Leita í fréttum mbl.is

Bloggfærslur mánaðarins, september 2010

Lausnin liggur hjá Alþingi

Landsdómur

Landsdómur yfir aumingja Geir, eins og hann sé einhver stríðsglæpamaður, er dæmigerður íslenskur farsi.

Meðlimir hrunastjórnarinnar allrar, sem ekki eru þegar hættir á Alþingi, eiga allir að sjá sóma sinn í  að láta sig hverfa úr heimi stjórnmála á Íslandi í að minnsta kosti 10 ár.

Meðlimir hrunastjórnarinnar, Jóhanna Sigurðardóttir og Össur Skarphéðinsson sem hafa haldið áfram að skaða ímynd Íslands í núverandi ríkisstjórn, ættu alfarið að hverfa úr stjórnmálum í stað þess að gráta krókódílatárum yfir örlögum Geirs í beinni útsendingu.

Þetta er sem sagt spurning um samvisku fleiri einstaklinga en Geirs H. Haarde, og lausnin liggur hjá Alþingi. Hver þorir að bera fram tillögu um óhæfi meðlima hrunastjórnarinnar og brottvísun þeirra af þingi?


Nú er Stalín stoltur af börnunum sínum

roses-stalin
 

Hann hefði ekki getað ofsótt andstæðinga sína betur en lítilmennin sem nú sitja á Alþingi.

Eini dómurinn, sem vitglóra er í fyrir hrunastjórnina, er að allir sem í henni sátu, jafnt fífl, villingar, asnar, fávitar sem flaðurmenni, verði settir af í stjórnmálum og fái ekki að sitja á Alþingi í að minnsta kosti 10 ár. Þá erum við laus við þau, og þau laus við okkur, þjóðina sem þau nauðguðu með fínu gulldrengjunum. Allir ganga þá í burtu með æruna og glóruna í heilu lagi.

En að dæma einn mann sekan fyrir það stjórnmálalega umhverfi sem var á Íslandi fyrir hrun, er út í hött. Skríllinn í þinginu er búinn að brennimerkja Alþingi, og snúa þessari 1000 ára stofnun í ómerkileg sýndarréttarhöld að hætti Stalíns. Þessi atkvæðagreiðsla er eftir að verða skráð í kennslubækur sem aðhlátursefni komandi kynslóða.

Niðurstaða sú sem kom út úr sýndarlýðræði vinstrifasistanna á Íslandi í dag, er einn ljótasti blettur á sögu landsins. Villta flugfreyjan, kollótti horbóndinn að norðan og maðurinn sem flytur ruglræður hjá SÞ ættu öll að fara í langt frí og hitt pakkið með.


mbl.is Mál höfðað gegn Geir
Tilkynna um óviðeigandi tengingu við frétt

ESB kreistir makrílinn

Utanríkisþjónustan
 

Hafmeyjan hálfsigna frá Agios Nikolaos á Krít,  Maria Damanakis, var heldur betur berorð á fréttamannafundi í gær.

Kona þessi, sem hefur tekið miklum umbreytingum á vinstri vængnum líkt og Össur, Ögmundur og Ingibjörg Sólrún, er tækifærissinni af verstu gerð. Vanhugsuð stríðsyfirlýsing hennar í gær er eitt það vitlausasta sem sést hefur frá ESB á síðari tímum, en það sýnir nú í raun í tragikómísku grískri umgjörð, að ESB ætlar að pressa Íslendinga til blóðs og ráðast á okkur eins og mínótárinn, frændi Maríu á Krít, sem stangaði allt og alla í völundarhúsinu. Þó hún hafi verið að fara á fund í Abberdeen síðar í vikunni, var alveg óþarfi að friða skoska rugludalla með stríðsyfirlýsingu við smáþjóðir í Norðuratkantshafi.

damanaki in the fishnet
 

Damanaki eins og hún sér sjálfa sig

Gaman væri að vita, hvað ESB vill eiginlega að Ísland veiði lítið af "ESB-makríl", svo þau í Fjórða Ríkinu séu ánægð. Frau Maja Kirchner, þýsk Seemädchen, sem er aðalpappírryddari  fiskveiðinefndar ESB í makrílmálum, er reyndar heilinn á bak við þessa heift Damanakis, sem auðvitað veit ekkert um fisk en lærir mikið af Kirchner um þýska frekju og yfirgang, sem er orðið skrásett vörumerki í ESB.

Vestfirski freðfiskurinn Össur sendir diplómata sína undir stjórn Tómasar H. Heiðar, sem er rólyndur karfi af þýskum ættum frá Doggerbanka. Munu þeir víst halda tvo fundi með ESB um makrílmálin í október. Þeir verða að segja íslensku þjóðinni hvað þeir eru að spila um við Mariu og Maju í Brussell. Það er ekkert einkamál Össurar í biðstofu ESB. Þess verður að gæta, að sendimenn Íslands séu ekki persónulega í vasanum á starfsmönnum ESB, eins og sumum þykir líklegt - og starfi ekki eingöngu eftir boðum frá Össuri vegna ESB-gleði hans. Sem vinur óperu, og Wagners í móðurarf, ætti Tómas H. Heiðar að syngja meiri hetjutenór en hann hefur gert á undanförnum fundum um makrílinn. Hamartia Damanakis og Maja Valkyrja Kirchner með undirleik sekkjapípu er ekki mikið fyrir minn smekk. Ekki heldur íslensku þjóðarinnar.   

496308554_01724b8662  

Makrílnefndin frá ESB


Stoðtæki eða áróðurstæki ?

543189
 

Stoðtækjameistararnir, sem Össur Skarphéðinsson gerði fræga í annálaðri vestfirskri ræðu í New York, eru nú á leið til Gaza eftir að hafa borgað tollinn af ólöglegum innflutningi sínum. Sveinn Rúnar, leiðangursstjóri, hélt kannski að Ísraelsríki leyfði flutning til óvinveitts ríkis um land sitt fyrir ekki neitt. Líklega telur Sveinn Rúnar, í einfeldni sinni, að tollar séu séríslenskt fyrirbæri, en hann ætti að vita betur, maðurinn sem hefur skrifað greinina: Israel, Israel über alles. Hann getur ekki búist við öðru en smáupphæð út á það uppátæki.

Nú eru yfirvöld á Gaza líklega þegar búin að fá ljósmynd Morgunblaðsins, tekna af hirðljósmyndara blaðsins (sjálfum Sveini Rúnari), þar sem þessir ofsóttu smiðir standa hlæjandi við Grátmúrinn. 

"Gyðingarnir" Óskar, Anton og Johan Snyders, sem er frá Suður-Afríku, munu örugglega fá ánægjulega dvöl á Gaza. Á Gaza eru menn nefnilega fullvissir um að Ísraelsmenn reyni að gera fólk sem fær læknahjálp í Ísrael að njósnurum. Gott er að Sveinn Rúnar er með þeim til halds og stoðar, því annars myndu Gazverjar telja stoðtækjameistarana óvinveitta njósnara Ísraelsríkis - sérstaklega þegar þeir eru búnir að sjá myndina af þeim frá Mogganum.

Starfssemi stoðtækjameistaranna hlýtur að nýtast í mjög sérstæðum tilfellum, því samkvæmt Islamic Relief, þá gerðu þeir samning við Artificial Limb Center á Gaza, stoðtækjamiðstöð á Gaza, í apríl 2009 til eins árs til að sinna öllumsem vantaði gervilimi á Gaza. Til verkefnisins voru veittar 330.000 Evrur sem komu mest frá Royal Charity - Al Bahrain.

DSC_2580
Gervilimamiðstöðin á Gaza (Artificial Limb Center in Gaza), þar sem þessi mynd var tekin í apríl 2009, er búin að fá rjúkandi samkeppni frá Össur.

 

Þess vegna hlýtur leiðangur stoðtækjameistaranna frá Íslandi að vera afar sérstakur, enda eru íslenskir limir þeir bestu í heimi - er það ekki? Og það er alltaf skemmtilegt þegar íslenskur læknir fer í hlutverk gyðingsins frá Nazaret sem fékk lama menn til að ganga, án stoðtækja. En ekki held ég að íslenski læknirinn sé eins óeigingjarn í gerningum sínum og gyðingurinn forðum. Kannski var hann bara með Jerúsalem-heilkenni?

Mér er líka nær að halda, að margir á Íslandi þurfi á stoðtækjum að halda, einhverju sem hjálpar til að styðja við heilagarminnn í þeim sem eru of auðtrúa. T.d. þarf stubb á hjólum fyrir einhverja blaðamenn Morgunblaðsins, sem enn skrifa um gervifætur fyrir Gaza, þótt í tolluðum töskum stoðtækjameistaranna hafi aðeins verið verkfæri.

Ferð þessara manna er ekkert annað en Media Stunt.


mbl.is Gervifæturnir lausir úr tolli
Tilkynna um óviðeigandi tengingu við frétt

Ahmedinejad's Icelandic brother

Sómi

Ögmundur og Össur eru karlar sem helst vilja ekki ræða um vanda íslensku þjóðarinnar. Þeir masa í staðinn um Gaza, en vilja ekki axla ábyrgð á vitleysunni í sjálfum sér á Íslandi. Gyðingarnir í Ísrael er ásakaðir um allt sem illa fer í heiminum til að beina sjónum manna frá svaðinu á hlaðinu heima. Meðan aflóga Imba kennir Össuri um sambandsleysið við Björgvin Sig., er Össur í New York, að spreða svartagalli eins og hann væri bróðir Ahmedinejads. Heimurinn fær þó ekki að vita, að á Íslandi er Össur talin vera válegur gripur. Líklegt tel ég þó að menn hafi séð það eins og hann belgdi sig í pontunni í allsherjarsal SÞ. Örfáum mönnum á Íslandi er þó hlýtt til hans, eins og t.d. Ögmundi Jónassyni, sem segir hann Íslandi til sóma. Ekkert er greinilega eins gott til að styrkja böndin í ríkisstjórninni eins og ærlega gott spark í Ísrael með hjálp ömurlegs fjölmiðlastunts Sveins Rúnars Über Alles Haukssonar.

Össur er svo búinn að gera Ísrael að aðalóvini Íslands á vefsíðu Utanríkisráðuneytisins í yfirlýsingu sem kölluð er "Harkaleg gagnrýni á Ísrael". Þetta er næstum því eins og í Íran. Góðvinur minn í Ísrael, sem ég talaði við í gær, sagði: "He's just like Ahmedinejads younger brother". Ég varð að leiðrétta hann: "Neeh, he is more like Ahmedinejad's older brother". Ami er nefnilega fæddur 1956 en Sómi er fæddur 1953.

Harkalegur Sómi

Þeir Ögmundur og Sómi fárast út af gervilimum á Gaza, meðan sumt fólk á ekki í sig og á Íslandi. Þeir ljúga báðir, þegar þeir segja að gervilimina þurfi að nota á íbúa Gaza, sem hafa orðið fórnarlömb árása Ísraelsmanna á Gaza. Þeir vita vel að á Gaza eru allir sem misstu limi, og ekki líf sitt, í síðustu átökum þar, búnir að fá þá gervilimi og hjólastóla sem þeir þurfa á að halda.  Allt er fullt af gervilimum á Gaza. Svo mikið er reyndar af gervilimum á Gaza, að gervilimir frá Ísrael eru afþakkaðir. Heimildir af gnægð gervilimanna kemur frá Palestínumönnum sjálfum.  Ögmundur og Sómi kynna sér ekki málin, því tilgangurinn helgar meðalið. Þannig er það alltaf hjá öfgamönnum og þeim sem eru hörðustu stuðningsmenn Hamas í Evrópu.

Ég hef nýlega spyrt Ögmund mannréttindaráðherra, sem um árabil hefur borið blak af Hamas og öðrum öfgum, um álit hans á því að talsmaður Menningarmiðstöðvar Múslíma í Öskjuhlíðinni aðhyllist öfgaklerka sem breiða út svæsnasta kynþáttahatur, kvenfyrirlitningu, gyðingahatur og afneitun á helför gyðinga. Ögmundur og ráðuneyti hans vilja greinilega ekki staðfesta að ég hafi sent þeim erindið. Mér er ekki svarað af Mannréttindaráðuneytinu. Slík fyrirlitning hefur mér aldrei verið sýnd áður. 

Lágmarksmannréttindi ná ekki lengur yfir mig. En ráðherrann hefur greinilega nægan tíma til að masa um Gaza og ágæti hryðjuverkastjórnarinnar þar, en hann gerir það þó á sinni eigin vefsíðu, en er ekki búinn að hertaka heimasíðu Mannréttindaráðuneytis til að sparka í Ísrael eins og Sómi Íslands notar nú vefsíðu Utanríkisráðuneytisins. Ísland er orðið eins og ráðstjórnarríki austantjaldslandanna - en með betri veftengingu. Eins og menn kannski muna, voru gyðingar og Ísrael líka aðalóvinir þeirra ríkja. Þegar fimm ára áætlanirnar fóru út af sporinu var gyðingafár sett í gang. Nýlega gerði Pútín þetta gagnvart Milliband, þegar David Milliband var að gagnrýna Rússland. Sovétvélin í Pútín fór í drif og Pútín lét skrifa óhróður um afa Milliband-bræðra, sem reyndast barðist dyggilega fyrir Rauða Herinn. Hefðinni er haldið í heiðri - líka á Íslandi.


Islands udenrigsminister, Fru Ingibjörg Sólrún Gísladóttir: Islandsk økonomi - Solid og fleksibel

Good old Days

The Blaming Game er um þessar mundir mjög vinsæll samkvæmisleikur meðal íslenskra stjórnmálamanna. Í honum kenna menn hvorum öðrum um allt milli himins og jarðar - meðan íslenska þjóðin fær enga lausn sinna mála.  Það er að upplagi eðli stjórnmálamanna að kenna öðrum um. Þetta eru eins og illa siðaðir krakkar í sandkassa. Vita upp á sig skömmina, og benda á hina með horið hangandi úr nös.  Það eru hins vegar borgarar þessa lands sem munu dæma þetta fólk. Það gerum best í næstu kosningum.

Ingibjörg Sólrún Gísladóttir skilur alls ekki af hverju hún á sök í því hvernig fór á Íslandi. Hún gerir sér alls ekki grein fyrir ábyrgð sinni, enda er hún aðeins með BA próf í sagnfræði (og það frá HÍ). Vera má að hún hafi ekki leynt Björgvini mikilvægum upplýsingum, og allt sé Össuri að kenna (sem er nú afar líklegt). En hún er sek, ekkert síður en Össur og Björgvin - Ekki fyrir að baka pönnukökur í New York, þegar hún vildi komast í Öryggisráðið fyrir stórfé úr vasa íslenskra borgaranna, eftir að hún hafði gengið á línuna hjá helstu hryðjuverkaleiðtogum heimsins til að fá stuðning. Heldur ekki vegna þess að hún hefur logið svo oft að íslensku þjóðinni.

Ég held því fram að Ingigjörg hafi verið einn ötulasti talsmaður og verjandi ósómans í fjármálaumhverfinu á Íslandi. Í mars 2008 kom Ingibjörg Sólrún til Kaupmannahafnar og sat fund á Hotel Radison, og þar var líka mættur fjármálasnillingurinn Sigurður Einarsson og t.d. Sigurjón Sighvatsson. Efnið var Islands økonomi i fortidigt og fremtidigt perspektiv. Frú Ingibjörg er kannski búinn að gleyma því sem hún sagði þann dag. Dagsetningin var 11. mars 2008, kl. 15.30 til 18.00. Hún getur skoðað í vasabókina ef skammtímaminnið er farið. Þar var ekkert krepputal eða nokkur vafi í huga utanríkisráðherrans og hjartans vini hennar honum Sigurði Einarssyni Esq. of London. Heiti erindis Ingibjargar var: Islandsk økonomi - Solid og fleksibelEkki brothætt, heldur stöðugt og sveigjanlegt. Þetta sagðir þú sjálf, frú Ingibjörg Sólrún.

Rúmu árið fyrr, nánar tiltekið 8. - 9. janúar 2007, lét hún Valgerður heillin Sverrisdóttir, besta vinkona Ingibjargar, Svavar Gestsson halda ráðstefnu í Kaupmannahöfn í Industriens Hus i hjarta Kaupmannahafnar. Þar sátu í forsæti íslenskir fjárglæframenn og bandítar. Nefna má Sigurð Einarsson og Hannes Smárason. Íslandsvinurinn og stórmennið Uffe Ellemann-Jensen var fenginn til að stjórna sjóvinu fyrir einn laxveiðitúr til Íslands. Ólafur Ragnar, forseti vor, opnaði ráðstefnuna. Ekki vantaði nú lofið á íslenskt efnahagslíf. Það var "best", "heilbrigt", "frábært", "einstakt" og þar fram eftir götunum. Gagnrýni, sem heyrst hafði í Danmörku, "var út í hött".  Ráðstefnann bar yfirskriftina: Hvorfor er islandske firmaer så innovative, og giver det anledning til forundring? Forsetinn auglýsti hana á vefsíðu embættis sínsog sömuleiðis Viðsiptaráð Íslands.

Jú, frú Ingibjörg Sólrún þú ert sek, sek um einfeldni, hroka, lygar, fordóma, ólýðræðisleg vinnubrögð og valdníðslu. Allt gallar sem einkenndu flesta stjórnarliða á Íslandi síðustu 15 árin. Dæmi: Þegar skútan skökk á Íslandi, sast þú með klappstýrum þínum á Rauðarárstígnum á gamlárskvöld 2008 og skrifaðir bréf til að skamma kollega þinn í Ísrael og það í nafni ESB. Nei, áramótaskaupið þitt árið 2008 sýnir að þú ert því líka sek um firringu.

Sagan verður dómur Þinn. Íslendingar dæma hina pólitíkusana í næstu kosningum. Við dæmum nýtt fólk inn, sem ekki ber með sér skítaarfleifðina og hrokann frá fyrri árum. Það ætla ég að minnsta kosti að vona!


Össur lýgur hjá SÞ

Vilhjalmur's pensil

Í byrjun águst sl., eftir að ég í hálfgerðri kæti bendlaði Össur við góðsemi við dauðadæmda konu í Íran, hefur samviskan verið að drepa hann - og í gær, í New York, bað hann henni griða. Vísir.is greindi frá þessu, en kallar konunu hins vegar pakístanska. Who gives a damn, Iran, Pakistan - the same difference samvæmt Fréttablaðinu. Nú er visir.is búinn að lesa bloggið mitt og breyta þessu, en áður en það gerðist var það svona:

 

Ruglaðist á konum2

Nú vona ég að Össur láti undan í fleiri efnum og fari að hugsa og skrifa eins og ég um ESB málin.

Össur æsti sig hins vegar í New York yfir gervilimunum frá nafna sínum, og hélt því fram að líkamspartasmiðir frá Íslandi fengju ekki að búa til Össura undir Palestínumenn sem "hefðu misst fætur í átökum við Ísraelsmenn", svo notuð séu orð Visir.is.  Þeir um það bil hundrað einstaklingar, sem lifðu átökin af, en misstu útlimi á Gaza árið 2008-2009, eru allir búnir að fá gervilimi. Það er því enginn fótur fyrir því sem Össur segir um fætur Össurar á Gaza. Sykursýki og slys er aðalástæðan fyrir vöntun á gervilimum á Gaza. Sjá hér

Er Össuri stætt á því að standa í New York og ljúga eins og Amadinejad? Mér sýnist að utanríkisráðherra okkar hafi not fyrir góð stoðtæki til að skýra þetta ógeðfellda spark í Ísraelsmenn, sem er vart betra en ólundin í Amadinejad.


Sofið á verðinum

Untitled8
 

Fréttir herma, að Bandaríkjamenn og sendifulltrúar margra vestrænna ríkja hafi gengið af fundi, er vitleysingurinn Ahmadinejad byrjaði að láta illa í pontu hjá SÞ í gær.  

Spurningin er, hvort Ísland telst til þeirra vestrænu ríkja sem hunsuðu Ahmadinejad, eða hvort Össur og kompaní hans hafi sofnað undir seiðandi hörpuleik hatursmeistarans frá Íran? Í fyrra sátu íslenskir fulltrúar sem fastast er Ahmadinejad leysti af sér svartagall í Genf, og það gerðu íslensku diplómatarnir undir skipun frá ráðherra sínum. Sjá nánar hér.

Myndin af íslenska genginu gefur til kynna, að Íslendingarnir hafi heldur ekki gengið út undir ræðu morðingjans frá Teheran í gær. Þau sátu og dottuðu undir ræðu Mugabes, en voða er nú Össur þreyttur að sjá.


Íslenska gervilimasveitin í Gaza

löppin hans Lors

Eyjan, og aðrir fjölmiðlar greina frá því að þrír Íslendingar hafi verið stöðvaðir hluta úr degi í Ísrael með gervilimi, sem þeir ætluðu að taka með sér til Gaza. Það er allra góðra gjalda vert að fara með gervilimi til Gaza, sérstaklega þegar þarlendir hafna gervilimum frá Ísrael.

Eftir að meðlimir íslensku gervilimasveitarinnar voru stöðvaðir í Ísrael, fékk sveitin að fara til fyrirheitna landsins, vina sinna í Hamas, en án limanna, sem Eyjan greindi frá - þó svo að þetta séu víst töskur með tólum og tækjum til að búa til limi. Gervilimirnir/töskurnar með tólunum verða líklega við fyrsta tækifæri sendir til Gaza þegar búið er að gegnumlýsa allt og fullvissa sig um að ekki sé hægt að búa til sprengjur með tækjunum. Ísraelsmenn vita einnig, reynslunni ríkari, að hægt er að nota gervilimi til að smygla hverju sem er til Gaza. Frægt er orðið málið um Ullu Lyngsby í Danmörku, sem á sínum tíma reyndi að smygla vænni fúlgu af dollurum til PFLP í illa lyktandi dönskum osti, 45%. Peningana átti að nota til að drepa gyðinga. Eftir að hinn einfætti Lors skeit á sig í spreng á klósetti í Kaupmannahöfn eru gervilimir náttúrulega ofarlega í hugum manna, sem berjast við hryðjuverk. Heimurinn er nefnilega alls staðar miklu "vondari" en á Íslandi.

Meðlimir hópsins frá Íslandi, sem kom með limina til Ísraels, verða að skilja að öryggi Ísraelsríkis er stefnt í hættu af öfgamönnum þeir sem hafa stjórnað á Gaza síðan að Ísraelsmenn lokuðu landnemabyggðum sínum þar. Ef meðlimir gervilimasveitarinnar frá Íslandi gera sér ekki grein fyrir að þeir eiga í samskiptum við öfl sem opinberlega lýsa vilja sínum að drepa gyðinga og eyða Ísraelsríki, þá þarfnast þessir limir frá Íslandi ef til vill sjálfir einhverra hjálpartækja til að auka skilning og minnka hatur sitt og fordóma. Mig grunar nú, að þessar ferðir séu mestmegnis til skapa ógeðfelldan fréttaflutning af vondu Ísraelsmönnunum, svo gyðingahatarar geti gert athugasemdir á Eyjunni. Sjón er sögu ríkari, sjáið hér

Allir, sem nenna að kynna sér gervilimaástandið á Gaza, vita að um það bil 100 manns vantaði gervilimi í Gaza eftir síðasta stríð þar samkvæmt upplýsingum Palestinian Medical Relief Society (PMRS) og Artificial Limb and Polio Center in Gaza. Framboðið á limum hefur hins vegar reynst miklu meira en eftirspurnin. Allt er fljótandi í gervilimum á Gaza. En flestir sem þurfa á gervilimum að halda á Gaza eru sjúklingar með sykursýki, sem er öllu alvarlegra vandamál meðal araba en t.d. Íslendinga. Einn þeirra er Achmed á myndinni hér fyrir neðan. Vonandi fær hann einn hinna annáluðu gervilima frá Íslandi, en ekki einhver Hamas-limurinn, sem misst hefur líkamsparta vegna öfganna í sér. Ef limir frá Íslandi eru notaðir sem stoð undir Hamas, eru meðlimir íslensku gervilimasveitarinnar sem haldið var til hlés í Tel Aviv í gær, í annarlegum erindagjörðum.

Mér þykir það mjög klókindalega gert hjá Össur hf, sem aðstoðar með limina á Gaza, að nota annað fyritækjanafn en Össur, þegar þeir ferðast í Ísrael. Þeir vita, eins og er, að menn gætu ruglast á gervilimunum og Össur Skarphéðinssyni.

Ahmed

Lady GaGa á Íslandi

Lady and Sir GaGa
Var í djamminu með DJ Steina sem fékk í nösina í Hollandi

Næsta síða »

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband