Leita í fréttum mbl.is

(Nasjónal)sósíalsimi í réttu ljósi

 

HitlerStlinminiatures

Það er ekki lengur óalgengt á Íslandi að maður sjái svona ósóma eftir svokallaða vinstrimenn. Vésteinn Valgarðsson, sem ritar þetta, er að eigin sögn mikill friðarsinni. Mér er ómögulegt að sjá það.

Mig langar að benda á góða grein eftir vin minn Manfred Gerstenfeld, sem stýrir riti sem ég hef skrifað tvær greinar í. Grein hans, sem hann kallar Holocaust Trivialization, kom formlega út í dag. Í henni getur maður getur lesið dæmi um hinar mismunandi aðferðir sem óprúttnir menn og óvitar nota til að gera lítið úr Helför gyðinga, hvernig hún er misnotuð og örlög milljóna manna eru vanvirt  og tengd flatneskju og öðrum málstað eða baráttum, sem ekki kemur örlögum 6 milljón manna við.

Hvað fær menn t.d. til að líkja banni þýskra yfirvalda á hættulegum bardagahundum við helför gyðinga?

Það gerist líka iðulega að fórnalömb Helfararinnar eru vanvirt af fólki sem líkir örlögum gyðinga í Seinna stríði við hryðjuverkamenn, sjálfsmorðssprengjumenn nútímans og örlögum þeirra við lélegan öfgamálstað nútímans. Svo eru til karakterar sem eru í beinu sambandi við ríki og hafa skilning á þjóðhöfðingjum sem afneita Helförinni. Vésteinn Valgarðsson er t.d. nýbúinn að vera í Egyptalandi, sem er einræðisríki þar sem gyðingahatur er sýnt í sjónvarpinu. Vésteinn fór á ráðstefnu um frið í Egyptaland. He he! Mönnum er líka bannað að blogga á Egyptalandi. Ætli Vésteinn hafi mótmælt þessu þegar hann var í skugga píramídanna?

Saklaust fólk, sem allar bjargir voru bannaðar er ekki hægt að líkja við ríki öfgasamtaka, sem hafa útrýmingu gyðinga á dagsskránni líkt og nasistar fyrir 65 árum síðan. Ísraelsríki er ekki hliðstæða Þriðja Ríkisins. Og fyrir þá sem styðja Amadinejad i Íran, þá upplýsist hér með að Helförin átti sér stað.

Hvenær hætta íslenskir vinstrimenn þessum ósköpum? Eru þeir ekki með öllum mjalla? Er arfur nasismans svo lokkandi að þeir þurfi að eftirapa hann, eða er bara svona lítill munur á nasíónalsósíalisma og sósíalisma?

Einn argasti gyðingahatari Íslands eftir Síðari Heimsstyrjöld var kratinn, Alþingismaðurinn og embættismaðurinn Jónas Guðmundsson. Hann gaf út rit sem voru morandi í gyðingahatri. Á heimasíðu Alþingis er ekki minnst einu orði á þessar einkennilegu kenndir Jónasar.  Skrif hans og útgáfa hafa vonandi ekki á sínum talist til góðrar latínu á Íslandi? Margir keyptu tímarit rit Jónasar, Dagrenning, sem út kom í 12 ár, og bókasöfn höfðu fjölda eintaka af ritum hans til láns.

Jónas Guðmundsson

 Jónas Guðmundsson, krati sem gaf út andgyðingleg rit eftir Heimstyrjöldina síðari.

Hvað gerist í kollinum á sumum vinstrimönnum og hvað gerist stundum í kollinum á sumum Íslendingum? Bara að ég vissi það.


« Síðasta færsla | Næsta færsla »

Athugasemdir

1 Smámynd: Árni Matthíasson

Ekki gleyma ritinu Samsærisáætlunin mikla - Siðareglur Zionsöldunga sem Jónas gaf út 1951.

Formálinn á því riti, sem er eftir Jónas, er ævintýraleg steypa, svo mikið bull reyndar að maður efast um geðheilsu mannsins og spyr sjálfan sig hvernig á því stóð að Alþýðuflokksmenn fólu honum svo mörg trúnaðarstörf.

Árni Matthíasson , 1.5.2008 kl. 19:28

2 identicon

Skrítinn færsla Vésteini Valgarðsyni. Hann hefur ekki lesið mikið um Ghettoið í Varsjá. Það hef ég svo sem ekki gert heldur en mig minnir að SS hafi ætlað að útrýma öllum íbúum þar og tæma hverfið í áföngum. Minnir að aðgerðin hafi verið tengd við Einsatz Reinhard. Þessi hryllingur endaði svo með uppreisn í ghettoinu og þýskir SS hermenn drápu alla sem þeir náðu til. Enda réðust þeir inn með brynvörðum bílum og þungvopnuðu fótgönguliði. Gyðingarnir voru stráfelldir og margir drepnir bara af því að þeir voru þarna. Þeir sem teknir voru höndum var smalað í útrýmingabúðir. Þetta var mikil sorgarlesning allt saman og þrátt fyrir að ástandið sé slæmt á Gaza er það ekki sambærilegt við það helvíti sem gyðingum var skapað í Varsjárghettoinu. Það líka afar hæpið að líka Ísrael við þriðja ríki Adolfs Hitler skil bara hvernig fólki dettur það í hug.

Friðþór Sófus Sigurmundsson (IP-tala skráð) 1.5.2008 kl. 23:44

3 identicon

Hvaða gyðingaárátta er þetta? Það hafa ótal aðrar þjóðir lent í útrýmingarherferðum og ofsóknum, þar á meðal Palestínumenn nú á dögum. Eru gyðingar eitthvað helgari en annað fólk? Geta þeir ekki verið böðlar? Bara fórnarlömb? Sakleysið uppmálað?

Einar (IP-tala skráð) 2.5.2008 kl. 02:18

4 Smámynd: Vilhjálmur Örn Vilhjálmsson

Sæll Friðþór,

ástæðan til þess að fólk gerir þetta, leyfir sér slíka fantasíu, er þegar það er sokkið í pytt pólitískrar ofurmennsku.

Kommar, líkt og nasistar, fullvissa nefnilega sjálfa sig um yfirburði yfir öðrum á öllum sviðum. Atgervi þeirra, hugsanir, skoðanir, ja allt, er betra en hjá lýðnum, sem ekki hefir móttekið fagnaðarerindi þeirra. Þetta er auðvitað sjálfsblekking, en það geta komið margir undarlegir og hryllilegir hlutir út úr henni. Þess vegna verður hatrið á ákveðnum hópum, sem hefur öfgahugsjónir eða "frelsishugsjónir" meira ýkt en hjá venjulegu fólki sem ekki trúir á öfgar "hugsjónarinnar". Það er eins og stóru -ismarnir til hægri og vinstri þurfi að hata til að þrífast

Vilhjálmur Örn Vilhjálmsson, 2.5.2008 kl. 04:34

5 Smámynd: Bjarni Kjartansson

Vilhjálmur, ert þú ekki að lýsa ykkur Semitistunum?  þegar þú lýsir hugarheimi komma og nazista?

Mér hefur nú virst þð af lestri greina og þessháttar eftir einmitt júðaskeikjur og júðana* sjálfa.

*Nota nafngift Sálmaskáldsins sæla úr Passíusálmunum.

Öfgar eru nefnilega til beggja megin víglínunnar fyrir botni Mijarðarhafs.

Hvorugir eru hinum beetri í þeim efnum.

Miðbæjaríhaldið

að sínu mati gersamlega laus við öfgar, (sem eru öfgar útaf fyrir sig)

Bjarni Kjartansson, 2.5.2008 kl. 10:08

6 Smámynd: Loftur Altice Þorsteinsson

Það er ekkert nýtt að menn sigli undir fölsku flaggi og fáir hafa náð meiri leikni í þessu, en kommúnistar. Að stærstum hluta fellur þessi hráskinnsleikur undir fræðiheitið "siðferðileg afstæðishyggja" (moral relativism). Þjónar Allah (Abdullah) beita siðferðilegri afstæðishyggju af miklum móði, enda margir þeirra einnig kommúnistar.

Manfred Gerstenfeld notar orðin "trivialization" og "distortion" yfir ákveðna þætti siðferðilegrar afstæðishyggju. Það er gert lítið (trivial=þrí-vega) úr Helförinni, eða sannleikurinn skekktur (distorted). Ef menn hafa ekki ljóst fyrir sér, að verið er að beita þessum "samanburðarfræðum" til að fela staðreyndir eða brengla þær, verða viðbrögðin eðlilega fálmkennd. Abdullah nær þá árangri með blekkingum sínum.

Gegn siðferðilegri afstæðishyggju er einungis hægt að ná árangri með að afhjúpa aðferðafræðina. Þegar menn skilja hvaða orðaleikir hafa verið notaðir sjá menn skýrt að rökin eru byggð á sandi, þau standast ekki gagnrýna prófun. Raunverulega er verið að beita hliðstæðu þess sem nefnt hefur verið "hundalógík".

Ætli upphaflegt form hundalógíkur sé ekki eftirfarandi:

Einn hundur hefur einni rófu meira en enginn hundur. Enginn hundur hefur sex rófur. Þess vegna hefur einn hundur sjö rófur !

Manfred Gerstenfeld bendir réttilega á, að Al Gore og félagar hans í flokki umhverfis-flóna, beita ótæpilega umræddri aðferðafræði. Þetta er þeim mun fordæmanlegra, að Gore skortir verðugan málstað. Hann stundar fjárglæfra, sem seint réttlæta siðferðilegar blekkingar.

Í stuttu máli gengur siðferðileg afstæðishyggja því út á, að leggja einhverja hluti eða atburði að jöfnu. Hluti eða atburði sem eru alls ekki jafnir, en það þjónar einhverjum hagsmunum að svo virðist vera. Rökræða sem byggir á svona undirstöðu, er lævís og torgreind. Er nema von, að mönnum sárni þegar Helförin er notuð á þennan hátt, en að hluta til er það líka tilgangur Abdullah og hans líka.

Loftur Altice Þorsteinsson, 2.5.2008 kl. 10:12

7 Smámynd: Vilhjálmur Örn Vilhjálmsson

Bloggið þitt, Kristinn H. Guðnason, er auðvitað til fyrirmyndar. Ertu haldin skriftakrampa?

Vilhjálmur Örn Vilhjálmsson, 2.5.2008 kl. 12:06

8 Smámynd: Loftur Altice Þorsteinsson

Ég hélt einu sinni, að trúleysi væri öruggt merki um skynsemi. Eftir að hafa séð orðræðu Kristinns Hauks veit ég að svo er ekki. Þegar þessi bullukollur lét sjá sig á mínu bloggi, var bara um einn kost að ræða, loka á hann hið snarasta.

Er ekki annars furðulegt, að heita Kristinn og vera jafn and-Xristinn og Kristinn Haukur ? Hlýtur ekki að vera óbærilegt, að vera Guðnason og vera jafn and-Gvuðlegur og Kristinn Haukur ? Eru svona mannanöfn ekki hunda-lógík af verstu gerð ?

Hvað er þessi Kristinn Haukur Guðnason annars með margar rófur ?

Loftur Altice Þorsteinsson, 2.5.2008 kl. 12:40

9 Smámynd: Jón Magnús

Vésteinn er eingöngu að líkja ástandinu sem ríkir á herteknu svæðunum fyrir botni miðjarðarhafs við gettóin í Póllandi og það á að vera einhver rosalegur ofbeldisáróður sem gerir Véstein að einhverju allt öðru en þeim friðarsinna sem hann er.

Vilhjámur - eru engin takmörk fyrir því hvað þú getur tekið orð annara úr samhengi og rangtúlkað? 

Verð bara að taka undir orð Kristinns Hauks um þetta blogg þitt...

Jón Magnús, 2.5.2008 kl. 13:47

11 identicon

6 milljónir í útrýmingabúðum, 20 plús milljónir í Rússlandi, hundruðir þúsunda í Rúanda, hvítir þurrkuðu út frumbyggja í Ameríku etc, etc, etc.

Í sem stystu máli, fólki er skipulega útrýmt, þannig hefur það verið gegnum tíðinna og mun verða áfram. Mannskepnan er grimm og notar hugmyndafræði til að troða á öðrum. Ismar eru eins og hvert annað vopn, sérstaklega þegar þeir eru boðaðir úr fílabeinsturnum.

Maður spyr sig hvaðan þessi árátta kemur að hampa gyðingum yfir allt mannkynið? 

Ég er að hluta gyðingur en skósólarnir mínir snerta jörðina. Er það afþvi að ég er ekki nægjanlega ætthreinn? 

Í útrýmingabúðunum dóu líka sígaunar og þeir eru ofsóttir eins og pest í Evrópu enn í dag. Hver tekur auralausan málstað þeirra?

Magnús (IP-tala skráð) 2.5.2008 kl. 15:16

12 Smámynd: Vilhjálmur Örn Vilhjálmsson

Haukur Ísleifsson, grein Vésteins frá 2003 er ekkert annað en viðurstyggð. Ef þú ert ekki sammála mér, snaraðu henni þá yfir á ensku og sendu hana viðurkenndum stofnunum sem rannsaka gyðingahatur og sendu hana einnig til Daliu Ofer sem Vésteinn tekur sem gísl í byrjun greinar sinnar. Ef þú gerir það ekki, þá geri ég það. Gott að gera umheiminum grein fyrir því hvers konar menn frá Íslandi sækja "friðarráðstefnur" í Kaíró.

Vésteinn líkir Gasa við Varsjá 1940-43, til að misnota örlög gyðinga, og nýtir sér einnig brenglaða salmýkingu sína til að gera Ísraelsríki að Nasistaríki. Hann er illa að sér í sögu þeirra og helfararinnar. Hann ber saman smygl Gazverja og gyðinga í gettóum. Mikið ósköp á Vésteinn nú bágt. Veit hann ekki að flestir íbúar Gaza óska eftir eyðingu Ísraelsríkis , útrýmingu gyðinga og afneita jafnframt helför gyðinga. Þeir smygla fyrst og fremst vopnum, meðan börnum tókst stundum að smygla nokkrum kílóum af kartöflum inn í gettóin.

Haukur, ég held ekki að þú sért dómbær á gyðingahatrið í grein Vésteins. Þú virðist vera haldinn sömu blindu og hann. Saga gyðinga tengist á engan hátt þeim sem vildu og vilja þá feiga, ellegar þeim sem ekki viðurkenna tilvist þeirra og ríkis þeirra sem nú er 60 ára. Útrýmingar gyðingar á Gaza fyrr á öldum er greinilega eitthvað sem þú veist ekkert um. Múslímar myrtu gyðinga skipulega og hröktu þá í burtu. Það er eina samlíkingin sem hægt er að gera á milli Gaza og gettósins í Varsjá.

Jón Magnús og Hafþór Örn, samlíkingar Vésteins sýna ekki neina sérstaka friðarviðleitni. Frekar væri hægt að væna Véstein um lélegan smekk.

Mér þykir það aumt að það eina sem virðist drífa vinstrimenn á Íslandi er taumlaust hatur í garð eina lýðræðisríkisins í Miðausturlöndum.  En sjaldan hefur verið hægt að ásaka vinstri menn um vera lýðræðissinna miðað við öll þau morðríki sem þeir hafa stutt og dýrkað gegnum tíðina.

Vilhjálmur Örn Vilhjálmsson, 2.5.2008 kl. 15:17

13 Smámynd: Vilhjálmur Örn Vilhjálmsson

Magnús, ekki er ég að hampa gyðingum fram yfir allt mannkynið. Ég berst af gefnu tilefni gegn lítilsvirðingu og misnotkun á örlögum gyðinga sem einhverjir vinstri galgopar á Íslandi telja sig þurfa að vanvirða til að styðja við bakið á hryðjuverkum öfgamúslíma, sem vilja eyða Ísraelsríki. 

Þú segist vera af gyðingaættum. Um daginn kom nú einn slíkur í heimssókn og hann er enn ekki búinn að greiða betur úr gyðinglegum uppruna sínum en svo að allt endar í einhverjum bakara, Bernhöft, frá Holtsetalandi sem var mætavel kristinn aftur á víkingaöld og er svo heppinn að vera ekki með dropa af gyðingablóði í æðum.

Magnús þú skrifar: "Í útrýmingarbúðunum dóu líka sígaunar og þeir eru ofsóttir eins og pest í Evrópu enn í dag. Hver tekur auralausan málstað þeirra?" 

Það hef ég gert einn fárra íslendinga á bloggi mínu. Það hafa gyðingar gert og stutt baráttu sígauna fyrir rétti sínum.  Fremstu stuðningsmenn geng Apartheid stefnu í Suður-Afríku voru gyðingar og gyðingar hafa haft mest áhrif á lýðræði í fjölda landa. Hlutverk þeirra meðal þjóðanna er einu sinni meira heldur en Íslendinga.

Má skilja orð þín svo að þú gerir greinamun á auralausum málstað Roma og málstað gyðinga?

Kallinn minn, þú ert ekki gyðingur fyrir 5 aura, aðeins 100% íslenskur dóni. En ef þú ert skyldur þeim sem "valda þjáningu Gazverja" sem á að vera sú sama og þjáning gyðinga í Síðari Heimstyrjöld, væri gaman að vita hvaða veikleiki hefur hrjáð gyðingafjölskylduna sem þú ert komin af. Kannski þyrfti Kári Klón að athuga hvernig þú stökkbreyttist úr aurafullum gyðingi í glórulausan gyðingahatara.

Vilhjálmur Örn Vilhjálmsson, 2.5.2008 kl. 15:42

14 identicon

Ég get ekki annað en tekið undir þetta Vilhjálmur, þetta blogg Vésteins er vægast sagt athyglisvert.

Ekki gæti ég stutt málstað þar sem gjöreyðing heillar þjóðar er á stefnuskrá forsætisráðherrans.

Ég þekkti nú Véstein hérna í denn og hann veldur mér miklum vonbrigðum. Farinn að styðja hryðjuverkamenn.

Kveðja

EE (IP-tala skráð) 2.5.2008 kl. 16:03

15 identicon

Það má líka spyrja sig hvaðan kemur þessi árátta að drepa gyðinga gegnum söguna en gyðingahatur er ótrúlega lífseigt fyrirbæri og virðist lifa góðu lífi enn þann dag í dag. Hitler og kumpánar hans nýttu sér gyðingahatur í skipulögðum áróðri og ótrúlega fáir mótmæltu þeim boðskap þrátt fyrir að margir fremstu hugsuðir í Þýskalandi væru gyðingar. Nú virðist vera í tísku meðal annars á Íslandi að hallmæla Ísrael og gyðingum, tengja þá jafnvel við Bush og stríðsrekstur Bandarríkjanna í írak sem okkar ágættu stjórnvöld studdu eftirminnilega og mótmæli gegn þeirri ákvörðun, voru mun minna áberandi en blessaðir vörubílstjóranir. Legg til að vinstri menn verði sendir í sögutíma um helförina svo þeir átti sig aðeins á muninum á útrýmingarherferð nasista og stríði Ísraela við Arabaþjóðir við botn Miðjarðarhafs.

Friðþór Sófus Sigurmundsson (IP-tala skráð) 2.5.2008 kl. 16:09

16 identicon

Vilhjálmur, ég held ég að orð þín segi allt sem ég þarf að vita en það er að þú sért bísperrtur harðlínukall. 

Lestu kommentið mitt betur áður en að þú hoppar svona uppá nef þér. Þar segi ég að ismar séu eins og hvert annað vopn. Á það ekki við um báðar fylkingar á Gaza svæðinu? Ég er einmitt ekki að draga í dilka hér því það gengur ekki upp. Í mínum huga eru báðar fylkingar jafn brjálaðar útfrá vonlausri aðstöðu sem þær eru settar í. 

Ég nefndi hvergi að þú hampaðir gyðingum umfram alla. Þetta er bara það sem maður upplifir þar sem maður ferðast. Þeir njóta sértækar stöðu vegna helfararinnar. Það sem ég benti á var að þeir eru ekki eini hópurinn / þjóð sem hefur verið saxaður niður svo afhverju þeir umfram aðra?

Já gott og vel, þá hefurðu tekið málstað sígauna. Það ættu kannski fleiri að gera það í Evrópu í stað þess að þrengja endalaust að þeim. Það er samt áhugavert hvernig leiðsögufólk í Auswitchz gerir sér far um að taka sérstaklega fram að það voru fleir drepnir þar en bara gyðingar. 

Ekki vissi ég að það væru einungis gyðingar sem ættu aurana en fínt, þú veist augljóslega betur.

Hérna sko, þó þú sért íslendingur ertu ekki guð almáttugur.

Ok, ég er ekki gyðingur afþví að ég er fell ekki inní hugmyndafræðina þína. Vá, veistu hvað þú hljómar þarna eins og böðlar gyðinga. Þú kallinn ert bara nokkuð nálægt hreinræknun skal ég segja þér og mikið held ég að Kári Klón yrði glaður að hafa þig sem vin. Saman gætuð þið plokkað út hreinu og fínu genin og smellt saman fyrirmyndarfólkinu. Svo ertu að kalla mig dóna.

Ef það gerir mig að gyðingahatara að líta á gyðinga eins og annað fólk þá verður það bara að vera þannig. Í mínum huga eru þeir hvorki minni eða meiri. Það gerir mig sjálfsagt að hvítingjahatara, svertingjahatara, já líklega allskonar hatara samkvæmt þinni fílósófíu.

Magnús (IP-tala skráð) 2.5.2008 kl. 16:17

17 Smámynd: Vilhjálmur Örn Vilhjálmsson

Magnús IP, þú þarft ekki að sýna mér meira. Ég er búinn að sjá hvaða mann þú geymir. Þakka þér fyrir komuna og vona ég að þú haldir þig víðs fjarri í framtíðinni.  Mikið gleður það mig að gyðingdómur þinn var ímyndun.

Kristinn minn gerður það fyrir mig að skrifa um öll þessi ídentitíkræsis á þínu eigin bloggi. Nóg er nú plássið. Ertu nú viss um að rófan á þér sé ekki komin frá öðrum en prímötum? Ein af fyrstu bókunum sem ég las tveggja ára var um púka sem hét Láki. Láki var með hala. Ertu nokkur kominn undan Láka?  Mývatnssveit, aha, það skýrir jú líka ýmisleg. Hafðu það nú gott á blogginu þín. Ég hlakka til að þú farir að skrifa þar. Þú virðist hafa nóga andargift (loft), sem gagnast þér lítið hér.

Vilhjálmur Örn Vilhjálmsson, 2.5.2008 kl. 17:01

18 identicon

Vilhjálmur, það er gagnkvæmt, ég hef sjaldan séð jafn mikið hatur á mannfólki og hjá þér og hef engann áhuga á eyða í þig fleiri orðum.

Magnús (IP-tala skráð) 2.5.2008 kl. 17:14

19 identicon

Þetta er bara óforbetranleg gyðingadýrkun á hæsta stigi, sem birtist í mannfyrirlitningu gagnvart öllum sem ekki tilheyra "guðs útvöldu þjóð." 

EinarE (IP-tala skráð) 2.5.2008 kl. 19:02

20 Smámynd: Vilhjálmur Örn Vilhjálmsson

Illa þola kommar og síðustu daga heilagir sannleikann um ætternið við nasistana. Mikið er ég feginn að vera laus við þig Magnús . Færsla um komma sem nota sömu gildi og nasistar er greinilega í þínum hugarheimi "hatur á mannfólki". Ég bíð enn eftir upplýsingum um gyðingaættir þínar.

Ef betur er að gáð eru nasismi og sósíalistísk ráðsstjórn þær stefnur sem sýnt hafa hið versta hatur og grimmasta eðli mannsins. 

Vilhjálmur Örn Vilhjálmsson, 2.5.2008 kl. 20:14

21 Smámynd: kiza

Jæja og nú er það orðið eitthvað aðhlátursefni að vera ættaður úr Mývatnssveit..? hef nú ekkert hitt nema gott og áhugavert fólk þaðan.

Vilhjálmur; það er þekkt taktík hjá þeim sem hafa rökfræðilega "málað sig út í horn" að þeir byrja að ráðast á andstæðinginn með persónulegum ásökunum og tilraunum til að gera lítið úr þeim í stað þess að taka rökin fyrir; og með hlutlausu auga (rambaði algjörlega óvart inn á þetta blogg) þá virðist þú vera að gera nákvæmlega það.

Hvað þá að vísa í grein sem er skrifuð fyrir 5 árum síðan, dettur þér ekkert í hug að skoðanir hans hafi mótast eitthvað á þessum fimm árum?  Þetta er líka eitthvað sem hann skrifar á sínu persónulega bloggi, ekki einhver áróðursgrein fyrir stjórnmálaflokk.  Á að meina honum að hafa sínar skoðanir..?  Svo lítur ekkert út fyrir að þú hafir einu sinni haft manndóm í að láta hann vita af þessum umræðum og bjóða honum að verja sig?  Alltaf fjör að drulla yfir einhvern í laumi, eða hvað? 

kiza, 2.5.2008 kl. 21:30

22 Smámynd: kiza

Kristinn Haukur: Í raun og veru finnst mér það ekki skipta miklu máli, finnst alltaf jafn kjánalegt að dæma fólk eitthvað eftir því hvaðan það kemur, ber af sér einhvern fýlukeim ;)

Ég hef komið í Mývatnssveit en man ekki eftir því vegna ólæknanlegrar gelgju á þeim tíma, en það breytir því ekki að ég hef hinsvegar hitt ansi áhugaverða aðila þaðan...  

kiza, 2.5.2008 kl. 22:26

23 Smámynd: Vilhjálmur Örn Vilhjálmsson

Heiðinn OrðhengilsHaugur í Mývatnssveit og Kizulóra, þið getið haldið áfram hjali og mali á í símanum. Ég nenni ekki að lesa fólk sem er að tala um sjálft sig og ekki það sem ég skrifa. Þakka ykkur fyrir komuna og ég vona að þið hafið fengið nasaþefinn af því hve líkir kommar og heilagir sósíalistar eru nasistum þegar að afstöðu til Ísraels og gyðinga kemur. Það er megn óþefur af þeim kenndum og ekki nema von að þið hafið brugðist svona þóttalega við, því eitthvað kannist þið við í skrifum mínum, sem kemur við kaunin á ykkur.

Vilhjálmur Örn Vilhjálmsson, 2.5.2008 kl. 23:08

24 Smámynd: Loftur Altice Þorsteinsson

Er ekki málfrelsið dásamlegt ? Menn geta sagt það sem þeim finnst um náungann og svo um málefnin auðvitað líka. Það sem er þó allra skemmtilegast er, að beinlínis sjá menn reita hár sitt úr reiði eins og aumingja Kristinn Haukur.

Það eru nú ekki margir sem ég hef útilokað af mínu bloggi, en Heiðinn Haugur lyktar bara verr og verr. Ég hef því ekkert samvitskubit af að halda honum fjarri.

Ég ætla nú ekki að láta af mínu eigin trúleysi þótt ég þar með flokkist með Kristni Hauk. Samkvæmt hans upplýsingum erum við einnig báðir með rófubein, þannig að þessi skyldleiki allur leggur mér þungar byrðar á herðar.

Sá samanburður sem Vésteinn Valgarðsson gerir á bloggi sínu, 23 september 2003, finnst mér ósmekklegur svo ekki sé tekið dýpra í árinni. Þarna er um hreina siðferðislega afstæðishyggju að ræða. Það breytir engu um efni ritgerðarinnar, að nær 5 ár eru frá ritun hennar og Vésteinn kann að hafa skipt um skoðun (vonandi).

Auðvitað ber það vott um Gyðingahatur, að líkja saman aðstæðum Gyðinganna í gettóinu í Varsjá og Mujahidanna á Gaza. Gyðingarnir voru vopnlausir, vinalausir og merktir tortímingu í gasofnum Nazistanna. Mujahidarnir hafa gnótt vopna, eiga rúman milljarð múslima að vinum og engum dettur í hug að hrófla við þeim nema þegar þeir fremja einhver ódæði.

Dettur nokkurum í hug, að Vésteinn taki þessa samlíkingu af tilviljun ? Er ekki ljóst að hann sækir að Ísraelum með tilvísun til þeirra hörmunga sem trúbræður þeirra og hugsanlega forfeður máttu þola. Hvað sem segja má um aðstæður Arabanna í Palestínu, er krystal-tært að þær jafnast ekkert á við Helför Gyðinga. Ég dæmi það siðblindu að sjá ekki muninn.

Vésteinn setur einnig upp annan samanburð. Hann gerir því skóna, að Ísraelar hafi lært að beita ofveldi af Nazistum. Hann reyndar beitir einnig alhæfinga-tækni sinni gegn Þjóðverjum, þegar hann segir:

Rétt eins og það setur að manni að Þjóðverjar - sem áttu að heita 'siðmenntaðir' menn - skyldu drýgja jafn óhugnanlegan verknað og helförina, þá setur einnig að manni að í Ísrael - gyðingaríkinu sjálfu - skuli menn ekki virðast hafa dregið annan lærdóm af sögu Þriðja ríkisins en þann að allt sé hægt ef aðeins sé beitt nógu djöfulli miklu ofbeldi.

Það blasir við öllum sem vilja sjá, að Mujahidar eru ekki bara í Jihad í Palestínu heldur um allan heim. Evrópa er rétt að byrja að finna fyrir þessari plágu og með hjálp Naívista munu nærstu 1400 ár verða jafnvel erfiðari en síðustu 1400. Siðferðileg afstæðishyggja er eitt af tækjum Abdullah, til að villa á sér heimildir við að lauma heimsvaldastefnu Islams in á Evrópumenn.

Loftur Altice Þorsteinsson, 3.5.2008 kl. 10:23

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband