Leita í fréttum mbl.is

Bloggfærslur mánaðarins, mars 2009

Ómar sýknaður af öllum ákærum

Don't Bashir Omar

Omar al Beshir, forseti Súdan, er eftirlýstur þjóðarmorðingi. En Arabaríkin eru nú ekki alveg sammála. Í þeirra augum er hann mikil hetja og þeir lýsa nú einróma stuðningi við hann á leiðtogafundi Arababandalagsins í Qatar. Al Jazeera talar um meint þjóðarmorð í Darfúr.

Ribbaldar, morðingjar, þrælahaldarar, kúgarar, hryðjuverkahöfðingjar og einræðisherrar Arabaríkjanna lýsa stuðningi við eftirlýstan þjóðarmorðingja og það í nafni Allah hins almáttuga. Hvað ætli þessi söfnuður, sem aflóga vinstri menn á Vesturlöndum styðja og jafnvel dýrka, hafi ályktað á fundi sínum um Ísrael sem berst fyrir lífi sínu, umkringt af þessum ríkjum sem leggja blessun sína yfir þjóðarmorðið í Darfúr-héraði.  

Ólafur Ragnar Grímsson og Össur Skarphéðinsson voru á síðasta ári í Qatar. Þeir eru kannski líka tilbúnir að styðja við bakið á Ómari al Bashir og þjóðarmorðum hans?  Ég tel þetta eðlilega spurningu í ljósi þess að þeir Qatarfarar hafa ásamt samflokksmönnum sínum fordæmt Ísrael í tíma og ótíma. En þeir munu örugglega þegja þunni hljóði nú.

Þess má geta að íslenskt flugfélag flýgur með þegna Súdan í pílagrímaflug til Mekka, þar sem syndarar fá aflausn. Flýgur íslenskt flugfélga hugsanlega með þjóðarmorðingja?


mbl.is Arabaríkin styðja al-Beshir
Tilkynna um óviðeigandi tengingu við frétt

Litla býflugan Joly

Merci Joly

Ég sá einhvern spaugarann líkja Joly við dugmikla býflugu. Líklega vegna bolsins sem hún var í á blaðamannafundinum í gær.

Býflugan fær 1,3 milljónir á mánuði í hunangskrukkuna fyrir að úðra 4 daga á mánuði í blómalausri auðninni á Íslandi og heildarkostnaður við þessa drottningarflugu verður ekki meiri né minni en 70 milljónir í ár ?? Honey! Það kallar maður aukakostnað. Fær hún frían kavíar og geitaost í gámum?

Eða eru mismunurinn laun/heildarkostnaður = 58 milljónir bara vasapeningar? Vonandi fær hún nóga heimavinnu með sér, stakka af pappír jafn háa Eiffelturninum og íslenskan garçon eða babsette, sem geta hjálpað henni að þýða allan ósómann, þar sem hún hefur það huggulegt við arininn í býkúpunni í Paris við að kafa í skít íslenska glæpagengisins og allra fíklana og gammana sem voru á spenum þess ferlíkis. Segið mér ekki að það lið eigi að sleppa, meðan Siggi Einars og svoleiðis karakterar verði settir í dýflissu?

Dómarar í Frakklandi eru þekktir fyrir að kasta ekki til höndunum. Þeir dæmdu hann Alfred Dreyfus hér um árið og sjálf hefur Joly verið að lögsækja einhvern Philippe Cohen, sem varð á að segja hana gráðuga, háværa og fjölmiðlasækna fiskiflugu.

C'est la vie Joly! Það eru ekki allir auðtrúa á Íslandi.


And so what ?

Turkey's opinion

Múslímum er illa við Anders Fogh Rasmussen.

Hafa múslímar tölu yfir þá sem illa er við þá sjálfa?

Turk megalomani
 
mbl.is Múslimum illa við Anders Fogh
Tilkynna um óviðeigandi tengingu við frétt

Sögur af Gaza og gasalegar frásagnir

Corporal Adi Rodnitzki

Nú er komið í ljós, að Hamas lætur smygla vopnum alla leið frá Súdan til baráttu sinnar gegn palestínsku þjóðinni og Ísraelsríki.

Súdan á örugglega stórt umframvopnabúr, nú þegar þeir eru búnir að útrýma mestum hluta íbúa Darfúr. Nú er hægt að fara með vopnin úr einu þjóðarmorðinu í annað, sem reyndar er fyrst og fremst þjóðarsjálfsmorð.

Reyndar tókst vopnasmyglið frá Súdan ekki núna síðast. En skálmöldin á Gaza er sönnun þess að það hefur hugsanlega tekist bærilega vel áður.

Nú er einnig komið á daginn, að Ísraelskir hermenn stunduðu ekki bara hræðilegu stríðsglæpi þegar þeir voru að myrða 18 ára gömul börn, grá fyrir vopnum, í Gaza. Palestínumenn skilgreina nefnilega alla sem börn, séu þeir undir 18 ára aldri. Þess vegna eru tölur þeirra yfir fallin börn í hinu hræðilega stríði Hamas svo gasalega háar. 

Listi yfir fallna Gazverja, sem kollega Ögmundar Jónassonar í Gaza sendi frá sér, inniheldur þess vegna óvenjumörg börn, og jafnvel nokkur vel yfir 18 ára aldri. Tawfiq Ja'abari, lögregluforingi hjá Hamas og Mohammed Shakshak, aðstoðarmaður yfirmanns vopnaðs vængs Hamas, eru báðir skilgreindir sem dauð börn á lista Palestínumanna. Þeir voru kannski ekki nein baby, miklu frekar hættulega barnalegir, en blessuð sé minning þeirra. Gott að þeir hafa líka orðið að gangi sem framliðnir.

Ég nenni ekki að birta myndir af barnalegum ásjónum þeirra Tawfiqs og Mohammeds heitinna, svo þið fáið í staðinn hina 20 ára Miss Ísrael, korporál Adi Rodnitzki, sem er varaliði í ísraelska flotanum. Hún er nú líka algjört babe, þótt hún sé orðin 20 vetra. Hún er kannski leynivopn Ísraelsflota, meiriháttar sexbomba?


Ráðist á gyðingabörn í Reykjavík

3til4ára
 

Borgarleikhúsið styður Gaza með því að leika leikritið Sjö Gyðingabörn, leikrit sem breskir gyðingar og margir aðrir telja andgyðinglegt. Leikritið á að lýsa sögu Ísraelsríkis. Sem sögulegt verk er það hrein sögufölsun.

Leikritið, sem tekur tæpar 10 mínútur í flutningi, er eftir Charyl Churchill, sem lengi hefur  verið yfirlýstur stuðningsmaður öfgastefnu Palestínumanna, stefnu sem hefur komið niður á saklausum börnum í Ísrael  jafnt sem á saklausum börnum Palestínumanna.  

Leikritið var fyrst flutt í Royal Court Theater i London í janúar og febrúar. Nú er þessi einhliða óhróður kominn á svið Borgarleikhússins og verkið er notað til söfnunar fyrir bágstadda á Gaza.

En hvað hjálpar þetta litla haturstykki lostafulls leikritaskálds Palestínumönnum? Ekki neitt. Eins og einn breskur leiklistagagnrýnandi skrifaði:

Seven Jewish Children isn't art, it's straitjacketed political orthodoxy. No surprises, no challenges, no risks. Only the enclosed, fetid, smug, self-congratulating and entirely irrelevant little world of contemporary political theatre. Fresh air is urgently needed. But I'm not holding my breath.

Meanwhile, donating to Medical Aid for Palestinians seems a good idea. I just hope the supplies get through. Two weeks ago, the UN suspended all food aid to Gaza after 10 lorryloads of supplies, 3,500 blankets and 400 food boxes were stolen at gunpoint. By Hamas.

BBC hafnaði að flytja leikþáttinn í útvarpi fyrir skömmu, en BBC kallar ekki allt ömmu sína þegar kemur að því að halla á málstað Ísraels. Í þessu tilviki þótti mönnum þar á bæ samt nóg komið En í litlu Reykjavík lepja menn vitleysuna upp og þykir bara fínt og menningarlegt að sparka í eina lýðræðisríkið í Miðausturlöndum.

Væri ekki nær væri að sýna leikrit um harmleikinn á Íslandi. Harmleikinn um þjóðina, sem lætur útrásarliðið og stjórnmálamenn gabba sig aftur og aftur og aftur og aftur... Það hljómar jafnvel eins og góður farsi.

Myndin að ofan: Fáein fórnarlömb Hamas. Myndin hér fyrir neðan: Það sem menn styðja í Borgarleikhúsinu.

pal-child-abuse-15
Búmm manni!

Joly alveg að koma

 

Nú hlýtur að verða fjörugt hjá sérstaka saksóknaraembættinu. Ég leyfi Sylvie Joly að túlka Joly lögmann. Maður þarf ekki að skilja mikið í frönsku til að skemmta sér. Þó maður eigi ekki handhægan frankófón á heimili sínu, má alveg horfa á þetta og túlka þetta sem þátt um Joly Paragraf sérstakan ráðgjafa rannsóknaréttarins yfir íslensku útrásarsvínunum.

Ég heyrði að menn voru að velta því fyrir sér að bjóða Joly út að borða á Þremur Frökkum. Hvað væri hægt að gefa Joly að borða? Ég mæli með makríl sem talar norsku. Það er réttur dagsins í Seðlabankanum, og jafnvel hjá ríkisstjórninni. Makríll með Joly Cola. Kjempefint, Tres bien!


Púðurtunna í Menntamálaráðuneytinu

kata2
 

Nú ræður Katrín Jakobsdóttir ríkjum í Menntamálaráðuneytinu. 9. janúar sl. skrifaði Katrín blogg sem hún kallar Börnum Slátrað  og fjallaði bloggið vitaskuld um Gaza, það svæði sem Vinstri Grænir taka jafnvel fram yfir Ísland í aðgerðaráætlunum á krepputímum.

Þar segist Menntamálaráðherrann núverandi vitna í skýrslu Human Rights Watch . En kann Katrín að vitna rétt í heimildir? Svo virðist ekki vera:

Katrín skrifar:

En ef horft er t.d. á eldflaugaárásir kemur fram í skýrslu Human Rights Watch-samtakanna að árið 2007 skaut Ísrael 14.617 eldflaugum yfir á Gasasvæðið. Á sama tíma var 2.700 flaugum skotið inn í Ísrael. Þessar tölur sýna auðvitað að svæðið er púðurtunna.

En í afar umdeildri og mikið gagnrýndri skýrslu Human Rights Watch, stendur m.a. þetta :

From September 2005 through May 2007, Palestinian armed groups fired almost 2,700 rockets into Israel, killing 4 Israeli civilians, and injuring 75 civilians and at least 9 soldiers, according to the United Nations Office for the Coordination of Humanitarian Affairs.

Og um skothríð Ísraelsmanna stendur

From September 2005 through May 2007, the same period covered by the rocket attack statistics cited above, the IDF fired 14,617 artillery shells into Gaza. This fire killed at least 59 people, wounded another 270 people, and did significant damage to many civilian structures .... .... Most of the artillery shells that the IDF fired into Gaza in this period landed in open areas, and the great majority did not result in civilian casualties

Hér sjáum við að menntamálaráðherrann, sem hefur nýlega háskólagráðu, getur ekki greint eða lesið texta rétt. Hún heldur því fram að tölur Human Rights Watch séu frá árinu 2007. Þær eru frá 2005-2007. Hún talar um eldflaugar beggja aðila, en skýrslan með öllum sínum villum talar greinilega um "rockets" Palestínumanna,  en "artillery shells"  Ísraelsmanna.  Þar að auki nefnir Katrín Jakobsdóttir ekki að flestar „artillery shells" sem Ísraelsher skutu inn í Gaza á þessum tíma hafi lent á opnum svæðum og það með ásetningi. Ísraelmenn stefna ekki að útrýmingu Palestínumanna eins og Hamas stefnir að útrýmingu Ísraelsmanna og gyðinga.

Hún segir okkur heldur ekki frá því að Hamas hafi myrt fleiri af sínum meðbræðrum á þessum tíma, en þeim fjölda fólks sem talið er að grandað hafi verið af ísraelskum kúlum.  Hún segir okkur ekki frá þeim fjölda fólks sem Hamas hefur grandað með vopnum sem sprungu „fyrir slysni" áður en átti að drepa Ísraelsmenn með þeim. Hún nefnir ekki múrinn/vegginn/girðinguna sem komið hefur í veg fyrir hryðjuverk í Ísrael. Vegginn sér hún sem aðferð Ísraels til að innlima land Palestínumanna.

Ég hef til gamans athugað hvort Katrín Jakobsdóttir hefur t.d. skrifað um skipulega slátrun barna og kvenna í Darfúr, en svo virðist ekki vera.

Katrín virðist því mjög lituð af fyrirframgefnum skoðunum sínum. Lituð af rauðum lit (sem er víst grænn í augum litblindra) og sem er litur blóðsins. Hún er lituð af hatri í garð einnar þjóðar. Það þykir mér ekki efnilegt fyrir Menntamálaráðherra eða ráðherra yfirleitt.

Bið ég því nú menntamálaráðherra að efla kennslu um helför gyðinga, sem Íslendingar lofuðu að þeir myndu gera á Alþjóðlegri ráðstefnu árið 2000. En loforðin voru auðvitað svikin (sjá hér, tilvitnun 44).


Aurahljóð

aurahljóð lille
 

Fyrsta sinn sem ásjóna mín birtist í fjölmiðli var þriðjudaginn 11. nóvember 1969. Þá var ég rúmlega níu ára. Myndin af mér birtist þá í Vísi heitnum. Á baksíðunni, hvar annars staðar? Undir myndinni af mér og aurapúkunum í Myntsafnarafélaginu mátti lesa þetta:

AURAHLJÓÐ

Myntsöfnun færist nú mjög í aukana og er nú svo komið, að ýmsar gamlar islenzkar myntir eru fáséðar nema í söfnum, svo sem elztu eins- tveggja og fimmeyringar, krónur og tveggjakrónupeningar. Félag myntsafnara, sem stofnað var í fyrra, hélt nú um helgina skiptifund í Hábæ. Á myndinni sjást nokkrir félagsmenn virða fyrir sér gamla mynt. Eins og vænta mátti var á þessum fundi talsvert aurahljóð, hringl í koparhlunkum, sem kosta nú orðið par hundruð þeir sjaldfengnustu. Formaður Félags myntsafnara er Helgi Jónsson, smiður.

Ég man vel eftir fundum í nýstofnuðu Myntsafnarafélaginu fyrst í Hábæ og síðar í Oddfellow húsinu. Ég fór á þessa fundi með pabba, þó ég hefði ekki mikinn áhuga á mynt. Ég man líka, að þar heyrði ég fyrst orðin "helvítis gyðingurinn þinn", sem einhver óheflaður maður hreytti í föður minn vegna þess að pabbi vildi ekki selja honum pening á hlægilegu verði, sem þessi maður lagði til. Leigubílsstjóri nokkur, skemmtilegur karl sem alltaf var með olíuskán undir nöglum og jafnvel með olíugreitt hár, leiddi manninn í burtu og húðskammaði hann. Hann sást víst ekki mikið eftir það.

Ég skrifaði fyrstu ritsmíð mína, sem gefin var út, fyrir sýningarskrá myntsýningar félagsins í Bogasal Þjóðminjasafnsins, sem haldin var árið 1972. Ritsmíðin mín hét "uppáhaldspeningurinn minn" og fjallaði um Jóns Sigurðssonar gullmyntina frá 1961. Réttast er að greina frá því að sá gullpeningur var í meira uppáhaldi hjá föður mínum en mér, en hann hóf snemma myntsöfnun, jafnvel fyrir stríð í Hollandi.

Wim 2

Í myntsafnarafélaginu voru margir fyrirtaksmenn og vonandi er það svo enn. Annar formaðurinn, Helgi Jónsson smiður, var gamall neftóbakskarl með áhuga á öllu gömlu. Það var gaman að tala við gömlu mennina. Einn hét Guðbjartur og gekk  með forláta staf, sem ég er nú búinn að gleyma hvernig leit út. Þarna var líka Ungverji, dökkur og þéttur Magyari, sem reykti álíka svera vindla. Hann kom nokkrum sinnum í heimsókn á heimili foreldra minna. Eitt sinn kom  í ljós að fjölskylda þessa manns hafi verið verulega nasísk á stríðsárunum og faðir þessa manns hengdur fyrir samvinnu sína við Þjóðverja. Meðan hann lýsti því fyrir föður mínum og mér, lýsti kona hans fjálglega óbeit sinni á útlendingum og sér í lagi blönduðum hjónaböndum fyrir móður minni. Ekki mun þetta fólk hafa komið aftur á heimili okkar.

En sérstaklega man ég eftir Sigurjóni Sigurðssyni, sem var kaupmaður í lítilli hornverslun á Snorrabraut sem hét Örnólfur, sem frægur var fyrir að hafa opið um helgar í trássi við einokunarreglur sem stærri verslunarkeðjur höfðu komið á. Sigurjón var afar góður og vandaður maður, barngóður og góður vinur föður míns. Hann var einn af þessum mönnum sem maður man alltaf eftir, því það var eitthvað gott yfir andliti hans. Hann kom oft í heimsókn til að skoða myntir föður míns.


Gyðingahatur er enn leyft á blogginu

Það verður að viðurkennast, að fólk sem bloggar er flest með einhverjar lausar skrúfur. Sumir eru minna hertir en aðrir og sumir eru illa forskrúfaðir. Aðrir eru hins vegar alveg búnir að tína flestum skrúfum og fittingum og mikilvægir partar er jafnvel farnir að hrynja af.

Þorsteinn Þorsteinn Scheving Thorsteinsson 

Þetta versta stig á líklega við um Þorstein Scheving Thorsteinsson.  Nafnið hljómar eins og þarna sé á ferðinni einhver ættarlaukur með ljómandi og svalandi framtíð fyrir sér. Ekki þekki ég neitt til mannsins. En hann hefur greinilega eytt framtíð sinni í nýnasistarugl, firru Ku Klux Klan og fáránleika gyðingahaturs. Það voru vitanlega oft rotnir laukar í poka frá kjörbúð SS og ekki held ég að ættmenn Þorsteins séu mjög sammála Þorsteini frænda sínum á blogginu. Líklegra er að kóngulær haturs hafi vafið Þorstein í net sitt, eins og klámfætlan vefur öðrum um fætur sér. Veraldarvefurinn getur verið hættulegur þeim sem ekki geta greint á milli rétts og rangs, á milli sannleika og lygi. 

Þorsteinn stundar einkennilegt samlífi við hatursmenn Ísraels og gyðinga á blogginu. Í hvert sinn sem einhver skrifar um Ísrael - og oftast er það ljótt og hatursfullt - er Þorsteinn kominn með langar runur af tilvitnunum í hitt og þetta sem hann hefur villst í á netinu, og sem hann trúir sem nýslegnum túskildingi.

Þorsteinn vitnar t.d. í orð, sem hann heldur fram að Nóbelsverðlaunahafinn Menachem Begin hafi látið eftir sér.

Begin á að hafa sagt: Our race is the Master Race. We are divine gods on this planet. We are as different from the inferior races as they are from insects. In fact, compared to our race, other races are beasts and animals, cattle at best. Other races are considered as human excrement. Our destiny is to rule over the inferior races. Our earthly kingdom will be ruled by our leader with a rod of iron. The masses will lick our feet and serve us as our slaves."

Þetta hefur Menachim Begin aldrei sagt. Þessi orð tilheyra Texe Marrs, sem er öfga"kristinn" gyðingahatari og helfararafneitari í Bandaríkjunum. Þessi fölsuðu orð Menachims Begins birtust fyrst á heimasíðu Marrs. Þar er að finna alls kyns falsupplýsingar um gyðinga, sem Marrs hatar eins og pestina. Marrs hefur aldrei sagt mönnum hvar Begin á að haf látið fyrrgreind orð falla, og Þorsteinn, sem er afar sólginn í allar "upplýsingar" Marrs, getur heldur ekki upplýst neinn um það. 

Marrs vitnar reglulega í falsrit frá 19. öld, sem íslenskur jafnaðarmaður, já alíslenskur jafnaðarmaður og Alþingismaður, Jónas Gumundsson, lét prenta  árið 1951 undir heitinu Samsærisáætlunin mikla; Siðareglur Zíonsöldunga). Það rit notuðu m.a. rússneskir keisarar og rússneska kirkjan til að ofsækja gyðinga, myrða þá og hrekja þá á braut. Í opinberri yfirlýsingu Hamas hryðjuverkasamtakanna frá 1988 er reyndar einnig vitnað í þetta rússneska falsrit gyðingahatara frá lokum 19. aldar (þekkt á ensku undir heitinu The Protocols of the Elders of Zion). Sjá frekar hér.

Marrs hefur einnig lagt mörgum öðrum gyðingum orð í munn, t.d. Nóbelsverðlaunahafanum Elie Wiesel, sem nasistum tókst ekki að útrýma. Elie Wiesel hefur helgað líf sitt upplýsingunni um helförina. Nú reynir Þorsteinn Scheving Thorsteinsson á Íslandi að útrýma Elie Wiesels á moggablogginu með svínaríi frá einum frumstæðasta forarpytti BNA. Enginn grípur inn í þetta og fjölmargir bloggarar leyfa meira að segja Þorsteini Scheving Thorsteinssyni að valsa með hatur sitt á síðum þeirra. Nokkrir eru jafnvel sammála honum, og þar á meðal svokallaðir gæðabloggarar Moggabloggsins.

buchenwald-prisonersWIESEL 

Fangar í Buchenwald. Elie Wiesel er lengst til hægri í efri bás. Þorsteinn Scheving Thorsteinsson er með lygaáróðurum Elie Wiesel á Morgunblaðsblogginu.

Þorsteinn Scheving Thorsteinsson sem stundar gyðingahatur og svívirðingu á trú gyðinga, gefur í skyn að helförin (Shoah) hafi ekki átt sér stað og sem telur Osama bin Laden vera fórnarlamb samsæris gyðinga er enn að á Morgunblaðsblogginu. Er það ekki næg ástæða til að útiloka Þorstein Scheving Thorsteinsson frá blogginu?  Menn hafa verið reknir héðan af moggablogginu fyrir að vitna beint og orðrétt í Kóraninn. En um gyðinga má greinilega segja allt og skrifa á Íslandi, sér í lagi á Moggablogginu. Getur þetta verið rétt?

Þorsteini er eins og nasistum Þýskalands og einfeldningum nútímans, sem styðja hópa sem vilja útrýma Ísraelsríki, gjarnt á að tala um gyðinga sem Guðs útvöldu þjóð.  Nú leggja gyðingar reyndar ekki sömu merkingu í orðin Am Nivchar ,"Guðs útvalda þjóð", og hatursmenn gyðinga. Gyðingahatarar hafa lagt rasíska meiningu í þessi orð, eftir að kristnir gyðingahatarar tönnluðust á þeim í aldalöngu hatri sínu. Ég hef margsinnis bent hatursfullum áhangendum Hamas og Hizbullah á Íslandi, sem einnig eru uppteknir af hinni "Útvöldum þjóð" (sem þeir stefna að því að eyða), á að kynna sér túlkun gyðinga á Am Nivchar. En þegar hatrið er annars vegar, er skilningurinn sljór. Vel menntaðir menn og prestar á Íslandi hafa einnig verið með háðsglósur gegn gyðingum og Ísraelríki. Hvar eru mannréttindaljósin á Íslandi? Ja, sumir þeirra taka reyndar þátt í níðingssöngnum um "Guðs útvöldu þjóð".

Þorsteini er einnig margtalað um Khazara. Kenningin um Khazara, sem eiga að vera ættfeður Ashkenaz gyðinga er fyrir löngu fallin um sjálfa sig. Margir Khazarar tóku gyðingatrú á 9. öld, en þeir eru ekki ættfeður gyðinga í dag nema að mjög litlu leyti. Gyðingar, sem eru Ashkenaz, eru náttúrulega stoltir af því að sumir forfeður þeirra voru Khazarar og að sumir Khazarar reyndust gyðingum vel, miklu betur en t.d. Íslendingar á fjórða áratug síðustu aldar.  Markmið Þorsteins með því að vifta Khazarkenningum, er að halda því fram að gyðingar sem í dag búa í Ísrael séu ekki afkomendur þeirra gyðinga sem hraktir voru frá landi sínu fyrr á öldum; Að þeir eigi þess vegna engan rétt til búsetu  í Palestínu. Palestínuvinirnir geta vart haldið vatni yfir þessari speki Þorsteins. Þorsteinn á t.d. ungan Moggabloggvin af góðum Sjálfstæðismannaættum, sem tók þátt í "friðarráðstefnu" múslímska bræðralagsins í Kaíró, sem hefur útrýmingu Ísraelsríkis á dagsskrá sinni.

Erfðafræðirannsóknir hafa sýnt, að Khazarakenningin á ekki við nein rök að styðjast. DNA rannsóknir hafa reyndar líka sýnt, að þeir sem bera nafnið Ashkenazi og lík nöfn, eins og landsmaður okkar, píanósnillingurinn Vladimir, eru flestir hverjir komnir af þeim meiði gyðinga sem geta rakið ættir sínar til Spánar og Portúgal, til Norðurafríku og Austurlanda nær.

Þorsteini er einnig annt um að greina okkur frá því, að til séu gyðingar sem ekki eru zíonistar og sem séu mótfallnir Ísraelríki. Því er ekki hægt að neita, að fámennur hópur Satmar-gyðinga, skyldleikaræktaðs ofsatrúarsafnaðar frá Rúmeníu langar helst að búa áfram í gettóum í svörtustu Austur-Evrópu í fötum frá 18.öld og láta kósakka og nasista slátra sér eða nauðga. Satmar-gyðingar, sem ekki viðurkenna Ísraelsríki, eru ekki einu sinni komnir af Khazörum.

Fyrir utan þá rasísku frasa sem Þorsteinn veður í,  ræðst hann með fúkyrðum, lygum og ósóma á trúa gyðinga og trúarrit.

Ég bið virðulega umsjónamenn Morgunblaðsbloggsins og lögfræðing blaðsins að hafa samband við Þorstein Scheving Thorsteinsson og kynna honum lagaramma hegningarlaganna og biðja hann að fara með ósóma og hatursræðu sína um trú, trúarrit, uppruna, orð og ríki gyðinga annað en á Moggabloggið.

Við lifum á 21. öld og Morgunblaðið verður að fara að fylgjast með. Það telst hvorki til  mannréttinda né ritfrelsis að svína gyðinga til. Mannréttindasáttmáli SÞ varð m.a. til í minningu 6.000.000 gyðinga, sem voru fórnarlömb manna sem hötuðu gyðinga og trú þeirra og kyn. Er mönnum stætt að trampa á minningu fórnarlamba Helfararinna á Morgunblaðsblogginu?


Al-Dura leikþættinum er lokið

Falsað frímerki
 

Einn helsti píslavottur Palestínumanna er Mohammad al-Dura, drengurinn sem sagður er hafa verið myrtur af Ísraelskum hermönnum árið 2000.

Sjónvarpsstöðin France 2 sýndi upphaflega sundurklippta upptöku sína frá meintum dauðdaga drengsins. Dauði hans var sagður hafa orðið er hann og faðir hans lentu í skothríð á milli Ísraela og Hamas-liða við landamæri Gaza.

Síðan þá hafa margir haldið því fram, að mynd France 2 hafi verið klippt þannig að halda mætti að drengurinn hafi látist. Aðrir hafa sýnt fram á að ekki sé hægt að sýna fram á að drengurinn hafi í raun dáið. Enn aðrir hafa sýnt fram á að drengurinn hefði ekki getað verið skotinn af ísraelskum hermönnum, heldur aðeins af Palestínumönnum.

Hér  er hægt að lesa um málið.

En nú hefur ARD sjónvarpsstöðin þýska gert enn eina rannsókn, sem sýnir að frétt fransk-ísraelska sjónvarpsmannsins Charles Enderlins, hafi verið svindl og prettir frá upphafi.  Áður hafði verið sýnt fram á að fráklippur sem Enderlins sagði sýna dauðateygjur drengsins sýndu ekki dauða hans. Þvert á móti. Mælingar á myndum af drengnum sem sést í skotárásinni hafa verið bornar saman við mynd af andliti drengsins sem sýndur var fréttamönnum í líkhúsi og því haldið fram að væri Muhammad al-Durra. Sérfræðingar sem ARD hefur leitað til segja að ekki um sama dreng að ræða.

Kvikmyndin var sýnd 4. mars sl. á ARD. Ætli RÚV þori að sýna þessa heimildamynd?

Hér er það helsta sem fram kemur fram í myndinni:

Thanks to a biometric analysis of the faces, it has been proven that the boy who was filmed by France 2 is not the boy presented at the Gaza morgue and buried later. The eyebrows and the lips are very different. 

• The German TV used the lip-reading technique to read the father's lips. They discovered that Jamal al Dura gave instructions to the people who were behind France 2's cameraman during the filming of the scene. 

•  The boy filmed by France 2 moves a red piece of cloth down his body for no specific reason. 

• In France 2's news report, there is no blood - neither on Mohammed nor on Jamal al Dura's body, whereas the two were supposed to have received 15 bullets all together. 

• The boy shown at the funeral as Mohammed al Dura arrived at the hospital before 10am, whereas France 2's news report was filmed after 2:30pm. 

Úti er ævintýri.  En lygin mun örugglega lifa áfram og verða notuð til að deyða fólk og sannleikann.

Ég treysti ekki Boga Ágústsyni og RÚV, svo hér getið þið horft á heimildamyndina í fimm hlutum:

1. hluti:

 

2. hluti http://www.youtube.com/watch?v=rs8mhfSWmbc&feature=related

3. hluti http://www.youtube.com/watch?v=BoJeHz2QHtE&feature=related

4. hluti http://www.youtube.com/watch?v=kuo_SOKhxEw&feature=related

5. hluti http://www.youtube.com/watch?v=Ds0XEoMh4mM&feature=related

Hér einnig eldri analýsa: http://www.youtube.com/watch?v=DzsCBFhCsyY&feature=related


Næsta síða »

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband