þetta var greinilega ekki dagur Dags. Hann hefur verið klesstur í framan og hefur kært það til Google. Dagur er greinilega líka búinn að setja rusl út á götu í von um að það verði hirt. Gnarr er búinn að setja á of há gjöld. Smellið á myndirnar til að sjá þær stærri.

Héðinn

Héðinn slör

Héðinn var lengi vel talinn hættulegur maður, og er víst enn. Einhver verður að segja Google að þetta er ekki stytta af barnaníðingnum á Hringbrautinni sem heldur á gotti í poka.

Where women find a real man in Reykjavík

Þegar erlendar konur koma til Íslands vita þær greinilega vel hvar hægt er að finna sætan gæja.

Ljótasti maðurinn á Íslandi

Þessi slapp við slikjuna þótt hann sé ljótasti maður landsins. Merki bankans sem hann auglýsir fyrir er aftur á móti talið banhættulegt, og er líklega enn á hryðjuverkalistanum.


Radioaktivit Nunaat

Radioaktivit Nunaat 

Landsþingsformaðurinn Aleqa Hammond á Grænlandi, sem er krati, stelur heldur betur senunni á Stórráðstefnunni um gæði og galla heimshitnunar (Arctic Circle), sem nú er haldin í skuldsettu Hörpunni í Reykjavík. Grænlenska útvarpið kallar tölu hennar ekkert minna en atómbombu. Aðrir stjórnmálamenn á Grænlandi saka hana um ólýðræðislega tilburði.

Hún lýsir því heldur stórmannalega yfir í Reykjavík í ræðu og í viðtali við RÚV, að þess megi vænta að Grænland sé á leiðinni að verða eitt af 6 stærstu útflutningsþjóðum á úrani. Hún valtar yfir skýrslu sem unnin var sameiginlega af Dönum og Grænlendingum og sem nýlega birtist, þar sem mælt er með varúð og samstarfi þjóðanna. Umræðunni um málið er ekki einu sinni lokið í grænlenska Landsþinginu.

Danir sjá samkvæmt gildandi samningum á milli ríkjanna um öryggismál Grænlands, en það ætlar Hammond að valta yfir (líklegast vegna þess að Gucci-kratinn Thorning-Schmidt sem stjórnar í Danmörku bauð henni ekki með á einhverja toppráðstefnu nýlega). Ef vinnsla úrans flokkast undir eitthvað, er það öryggi, og slíkt öryggi getur Grænland ekki boðið upp á. Hættunni er boðið heim með hryðjuverkaliði og ríkjum í heimsyfirráðahugleiðingum. Enga trú hef ég að Orgelið sem stýrir Grænlandi hafi nokkra burði til að valda úranvinnslu á sómasamlegan hátt. Hún hefur gerst svo fræg að hlaupa hænufull frá leigubílareikningi í Nuuk. Stællinn og reisnin á grænlenskum stjórnmálamönnum hefur ekki aukist við þetta upphlaup Hammonds, nema að síður sé.

Kratar á Grænlandi virðast vera haldnir sama krankleika og kratar á Íslandi, Þar sem menn liggja kylliflatir fyrir fyrsta gylliboðinu sem kemur frá einhverjum Kínverjum, og geta ekki ímyndað sér að aðrir en gráðugir Þjóðverjar geti byggt mikilvæga höfn í Finnafirði til að sinna siglingum um bráðið pólsvæðið í framtíðinni.

Það öryggi, sem þarf við úranframleiðslu, hefur Grænland ekki upp á að bjóða. Best væri að slíkt færi fram í samráði við "Móðurveldið" Danmörku, sem þrátt fyrir margt slæmt hefur reynst Grænlendingum vel. Ekki er einu sinnitil  kajaklið í grænlensku lögreglunni sem tilbúið er að skutla hryðjuverkamenn sem hugsanlega reyna að ná sér í illa varið úran á bar fyrir dauðadrukkna stjórnmálamenn í Nuuk. Svo hefur hún verið dæmd fyrir fjársvik .

Ef Grænlendingar halda að þeir græði fljótt og vel á samskiptum við gráðug stórfyrirtæki, og t.d. Kínverska ofurveldið sem nú er þegar farið heimta hóruhús á Grænlandi, þá skjátlast þeim. Þeir þurfa ekki annað en að líta til Afríku, þar sem allur gróði að námuvinnslu Kínverja rennur beint í vasa þeirra og íbúar landanna sem áttu öll "auðæfin" setja eftir sem þrælar með  mengun, menningarvandamál og aðrar meinsemdir.

Íslendingar eiga að mótmæla þessu upphlaupi græðgiskrataættarveldisins á Grænlandi. Ísland er orðið að smáríki í skugga atómveldisins Grænlands.


Björgunarafrek ársins

Komdu Kisa mín

 

Mikið hlýnaði kattarlausum kattakarli eins og mér hér í morgunsárið, þegar ég horfði á útrunnar RÚV-fréttir gærdagsins. Þær voru enn vel ætar og sérstaklega vegna björgunar persneska innflytjandakattarins Hnoðra á Urðarstíg, sem skyggði alveg á þau 17.000 störf sem Little Iceland ætlar að skapa á næstu árum.

Þarna sameinaðist íslenskur mannkærleikur og annáluð vinsemd Íslendinga við alla þá sem erlendir eru og í nauð staddir. Að sjá bráðalækna, slökkviliðsmenn og löggur bogra yfir Hnoðra var á við 4-5 þætti af Bráðamóttökunni. Tár kreistist út úr þurrum hvörmum. Óttar Sveinsson mun örugglega skrifa bók um þetta afrek.

Þeir sem stóðu að björgun Hnoðra á Urðarstíg hafa svo sannarlega gert sig sigurstranglega í keppninni um björgunarverðlaun ársins 2013. Ef þetta hefði gerst fyrir, segjum 20 árum, þá hefði brunaliðið bara hent kettinum í öskutunnuna.

Ég óska Hnoðra góðs bata í batnandi heimi og foreldrum hans alls hins besta í að koma húsinu í lag. Það er algjör perla.

Nú vona ég að Mali, bloggköttur Sigurðar Þórs veðurskálds, hafi horft á fréttir. Harðlyndi hans gegn smærri dýrum gæti læknast við að sjá svona góðmennsku við lítil dýr.


Hættur að blogga

1000000 close
 

Nú áðan náði ég loks, eftir margra ára streð og fleiri þúsund málvillur, takmarkinu: 1000.000 flettingum á Moggablogginu án nokkurra bellibragða.

Ég hafði auðvitað búist við upphringingu frá Davíð Oddssyni og ferð fyrir okkur tvo til Lundúna. Ég hef skrifað hlutfallslega minna og sjaldnar en Páll Vilhjálmsson með sína metflettingu og aldrei um landvernd og fossa eins og Ómar Ragnarsson. Nei, á Íslandi eru kjör bloggara ein þau verstu í heiminum.

Ég ætla að hætta og fara til Noregs með læknunum, og þá munu menn sjá hve mikilvægt þetta skrafl var þegar pólskir bloggarar koma í staðinn. Það er ekkert þakklæti fyrir það sem maður gerir á þessu volaða landi.Tounge


Heppinn er ég

Lea mindre verssion 2 S 2013 small

Stundum verður karli eins og mér, atvinnulausum og illa gerðum, ljótum með sælgætisístru og skalla ljóst hve heppinn ég er.

Ég á fallega konu og greinda, sem enn lítur við mér og elskar, og er með mig og tvö önnur börn á framfæri, sem eru einkar vel gefin og góð við mig. Hvers getur maður óskað sér meir hér í lífinu?

Já, stundum verður maður líka að vera með prívatið á útopnunni og skrifa eitt og eitt "ég um mig frá mér til mín blogg" eins og sumir gera flestum til leiðinda. Ég ætla þó ekki að segja ykkur frá kökunni sem ég bakaði um daginn og hvaða balsam ég nota.

Þetta er hún Lea mín hér fyrir ofan og hann Rúben hér fyrir neðan. Ég er stoltur faðir.

Ruben2

Stundin Okkar

Gonzo

Stundin okkar verður ekki svipur hjá sjón þegar hún birtist í nýju formi í dag.

Af fréttum Sjónvarps í gær mátti ljóst þykja, að þetta verður allt saman samansullað og stolið úr bandarískum frumleika, Sessamy Street (Sesamstræti) og Muppet Show (Prúðuleikurunum), fyrir utan einhverja sjálfsmeðaumkvun umsjónarmannsins, sem leyfir okkur að sjá hvernig hann hélt vinnu sinni á stofnun, þar sem menn ættu ekki að halda að það sé sjálfgefið að menn fái annan sjens ef brandararnir eru slappir og í samræmi við lélegan húmor fyrrverandi ríkisstjórnar.

Þess vegna hefur líklega verið talið hentugast að sækja í smiðju öruggra fyrirmynda sem höfða til skopskins fólks sem dreymir um dollara og evrur. Enginn hlær lengur að krónubröndurum. Danskir fimmaurabrandarar duga þó enn, enda 21,9 sinnum betri en þeir íslensku.

 Hvað finnst þér Villi

Hvað finnst þér Villi?

Ljóst er að Fúsi heitinn flakkari og Krummi muni snúa sér við í gröfinni. Stundin okkar er ekki þjóðleg lengur. Á kannski að fara að gera grín að þjóðdönsum og tala vel um land og þjóð?

Sem fyrrverandi smástirni í spurningarkeppni í Stundinni Okkar, sem sá mikli heiðursmaður Pálmi heitinn Pétursson stjórnaði fyrir 43 árum, leyfi ég mér að vona að sú kynslóð sem nú er er meðtækilegust fyrir Stundinni Okkar, þ.e. Samfylkingin, VG og börnin, verði ekki með ævilanga fordóma gegn fólki með stór nef, sem sprengt er í loft upp. Það er einfaldlega of nærri veruleikanum. En slíkur frumleiki er líka með í "nýrri" Stundinni Okkar.

Ég sá líka að sænski kokkurinn, eða frændi hans, hefur greinilega fengið annan sjens í Stundinni Okkar. Hann er að minnsta kosti skemmtilegri en Hringekjan og fréttirnar. 

Húmanisminn er augsjáanlega alveg að fara með menn á RÚV.

Sænski kokkurinn


Forhúðin sameinar menn í hatrinu

Ömmi Bormann
 

Það virðist sem Marlene Rupprecht, þýskum krata og hópi sósíalista, þar á meðal Ögmundi Jónassyni, sem situr og borar í nefið í heilbrigðismálanefnd Evrópuráðsþingsins (Council of Europe), ætli að takast það sem Hitler tókst ekki: Að útrýma gyðingum og Gyðingdómi í Evrópu. Það gera sósíalistar og aðrir með því að hvetja til banns á umskurn drengja. Umskurn drengja er siður mikilvægur gyðingum og múslímum og mikilvægur hluti trúarbragða þeirra.

Germany_Jewish_Life_787648a
 
khatna_circumcision

Gyðingar eru umskurðir á áttunda degi frá fæðingu nema eitthvað leyfi það ekki, en múslímar eru umskurðir á annan hátt og hafa sumar umskurnarvenjur þeirra farið í taugarnar á mönnum, þótt framgangur umskurna í flestum löndum Evrópu séu undir góðu eftirliti lækna og ekkert í líkingu við fjöldaumskurn þá sem sést hér á myndinni. Myndin neðst er oft notuð af þeim sem vilja banna umskurn, enda ekki beint kræsileg. Notkun áróðursmynda í umræðunni um umskurn drengja er mjög frumstæð og hatursfull. Ef ekki er sýnd agúrka eða gulrætur sem skornar eru með risavöxnum hnífi, er nef- og fingralausi maðurinn settur á forsíðuna:

Circumcision

 

Rupprecht
Sjá umræðuna í Evrópuráðsþinginu hér Þarna er með þvi að klikka video debate hægt að sjá Ögmund bora í nefið.
 

Kratar í Evrópuráðsþinginu vilja láta banna umskurn drengja. Það er kaldhæðni örlaganna að þessari stóru, þýsku konu, Marlene Rupprecht, sé svo umhugað um typpi þeirra þjóðar sem þýska þjóðin var nærri búin að útrýma. Hún ber sama ættarnafn og einn ógeðslegasti teiknari nasistaritsins Der Stürmer, Philipp Rupprecht. Það er líklega algjör tilviljun, en nafnið vekur ekki góðar minningar. 

Kratar eru ekkert ósvipaðir nasistum þegar að áhuga á typpum múslíma og gyðinga kemur. Það er vissulega skrítið fólkið blandar þessum typpaáhuga sínum við mannréttindi. T.d. mannréttindafrömuðurinn Ögmundur Jónasson. Hann er nýlega búinn að leyfa moskur á Íslandi, eins og vera ber, en nú vill hann banna trú og siði þeirra sem moskurnar reisa. Er ekki töluverður tvískinngungur í því, Ömmi minn? Ekki nema von að þú hafir verið sauðalegur og boraðir í nebbann þarna undir umræðinni og góðum rökum tyrknesks fulltrúa í Evrópuráðsþinginu. Er ekkert annað að gera fyrir íslenskan þingmann en að sitja í Salzburg og rugla um forhúð annarra. 

Það furðulega gerist, þegar að umræðu um umskurn typpa kemur, að örgustu nasistar, kratar, vinstri menn, mannréttindafrömuður, barnaníðingar og barnaverndarfólk sameinast allir ósk sinni um að vernda forhúðina á drengbörnum. Vitaskuld er áhuginn á þessari forhúðarvernd mismunandi. Nasistar vilja gyðinga og múslíma einfaldlega í burtu og því fagna því öllu sem skerðir trú þeirra og tilverurétt. þeir eru þegar búnir að gera Rupprecht að frelsishetju. 

 

Þáttur umboðsmanna barna á Norðurlöndum og heimildafölsun fréttastofu RÚV

Umboðsmenn barna á Norðurlöndunum voru reyndar á undan Frau Ruppbrecht úr Svartaskógi til að samþykkja bann við umskurn drengja. Þó svo að engin lög banni umskurn á Íslandi, vill umboðsmaður barna á Íslandi banna umskurð og bendir á ákvörðun norrænu umboðsmannanna sé komin til vegna fyrirspurnar frá 16 ára pilti á Íslandi. Sjá hér . Fyrirspurnin er ónafngreind.  "Drengurinn" skrifar:  

Umskurn drengja

Mega foreldrar á Íslandi ákveða þegar maður er lítið barn og hefur ekkert vit að umskera mann?  Hvað svo ef manni líka það ekki þegar maður er eldri? Mega foreldrar neyða mann í óþarfa lýtaaðgerð þegar maður hefur ekki aldur né vitsmuni til að neita því? 

En hlustið svo á umsögn RÚV (hér) og sjáið og sannreynið, að annað hvort er RÚV að skreyta fréttina, eða að umboðsmaður barna hefur sagt rangt frá. "Drengurinn" ónafngreindi spyr ekki hvort það hafi verið rétt af foreldrum hans að umskera hann sem lítinn. Það kemur ekkert fram í fyrirspurninni á vef umboðsmannsins sem sýnir að "drengurinn" hafi verið umskorinn. RÚV setti smá "forhúð" á fréttina til að mata hana ofan í þjóðina. Meðalið þjónar tilganginum. RÚV falsar fréttir. Það er ekkert nýtt og mætti vel skera burtu sum apparötin á fréttastofu þeirrar stofnunar, sem eru algjörlega til óþurftar.

Auðvitað er ég ekki vafa um að sú gamla stofnun RÚV hafi hér enn og aftur sýnt hæfileikleysi sitt til að koma sannleikanum til skila. Ég geri mér líka grein fyrir því að Umboðsmaður barna leggur tillögu sína fram með hagsmuni barna fyrir brjósti. En í þessu tilviki er ljóst að umræða um mosku í Reykjavík verður vitanlega spyrt umræðu um "grimmd" við umskurn barna. Umræðan er á það lágu stigi. Umskurn barna múslíma og gyðinga á Íslandi má ekki banna.

 

Reðurfræðingar Íslands 

Múslímahatararnir sem "elska gyðinga" eru að sjálfsögðu í vanda með að velja nú "á síðustu tímum heilögum". Eða eiga gyðingar nú að gefa upp umskurn fyrir "vináttuna" sannkristinna við þá?  Nei, takk! Slík vinátta er fals.

Um daginn var íslenskur læknir, Guðmundur Pálsson, með athugasemd á facebook sinni um tillögu við bann við umskurn í Svíþjóð, sem er runnin undan sömu rót og bann það sem menn vilja fá á Íslandi. Þar sem hann er læknir tjáði hann sig af þekkingu og skynsemi og gagnrýnir ríkisafskipti Svía. Á facebook Guðmundar komu auðvitað í heimsókn mestu mannvinir heims, kratar og aðrir sérleyfishafar á sannleika og ást, og gerðust mjög reðurfróðir. En meirihluti athugasemda var frá þenkjandi fólki. Meðal þeirra var Gísli Gunnarsson sagnfræðingur. Gísli er greinilega frekar reðurglöggur. Í athugasemd við mann sem vill láta banna umskurð segir Gísli: Umskurður karla, fjarlæging húðsepa, er allt annað en fjarlæging líffæris. Ekki voga þér að bera þennan fornegypska sið að skemma kynfæri kvenna við sakleysalega húðaðgerð. Ég lét gera það á mér rúmlega fimmtugum og sé eftir að hafa ekki gert það um tvítugt. Líklegast hefur Gísli verið að pínast með of þröngan kraga alla ævi sína. Menn sem slíkt gera geta ekki alltaf notið kynlífs sem skyldi. Gísli Gunnarsson og aðrir benda á hve óheppilegt og ranglátt það sé að líkja umskurn drengja við umskurn telpna. Þarna talar skynsemin. 

Þegar typpin lengjast á mannskepnunni og forhúðin ekki með, munum við sjá aukinn vanda af þröngri forhúð. Typpin á Grikkjum í dag eru ekki eins og litlu krílin sem ólympíumeistarar fornaldar strípluðust með. Þess vegna væri umskurn ágætis lausn um allan heim, nema kannski á Íslandi þar sem typpin eru enn flest lítil og afar hrædd undir feldinum.

Klassík

Viktoría drottning Breta trúði því að hún ætti ættir að rekja til Davíðs konungs, líkt og Jesús, svo hún fyrirskipaði að allir karlar ættar sinnar yrðu umskornir. Þannig er Karl prins og allir bræður hans húfulausir og umskornir af rabbína. Hins vegar hafa synir Karls fengið að halda rúllukraganaum vegna séróska Lady Di, sem ekki var af Davíðs ætt, en þó frekar ólm í karlmenn sem ekki höfðu háan kraga á honum litla sínum. Hún var reyndar með einum slíkum í bíl þegar hún ók yfir móðuna miklu. Segið svo ekki að þeir séu ekki vinsælir, þeir sem klæddir hafa verið úr skinnvestinu.

Það minnsta sem menn geta verið, þegar þeir eru að tjá sig um umskurn, er að vera umskornir sjálfir. Hinum kemur það einfaldlega alls ekkert við. Þeir eru í öðrum flokki og geta rætt hnakkaostarækt og kyrkingarforhúð án þess að við, sem lausir erum við kragann, skiptum okkur af því. Börn gyðinga og múslíma eru þeirra ábyrgð en ekki á ábyrgð einhverrar boldangskerlingar úr Svartaskógi og fyrrv. BSRB formanns úr Reykjavík. Frau Rupprecht ætti frekar að hafa framsögu um offituvandamálið sem hún er greinilega efniskenndur umboðsmaður fyrir. Ég legg til að svínakjöt, bjór og Oktoberfest verði bönnuð nú þegar í Evrópu!

Ég vildi leggja hér við mynd af besefanum á sjálfum mér til að sýna ykkur að umskurn hefur farið fram á Íslendingi með ágætum árangri, en eins og þið vitið ætti ég enga framtíð fyrir mér í bandarískum stjórnmálum ef ég setti slíka mynd út á öldur ljósvakans. Ég vill heldur ekki gleðja snót og guma of mikið þegar maður fær ekki einu sinni borgað fyrir þessi ritstörf til varnar umskurn. Farið á www. Þar er víst allt fullt af umskornum typpum af öllum gerðum og þeim sem enn hafa kjötrönd. Önnur líffæri eru þarna líka og er mikil eftirspurn. Látið ekki hatrið og fordómana í umræðunni um umskurn villa ykkur sýn og notið líffærið á milli eyrnanna. 

 Doctor Dick

Þessi læknir neitar að umskera eða aðstoða við umskurn, og brýtur með því lög. Þeir foreldrar sem hann neitar að aðstoða eiga umsvifalaust að kæra hann til yfirvalda.

 

Bið ég menn að varast að brjóta gein 233a í hegningarlögunum í athugasemdum við þessa færslu. Engin lög banna umskurn á Íslandi og meðan að einn forstöðumaður Barnspítala Hringsins, Þráinn Rósmundsson, leikur Guð og bannar umskurn, þá er illt í efni. Er Þráinn meðvitaður um að fylgismenn einna þeirra trúarbragða sem framkvæma umskurn á drengjum, eiga sín á meðal hlutfallslega flesta lækna sem hlotið hafa nóbelsverðlaun í lækningum? Þráinn Rósmundsson brýtur lög ef hann ætlar að banna að framkvæma umskurð á barnaspítala Hringsins. En ef karlinn þráast við og brýtur lög, eru sem betur fer til læknar á læknastofum "út í bæ", sem hjálpa við framkvæmd umskurna múslíma. Sá trúarlegi þáttur, sem sjálfsagt er að læknar hjálpi við, er ekki neitt sem kemur 16 ára strák sem skrifar til umboðsmanns barna, frekar en Ögmundi Jónassyni við. Ef Þráinn Rósmundsson hefur látið banna umskurnir í tvö ár, hefur hann brotið lög í tvö ár.


Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband